Dauvunau 2:24 - Vakavakadewa Makawa

²⁴ Sa sega tale na ka e vinaka vua na tamata, ka me kana ga ka gunu, ka vakaceguya na yalona e na kena vinaka ni nona cakacaka. Oqo tale ka'u a kunea, ni sa ka mai vua na Kalou.

Ai Vola Tabu (Vakadewa Makawa Vakavoutaki 2021)

²⁴ Sa sega tale na ka e vinaka vua na tamata, ka me kana ga ka gunu, ka vakaceguya na yalona e na kena vinaka ni nona cakacaka. Oqo tale ka'u a kunea, ni sa ka mai vua na Kalou.

AI VOLA TABU

²⁴ Sa sega tale na ka e vinaka vua na tamata, me kana ga ka gunu, ka vakaceguya na yalona e na vinaka ni nona cakacaka. O qo tale kaʼu a kunea, ni sa mai vua na Kalou na ka o qori.

Vakavakadewa Vou kei na iVola tale eso

²⁴ Na ka uasivi duadua e rawa ni cakava e dua na tamata, sai koya me kana, gunu, ka me marautaka na veika e rawata. Ia au sa qai la'ki nanuma ni ka talega oqo e taka mai vua na Kalou.

Ai Vola Tabu Ena Vakavakadewa Vou

²⁴ Na ka uasivi duadua e rawa ni cakava e dua na tamata, sai koya me kana, gunu, ka me marautaka na veika e rawata. Ia au sa qai la'ki nanuma ni ka talega oqo e taka mai vua na Kalou.

Dauvunau 2:24 Iomraidhean Croise

1 Tui 4:20

Sa ra lewe vuqa ko ira na Juta kei ira na Isireli, me vaka na nuku mai matasawa na kedrai wiliwili, era sa kana, ka gunu, ka marau tiko.

Niemaia 8:10

Sa qai kaya vei ira ko koya, Ni lako, ni kania na kena uro, ka gunuva na kena kamikamica, ka vakauta nai votavota vei ira sa sega na ka sa vakarautaki kina: ni sa tabu na siga oqo me nei koya na noda Turaga: ia me kakua ni bibi na lomamuni; ni sa vu ni nomuni kaukauwa me marautaki Jiova.

Dauvunau 2:10

Ia na ka kece sa vinakata na mataqu ka'u a sega ni bureitaka kina; ka'u a sega ni tarova na yaloqu mai na dua na ka e marautaki; ni sa daureki na yaloqu e na noqu cakacaka kecega: ia oqo ga na noqu i votavota mai na noqu cakacaka kecega.

Dauvunau 2:25

Ia ko cei tale me kana, se ko cei tale me uasivi vei au e na marautaka na ka?

Dauvunau 2:3

Au a segata e lomaqu, me'u vakamarautaki au e na gunu waini, ia ka'u sa lewa vakavuku tikoga na lomaqu; ka me'u muria nai valavala sesewa, me'u kila mada se cava beka na ka vinaka ko ya me nodra na luve ni tamata, me ra kitaka e ruku ni lomalagi e na veisiga kecega ni nodra bula.

Dauvunau 3:22

O koya oqo ka'u sa kunea kina ni sa sega e dua na ka e yaga vua na tamata, ka me rekitaka ga na nona cakacaka; ni sai koya oqo na nonai votavota: ia ko cei beka me na kauti koya tale mai me raica na ka ena muri koya?

Dauvunau 5:17

Sa kana talega e na butobuto e na nona siga kecega, ia na rarawa levu kei na cudru sa yaco vata kei na nona mate.

Dauvunau 6:12

Ia ko cei sa kila na ka e yaga vua na tamata e nona bula, na veisiga kece ni nona bula wale oqo, ka sa oti rawarawa me vaka na yaloyalo? ia ko cei sa tukuna rawa vua na tamata na ka ena muri koya e ruku ni mata-ni-siga?

Dauvunau 6:2

a tamata sa solia kina na Kalou nai yau, kei na kamunaga, kei na vakarokoroko, ka sa sega ni yali vua e dua na ka sa domona na yalona, ia sa sega ni solia vua na Kalou me kana rawa kina, ka sa kana ga kina na vulagi: oqo na ka walega, ka dua na mate ca.

Dauvunau 8:15

Au a qai kaya sa vinaka na marau, ni sa sega na ka e vinaka cake vua na tamata e ruku ni mata-ni-siga, ka me kana ga, ka gunu, ka marau: ni na tikotiko ga kaya na ka oqo e na nona oca e na veisiga ni nona bula, o koya sa solia vua na Kalou e ruku ni mata-ni-siga.

Aisea 56:12

Era sa kaya, Tou ia, ka'u na la'ki kauta mai na waini; ia me tou gunuva vakalevu sara na yaqona; ena vaka na siga edaidai na siga e na mataka, ia ena vinaka vakalevu cake sara ga.

Malakai 2:2

Kevaka dou sa bese ni vakarogoca, ia kevaka dou sa bese ni vakasara ki na lomamudou, mo dou vakarokorokotaka na yacaqu, sa kaya ko Jiova ni lewe vuqa, ka'u na vakayacora sara na cudru ko ya kivei kemudou, ka vakacataka na ka dou sa vakalougatataki kina: io, ka'u sa vakacataka oti na ka oqo, ni dou sa sega ni vakasara ki na lomamudou.

Cakacaka 14:17

Ia ka sega ga ni laiva me sega na nonai vakatakilakila, ni sa caka vinaka tiko ko koya, a sa solia mai vei keda na uca mai lomalagi, kei na yabaki e levu kina na vuata, a sa vakamamautaka na lomada e na kakana kei na marau.

1 Korinica 15:32

Kevaka sa vakatamata ga na noqu veivala kei na manumanu daukata mai Efeso, a cava na betena vei au? kevaka sa sega ni tu cake tale ko ira na mate, me da kana ga ka gunu, ni da na mate ni mataka.

Vakarua 12:12

ia kemuni na reki e na mata i Jiova na nomuni Kalou, koi kemuni, kei ira na luvemuni tagane, kei ira na luvemuni yalewa, kei ira na nomuni tamata, kei ira na nomuni vada; kei na Livai sa tiko e na nomuni lomanibai, ka ni sa sega na nona tikina se nonai votavota vata kei kemuni.

Vakarua 12:18

ia mo ni kania ga e na mata i Jiova na nomuni Kalou e na yasana sa digitaka ko Jiova na nomuni Kalou, koi kemuni, kei na luvemuni tagane, kei na luvemuni yalewa, kei na nomuni tamata, kei na nomuni vada, kei na Livai ka tiko e na nomuni lomanibai: ia ko ni na reki e na mata i Jiova na nomuni Kalou e na ka kecega sa cakava na ligamuni.

1 Timoci 6:17

Vakarota vei ira era sa vutuniyau e na gauna oqo, me ra kakua ni dokadokai ira se vakararavi e nai yau sa sega ni tu dei, vua ga na Kalou bula, o koya sa solia vakalevu vei keda na ka kecega eda marau kina;