Dauvunau 12:11 - Vakavakadewa Makawa

¹¹ A nodra vosa na vuku sa vaka na mata ni moto, kei nai vako sa vakataudeitaka ko ira na turaga ni soqosoqo, o koya sa solia mai e le dua bauga nai vakatawa.

Ai Vola Tabu (Vakadewa Makawa Vakavoutaki 2021)

¹¹ A nodra vosa na vuku sa vaka na mata ni moto, kei nai vako sa vakataudeitaka ko ira na turaga ni soqosoqo, o koya sa solia mai e le dua bauga nai vakatawa.

AI VOLA TABU

¹¹ A nodra vosa na vuku sa vaka na mata ni moto, kei nai vako sa vakataudeitaka ko ira na turaga ni soqosoqo, na ka sa solia mai ko koya nai vakatawa e lewe dua.

Vakavakadewa Vou kei na iVola tale eso

¹¹ Na nodra vosa na tamata vuku sa vaka na kau momoto era dau vakayagataka na i vakatawanisipi me vagolei ira kina na sipi, ka sa vaka na i vako sa vakoti sara vakavinaka na veivakasala momona. Sa solia kece mai oqo na Kalou, o koya na noda i Vakatawa e le dua bauga.

Ai Vola Tabu Ena Vakavakadewa Vou

¹¹ Na nodra vosa na tamata vuku sa vaka na kau momoto era dau vakayagataka na i vakatawanisipi me vagolei ira kina na sipi, ka sa vaka na i vako sa vakoti sara vakavinaka na veivakasala momona. Sa solia kece mai oqo na Kalou, o koya na noda i Vakatawa e le dua bauga.

Dauvunau 12:11 Iomraidhean Croise

Vakatekivu 49:24

Ia sa kaukauwa tiko ga na nona dakai, A sa vakaukauwataki na taba ni ligana, E na ligana na Kaukauwa i Jekope. Sa vu maikina nai Vakatawa, na Ulu-vatu i Isireli;

Esera 9:8

Ia sa qai lomani keimami ko Jiova na neimami Kalou e na dua na gauna lekaleka wale oqo, me vakavoca vei keimami eso me bula, ka me solia vei keimami nai vako e na nona vale tabu, ka me vakararamataka na mata i keimami na neimami Kalou, ka vakaukauwataki keimami vakalailai e na neimami vakabobulataki.

NA SAME 23:1

A noqu i vakatawa ko Jiova; ena sega na ka me yali vei au.

NA SAME 80:1

Mo ni vaqara daligamuni mai, na nodra i vakatawa na Isireli, Oi kemuni ko ni a tuberi ira na Josefa me vaka na qele ni sipi; Oi kemuni ka tiko e na maliwa ni Jerupi, mo ni cila mai.

Vosavakaibalebale 1:6

Me kila na vosa vakaibalebale, kei na kenai vakamacala; Na nodra vosa na vuku, kei na nodra vosa vakatautauvata.

Vosavakaibalebale 10:21

Sa vakani ira na lewe vuqa na tebenigusu ni yalododonu: Ia ko ira na lialia era mate ga ni sa sega vei ira na vuku.

Vosavakaibalebale 22:17

Mo vakalakala daligamu, mo rogoca na nodra vosa na vuku, Ka vagolea na lomamu ki nai vakavuvuli:

Dauvunau 10:12

Sa dauvosa vakayalololoma na tamata vuku; ia na tebenigusu ni lialia ena tilomi koya vakai koya.

Dauvunau 7:5

Sa vinaka ni rogoca na tamata na vunau ni vuku, ka ca vua ni rogoca na nodra sere na lialia:

Aisea 22:23

Ia ka'u na vakataudeitaki koya me vaka nai vako e na tikina sa dei sara; ena yaco talega mei tikotiko vakaturaga ka vakaiukuuku e na vale i tamana.

Aisea 40:11

ena vakani ira na nona qele ni sipi me vaka nai vakatawa; ena keveti ira na luve ni sipi e na ligana, ka kauti ira voli e na lomaserena; ko ira era vakasucuma tiko na luvedra ena tubera voli vakamalua ko koya.

Jeremaia 23:29

Sa sega beka ni vaka na bukawaqa, na noqu vosa? sa kaya ko Jiova; ka vaka nai tukituki sa vorolaka na vatu?

Isikeli 34:23

Ia ka'u na lesia e dua me nodra i vakatawa, ia ena vakani ira ko koya, io, na noqu tamata ko Tevita; ena vakani ira ko koya, ena lesi talega ko koya me nodra i vakatawa.

Maciu 3:7

Ia ni sa raica ko koya era sa lewe vuqa na Farisi kei nai tokani i Setoki, era sa lako mai ki na nona papitaiso, sa kaya vei ira, Oi kemudou na kawa ni gata, ko cei sa vakasalataki kemudou mo dou dro tani mai na cudru sa lako tiko mai?

Joni 10:14

Oi au nai vakatawa vinaka: ia kau sa kilai ira sa noqu, ia ko ira sa noqu era sa kilai au;

Joni 3:10

Sa vosa ko Jisu, ka kaya vua, O iko na nodrai vakavuvuli na Isireli, ka sega ni kila na veika oqo, ne?

Cakacaka 2:37

Ia ni ra sa rogoca, sa laucoka na yalodra, a ra sa kaya vei Pita kei ira nai apositolo sa vo, Oi kemudou na veiwekani, a cava me keimami kitaka?

2 Korinica 10:4

(ni sa sega ni ka vakayago na neitou i yaragi, ia sa kaukauwa ga e na vuku ni Kalou me talaraki kina na bai ni valu kaukauwa:)

Iperiu 13:20

Ia na Kalou ni veivakacegui, o koya ka kauta tale mai na mate na noda Turaga ko Jisu, na nodra i Vakatawa levu na sipi, e na vuku ni dra sa ia kina na veiyalayalati tawa mudu,

Iperiu 4:12

Ni sa bula na vosa ni Kalou, ka kaukauwa, ka gata vakalevu ka mucu ga nai seleiwau batirua, ka suaka me wasea rua kina na lomada kei na yaloda, kei na nodai sema kei na uto ni sui, a sa vakalewa sara na nanuma kei nai naki ni yaloda.

1 Pita 5:4

Ia ni na rairai mai nai Vakatawa levu, dou na rawata kina nai sala vakaiukuuku ena sega ni malai rawa.