Dauvunau 12:13 - Vakavakadewa Makawa

¹³ Tou rogoca nai tinitini ni ka kecega oqo: Mo rerevaka na Kalou, ka muria na nona vunau: ni sai koya ga oqo nai tavi taucoko ni tamata.

Ai Vola Tabu (Vakadewa Makawa Vakavoutaki 2021)

¹³ Tou rogoca nai tinitini ni ka kecega oqo: Mo rerevaka na Kalou, ka muria na nona vunau, ni sai koya ga oqo nai tavi taucoko ni tamata.

AI VOLA TABU

¹³ Tou rogoca nai tinitini ni ka kecega o qo: Mo rerevaka na Kalou, ka vakabauta na nona vunau: ni sai koya ga o qo nai tavi taucoko ni tamata.

Vakavakadewa Vou kei na iVola tale eso

¹³ Ia sa rogoci na veika kece; Oqo na i tinitini ni veika kece sara: Mo rerevaka na Kalou ka muria na nona i vunau, Ni sai koya ga oqo na i naki levu e buli kina na tamata.

Ai Vola Tabu Ena Vakavakadewa Vou

¹³ Ia sa rogoci na veika kece; Oqo na i tinitini ni veika kece sara: Mo rerevaka na Kalou ka muria na nona i vunau, Ni sai koya ga oqo na i naki levu e buli kina na tamata.

Dauvunau 12:13 Iomraidhean Croise

Vakatekivu 22:12

A sa kaya ko koya, Mo kakua ni dodoka na ligamu vua na gone, ia mo kakua ni kitaka vua e dua na ka: ni'u sa qai kila ko sa rerevaka na Kalou, ni ko sa sega ni bureitaka vei au na luvemu, na luvemu e dua bauga.

1 Tui 2:3

ka vakabauta na ka sa vakarota ko Jiova na nomu Kalou, mo lako e nona sala, mo vakabauta na ka e lesia ko koya, na ka e vunautaka, kei na ka e lewa ko koya, kei na ka e tukuna mai ko koya, me vaka sa volai e na vunau i Mosese, mo vinaka kina e na ka kecega ko na cakava, kei na ka kecega ko na goleva:

Jope 28:28

Ka sa kaya vua na tamata, Raica, na rerevaka na Turaga, sai koya na vuku; Kei na biuta na ka ca, sai koya na yalomatua.

NA SAME 111:10

Na rerevaki Jiova sa kenai vakatekivu ni vuku: Era sa yalomatua kecega ko ira era sa cakava na nona vunau: Sa na sega ni mudu na nona vakavinavinakataki.

NA SAME 145:19

Ena vakayacora ko koya na ka era gadreva ko ira era rerevaki koya: Ena rogoca talega na nodra tagi, ka na vakabulai ira.

NA SAME 147:11

Sa rekitaki ira ko Jiova era sa rerevaki koya, Ko ira era sa nuitaka na nona loloma.

Vosavakaibalebale 1:7

Na rerevaki Jiova sa vu ni lomavuku: Ia ko ira na lialia era sa cata na vuku kei nai vakavuvuli.

Vosavakaibalebale 19:23

Sa vu ni bula na rerevaki Jiova: Ia ena tiko vakasautu na kenai taukei; Ena sega na ca me yacovi koya.

Vosavakaibalebale 23:17

Me kakua ni vuvutaki ira nai valavala ca na lomamu; Ia mo rerevaki Jiova tiko e na siga taucoko ka bogi:

Dauvunau 2:3

Au a segata e lomaqu, me'u vakamarautaki au e na gunu waini, ia ka'u sa lewa vakavuku tikoga na lomaqu; ka me'u muria nai valavala sesewa, me'u kila mada se cava beka na ka vinaka ko ya me nodra na luve ni tamata, me ra kitaka e ruku ni lomalagi e na veisiga kecega ni nodra bula.

Dauvunau 3:14

Au sa kila, na ka kece sa cakava na Kalou, ena tu ga ka sega ni mudu: ena sega na ka me vakaikuritaki kina, ka sega na ka me kau tani maikina: ia sa cakava oqo na Kalou, me ra rere tiko vua ko ira na tamata.

