Dauvunau 3:22 - Vakavakadewa Makawa

²² O koya oqo ka'u sa kunea kina ni sa sega e dua na ka e yaga vua na tamata, ka me rekitaka ga na nona cakacaka; ni sai koya oqo na nonai votavota: ia ko cei beka me na kauti koya tale mai me raica na ka ena muri koya?

Ai Vola Tabu (Vakadewa Makawa Vakavoutaki 2021)

²² O koya oqo ka'u sa kunea kina ni sa sega e dua na ka e yaga vua na tamata, ka me rekitaka ga na nona cakacaka; ni sai koya oqo na nona i votavota. Ia ko cei beka me na kauti koya tale mai me raica na ka ena muri koya?

AI VOLA TABU

²² 0 koya o qo kaʼu sa kunea kina ni sa sega e dua na ka e yaga vua na tamata, ka me rekitaka ga na nona cakacaka; ni sai koya o qo na nonai votavota: ia ko cei beka me na kauti koya me raica na ka ena muri koya?

Vakavakadewa Vou kei na iVola tale eso

²² Ia au sa qai la'ki raica ni ka uasivi duadua e rawa me cakava e dua na tamata sai koya me marautaka na nona cakacaka. E sega tale ni rawa ni cakava e dua na ka. Sa sega tale ni dua na sala me kila rawa kina na ka e yaco ni sa mate o koya.

Ai Vola Tabu Ena Vakavakadewa Vou

²² Ia au sa qai la'ki raica ni ka uasivi duadua e rawa me cakava e dua na tamata sai koya me marautaka na nona cakacaka. E sega tale ni rawa ni cakava e dua na ka. Sa sega tale ni dua na sala me kila rawa kina na ka e yaco ni sa mate o koya.

Dauvunau 3:22 Iomraidhean Croise

Jope 14:21

Sa vakarokorokotaki mai ko iratou na luvena, a sa sega ni kila ko koya; A ratou sa vakasivoi, ka sa sega ni kunea ko koya.

Dauvunau 10:14

Ia na tamata lialia sa dauvosa tiko: sa sega ni kila rawa na tamata na ka ena yaco; ia ko cei me tukuna rawa na ka ena muri mai?

Dauvunau 11:9

Mo reki, ko iko na cauravou, ni ko sa cauravou tiko; ka marau e lomamu e na veisiga ko sa cauravou kina, ka muria na sala sa lomamu kina, kei na ka sa gole kina na matamu: ia mo kila ga, ni na lewai iko na Kalou e na ka kecega oqo.

Dauvunau 2:18

Io, ka'u a cata na noqu cakacaka kecega ka'u a oga kina e ruku ni mata-ni-siga: ni ka'u na laiva vua na tamata ena taravi au.

Dauvunau 2:24

Sa sega tale na ka e vinaka vua na tamata, ka me kana ga ka gunu, ka vakaceguya na yalona e na kena vinaka ni nona cakacaka. Oqo tale ka'u a kunea, ni sa ka mai vua na Kalou.

Dauvunau 6:12

Ia ko cei sa kila na ka e yaga vua na tamata e nona bula, na veisiga kece ni nona bula wale oqo, ka sa oti rawarawa me vaka na yaloyalo? ia ko cei sa tukuna rawa vua na tamata na ka ena muri koya e ruku ni mata-ni-siga?

Dauvunau 7:14

E na siga ni sautu mo reki, ia e na siga ni ca mo vakanananu: ni sa lesia na Kalou na ka oqo kei na ka ko ya me rau veiqaravi, me kakua kina ni kila na tamata na ka ena muri mai.

Dauvunau 8:15

Au a qai kaya sa vinaka na marau, ni sa sega na ka e vinaka cake vua na tamata e ruku ni mata-ni-siga, ka me kana ga, ka gunu, ka marau: ni na tikotiko ga kaya na ka oqo e na nona oca e na veisiga ni nona bula, o koya sa solia vua na Kalou e ruku ni mata-ni-siga.

Dauvunau 8:7

Ni sa sega ni kila ko koya na ka ena yaco: ia ko cei sa tukuna rawa vua, se na yaco ninaica?

Dauvunau 9:12

Ni sa sega talega ni kila na tamata na nona gauna: me vaka na ika sa lawavaki e na lawa ca, ka vaka na manumanu vuka sa coriti e nai cori; era sa coriti vakakina na luve ni tamata e na siga ca, ni sa yaco vakidacala vei ira.

Dauvunau 9:6

Ia na nodra loloma, kei na nodra veicati, kei na nodra vuvu, sa qai yali; a sa sega tale na nodra i votavota e na dua na ka sa caka e ruku ni mata-ni-siga.

Taniela 12:13

Ia ko iko, mo lako ga me yaco mada nai vakataotioti: ni ko na vakacegu, ka tu e na nomu i votavota ni sa yaco na kenai otioti ni veibogi.

Maciu 6:34

O koya mo dou qai kakua ni lomaocaoca e na vuku ni mataka: ena lomaocaoca na mataka e na vuku ni kena ka. Sa rauta na siga na kena ca.

Vakarua 12:18

ia mo ni kania ga e na mata i Jiova na nomuni Kalou e na yasana sa digitaka ko Jiova na nomuni Kalou, koi kemuni, kei na luvemuni tagane, kei na luvemuni yalewa, kei na nomuni tamata, kei na nomuni vada, kei na Livai ka tiko e na nomuni lomanibai: ia ko ni na reki e na mata i Jiova na nomuni Kalou e na ka kecega sa cakava na ligamuni.

Vakarua 12:7

ia kemuni na kana maikea e na mata i Jiova na nomuni Kalou, koi kemuni, kei ira na nomuni lewe-ni-vale, ka rekitaka na ka kecega sa cakava na ligamuni, ka sa vakalougatataki kemuni kina ko Jiova na nomuni Kalou.

Vakarua 28:47

Ni kemuni a sega ni qaravi Jiova na nomuni Kalou e na marau, kei na reki ni yalomuni, e na vuku ni sa levu tu na ka kecega;