Apakuki 3:2 - Vakavakadewa Makawa

² I Jiova, au a rogoca na kemuni rogorogo; ka'u a rere: I Jiova, mo ni vakabulabulataka na nomuni cakacaka e na veimama ni gauna, E na veimama ni gauna mo ni vakatakila mai; Ni kemuni sa ia na cudru, mo ni nanuma na yalololoma.

Ai Vola Tabu (Vakadewa Makawa Vakavoutaki 2021)

² I Jiova, au a rogoca na kemuni rogorogo, ka'u a rere: I Jiova, mo ni vakabulabulataka na nomuni cakacaka e na veimama ni gauna; e na veimama ni gauna mo ni vakatakila mai; ni kemuni sa ia na cudru, mo ni nanuma na yalololoma.

AI VOLA TABU

² I Jiova, au a rogoca na kemui rogorogo; kaʼu a rere: I Jiova, a nomu cakacaka mo vakabulabulataka e na veimama ni gauna, e na veimama ni gauna mo vakatakila mai; ni sa ia na cudru, mo nanuma na yalololoma.

Vakavakadewa Vou kei na iVola tale eso

² I Jiova, au sa rogoca na nomuni cakacaka, Ka'u sa vakasinaiti ena rere kei na qoroqoro. Ni vakayacora tale mada ena neimami gauna Na cakacaka cecere o ni a dau cakava e liu. Ena nomuni cudru, mo ni yalololoma ga.

Ai Vola Tabu Ena Vakavakadewa Vou

² I Jiova, au sa rogoca na nomuni cakacaka, Ka'u sa vakasinaiti ena rere kei na qoroqoro. Ni vakayacora tale mada ena neimami gauna Na cakacaka cecere o ni a dau cakava e liu. Ena nomuni cudru, mo ni yalololoma ga.

Apakuki 3:2 Iomraidhean Croise

Esera 9:8

Ia sa qai lomani keimami ko Jiova na neimami Kalou e na dua na gauna lekaleka wale oqo, me vakavoca vei keimami eso me bula, ka me solia vei keimami nai vako e na nona vale tabu, ka me vakararamataka na mata i keimami na neimami Kalou, ka vakaukauwataki keimami vakalailai e na neimami vakabobulataki.

Jope 42:5

Ka'u a rogoci kemuni e na daligaqu walega; Ia sa qai raici kemuni na mataqu:

NA SAME 119:120

Sa sautaninini na lewequ ni'u rere vei kemuni; Ka'u sa rerevaka na nomuni lewa.

NA SAME 25:6

Ni nanuma, Jiova, na nomuni yalololoma kei na nomuni yalovinaka, Ni sa ka mailiu sara na ka oqori.

NA SAME 38:1

I Jiova, kakua ni vunauci au e na nomuni cudru: Se cudruvi au e na nomuni cudru waqawaqa.

NA SAME 44:1

Kemuni na Kalou, keimami a rogoca e na daliga i keimami, a ra sa tukuna vei keimami na neimami qase, Na cakacaka ko ni a cakava e na nodra gauna, e na gauna sa oti makawa.

NA SAME 71:20

Oi kemuni ko ni sa vakatakila mai vei keimami na ka rarawa vakalevu ka ca sara, O ni na vakabulai keimami tale, Ka kauti keimami cake tale mai na wai titobu e vuravura.

NA SAME 78:38

Ia ko koya, ni sa yalololoma, sa sega ni sauma na nodra i valavala ca, ka sega ni vakarusai ira: Ia sa vakalesuya tani vakavuqa na nona cudru, Ka sega ni uqeta na nona cudru me waqawaqa sara.

NA SAME 85:6

O ni na sega beka ni vakabulabulataki keimami tale: Me ra reki tale e na vukumuni na nomuni tamata?

Aisea 53:1

Ko cei sa vakabauta na neitou i tukutuku? ia sa vakatakilai vei cei na liga i Jiova?

Aisea 54:8

E na noqu cudru, ka'u a tabonaka mada vakalailai na mataqu maivei iko; ia e na loloma sa sega ni mudu ka'u na lomani iko kina, sa kaya na nomu i Vakabula ko Jiova.

Aisea 63:15

Mo ni rai sobu mai lomalagi, ka vakaraica mai na nomuni tikotiko tabu sa vakaiukuuku: sa evei na nomuni lomakatakata, kei na nomuni kaukauwa? na yavavala ni lomamuni kei na nomuni yalololoma vei au, sa kinoci beka tu?

