Dauvunau 11:8 - Vakavakadewa Makawa

⁸ Ia kevaka sa yabaki vuqa na nona bula na tamata, ka sa rekitaka kecega; ia me nanuma talega ko koya na veisiga butobuto; ni na sa vuqa mai. Na ka kecega sa na muri mai sa ka walega.

Ai Vola Tabu (Vakadewa Makawa Vakavoutaki 2021)

⁸ Ia kevaka sa yabaki vuqa na nona bula na tamata, ka sa rekitaka kecega; ia me nanuma talega ko koya na veisiga butobuto; ni na sa vuqa mai. Na ka kecega sa na muri mai sa ka walega.

AI VOLA TABU

⁸ ia kevaka sa yabaki vuqa nona bula na tamata, ka sa rekitaka kecega; me nanuma ga ko koya na veisiga butobuto; ni na vuqa. O koya sa na muri mai na ka walega.

Vakavakadewa Vou kei na iVola tale eso

⁸ Mo marautaka na veiyabaki yadua o bula kina. Veitalia sara ga na balavu ni gauna o bula kina, nanuma tiko ni na balavu cake na gauna ni nomu mate. Na veika kece ena yaco mai e muri sa sega na kena yaga.

Ai Vola Tabu Ena Vakavakadewa Vou

⁸ Mo marautaka na veiyabaki yadua o bula kina. Veitalia sara ga na balavu ni gauna o bula kina, nanuma tiko ni na balavu cake na gauna ni nomu mate. Na veika kece ena yaco mai e muri sa sega na kena yaga.

Dauvunau 11:8 Iomraidhean Croise

Jope 10:21

Me'u qai lako yani ka sega ni lesu tale mai, Io ki na vanua butobuto kei na yaloyalo ni mate;

Jope 10:22

E dua na vanua butobuto, me vaka na butobuto loaloa; Na yaloyalo ni mate, sa sega ni vakacokotaki vinaka, Ka sa vaka na butobuto ga na kena rarama.

Jope 14:10

Ia sa mate ga na tamata, ka sa takali yani: Io sa ciba na tamata, ka sa evei ko koya?

Jope 14:12

Sa dau vakakina na tamata, era sa duikoto sobu, ka sega ni tu cake tale; Era na sega ni yadra Se vakaturi cake mai na nodra moce ka me yali mada na lomalagi.

Jope 15:23

Sa qara sese voli tu na kena, ka kaya, Sa evei? Sa kila ko koya ni sa voleka sara vua na siga ni butobuto.

Jope 18:18

Ena vakasevi ko koya mai na rarama ki na butobuto, Ena vakasesei tani e vuravura.

NA SAME 49:20

A tamata sa vakarokorokotaki, ka sega ni yalomatua, Sa vaka ga na manumanu era sa rusa ga.

Dauvunau 11:2

Mo vota vei ira na lewe vitu, io vei ira na lewe walu; ni ko sa sega ni kila na ca ena tubu e vuravura.

Dauvunau 2:15

Au a qai kaya e lomaqu, Me vaka na ka sa yacova na lialia, sai koya talega sa yacovi au; ia ka mei cavai ka'u a vuku cake kina? Au a qai kaya e lomaqu, Oqo talega na ka wale.

Dauvunau 2:17

O koya ka'u a cata kina na bula; ni sa ka rarawa vei au na ka sa caka e ruku ni mata-ni-siga: ni sa ka wale kecega, ka sa ka ni oca wale.

Dauvunau 2:19

Ia ko cei e kila se na tamata vuku ko koya se lialia? ia ena veitaliataka ga na noqu cakacaka kecega ka'u a oca kina, ka cakacaka vakavuku kina e ruku ni mata-ni-siga. Oqo talega na ka wale.

Dauvunau 2:26

Ni sa dausolia na Kalou vua na tamata sa vinaka vua na vuku, kei na yalomatua, kei na marau: ia ka sa vota vua nai valavala ca na oca, me kumuna ka binia vata, me mani solia vei koya sa vinaka vua na Kalou. Oqo talega sa ka wale ka sa ka ni oca ga ki na yalo.

