Dauvunau 2:1 - Vakavakadewa Makawa

¹ Au a kaya e lomaqu, Oqo mada, ka'u na vakatovolei iko e na reki, o koya mo ia mada kina na marau: ka raica, oqo talega sa ka wale.

Ai Vola Tabu (Vakadewa Makawa Vakavoutaki 2021)

¹ Au a kaya e lomaqu, “Oqo mada, ka'u na vakatovolei iko e na reki; o koya mo ia mada kina na marau.” Ka raica, oqo talega sa ka wale.

AI VOLA TABU

¹ AU a kaya e lomaqu, O qo mada, kaʼu na vakatovolei iko e na rereki, ia mo ia mada ki na mamarau: ka, raica, o qo tale na ka walega.

Vakavakadewa Vou kei na iVola tale eso

¹ Au sa qai nakita me'u vakamarautaki au ka me'u raica sara mada se cava sara mada na marau. Ia au sa qai raica ni sa ka e sega ni vakaibalebale talega na ka oqo.

Ai Vola Tabu Ena Vakavakadewa Vou

¹ Au sa qai nakita me'u vakamarautaki au ka me'u raica sara mada se cava sara mada na marau. Ia au sa qai raica ni sa ka e sega ni vakaibalebale talega na ka oqo.

Dauvunau 2:1 Iomraidhean Croise

Vakatekivu 11:7

tou ia mada, tou lako sobu, ka vakasesea na nodra vosa, me ra kakua kina ni veikilaki vosa.

2 Tui 5:5

A sa kaya ko tui Siria, Mo vakarau, mo lako sara, ia ka'u na vola e dua nai vola mo kauta vua na tui Isireli. A sa lako yani ko koya, ka kauta vata kaya e tini na taledi siliva, ka ono na udolu na koula, kei nai sulu me rauta vakatini.

NA SAME 10:6

Sa kaya e lomana, Ka'u na sega sara ni vakayavalati; Ka'u na sega ni kunea na rarawa mai nai tabatamata e dua ka yacova nai tabatamata kadua.

NA SAME 14:1

Sa kaya e lomana na tamata lialia, Sa sega na Kalou. Era sa ca sara, era sa kitaka nai valavala velavela, Sa sega e dua sa caka vinaka.

NA SAME 27:8

Ni kemuni a kaya, Dou vakasaqara na mataqu; sa kaya vei kemuni na yaloqu, A matamuni, Jiova, ka'u na vakasaqara.

Vosavakaibalebale 14:13

Ni sa ia tiko na dredre sa rarawa na loma ni tamata; Ia nai tinitini ni marau na lomabibi.

Dauvunau 11:9

Mo reki, ko iko na cauravou, ni ko sa cauravou tiko; ka marau e lomamu e na veisiga ko sa cauravou kina, ka muria na sala sa lomamu kina, kei na ka sa gole kina na matamu: ia mo kila ga, ni na lewai iko na Kalou e na ka kecega oqo.

Dauvunau 2:10

Ia na ka kece sa vinakata na mataqu ka'u a sega ni bureitaka kina; ka'u a sega ni tarova na yaloqu mai na dua na ka e marautaki; ni sa daureki na yaloqu e na noqu cakacaka kecega: ia oqo ga na noqu i votavota mai na noqu cakacaka kecega.

Dauvunau 2:15

Au a qai kaya e lomaqu, Me vaka na ka sa yacova na lialia, sai koya talega sa yacovi au; ia ka mei cavai ka'u a vuku cake kina? Au a qai kaya e lomaqu, Oqo talega na ka wale.

Dauvunau 2:25

Ia ko cei tale me kana, se ko cei tale me uasivi vei au e na marautaka na ka?

Dauvunau 7:4

A yalodra na tamata vuku sa tiko e na vale ni tagi; ia na yalodra na lialia sa tiko e na vale ni marau.

Dauvunau 8:15

Au a qai kaya sa vinaka na marau, ni sa sega na ka e vinaka cake vua na tamata e ruku ni mata-ni-siga, ka me kana ga, ka gunu, ka marau: ni na tikotiko ga kaya na ka oqo e na nona oca e na veisiga ni nona bula, o koya sa solia vua na Kalou e ruku ni mata-ni-siga.

Aisea 5:5

Ia oqo; ka'u na tukuna mada vei kemudou na ka ka'u na cakava ki na noqu were-ni-vaini: au na kauta tani na kena bai soni, ena qai laukana; au na talaraka sobu na kena bai vatu, ena qai buturaki:

Aisea 50:11

Raica, koi kemudou kece sa tutuvaka na buka, ka vauci kemudou e na lidi ni bukawaqa: dou lako voli ga e na rarama ni nomudou bukawaqa, kei na lidi ni bukawaqa dou sa tutuvaka. Dou na rawata na ka oqo; mai na ligaqu; dou na koto sobu ga e na rarawa.

Aisea 50:5

Sa basuka na daligaqu na Turaga ko Jiova, ia ka'u a sega ni beca, ka'u a sega ni vakanadakuya.

Luke 12:19

au na qai kaya ki na yaloqu, Yaloqu, sa levu na nomui yau sa bini tu ena rauta na yabaki e vuqa; mo vakacegu mada, mo kana, mo gunu, mo marau tiko.

Luke 16:19

Sa dua na tamata vutuniyau, sa vakaisulu e nai sulu lokaloka kei na lineni matailalai, a sa daumarau vakalevu e na veisiga kecega:

Luke 16:23

a sa ta cake mai etesi, ni sa vakararawataki tu, a sa raici Eparaama vakayawa, kei Lasarusa e lomaserena.

Vei Taito 3:3

Ni da sa lialia eliu koi keda talega, eda sa talaidredre, eda sa vakacalai, eda sa daugoleva na gagadre ca kei na marau e vuqa, eda sa lomaca ka vuvu, eda sa vakasisila, eda sa dauveicati vakataki keda.

Jemesa 4:13

Dou lako mai, oi kemudou sa daukaya, Edaidai se na mataka eda na lako ki na koro ko ya, ka tiko kina ka yabaki dua, ka veivoli kina, ka rawata nai yau:

Jemesa 5:1

Dou lako mai, oi kemudou na tamata vutuniyau, dou tagi ka qoqolou e na vuku ni nomudou ka rarawa ena yaco mai.

Jemesa 5:5

Dou a marau tikoga e vuravura, dou a daukana tiko; dou a dauvakania na lomamudou, e na siga sa ia kina na dauveivakamatei.