Dauvunau 2:17 - Vakavakadewa Makawa

¹⁷ O koya ka'u a cata kina na bula; ni sa ka rarawa vei au na ka sa caka e ruku ni mata-ni-siga: ni sa ka wale kecega, ka sa ka ni oca wale.

Ai Vola Tabu (Vakadewa Makawa Vakavoutaki 2021)

¹⁷ O koya ka'u a cata kina na bula; ni sa ka rarawa vei au na ka sa caka e ruku ni mata-ni-siga, ni sa ka wale kecega, ka sa ka ni oca wale.

AI VOLA TABU

¹⁷ O koya kaʼu a cata kina na bula; e na vuku ni sa ca vei au na ka sa caka e ruku ni siga: ni sa ka wale kecega, kei na ocaoca wale.

Vakavakadewa Vou kei na iVola tale eso

¹⁷ Na ka oqo sa sega kina ni vakaibalebale vei au na bula baleta ni veika kecega ni bula sa kauta mai vei au na leqa. Sa sega kecega na kena yaga, ka'u sa vaka ga na vakavesuka na cagi.

Ai Vola Tabu Ena Vakavakadewa Vou

¹⁷ Na ka oqo sa sega kina ni vakaibalebale vei au na bula baleta ni veika kecega ni bula sa kauta mai vei au na leqa. Sa sega kecega na kena yaga, ka'u sa vaka ga na vakavesuka na cagi.

Dauvunau 2:17 Iomraidhean Croise

1 Tui 19:4

A sa lako tu ko koya ka bogi dua e loma ni veikau, ia ni sa yaco kina sa la'ki tiko sobu e na dua na ruku ni junipa: a sa masu me mate yani ko koya; ka kaya, I Jiova sa rui levu; ni vakaotia ga na noqu bula; ni'u sa sega ni vinaka cake vei ira na noqu qase.

Jope 14:13

Mo ni vunitaki au mada e nai bulubulu, Ka tabonaki au, me oti mada na nomuni cudru, Ka lokuca vei au e dua na siga, ka nanumi au!

NA SAME 89:47

Mo ni nanuma na kena lekaleka ni noqu bula: A cava ko ni a bulia kina na luve ni tamata kecega me ra ka walega?

Dauvunau 1:14

Au sa raica oti na cakacaka kecega sa caka e ruku ni mata-ni-siga; ka raica, sa ka wale kecega kei na ka ni ocaoca wale.

Dauvunau 1:17

Ia ka'u a solia na yaloqu me'u kila nai valavala vuku, kei nai valavala lialia ka sesewa: ka'u sa kunea ni sa ka ni oca wale na ka talega oqo:

Dauvunau 2:11

Au a qai vakaraica na cakacaka kecega ka sa cakava na ligaqu, kei na ogaoga ka'u a vakaogai au kina: ka raica, sa ka wale kecega ka sa ka ni oca wale, ka sega na kena yaga e ruku ni mata-ni-siga.

Dauvunau 2:22

Ia ka cava li me nona na tamata e na vuku ni nona cakacaka kecega, kei na ocaoca ni yalona, e na ka sa oga kina ko koya e ruku ni mata-ni-siga?

Dauvunau 3:16

Ia ka'u a raica e ruku ni mata-ni-siga nai tikotiko ni veilewai, ni sa tiko kina na ka ca; ni sa tiko talega na caka cala e nai tikotiko ni caka dodonu.

Dauvunau 4:2

O koya oqo ka'u a vakacaucautaki ira vakalevu kina na mate era sa mate yani, ka vakalailai na bula era bula tiko.

Dauvunau 4:3

Ia sa ca ruarua koi rau oqo ka vinaka ko koya sa sega ni sucu mai, ko koya ka sega ni raica na cakacaka ca sa ia e ruku ni mata-ni-siga.

Dauvunau 6:9

Sa vinaka ni sa rai na mata da ka ca ni sa lako sese na lomada: oqo talega na ka wale kei na ka ni oca ki na yalo.

Isikeli 3:14

Ia na yalo, sa laveti au cake, ka kauti au yani, ia ka'u sa lako ka rarawa tu ka katakata na yaloqu; ia na liga i Jiova sa tiko vakaukauwa ga vei au.

Jona 4:3

Ia oqo ga, kemuni Jiova, au masuti kemuni kina mo ni kauta tani vei au na noqu bula; ni sa vinaka me'u mate ka ca me'u bula.

Jona 4:8

Ia ni sa cadra na mata-ni-siga, sa vakatubura na Kalou e dua na tokalau e makausu na kena buno; ka sa kania na ulu i Jona na siga, a sa malumalumu ko koya, ka gadreva sara me mate, a sa kaya, E vinaka ga me'u mate ka ca me'u bula tiko.

Apakuki 1:3

A cava ko ni sa vakatakila kina vei au na ca, ka vakaraitaka talega vei au na ka rarawa? ia na veikove kei na veivakacacani sa tu ga e mataqu, a sa ia tiko na veileti, ka sa tubu mai na veivala.

Tiko mai na Lekutu 11:15

Ia kevaka kemuni sa cakacaka vakaoqo vei au, mo ni vakamatei au sara mada, kevaka kemuni sa lomani au; ia me'u kakua ni kunea na noqu vakaloloma.