Dauvunau 10:19 - Vakavakadewa Makawa

¹⁹ Sa caka na magiti me ia kina na dredre, a sa ka ni marau na waini: ia nai lavo ga sa rawa kina na ka kecega.

Ai Vola Tabu (Vakadewa Makawa Vakavoutaki 2021)

¹⁹ Sa caka na magiti me ia kina na dredre; a sa ka ni marau na waini, ia nai lavo ga sa rawa kina na ka kecega.

AI VOLA TABU

¹⁹ Sa caka na solevu me ia kina na dredre, a sa ka ni mamarau na waini: ia nai lavo ga sa rawa kina na ka kecega.

Vakavakadewa Vou kei na iVola tale eso

¹⁹ Na kana magiti sa vuna na reki ka vakavuna na marau na waini ia ena sega ni rawa ruarua oqo ke sega na i lavo.

Ai Vola Tabu Ena Vakavakadewa Vou

¹⁹ Na kana magiti sa vuna na reki ka vakavuna na marau na waini ia ena sega ni rawa ruarua oqo ke sega na i lavo.

Dauvunau 10:19 Iomraidhean Croise

Vakatekivu 43:34

A sa kau yani mai vua na kedrai votavota: ia nai votavota kei Penijamini sa levu cake, ka vakalima, e na kedra yadua. A ra sa gunu vata kaya, ka ra marau.

2 Samuela 13:28

A sa vakarota ko Apisalomi vei ira na nona cauravou, ka kaya, Dou raica mada ni sa marau na yalo i Aminoni e na waini, ka ni'u sa kaya vei kemudou, Dou mokuti Aminoni, dou qai vakamatei koya, kakua ni rere: ni'u sa vakarota vei kemudou: mo dou yalo doudou, ka qaqa.

1 Veigauna 21:24

A sa kaya vei Orinani ko Tevita na tui, E segai; ka'u na volia dina e na kenai voli dodonu: ni ka'u na sega ni kauta na ka sa nomu me nona ko Jiova, se vakacabora nai soro kama sa sega ni vakaivoli.

Esera 1:6

Ia ko ira kecega era sa tiko voleka vei ira, era sa vukei ira e nai yaya siliva, kei na koula, kei nai yau, kei na manumanu, kei nai yau talei, ia oqo nai kuri ni ka kecega era sa solia e na yalo e vinakata.

Niemaia 5:8

Ia ka'u a kaya vei ira, Me vaka na ka keimami sa rawata, keimami sa vakabulai ira na wekada na Jiu, ko ira era sa volitaki eliu vei ira na veimatanitu tani; ia dou na qai volitaki ira li na wekamudou; se ra na volitaki mai vei keda? Era sa qai galu, ka sega na ka me ra kaya.

Esiteri 1:10

E na kenai kavitu ni siga, ni sa marau na lomana na tui e na waini, sa vakaroti Meumani, kei Piseca, kei Apona, kei Pikica, kei Epakica, kei Seca, kei Kakasi, ko ira na mata e lewe vitu era dauveiqaravi e na mata i Easuerosi na tui,

NA SAME 104:15

Kei na waini, sa vakamarautaka na loma ni tamata, Kei na waiwai sa lumilumisa kina na matana, Kei na kakana sa kaukauwa kina na loma ni tamata.

NA SAME 112:9

Sa duibiubiuta ko koya, sa dausoli ka vei ira na dravudravua; Sa sega ni mudu na nona cakacaka dodonu; Ena vue na nona totoka ka na dokai.

Dauvunau 2:3

Au a segata e lomaqu, me'u vakamarautaki au e na gunu waini, ia ka'u sa lewa vakavuku tikoga na lomaqu; ka me'u muria nai valavala sesewa, me'u kila mada se cava beka na ka vinaka ko ya me nodra na luve ni tamata, me ra kitaka e ruku ni lomalagi e na veisiga kecega ni nodra bula.

Dauvunau 9:7

Mo lako, mo kania e na marau na kemu kakana, ka gunuva e na yalo sa reki na memu waini; ni sa qai vinakata na nomu cakacaka na Kalou.

Aisea 23:18

Ia na nonai yau kei na nonai voli ena tabu me nei Jiova: ena sega ni kumuni vata se maninitaki; ia na nonai yau ena nodra era sa tiko e na mata i Jiova, me ra kana ka mamau ka vakaisulu e na ka veiqati.

Aisea 24:11

Sa ra tagi e na saqata ni koro e na vuku ni waini: sa dromu kecega na reki, sa yali na marau ni vanua.

Maciu 17:27

ia me da kakua ni vakacalai ira, mo lako ki matasawa, ka viritaka na siwa, ka taura na ika ena yavi mada mai; ia ni ko sa basuka na gusuna, ko na kunea kina e dua nai lavo: oqori mo kauta, ka solia vei ira me nodarui tavi.

Maciu 19:21

Sa kaya vua ko Jisu, Kevaka ko sa vinakata mo vinaka sara, mo lako, mo volitaka na nomui yau, ka solia vei ira sa dravudravua, ko na qai vakaiyau mai lomalagi: ia mo lako mai, mo muri au.

Luke 12:19

au na qai kaya ki na yaloqu, Yaloqu, sa levu na nomui yau sa bini tu ena rauta na yabaki e vuqa; mo vakacegu mada, mo kana, mo gunu, mo marau tiko.

Luke 16:9

Ia ka’u sa kaya vei kemudou, Mo dou cakava eso me wekamudou e nai yau e sega ni dina; me ra na kauti kemudou kina ni dou na mate ki na veitikotiko e sega ni oti rawa.

Luke 8:3

kei Joana na wati i Kusa na matanivanua nei Eroti, kei Susana, ka lewe vuqa tale, era sa qaravi koya e na nodrai yau.

Cakacaka 11:29

Ia era sa lewa ko ira sa lotu me ra solia yadua na nodra ka-ni-loloma, me vaka era sa dui rawata, vei ira na veiwekani era sa tiko mai Jutia:

Cakacaka 2:45

a ra sa volitaka na nodra vanua kei na nodrai yau, a ra sa vota kivei ira kecega, me vaka na nodra dui dravudravua.

1 Pita 4:3

Ia me kena levu vei keda na gauna ni bula sa oti ni da kitaka kina na ka era vinakata ko ira era sa sega ni lotu, ni da sa muria lako na gagadre ca, na dodomo ca, na daugunu waini, nai soqosoqo lialia, na daumateni, kei na kena ca ni dausoro ki na veimatakau:

Dauveilewai 14:10

A sa lako sobu na tamana vei koya na yalewa: a sa cakava maikea e dua na solevu ko Samisoni; ni sa dau kenai valavala oqo vei ira na cauravou.

Dauveilewai 9:13

A sa kaya na vaini vei ira, Me'u biuta li na noqu waini, sa vakarekitaka na Kalou kei ira na tamata, ka me'u la'ki veidretaki vei ira na kau?

1 Samuela 25:36

A sa lesu yani vei Nepali ko Apikali: ka raica, sa caka magiti ko koya e na nona vale, ka sa vaka na magiti ni tui; a sa marau na yalo i Nepali, ni sa mateni sara ko koya: a sa sega ni tukuna vua ko koya e dua na ka se ka lailai se ka levu, ka me rarama mada na mataka.