Dauvunau 4:1 - Vakavakadewa Makawa

¹ Ia ka'u a qai lesu tale, ka kunea na veivakasaurarataki kece sa caka e ruku ni mata-ni-siga: ka raica, sa vakawai na matadra era sa vakasaurarataki, ka sa sega e vakacegui ira; ia sa tu vei ira na dauveivakasaurarataki na kaukauwa; ia ka sa sega e vakacegui ira.

Ai Vola Tabu (Vakadewa Makawa Vakavoutaki 2021)

¹ Ia ka'u a qai lesu tale, ka kunea na veivakasaurarataki kece sa caka e ruku ni mata-ni-siga. Ka raica, sa vakawai na matadra era sa vakasaurarataki, ka sa sega e vakacegui ira! Ia sa tu vei ira na dauveivakasaurarataki na kaukauwa, ka sa sega e vakacegui ira.

AI VOLA TABU

¹ IA kaʼu a qai lesu tale, ka kunea na veivakasaurarataki kece sa caka e ruku ni siga: ka, raica, sa vakawai na matadra era vakasaurarataki, ka sa sega e vakacegui ira; ia sa tu vei ira na dauveivakasaurarataki na kaukauwa; ia ka sa sega e vakacegui ira.

Vakavakadewa Vou kei na iVola tale eso

¹ Ia au sa qai vakasamataka lesu tale na veika ca kece sa caka tiko e vuravura. Era sa tagi na vakararawataki ka sa sega ni dua e bau via vukei ira. Sa sega ni dua e via vukei ira baleta ni sa tu na kaukauwa vei ira era vakasaurarataki ira.

Ai Vola Tabu Ena Vakavakadewa Vou

¹ Ia au sa qai vakasamataka lesu tale na veika ca kece sa caka tiko e vuravura. Era sa tagi na vakararawataki ka sa sega ni dua e bau via vukei ira. Sa sega ni dua e via vukei ira baleta ni sa tu na kaukauwa vei ira era vakasaurarataki ira.

Dauvunau 4:1 Iomraidhean Croise

Jope 16:4

E rawarawa me'u vosa talega me vakataki kemudou: Kevaka dou sa noqu i sosomi, E rawarawa me'u vakalevutaka na vosa vei kemudou, Ka kurea na uluqu vei kemudou.

Jope 35:9

Ni sa levu na veivakasaurarataki, era sa tagi kina ko ira era sa vakasaurarataki: Era sa qoqolou e na vuku ni ligadra na kaukauwa.

Jope 6:29

Dou lesu mada mai, kakua ni kaya ni'u sa cala; Ia dou lesu mada, ni sa tu kina na noqu caka dodonu.

Jope 9:24

Sa soli ko vuravura ki na ligadra nai valavala ca: Sa tabonaka ko koya na matadra na mataveilewai; Kevaka e segai, sa qai evei, se ko cei ko koya?

NA SAME 12:5

Ni ra sa vakararawataki na tamata malumalumu, ka ni ra sa vutugu tiko na tamata dravudravua, Sa kaya ko Jiova, Au na qai tu cake; Au na vakabulai ira yadua maivei koya sa dauvakalialiai ira.

NA SAME 142:4

Au a rai ki ligaqu i matau, ka raica, ka sa sega na tamata e via kilai au: Sa yali vei au nai drodro; sa sega na tamata e lomana na yaloqu.

NA SAME 142:5

Au a tagi vei kemuni Jiova: Au a kaya, Oi kemuni na noqu i drodro, Na noqu i votavota e na vanua ni bula.

NA SAME 42:3

A qau kakana tiko na wai ni mataqu e na siga kei na bogi, Ni ra kaya tikoga vei au, Evei na nomu Kalou?

NA SAME 42:9

Au na kaya vua na Kalou na noqu uluvatu, O ni sa guilecavi au e na vuku ni cava? A cava ka'u sa tagi voli kina ka ni ra sa vakasaurarataki au na meca?