Dauvunau 5:7

Ni sa levu na tadra ka vuqa na vosa, sa vuqa talega na ka wale: ia mo rerevaka ga na Kalou.

Dauvunau 6:12

Ia ko cei sa kila na ka e yaga vua na tamata e nona bula, na veisiga kece ni nona bula wale oqo, ka sa oti rawarawa me vaka na yaloyalo? ia ko cei sa tukuna rawa vua na tamata na ka ena muri koya e ruku ni mata-ni-siga?

Dauvunau 7:18

Sa vinaka mo taura na ka oqo; io, mo kakua talega ni tarova na ligamu mai na ka oqo: ni sai koya sa rerevaka na Kalou ena lako tani mai na ka kece oqo.

Dauvunau 8:12

Ia kevaka sa vakadrau na nona caka ca na tamata i valavala ca, ka sa vakabalavutaki na nona bula, ia ka'u sa kila dina sara ni ra na vinaka ko ira era sa rerevaka na Kalou, ko ira era sa rere e matana:

Dauvunau 8:5

Ko koya sa muria na vunau ena sega ni kunea e dua na ka ca: ia sa macala ki na yalona sa vuku na gauna kei na lewa dodonu:

Maika 6:8

Sa vakatakila oti vei iko, na tamata, na ka e vinaka: ia ka cava tale sa taroga maivei iko ko Jiova, mo caka dodonu ga, ka mo vinakata na yalololoma, ka mo yalomalumalumu talega ni drau lako vata kaya na nomu Kalou?

Luke 1:50

A sa tu na nona loloma vei ira sa rerevaki koya, ka yacova nai tabatamata e vuqa.

Vakarua 10:12

Ia oqo, kemuni na Isireli, a cava na ka sa taroga vei kemuni ko Jiova na nomuni Kalou, mo ni rerevaki Jiova ga na nomuni Kalou, ka mo ni lako e na nona sala kecega ka lomani koya, ka qaravi Jiova na nomuni Kalou, e na lomamuni taucoko kei na yalomuni taucoko,

Vakarua 10:20

Mo rerevaki Jiova na nomuni Kalou; mo ni qaravi koya, ka kabiti koya, ka bubului e na yacana.

Vakarua 4:10

io na siga ko a tu kina e na mata i Jiova na nomuni Kalou mai Orepi, ni sa kaya vei au ko Jiova, Mo soqoni ira vata na tamata vei au, me'u vakarogoya vei ira na noqu vosa, me ra vuli kina me ra rerevaki au e na veisiga kecega era na bula kina e dela i vuravura, me ra vakavulica talega vei ira na luvedra.

Vakarua 4:2

Mo ni kakua ni kuria na vosa ka'u sa vakarota vei kemuni, mo ni kakua talega ni vakalailaitaka, mo ni vakabauta kina nai vakaro i Jiova na nomuni Kalou, ka'u sa vakarota vei kemuni.

Vakarua 6:2

mo ni rerevaki Jiova kina na nomuni Kalou, mo ni vakabauta na nonai vakaro kecega kei na nona vunau ka'u sa vakarota vei kemuni, koi kemuni, kei na luvemuni, kei na luvena na luvemuni, e na veisiga kecega ko ni sa bula kina; ia me dede kina nomuni bula.

1 Pita 2:17

Doka na tamata kecega. Lomani ira na veiwekani. Rerevaka na Kalou. Vakarokorokotaka na tui.

Vakatakila 19:5

A sa dua na vosa sa lako mai nai tikotiko-vakaturaga, sa kaya, Vakavinavinaka ki na noda Kalou, oi kemudou kecega na nona tamata, kei kemudou sa rerevaki koya, se dou tamata lalai se dou turaga.

1 Samuela 12:24

ni rerevaki Jiova ga, ka qaravi koya vakaidina e na yalomuni taucoko; ia mo ni nanuma na veika levu sa cakava vei kemuni ko koya.