Dauvunau 11:2 - Vakavakadewa Makawa

² Mo vota vei ira na lewe vitu, io vei ira na lewe walu; ni ko sa sega ni kila na ca ena tubu e vuravura.

Ai Vola Tabu (Vakadewa Makawa Vakavoutaki 2021)

² Mo vota vei ira na lewe vitu, io vei ira na lewe walu, ni ko sa sega ni kila na ca ena tubu e vuravura.

AI VOLA TABU

² Mo votai ira na lewe vitu, io na lewe walu; ni ko sa sega ni kila na ca ena tubu e vuravura.

Vakavakadewa Vou kei na iVola tale eso

² La'ki biuta na veika o via vakatubura ena vitu na vanua, se me levu sara, baleta ni o sega ni kila na veika ca ena yacovi iko ena vuravura oqo.

Ai Vola Tabu Ena Vakavakadewa Vou

² La'ki biuta na veika o via vakatubura ena vitu na vanua, se me levu sara, baleta ni o sega ni kila na veika ca ena yacovi iko ena vuravura oqo.

Dauvunau 11:2 Iomraidhean Croise

Niemaia 8:10

Sa qai kaya vei ira ko koya, Ni lako, ni kania na kena uro, ka gunuva na kena kamikamica, ka vakauta nai votavota vei ira sa sega na ka sa vakarautaki kina: ni sa tabu na siga oqo me nei koya na noda Turaga: ia me kakua ni bibi na lomamuni; ni sa vu ni nomuni kaukauwa me marautaki Jiova.

Esiteri 9:19

Ia ko ira na Jiu mai na veikoro lalai, era sa tiko e na veikoro sa sega ni vakabai, era sa lokuca nai katinikava ni siga ni vula ko Eta me siga ni marau kei na kana magiti, kei na siga vinaka, kei na veisoliyaka na ka.

Esiteri 9:22

me kena siga era vakacegu kina ko ira na Jiu maivei ira na nodra meca, kei na vula sa vukici kina na nodra rarawa me reki, kei na nodra tagi me siga vinaka: me ra lokuca me siga ni kana magiti kei na reki, kei na veisoliyaka na ka, kei na soli ka-ni-loloma vei ira na dravudravua.

Jope 5:19

E na ka rarawa e ono, ena vakabulai iko ko koya: Ia e na kenai kavitu, ena sega na ca me tauvi iko.

NA SAME 112:9

Sa duibiubiuta ko koya, sa dausoli ka vei ira na dravudravua; Sa sega ni mudu na nona cakacaka dodonu; Ena vue na nona totoka ka na dokai.

Vosavakaibalebale 19:17

Sa ia na soli ka vei Jiova ko koya sa lomani ira na dravudravua; Ia na ka sa solia ko koya ena saumi tale vua.

Vosavakaibalebale 6:16

Sa ono na ka sa cata ko Jiova: Io, e vitu sa ka vakasisila ki na yalona:

Dauvunau 11:3

Ke sa sinai na uca e na o, ke sa tau mai ki vuravura ka maca: ia ke sa bale na kau ki na mata ni ceva, se ki na mata ni tokalau, na yasana sa bale ga kina na kau, sai koya ena no ga kina.

Dauvunau 11:8

Ia kevaka sa yabaki vuqa na nona bula na tamata, ka sa rekitaka kecega; ia me nanuma talega ko koya na veisiga butobuto; ni na sa vuqa mai. Na ka kecega sa na muri mai sa ka walega.

Dauvunau 12:1

Mo nanumi koya ka Buli iko ni ko sa cauravou tiko, ni sa bera ni yaco na veisiga ca, ka ni sa sega ni toro mai na veiyabaki, ko na kaya kina, Au sa sega ni vinakata na ka oqo:

Taniela 4:27

O koya oqo, na tui, me vinaka kina vei kemuni na noqu i vakavuvuli, ia mo ni muduka mada na nomuni valavala ca ka me kenai sosomi nai valavala dodonu, kei na nomuni caka cala me vakaisosomitaki e na loloma vei ira na dravudravua; de vakadedetaki kina na nomuni tiko vinaka.

Maika 5:5

O koya talega oqo ena vu ni sautu. Ia ni sa mai curuma na noda vanua na kai Asiria, ka butuka na noda veivale vakaturaga, eda na qai vakatura cake me veivala kaya e lewe vitu nai vakatawa, io, e lewe walu na tamata turaga.

Maciu 18:22

Sa kaya vua ko Jisu, Au sa sega ni kaya vei iko, Me vakavitu walega: me vakavitusagavulu na vitu.

Maciu 5:42

Solia vua sa mai kerekere vei iko, ia kakua ni vuki tani vua sa via kerea mada e dua na nomu ka.

Luke 17:4

Ia kevaka sa cala vakavitu vei iko e na siga e dua, ka saumaki vakavitu vei iko, ka kaya, Au sa veivutuni; kakua ni cudruvi koya.

Kalatia 6:1

Oi kemudou na veiwekani, kevaka sa vakidacalataki e dua na tamata mei valavala ca, mo dou vakavinakataki koya e na yalo malumalumu, oi kemudou sa vakayalo; ka mo vakaraici iko, de ko sa dauveretaki talega.

Efeso 5:16

mo dou volia me nomudou na gauna, ni sa ca na veisiga oqo.

Iperiu 13:3

Mo dou nanumi ira era sa vesu tu; me vaka dou sa vesu vata, kei ira talega era sa vakaloloma, me vaka dou sa vakayago talega.

1 Samuela 25:8

Mo tarogi ira mada na nomu cauravou, ka ra na tukuna vei iko. Ia me ratou kune loloma e matamu ko iratou na cauravou: ni keitou sa lako mai e na siga vinaka: mo solia mada kivei ira na nomu tamata, kei na luvemu ko Tevita, eso na ka sa tu vei iko.