Dauvunau 5:1 - Vakavakadewa Makawa

¹ Mo lewa vinaka na yavamu ni ko sa lako ki na vale ni Kalou, ia mo kusarawa mo vakarorogo, mo berabera ga ni vakacabora nai soro ni tamata lialia: ni ra sa sega ni nanuma era sa caka ca.

Ai Vola Tabu (Vakadewa Makawa Vakavoutaki 2021)

¹ Mo lewa vinaka na yavamu ni ko sa lako ki na vale ni Kalou, ia mo kusarawa mo vakarorogo, mo berabera ga ni vakacabora nai soro ni tamata lialia, ni ra sa sega ni nanuma era sa caka ca.

AI VOLA TABU

¹ MO raica vinaka na yavamu ni ko sa lako ki na vale ni Kalou, ia mo kusarawa me vakarorogo, mo berabera ga ni cabora nai soro vakai ira na lialia: ni ra sega ni nanuma ni ra sa caka ca.

Vakavakadewa Vou kei na iVola tale eso

¹ Qarauna vinaka na nomu i lakolako ki na vale ni Kalou. E vinaka cake mo la'ki vuli e kea mai na kena vakacabori na i soro eso me vaka era dau vakayacora na tamata lialia, ni ra sega ni kila na ka dodonu mai na ka e sega ni dodonu.

Ai Vola Tabu Ena Vakavakadewa Vou

¹ Qarauna vinaka na nomu i lakolako ki na vale ni Kalou. E vinaka cake mo la'ki vuli e kea mai na kena vakacabori na i soro eso me vaka era dau vakayacora na tamata lialia, ni ra sega ni kila na ka dodonu mai na ka e sega ni dodonu.

Dauvunau 5:1 Iomraidhean Croise

2 Veigauna 26:16

Ia ni sa kaukauwa mai, sa yalolevu mai me ca kina: ni sa talaidredre vei Jiova na nona Kalou, ka curu ki loma ni vale ni soro i Jiova me vakama na ka boi vinaka e dela ni cabocabo ni ka boi vinaka.

Jope 11:2

Me sega beka ni tabani yani na vosa e vuqa? Se na vakadonui beka na tamata dauvosa?

Jope 22:12

Sa sega beka ni tiko na Kalou mai na lomalagi cecere? Ia mo raica na kedra cecere na kalokalo, ni sa cecere vakaidina!

NA SAME 89:7

Sa rerevaki vakalevu na Kalou e na nodra i soqosoqo na yalododonu, Me vakarokorokotaki talega vei ira kecega era sa tiko vakavolivoliti koya

Lako Yani 3:5

A sa kaya ko koya, Mo kakua ni toro voleka mai ki ke: mo luvata tani na nomu i vava mai na yavamu, ni sa qele tabu na tikina ko sa tu kina.

Lako Yani 30:18

Mo cakava talega e dua na taqi parasa, a kenai tutu talega me parasa, me dauvuivui kina: ia me viritu e na maliwa ni vale ni veitavaki kei nai cabocabo-ni-soro, mo qai sova kina na wai.

Vosavakaibalebale 10:19

Ni sa levu na vosa ena sega ni yali na ka ca: Ia ko koya sa tarova na tebenigusuna sa vuku.

Vosavakaibalebale 15:8

Sa ka vakasisila vei Jiova na nodra i soro nai valavala ca: Ia na nodra masu na yalododonu sa vinakata ko koya.

Vosavakaibalebale 21:27

A nodra i soro na tamata ca sa ka vakasisila: Ka vakalevu, ni sa nanuma ca ko koya ni sa kauta mai.

Aisea 66:3

Ko koya sa vakamatea na pulumokau mei soro, sa vaka e dua sa yavita na tamata; ko koya sa vakacabora na lami, sa vaka e dua sa muduka na domo ni koli; ko koya sa cabora nai madrali, sa vaka e dua sa cabora na dra ni vuaka; ko koya sa cabora nai madrali boi vinaka, sa vaka e dua sa vosavakalougatataka na ka lasu wale. Io ko ira oqo era sa digitaka na nodra sala, ka ra sa vinakata e na yalodra na nodra ka vakasisila.

Vunau ni Soro 10:3

A sa kaya vei Eroni ko Mosese, Oqo ka vosataka ko Jiova, ni sa kaya, Au na vakatabui vei ira era sa toro voleka vei au, ia ka'u na vakarokorokotaki e na matadra kecega na tamata. A sa galu ko Eroni.

Cakacaka 10:33

O koya ga oqo ka’u sa talaki sara kina vei iko; ia ko sa caka vinaka ni ko sa lako mai. Keimami sa qai tiko kecega eke e na mata ni Kalou, me keimami rogoca na ka kecega sa vakarota vei iko na Kalou.

Cakacaka 17:11

A ra sa uasivi vei ira na kai Cesalonaika ko ira oqo e na yalo vakaturaga, ni ra sa vakarogoca na vosa e na loma e vinakata sara, a ra sa dauvakasaqaqara e nai Vola Tabu e na veisiga, se sa vakakina na ka oqori, se segai.

1 Korinica 11:22

Oi? sa qai sega beka na nomudou veivale mo dou kana ka gunu kina? se dou vakamaduataki ira beka sa sega na nodra, ka beca nai soqosoqo lewe ni lotu ni Kalou? A cava meu kaya vei kemudou? meu dokai kemudou li e na ka oqo? Au sa sega ni dokai kemudou.

Iperiu 10:26

Io, kevaka eda sai valavala ca ka sa yaloda kina, ni da sa kila oti nai vakavuvuli dina, sa qai sega tale e dua tani nai soro ni valavala ca:

Jemesa 1:19

O koya oqo, oi kemudou na wekaqu lomani, mo dou kusarawa yadua me vakarorogo, mo dou berabera ga ni vosa, mo dou berabera ni cudru:

Josua 5:15

A sa kaya vei Josua na Turaga ni valu i Jiova, Luvata na nomu i vava mai na yavamu, ni sa qele tabu na tikina ko sa tu kina. A sa kitaka vakakina ko Josua.