NA SAME 69:20

Sa vakamavoataka na yaloqu na vosa ca; ka'u sa bibi sara: Ia ka'u sa rai voli me lomani au e dua, ka sa segai; Me so talega me vakacegui au, ka sa sega e dua ka'u kunea.

NA SAME 69:21

Era sa solia talega na ka gaga me qau kakana; Kei na wai wiwi me'u gunuva ni'u a viagunu.

NA SAME 80:5

O ni sa vakani ira e na madrai wai ni mata; Ka vagunuvi ira vakalevu e na wai ni matadra.

Lako Yani 1:16

a sa kaya, Ni drau sa vu-ni-kalou vei ira na Iperiu, drau raica nai dabedabe era vakasucu kina; ke sa gonetagane, drau qai vakamatea: ia ke sa goneyalewa, me bula ga.

Lako Yani 1:22

Sa qai vakaroti ira na nona tamata kecega ko Fero, ka kaya, A gonetagane kecega sa sucu mai, dou biuta laivi ki na uciwai, ia na goneyalewa kecega dou vakabula.

Vosavakaibalebale 19:7

Ko ira kecega era veitacini kei na tamata dravudravua era sa cati koya: Ia sa na vakaevei na nodra via veiyawaki kaya na wekana? Sa cicimuri ira e na vosa, ka ra sega ga.

Vosavakaibalebale 28:3

Na tamata dravudravua sa vakasaurarataki ira na dravudravua, Sa vaka na uca tau bi sa oti kina na kakana.

Vosavakaibalebale 29:2

Ni ra sa lewa na yalododonu, sa ra reki na tamata: Ia ni ra sa lewa ko ira nai valavala ca, era sa qai tagi na tamata.

Dauvunau 3:16

Ia ka'u a raica e ruku ni mata-ni-siga nai tikotiko ni veilewai, ni sa tiko kina na ka ca; ni sa tiko talega na caka cala e nai tikotiko ni caka dodonu.

Dauvunau 5:8

Kevaka ko sa kunea ni ra sa vakasaurarataki na dravudravua, ka sa kau vakatani ka vakaukauwa na lewa kei na caka dodonu e na dua na qali, kakua ni ko kidacala kina: ni sa vakaraica tiko ko koya sa cecere vei ira sa cecere sara; ia sa tiko ka cecere vei ira.

Dauvunau 7:7

E dina, na veivakasaurarataki sa vukica na tamata vuku me tamata lialia; a sa vakacataka na loma ni tamata nai solisoli.

Dauvunau 8:9

A ka kecega oqo ka'u sa kunea, ka vakasara na lomaqu ki na cakacaka kece sa caka e ruku ni mata-ni-siga: ia sa dua na gauna sa lewa kina na tamata vua na tamata tani ka sa mani ca kina.

Aisea 5:7

Ia na were-ni-vaini i Jiova ni lewe vuqa na veimataqali i Isireli, kei ira na tamata ni Juta era sa nonai teitei daudomoni: a sa nanuma ena ia na caka dodonu, ka raica! sa ia ga na veivakamatei; kei nai valavala dodonu, ka raica na qoqolou.

Aisea 51:23

ka'u na solia ga ki na ligadra era sa vakararawataki iko, era kaya ki na yalomu, Mo koto sobu me keitou lakobutuki kemudou: ia ko sa vakatautauvatataka na dakumu kei na qele, ka vaka na sala, vei ira era lakovi kemudou.

Aisea 59:7

a yavadra sa ciciva na ka ca, ka ra sa kusarawa me ra vakadavea na dra sa sega ni cala; a nodra vakanananu na vakanananu ca; na rusa kei na rarawa sa tu e na nodra sala.

Jeremaia 16:7

era na sega talega ni ia na dovi madrai e na vukudra e na somate, me vakacegui ira e na vuku ni mate; era na sega talega ni solia vei ira na bilo ni veivakacegui me ra gunuva e na vuku ni tamadra se na tinadra.

Lele i Jeremaia 1:16

E na vuku ni ka oqo ka'u sa tagi kina; mai na mataqu, io mai na mataqu sa dave sobu na wai, Ni sa yawa vei au ko koya na dauveivakacegui me na vakabulabulataka na yaloqu: Era sa luveniyali ko ira na luvequ, ni sa gumatua na meca.