Aisea 66:2

Ia na ka kecega oqo sa bulia na ligaqu, ka sa tu mai na ka kecega oqo, sa kaya ko Jiova: ia na tamata oqo ka'u na goleva, io ko koya sa yalomalumalumu ka ramusu na yalona, ka sa rerevaka na noqu vosa.

Jeremaia 10:24

mo ni vakanakuitataki au, Jiova, e na lewa vinaka, me kakua e na nomuni cudru, de ko vakarusai au sara:

Jeremaia 10:7

ko cei me na sega ni rerevaki kemuni na Tui ni veimatanitu? ni sa kilikili kei kemuni: io vei ira kece na vuku e na veivanua, kei na nodra veimatanitu kecega, sa sega e dua me vakataki kemuni.

Jeremaia 29:10

Ni sa kaya ko Jiova, Me oti mada e vitusagavulu na yabaki mai Papiloni ka'u na qai talevi kemudou, ka vakayacora vei kemudou na noqu vosa vinaka, ni'u sa vakalesui kemudou tale mai ki na yasana oqo.

Jeremaia 46:28

Mo kakua ni rere, ko iko Jekope na noqu tamata, sa kaya ko Jiova; ni'u sa tiko vata kei iko: ni'u na vakaotia sara na veimatanitu kecega ka'u sa vakasevi iko kina, ia ko iko, ka'u na sega ni vakaotia sara: ka'u na vakanakuitataki iko vakavinaka ga, ni ko na sega ni dro bula sara.

Lele i Jeremaia 3:32

Ia ke sa ia na veivakararawataki ko koya, ena ia talega na loloma me vaka na kena levu ni nona yalololoma.

Taniela 8:17

A sa toro voleka mai ko koya ki na tikina ka'u sa tu kina: ia ni sa lako mai ko koya, ka'u sa rere, ka cuva vakatoboicu: ia sa kaya vei au, Mo kila, ko iko na luve ni tamata: ni sa bale ga ki na gauna ni vakataotioti na raivotu.

Taniela 9:2

e nai matai ni yabaki ni nona lewa, koi au ko Taniela, ka'u a kila mai nai vola nai wiliwili ni yabaki, sa yaco kina na vosa vei Jeremaia na parofita, ni na vitusagavulu mada na yabaki na kena lala tu ko Jerusalemi.

Apakuki 3:1

A masu i Apakuki na parofita: a sere me vaka na Sikionoce.

Apakuki 3:16

Au a rogoca, ka rise na bati ni ketequ; Ni sa rogo mai, sa yavala kina na tebenigusuqu: Sa curu ki na suiqu na vuca, ka'u a sautaninini tu e yavaqu: Ia ka'u na vakacegu ga e na siga ni rarawa, Ni sa lako cake mai ko koya vei ira na lewe ni vanua ena mai kabai ira ko koya.

Sakaraia 1:12

Sa qai kaya na agilose i Jiova, ka vaka, Kemuni Jiova ni lewe vuqa, a cava na kena dede ko ni na sega kina ni yalololoma kina ki Jerusalemi, kei na veikoro vaka-Juta, ko ni sa cudruva tiko ka yabaki vitusagavulu?

Joni 10:10

Sa sega ni lako wale mai na daubutako, me butako ga, ka ravuravu, ka vakarusa: au sa lako mai me rawa vei ira na bula, ia me rawa vakalevu sara.

Roma 10:16

A ra sa sega ni vakabauta kecega nai tukutuku-vinaka; ni sa kaya ko Aisea. I Jiova, ko cei sa vakabauta na neitou i tukutuku?

Filipai 1:6

ia na ka oqo kau sa vakadinata sara, o koya sa vakatekivuna na cakacaka vinaka e na lomamudou, ena kitaka tiko me yaco mada na siga i Jisu Karisito:

Iperiu 11:7

Ni sa vakabauta sa rere kina ko Noa, ni sa vakasalataka oti na Kalou e na vuku ni veika sa bera ni rairai mai, a sa taya e dua na waqa ko koya me vakabulai ira kina na nona lewe-ni-vale; a sa vakalewai ira kina na kai vuravura, ka yaco mei taukei ni veivakadonui sa yaco e na vakabauta.

Iperiu 12:21

ia sa ka rerevaki sara na kenai rairai ni ka ko ya, ka sa kaya kina ko Mosese, Au sa domobula ka sautaninini vakalevu:

Vakatakila 15:4

O cei me sega ni rerevaki kemuni, na Turaga, ka vakarokorokotaka na yacamuni? ni sai kemuni ga sa yalosavasava: ko ira kecega na veivanua era na lako mai ka cuva e matamuni; ni sa vakatakilai mai na nomuni cakacaka dodonu.