Dauvunau 1:13 - Vakavakadewa Makawa

¹³ Ia ka'u a segata e na lomaqu me'u qara ka vakatarotaroga vakavuku na ka kecega sa caka e ruku ni lomalagi: na ogaoga dredre oqo sa solia na Kalou vei ira na luve ni tamata me ra vakaogai kina.

Ai Vola Tabu (Vakadewa Makawa Vakavoutaki 2021)

¹³ Ia ka'u a segata e na lomaqu me'u qara ka vakatarotaroga vakavuku na ka kecega sa caka e ruku ni lomalagi; na ogaoga dredre oqo sa solia na Kalou vei ira na luve ni tamata me ra vakaogai kina.

AI VOLA TABU

¹³ Ia kaʼu a solia na lomaqu meʼu qara ka vakataroga vakavuku e na ka kecega sa caka e ruku ni lomalagi: na ogaoga dredre o qo sa solia na Kalou vei ira na luve ni tamata me ra veiogai kina.

Vakavakadewa Vou kei na iVola tale eso

¹³ Au a nakita e lomaqu me'u dikeva matua sara ka vulica na veika kece e caka ena vuravura oqo. Sa cakava tu na Kalou na ka dredre oqo me baleti keda na tamata.

Ai Vola Tabu Ena Vakavakadewa Vou

¹³ Au a nakita e lomaqu me'u dikeva matua sara ka vulica na veika kece e caka ena vuravura oqo. Sa cakava tu na Kalou na ka dredre oqo me baleti keda na tamata.

Dauvunau 1:13 Iomraidhean Croise

Vakatekivu 3:19

e na buno ni matamu ko na kania kina na kemu kakana, ka yacova na siga ko na suka tale kina ki na qele; ni ko a buli maikina eliu: ni ko sa kuvu ni qele ga, ia ko na suka tale mo kuvu ni qele.

Jope 28:3

Sa vakaotia na butobuto na tamata, Ka sa vakasaqaqara na ka kece sara ga: Io na vatu ni butobuto, kei na yaloyalo ni mate.

NA SAME 111:2

A cakacaka i Jiova sa ka levu, Era qara me ra kila ko ira kecega era dauvinakata.

Vosavakaibalebale 18:1

Ni sa tawasei koya tani na tamata, sa qara na ka e domona, A sa veivorati kei na vuku kece.

Vosavakaibalebale 18:15

A loma ni tamata yalomatua sa rawata na vuku; Kei na daligana na yalovuku sa gu ni kila ka.

Vosavakaibalebale 23:26

Na luvequ, mo solia na lomamu kivei au, Ia me vakabauta ga na noqu sala na matamu.

Vosavakaibalebale 25:2

Sa rogo na Kalou ni sa vunia na ka: Ia sa rogo ko ira na tui ni ra sa vakataroga matua na ka.

Vosavakaibalebale 4:7

Sa ka levu duaduaga na vuku; mo rawata mada na vuku: Ia e na ka kece ko sa rawata mo rawata vata kei na yalomatua.

Dauvunau 1:17

Ia ka'u a solia na yaloqu me'u kila nai valavala vuku, kei nai valavala lialia ka sesewa: ka'u sa kunea ni sa ka ni oca wale na ka talega oqo:

Dauvunau 11:5

Me vaka ko sa sega ni kila nai lakolako ni yalo, se sa tubu vakaevei na sui e na kete i koya sa bukete: sa vakakina ko sa sega ni kila na cakacaka ni Kalou ko koya sa bulia kecega.

Dauvunau 12:12

Ia sa vo, na luvequ, mo vakasalataki e na ka oqo: ena sega ni oti na dauvola nai vola; ia na dauwili vola sa ka ni oca ki na yago.

Dauvunau 2:23

Ni sa ka rarawa na nona veisiga kece, ka ka ni vutugu na nona oca; io, sa sega ni cegu rawa na lomana e na bogi. Oqo talega na ka wale.

Dauvunau 2:26

Ni sa dausolia na Kalou vua na tamata sa vinaka vua na vuku, kei na yalomatua, kei na marau: ia ka sa vota vua nai valavala ca na oca, me kumuna ka binia vata, me mani solia vei koya sa vinaka vua na Kalou. Oqo talega sa ka wale ka sa ka ni oca ga ki na yalo.

Dauvunau 3:10

Au sa raica oti na oca sa vota na Kalou vei ira na luve ni tamata me ra vakaogai kina.

Dauvunau 3:11

Sa cakava na ka kece me rairai vinaka e na kena gauna: ia sa vakatikora ki lomadra na gauna ena sega ni mudu, sa sega kina na tamata sa kunea rawa na cakacaka sa cakava na Kalou mai na kenai vakatekivu ka yacova na kenai otioti.

Dauvunau 4:4

Au a nanuma tale na oca kecega, kei na cakacaka dodonu kecega; ni sai koya oqo sa vuvutaki kina e dua na tamata maivua na kai nona. Oqo talega na ka wale ka sa ka ni oca wale ki na yalo.

Dauvunau 4:8

Sa dua na tamata sa tiko duaduaga, ka sega na kenai karua; io, sa sega na luvena se na tacina: ka sa sega ni mudu na nona oga kecega; ka sa sega ga ni mamau na matana e nai yau; ka sa sega ni kaya, E na vuku beka i cei ka'u sa oca kina, ka vakatabuya na ka vinaka ki na yaloqu? Oqo talega na ka wale, io, sa dua na oca ca.

Dauvunau 7:25

Au a vakauqeta na lomaqu me'u kila, ka dikeva, ka vakasaqara na vuku, kei nai balebale ni ka, me'u kila talega na kena ca na lialia, io nai valavala sesewa ka lialia:

Dauvunau 8:9

A ka kecega oqo ka'u sa kunea, ka vakasara na lomaqu ki na cakacaka kece sa caka e ruku ni mata-ni-siga: ia sa dua na gauna sa lewa kina na tamata vua na tamata tani ka sa mani ca kina.

1 Timoci 4:15

Mo dauvakananuma na veika oqo; me ra rawai iko sara; me rairai kina ni ko sa vuku cake mai e na ka kecega.