Dauvunau 1:2 - Vakavakadewa Makawa

² Sa kaya na Dauvunau, Sa ka wale sara! sa ka wale sara! sa ka wale na ka kecega!

Ai Vola Tabu (Vakadewa Makawa Vakavoutaki 2021)

² Sa kaya na Dauvunau, Sa ka wale sara! Sa ka wale sara! Sa ka wale na ka kecega!

AI VOLA TABU

² Sa kaya na Dauvunau, Na ka wale sara! na ka wale sara! sa ka wale kecega!

Vakavakadewa Vou kei na iVola tale eso

² Sa sega ni vakaibalebale, sa sega ni vakaibalebale, sa kaya na Dauvunau. Sa sega ni vakaibalebale na bula.

Ai Vola Tabu Ena Vakavakadewa Vou

² Sa sega ni vakaibalebale, sa sega ni vakaibalebale, sa kaya na Dauvunau. Sa sega ni vakaibalebale na bula.

Dauvunau 1:2 Iomraidhean Croise

Jope 11:12

Ni sa viaviavuku na tamata lialia, Ia ka sa sucu ga me vaka na luve ni asa kila.

NA SAME 144:4

Sa vaka na ka wale na tamata: Na nona gauna sa vaka na yaloyalo sa yali rawarawa.

NA SAME 89:47

Mo ni nanuma na kena lekaleka ni noqu bula: A cava ko ni a bulia kina na luve ni tamata kecega me ra ka walega?

Dauvunau 11:10

Ia mo biuta tani kina mai na lomamu na ka rarawa, ka mo biuta tani na ca mai na yagomu: ni sa ka walega na gauna sa gone ka cauravou kina

Dauvunau 11:8

Ia kevaka sa yabaki vuqa na nona bula na tamata, ka sa rekitaka kecega; ia me nanuma talega ko koya na veisiga butobuto; ni na sa vuqa mai. Na ka kecega sa na muri mai sa ka walega.

Dauvunau 12:8

A ka wale e na ka wale! sa kaya ko koya na Dauvunau; sa ka wale na ka kecega!

Dauvunau 2:11

Au a qai vakaraica na cakacaka kecega ka sa cakava na ligaqu, kei na ogaoga ka'u a vakaogai au kina: ka raica, sa ka wale kecega ka sa ka ni oca wale, ka sega na kena yaga e ruku ni mata-ni-siga.

Dauvunau 2:15

Au a qai kaya e lomaqu, Me vaka na ka sa yacova na lialia, sai koya talega sa yacovi au; ia ka mei cavai ka'u a vuku cake kina? Au a qai kaya e lomaqu, Oqo talega na ka wale.

Dauvunau 2:17

O koya ka'u a cata kina na bula; ni sa ka rarawa vei au na ka sa caka e ruku ni mata-ni-siga: ni sa ka wale kecega, ka sa ka ni oca wale.

Dauvunau 2:19

Ia ko cei e kila se na tamata vuku ko koya se lialia? ia ena veitaliataka ga na noqu cakacaka kecega ka'u a oca kina, ka cakacaka vakavuku kina e ruku ni mata-ni-siga. Oqo talega na ka wale.

Dauvunau 2:21

Ni sa dua na tamata sa daucakacaka vakavuku, ka vakayalomatua, ka dodonu; ia ena laiva ga me nonai votavota na tamata sa sega ni oca kina. Oqo talega na ka wale ka ca sara ga.

Dauvunau 2:23

Ni sa ka rarawa na nona veisiga kece, ka ka ni vutugu na nona oca; io, sa sega ni cegu rawa na lomana e na bogi. Oqo talega na ka wale.

Dauvunau 2:26

Ni sa dausolia na Kalou vua na tamata sa vinaka vua na vuku, kei na yalomatua, kei na marau: ia ka sa vota vua nai valavala ca na oca, me kumuna ka binia vata, me mani solia vei koya sa vinaka vua na Kalou. Oqo talega sa ka wale ka sa ka ni oca ga ki na yalo.

Dauvunau 2:8

Au a kumuna vata talega vei au na siliva kei na koula, kei nai vakacavacava maivei ira na tui, kei na veiqali: Au a rawata eso na noqu tagane dausere kei na noqu yalewa dausere, kei na ka era daumarautaka na luve ni tamata, ia na ka domo vinaka, ka vuqa na kenai valavala.

Dauvunau 3:19

Ni sa yacovi ira na tamata na ka sa yacova na manumanu; ni sa tautauvata ga na ka sa yacovi ira: me vaka sa mate oqo, sa mate vaka talega kina ko ya; io, sa dua vata ga na nodra i cegu; ka sa sega ni uasivi cake na tamata e na manumanu: ni sa ka wale kecega.

Dauvunau 4:16

Sa sega ni wili rawa na tamata kece, io ko ira kece ra sa tiko eliu: ia ko ira era sa muri mai era na sega ni vinakati koya tiko. E dina na ka talega oqo sa ka wale ka sa ka ni oca ga ki na yalo.

Dauvunau 4:4

Au a nanuma tale na oca kecega, kei na cakacaka dodonu kecega; ni sai koya oqo sa vuvutaki kina e dua na tamata maivua na kai nona. Oqo talega na ka wale ka sa ka ni oca wale ki na yalo.

Dauvunau 4:8

Sa dua na tamata sa tiko duaduaga, ka sega na kenai karua; io, sa sega na luvena se na tacina: ka sa sega ni mudu na nona oga kecega; ka sa sega ga ni mamau na matana e nai yau; ka sa sega ni kaya, E na vuku beka i cei ka'u sa oca kina, ka vakatabuya na ka vinaka ki na yaloqu? Oqo talega na ka wale, io, sa dua na oca ca.

Dauvunau 5:10

O koya sa lomana na siliva ena sega ni mamau e na siliva; se ko koya sa lomana nai yau e na kenai kuri: oqo talega na ka wale.

Dauvunau 6:11

Ni sa vuqa na ka sa vakaikuritaki kina na ka walega, a cava e vinaka cake kina na tamata?

Roma 8:20

Ni sa vakamalumalumutaki ko vuravura me ca, a sa sega ni vinakata, e na vuku i koya ga sa vakamalumalumutaka, ni sa vakanuinui tiko