Apakuki 3:8 - Vakavakadewa Makawa

⁸ Ko ni sa yalo ca li, Jiova, ki na uciwai? Ko ni sa cudru li ki na uciwai? Ko ni sa lesava li na waitui, Ko ni a vodoka kina na nomuni ose, na nomuni qiqi-ni-dauveivakabulai?

Ai Vola Tabu (Vakadewa Makawa Vakavoutaki 2021)

⁸ Ko ni sa yalo ca li, i Jiova, ki na uciwai? Ko ni sa cudru li ki na uciwai? Ko ni sa lesava li na waitui, ni o ni a vodoka kina na nomuni ose, kei na nomuni qiqi-ni-dauveivakabulai?

AI VOLA TABU

⁸ Sa ki na uciwai li ka ca kina na yalomu, Jiova? sa ki na uciwai li ka ia kina na nomu cudru? sa ki na waitui li ka ia kina na nomu veilesavi, ko a vodoka kina na nomu ose, na nomu vale-vodoki dauveivakabulai?

Vakavakadewa Vou kei na iVola tale eso

⁸ I Jiova, e vu li mai na veiuciwai na nomuni cudru? E vu li mai na wasawasa na nomuni lomakatakata? O ni a vodo voli ena dela ni veio; A sa nomuni qiqinivalu na o loaloa ni cagi ca, Ka kauta mai na qaqa vei ira na nomuni tamata.

Ai Vola Tabu Ena Vakavakadewa Vou

⁸ I Jiova, e vu li mai na veiuciwai na nomuni cudru? E vu li mai na wasawasa na nomuni lomakatakata? O ni a vodo voli ena dela ni veio; A sa nomuni qiqinivalu na o loaloa ni cagi ca, Ka kauta mai na qaqa vei ira na nomuni tamata.

Apakuki 3:8 Iomraidhean Croise

NA SAME 104:3

O ni sa kotora nai kaso ni nomuni vale e cake e na dela ni wai: O ni sa cakava na o me nomuni qiqi vakaturaga: O ni sa lako voli e na taba ni cagi:

NA SAME 114:3

Sa kunea na wasawasa, ka sa dro: Sa vakalesui ki cake ko Joritani.

NA SAME 114:5

A cava ka manati iko, na wasawasa, ni ko a dro? Se ko iko, Joritani, ni ko a vakalesui ki cake?

NA SAME 18:10

A sa vodoka na Jerupi, ka sa vuka: Io, sa vuka mai e na taba ni cagi.

NA SAME 45:4

Mo ni vodo lako tiko vakaturaga, mo ni mani yaco E na vuku ni dina kei na yalomalumalumu, kei nai valavala dodonu; Ka na vakavulici kemuni na ka ni veivakarerei na ligamuni matau.

NA SAME 68:17

A qiqi-vakaturaga ni Kalou sa rua na oba, ia na nona agilose sa udolu vakavuqa sara: Sa tiko na Turaga e na kedra maliwa, me vaka mai Saineai, e na tikina tabu.

NA SAME 68:4

Dou sere vua na Kalou, dou seretaka na yacana: Dou vakavinavinaka vua sa vodo lako e na lomalagi, Na yacana ko Ja, ka mo dou tavarekireki e matana.

NA SAME 77:16

Sa kunei kemuni na Kalou, na wai; Sa kunei kemuni na wai, ka sa rere: Io, sa kidroa talega na wai titobu.

Lako Yani 14:16

Ia ko iko, mo kauta ga na nomu i titoko, ka dodoka yani na ligamu vaka ki na waitui, ka wasea; a ra na lako na Isireli e na qele mamaca e loma ni wasawasa.

Lako Yani 7:19

Sa vosa talega vei Mosese ko Jiova, Mo kaya vei Eroni, Mo taura na nomu i titoko, ka dodoka na ligamu vaka ki na wai e Ijipita, vaka ki na nodra uciwai lalai, vaka ki na nodra uciwai, ka vaka ki na nodra drano, ka vaka ki na nodra i keli-wai kecega, ka me vuki me dra; ka na tiko ga na dra e na veiyasana kecega e Ijipita, e nai gunugunu kau, kei nai gunugunu vatu.

Lako Yani 7:20

A rau sa kitaka vakakina ko Mosese kei Eroni, me vaka ka vakarota ko Jiova; ni sa dulaka nai titoko, ka yavita na wai mai na uciwai, ni sa raica tiko ko Fero, ka ni ra raica talega na nona tamata; a sa vuki me dra mai na wai kecega sa tiko e na uciwai.

Aisea 19:1

Na vosa ni parofisai bibi kei Ijipita. Raica, sa vodo tu ko Jiova e na o totolo, ka sa lako mai ki Ijipita; a sa yavala na kalou lasu ni Ijipita e matana, ka sa waicala e lomana na yalo i Ijipita.

Aisea 50:2

A cava, ni'u a lako mai, sa sega kina e dua na tamata? a cava, ni'u a kaci, sa sega e dua me rogo mai? Sa lekaleka li na ligaqu, me dredre kina ni ia na veivakabulai? se sa sega beka vei au na kaukauwa, me'u sega kina ni vakabula rawa? raica, ni'u sa vunauca, ka'u sa vakadiva kina na wasawasa, ka vukica na uciwai me talasiga: ni sa yali na wai, sa bona na kena ika ka mate sara e na viagunu:

Aisea 66:15

Ni na lako dina mai ko Jiova e na bukawaqa, ena vaka talega na covulaca na nona qiqi-ni-valu, me ia na nona veisausaumi e na cudru katakata, kei na nona veivunauci e na yameyame ni bukawaqa. Na bukawaqa, kei nai seleiwau, sa na ia kina na veilewai kei ira na tamata kecega, ko Jiova:

Neumi 1:4

Sa vunauca na wasawasa, ka sa di mai, ia na uciwai kecega sa vakadiva talega: sa malai ko Pasani, kei Kameli, ia na se ni kau mai Lepanoni sa malai.

Apakuki 3:15

O ni a lako ga e na loma ni wasawasa, koi kemuni kei na nomuni ose, E nai soqosoqo ni wai levu.

Marika 4:39

A sa tu cake ko koya, ka vunauca na cagi, a sa kaya ki na wasawasa, Mo cegu, mo maravu mai. A sa ruru na cagi, a sa maravu levu mai.

Vakatakila 16:12

IA nai kaono ni agilose sa sovaraka na nona bilo ki na uciwai levu ko Uferetisi; a sa di kina na kena wai, me caramaki na nodra sala na tui mai na tu-i-cake.

Vakatakila 19:11

Ia ka'u a raici lomalagi ni sa dola tu, ka raica sa dua na ose vulavula; o koya sa vodo kina sa vakatokai ko Dodonu ka Dina, a sa lewa vakadodonu ko koya ka kitaka nai valu.

Vakatakila 19:14

Ia ko ira na matai valu mai lomalagi era sa muri koya, ni ra sa vodo e na veiose vulavula, a ra sa vakaisulu e na lineni matailalai, e vulavula ka savasava.

Vakatakila 6:2

Ka raica, au a qai kunea na ose vulavula: ia sa taura na dakai titi ko koya sa vodo tiko kina; a sa soli vua e dua nai sala-vakaturaga; a sa lako yani ko koya e na gumatua, ka me gumatua vakalevu.