Dauvunau 12:2 - Vakavakadewa Makawa

² Ni sa sega ni butobuto mai na mata-ni-siga, se na rarama, se na vula, se na veikalokalo; ka ni sa sega ni daulesu tale mai na o ni sa tau oti na uca;

Ai Vola Tabu (Vakadewa Makawa Vakavoutaki 2021)

² ni sa sega ni butobuto mai na mata-ni-siga, se na rarama, se na vula, se na veikalokalo, ka ni sa sega ni dau lesu tale mai na o ni sa tau oti na uca;

AI VOLA TABU

² ni sa tawa butobuto mai na mata-ni-siga, se na rarama, se na vula, se na kalokalo; ka sega ni daulesu tale mai na o ni sa tau oti na uca;

Vakavakadewa Vou kei na iVola tale eso

² Sa i koya oqori na gauna ena buto mai kina vei iko na rarama mai na matanisiga, na vula, kei na veikalokalo; ka na sega ni takali laivi yani na o ni uca.

Ai Vola Tabu Ena Vakavakadewa Vou

² Sa i koya oqori na gauna ena buto mai kina vei iko na rarama mai na matanisiga, na vula, kei na veikalokalo; ka na sega ni takali laivi yani na o ni uca.

Dauvunau 12:2 Iomraidhean Croise

Vakatekivu 27:1

Ia ni sa qase mai ko Aisake, a sa buawa na matana, me sega ni rai rawa, sa qai kacivi Iso na luvena sa ulumatua, a sa kaya vua, Na luvequ. A sa kaya vua, Raica, koi au.

Vakatekivu 48:10

A sa rai vakaca na mata i Isireli ni sa qase, sa sega ni rai vinaka rawa. A rau sa kau voleka vua; a sa reguci rau ko koya, ka mokoti rau.

NA SAME 42:7

Sa kaciva na wasa liwa na wasa liwa ni sa kere na nomuni savu: Sa sevi au na nomuni biau sese kece kei na nomuni biau tubu kecega.

NA SAME 71:20

Oi kemuni ko ni sa vakatakila mai vei keimami na ka rarawa vakalevu ka ca sara, O ni na vakabulai keimami tale, Ka kauti keimami cake tale mai na wai titobu e vuravura.

NA SAME 77:16

Sa kunei kemuni na Kalou, na wai; Sa kunei kemuni na wai, ka sa rere: Io, sa kidroa talega na wai titobu.

NA SAME 90:10

Na neimami veiyabaki sa vitusagavulu ga; Ia kevaka sa yabaki walusagavulu e na vuku ni kaukauwa, Sa ka ni veivakaocataki ka ka rarawa na kena via kaukauwa ko ya; Ni sa muduki tani vakasauri, keimami sa qai vuka yani.

Aisea 13:10

Ni na sega ni cila mai na kalokalo ni lomalagi kei na veikalokalo era vakayacani vata; ena butobuto na mata-ni-siga ni sa lako tu, kei na vula ena sega talega ni cila mai.

Aisea 5:30

A ra na qolouvaki ira e na siga ko ya me vaka na vadugu ni wasawasa: ia ni sa rai ki vanua e dua, raica, sa butobuto! sa ka rarawa! ka sa tabonaki na rarama e na kena o.

Joeli 3:15

Ena vakabutobutotaki na mata-ni-siga kei na vula, ia na kalokalo ena sega tiko ni serau mai.

Maciu 24:29

Ia ni sa oti mada na gauna rarawa ko ya, ena qai vakabutobutotaki vakasauri na mata-ni-siga, ena sega talega ni cila na rarama ni vula, ka na lutu mai lomalagi na veikalokalo, ka na veitosoyaki na veika kaukauwa ni lomalagi:

1 Samuela 3:2

Ia e na siga ko ya ni sa davo koto ko Ilai e na nona tikina, ia sa matabuawa mai, me sega ni rai rawa;

1 Samuela 4:15

A sa ciwasagavulu ka walu na yabaki i Ilai; a sa buawa na matana ka sa sega ni rai rawa.

1 Samuela 4:18

Ia ni sa cavuta tiko ko koya na kato ni Kalou, sa qai bale sobu vakatadrai cake ko koya mai nai tikotiko sa voleka ki na matamata-ni-koro, a sa ramusu na domona, ka sa mate ko koya; ni sa qase ko koya, ka tamata bibi. A sa lewai ira oti na Isireli ko koya ka yabaki vasagavulu.