Lele i Jeremaia 1:17

Sa dodoka yani na ligana ko Saioni, a sa sega e dua me vakaceguya; Sa vakarota ko Jiova e na vuku i Jekope, me ra vakavolivoliti koya ko ira na nona meca: Sa tautauvata ko Jerusalemi kei na dua na ka velavela e na kedra maliwa.

Lele i Jeremaia 1:2

Sa tagi vakalevu ko koya e na bogi, Sa tiko ga e baluna na wai ni matana; Sa sega e dua vei ira kecega na wekana me vakacegui koya: Ko ira kece na nonai tokani era sa lawakitaki koya, Era sa vuki tale me nona meca.

Lele i Jeremaia 1:9

A nona dukadukali sa tauva na bele ni nonai sulu; sa sega ni nanuma ko koya ki na nonai otioti; O koya oqo sa ka ni veivakidacalataki na nona lako sobu: sa sega e dua me vakacegui koya. Mo ni raica, Jiova, na noqu rarawa: ni sa vakalevulevui koya na meca.

Emosi 3:10

Ni ra sega ni kila me ra caka dodonu, sa kaya ko Jiova, era binia na ka e kovei ka butakoci e na nodra veivale vakaturaga.

Emosi 3:9

Dou vakarogoya e na veivale vakaturaga mai Asitoti, kei na veivale vakaturaga e na vanua ko Ijipita, ka kaya, Dou vakasoqoni kemudou ki na veiulu-ni-vanua mai Samaria, ka raica na masa levu maikina, kei ira era sa vakasaurarataki maikina.

Malakai 2:13

Ia na ka oqo dou sa baci cakava vakarua, ka sa ubia nai cabocabo-ni-soro i Jiova e na wai ni mata, e na tagi, kei na tagi qoqolou, ka sa sega kina ni goleva tiko nai madrali ko koya, se vakadonuya e na yalovinaka mai na ligamudou.

Malakai 3:18

Ia dou na qai kunea sara ni sa dua tani na yalododonu ka dua tani na tamata ca, ni sa dua tani ko koya sa qarava na Kalou ka dua tani ko koya sa sega ni qaravi koya.

Malakai 3:5

Ia ka'u na toro voleka vei kemudou me ia na veilewai, ia ka'u na kusarawa ni tukuna na nodra ca na daucakaisausau, kei na dauveibutakoci, kei na daububului vakailasu, kei ira era butakoca nai voli ni tamata cakacaka, kei na yada, kei na luveniyali, kei ira era bureitaka vua na vulagi na ka sa dodonu me nona, ka ra sega ni rerevaki au, sa kaya ko Jiova ni lewe vuqa.

Maciu 26:56

Ia sa caka kecega na ka oqo, me vakayacori kina na nodrai vola na parofita. Sa qai biuti koya ko ira kecega na tisaipeli, ka dro.

Vakarua 28:33

Era na kania na vuata ni nomuni vanua, kei na nomuni cakacaka kecega, e dua na matanitu ko sa sega ni kila; ia ko ni na vakasaurarataki ga ka butuqaqi tikoga:

Vakarua 28:48

o koya ko ni na qaravi ira kina na nomuni meca sa tala ko Jiova me vala kei kemuni, ni ko sa viakana, ka viagunu, ka sa luvawale, ka sa dravudravua e na ka kecega: ia era na vauca ki domomuni nai vau kaukamea, ka me vakarusai kemuni mada.

Jemesa 5:4

Raica, sa tagi na kedrai voli na tamata daucakacaka, era sa tamusuka na nomudou veiwere, o koya dou sa bureitaka: ia sa curu ki na daligana na Turaga ni lewe vuqa na nodra tagi era sa dautamusuka.

Dauveilewai 4:3

A ra sa tagi vei Jiova ko ira na Isireli; ni sa tu vua e ciwa na drau na qiqi-ni-valu kaukamea, a sa vakasaurarataki ira vakaukauwa na Isireli ka yabaki ruasagavulu.