Dauvunau 4:16

Sa sega ni wili rawa na tamata kece, io ko ira kece ra sa tiko eliu: ia ko ira era sa muri mai era na sega ni vinakati koya tiko. E dina na ka talega oqo sa ka wale ka sa ka ni oca ga ki na yalo.

Dauvunau 4:8

Sa dua na tamata sa tiko duaduaga, ka sega na kenai karua; io, sa sega na luvena se na tacina: ka sa sega ni mudu na nona oga kecega; ka sa sega ga ni mamau na matana e nai yau; ka sa sega ni kaya, E na vuku beka i cei ka'u sa oca kina, ka vakatabuya na ka vinaka ki na yaloqu? Oqo talega na ka wale, io, sa dua na oca ca.

Dauvunau 6:11

Ni sa vuqa na ka sa vakaikuritaki kina na ka walega, a cava e vinaka cake kina na tamata?

Dauvunau 6:6

Io, ke sa rua na udolu na nona yabaki, ke sa sega ga ni kunea na vinaka: era sa sega li ni lako na tamata kecega ki na yasana e dua bauga?

Dauvunau 7:14

E na siga ni sautu mo reki, ia e na siga ni ca mo vakanananu: ni sa lesia na Kalou na ka oqo kei na ka ko ya me rau veiqaravi, me kakua kina ni kila na tamata na ka ena muri mai.

Dauvunau 8:12

Ia kevaka sa vakadrau na nona caka ca na tamata i valavala ca, ka sa vakabalavutaki na nona bula, ia ka'u sa kila dina sara ni ra na vinaka ko ira era sa rerevaka na Kalou, ko ira era sa rere e matana:

Dauvunau 8:15

Au a qai kaya sa vinaka na marau, ni sa sega na ka e vinaka cake vua na tamata e ruku ni mata-ni-siga, ka me kana ga, ka gunu, ka marau: ni na tikotiko ga kaya na ka oqo e na nona oca e na veisiga ni nona bula, o koya sa solia vua na Kalou e ruku ni mata-ni-siga.

Dauvunau 9:7

Mo lako, mo kania e na marau na kemu kakana, ka gunuva e na yalo sa reki na memu waini; ni sa qai vinakata na nomu cakacaka na Kalou.

Jeremaia 13:16

Dou vakarokorokotaki Jiova na nomudou Kalou, ni sa bera ni vakayacora na butobuto, ni sa bera talega ni tarabe na yavamudou e na veiulu-ni-vanua loaloa; ka dou sa yadrava na rarama, ka sa vukica ga ko koya me yaloyalo ni mate, ka cakava me butobuto sara.

Joeli 2:2

e dua na siga butobuto ka loaloa, a siga ni o kei na butobuto levu, me vaka na mataka ni sa kida mai e na veiulu-ni-vanua: io, e dua na mataqali lewe vuqa ka kaukauwa; sa sega sara e vakakina eliu, ena sega talega me vakakina emuri, e na veiyabaki ni tabatamata sa veitaravi.

Maciu 22:13

Sa qai kaya na tui vei ira na nona tamata, Dou vesuka, a yavana kei na ligana, ka kauti koya tani, ka biuta ki na butobuto etautuba; ena dautagi kina, ka vakasequruquru bati.

Joni 12:35

Sa qai kaya vei ira ko Jisu, Sa tiko vakalailai ga vei kemudou na rarama: dou lako ni sa tu vei kemudou na rarama, de yacovi kemudou na butobuto: ia ko koya sa lako e na butobuto, sa sega ni kila se sa lako kivei.

Vakarua 32:29

Isa lei me ra vuku mada, me ra kila vinaka na ka oqo, Me ra vakanananu ki na kedrai otioti!

Ai Vola I Juta 1:18

ni ra sa tukuna vei kemudou sa na so na dauveivakasewasewani e na gauna emuri, era na daumuria ga na nodra gagadre ca era sa tawa-lotu.