Dauvunau 4:8 - Vakavakadewa Makawa

⁸ Sa dua na tamata sa tiko duaduaga, ka sega na kenai karua; io, sa sega na luvena se na tacina: ka sa sega ni mudu na nona oga kecega; ka sa sega ga ni mamau na matana e nai yau; ka sa sega ni kaya, E na vuku beka i cei ka'u sa oca kina, ka vakatabuya na ka vinaka ki na yaloqu? Oqo talega na ka wale, io, sa dua na oca ca.

Ai Vola Tabu (Vakadewa Makawa Vakavoutaki 2021)

⁸ Sa dua na tamata sa tiko duaduaga, ka sega na kenai karua; io, sa sega na luvena se na tacina, ka sa sega ni mudu na nona oga kecega; ka sa sega ga ni mamau na matana e nai yau, ka sa sega kina ni taroga vakaoqo, “E na vukui cei beka ka'u sa oca kina ka vakuwai au kina mai na marau ni yaloqu?” Oqo talega na ka wale, ka cakacaka vakararawa.

AI VOLA TABU

⁸ Sa tiko e dua na tamata, ka sega na kenai sa; io, sa sega na luvena se tacina: a sa tawa mudu ga na nona veiogai kecega; a sa sega ga ni mamau na matana e nai yau; a sa sega ni kaya, E na vuku beka i cei kaʼu sa oca kina, ka vakatabuya na vinaka ki yaloqu? O qo tale na ka walega, io, sa dua na oca ca.

Vakavakadewa Vou kei na iVola tale eso

⁸ E dua na tamata e tu taudua voli ga. E sega ni bau dua na luvena se dua na tacina, ia sa cakacaka tikoga ka sa sega ni mamau rawa na yalona ena i yau sa tu vua. Sa cakacaka vakaukauwa ena vuku i cei o koya ka sa vakuai koya kina mai na marau? Sa sega talega na kena yaga na ka oqo ka sa dua na i vakarau ni bula vakaloloma.

Ai Vola Tabu Ena Vakavakadewa Vou

⁸ E dua na tamata e tu taudua voli ga. E sega ni bau dua na luvena se dua na tacina, ia sa cakacaka tikoga ka sa sega ni mamau rawa na yalona ena i yau sa tu vua. Sa cakacaka vakaukauwa ena vuku i cei o koya ka sa vakuai koya kina mai na marau? Sa sega talega na kena yaga na ka oqo ka sa dua na i vakarau ni bula vakaloloma.

Dauvunau 4:8 Iomraidhean Croise

Vakatekivu 2:18

A sa kaya na Kalou ko Jiova, Sa sega ni vinaka me tiko duadua na tamata: au na bulia e dua na dauveivuke e yaga vua.

NA SAME 39:6

E dina ni ra yaloyalo walega na tamata ni ra bula voli; E dina ni ra lomaocaoca e na ka walega: Sa daukumuna vata nai yau, ka sa sega ni kila, se ko cei ena taukena.

NA SAME 39:7

Ia oqo, kemuni na Turaga, a cava ka'u sa waraka tiko? Ka'u sa nuinui ga vei kemuni.

Vosavakaibalebale 27:20

Ai bulubulu kei na rusa sa sega ni mamau rawa; Sa vakakina na mata ni tamata, sa sega ni mamau rawa.

Dauvunau 1:13

Ia ka'u a segata e na lomaqu me'u qara ka vakatarotaroga vakavuku na ka kecega sa caka e ruku ni lomalagi: na ogaoga dredre oqo sa solia na Kalou vei ira na luve ni tamata me ra vakaogai kina.

Dauvunau 1:8

Sa levu na oca e na ka kecega; sa dredre vua na tamata me tukuna: sa sega ni mamau na matada ni da sa raica, se na daligada ni da sa rogoca.

Dauvunau 2:21

Ni sa dua na tamata sa daucakacaka vakavuku, ka vakayalomatua, ka dodonu; ia ena laiva ga me nonai votavota na tamata sa sega ni oca kina. Oqo talega na ka wale ka ca sara ga.

Dauvunau 2:23

Ni sa ka rarawa na nona veisiga kece, ka ka ni vutugu na nona oca; io, sa sega ni cegu rawa na lomana e na bogi. Oqo talega na ka wale.

Dauvunau 4:7

Ia ka'u a qai lesu tale ka kunea na ka walega e ruku ni mata-ni-siga.

Dauvunau 5:10

O koya sa lomana na siliva ena sega ni mamau e na siliva; se ko koya sa lomana nai yau e na kenai kuri: oqo talega na ka wale.

Dauvunau 5:9

Ia na vuata ni vanua sa nodra kece na tamata: ia sa rawa na kena na tui mai na veiwere.

Aisea 5:8

Era na ca ko ira era dauvakaikuritaka na vale ki na vale, ka daukuria na were ki na were, me kakua na vanua e vo, mo dou qai tiko vakataki kemudou ga e na loma ni vanua!

Aisea 55:2

A cava dou sa volitaka kina na nomudou i lavo e na ka sa sega ni kakana; kei na nomudou cakacaka e na ka dou sa sega ni mamau kina? dou vakarorogo sara vei au, ka kania na ka sa yaga, ia na yalomudou ena qai marautaka na ka sa uro.

Maciu 11:28

Dou lako mai vei au, koi kemudou vakaaduaga sa oca ka colata nai colacola bibi, ia kau na vakacegui kemudou.

Luke 12:20

Ia sa kaya vei koya na Kalou, Ko iko na lialia! e na bogi ga oqo ena tarogi tale vei iko na yalomu: ena qai nei cei na veika ko sa vakarautaka?

1 Joni 2:16

Na ka kecega sa tu e vuravura, na gagadre ca ni yago, na gagadre ca ni mata, kei na dokadokai keda e na ka ni bula oqo, sa sega ni tubu maivei Tamada, mai vuravura ga.