Apakuki 2:6 - Vakavakadewa Makawa

⁶ o ira kece oqo me ra sega beka ni taurivaka e dua na kena vosa vakaibalebale, io, e dua na kenai bole ni veibeci? ka kaya, Ena ca ko koya sa vakalevutaka na ka sa sega ni nona! a cava na kena dede? ka bitaki koya e nai vakadinadina!

Ai Vola Tabu (Vakadewa Makawa Vakavoutaki 2021)

⁶ O ira kece oqo me ra sega beka ni taurivaka e dua na kena vosa vakaibalebale, io, e dua na kenai bole ni veibeci, ka kaya, Ena ca ko koya sa vakalevutaka na ka sa sega ni nona! A cava na kena dede ki vua sa bitaki koya e nai vakadinadina?

AI VOLA TABU

⁶ o ira kece o qo, me ra sega beka ni taurivaka e dua na kena meke, io, e dua na kenai bole vakaibalebale? ka kaya, Ena ca ko koya sa vakalevutaka na ka sa sega ni nona! a cava na kena dede? ka bitaki koya e na qele vavaku!

Vakavakadewa Vou kei na iVola tale eso

⁶ O ira na rawai ena i valu era na qai rukaki ira era rawai ira ka vakaraitaka votu sara na nodra beci ira. Era na kaya vakaoqo, “O ni dau taura na ka e sega ni nomuni, ia oqo e sa oti vei kemuni! Me vakacava soti na dede ni nomuni vakavutuniyautaki kemuni tiko ena nomuni dau vakaukauwataki ira era dinau i lavo tu vei kemuni me ra sausaumi yani?

Ai Vola Tabu Ena Vakavakadewa Vou

⁶ O ira na rawai ena i valu era na qai rukaki ira era rawai ira ka vakaraitaka votu sara na nodra beci ira. Era na kaya vakaoqo, “O ni dau taura na ka e sega ni nomuni, ia oqo e sa oti vei kemuni! Me vakacava soti na dede ni nomuni vakavutuniyautaki kemuni tiko ena nomuni dau vakaukauwataki ira era dinau i lavo tu vei kemuni me ra sausaumi yani?

Apakuki 2:6 Iomraidhean Croise

NA SAME 94:3

A cava na kena dede, Kemuni Jiova, ni ra reki tiko nai valavala ca? Ia ka cava na kena dede ni ra reki tiko nai valavala ca?

Vosavakaibalebale 22:16

O koya sa vakasaurarataka na dravudravua me levu kina na nonai yau, Kei koya talega sa dausoli ka vua na vutuniyau, ena dravudravua ga.

Aisea 10:13

Ni sa kaya ko koya, E na kaukauwa ga ni ligaqu kei na noqu vuku ka'u sa rawata na ka oqo; ni'u sa yalomatua: ia ka'u sa kisira nai yalayala ni veimatanitu, ka kovea na nodra i yau, ka'u sa vakasivoi ira na lewena me vaka na qaqa:

Aisea 44:20

Sa kana dravu ko koya; sa vakaisini na lomana, ka sa vakacalai koya tani, a sa sega ni vakabulai koya rawa, se kaya mada, Sa sega li ni tiko e na ligaqu i matau e dua na ka lasu?

Aisea 5:8

Era na ca ko ira era dauvakaikuritaka na vale ki na vale, ka daukuria na were ki na were, me kakua na vanua e vo, mo dou qai tiko vakataki kemudou ga e na loma ni vanua!

Aisea 55:2

A cava dou sa volitaka kina na nomudou i lavo e na ka sa sega ni kakana; kei na nomudou cakacaka e na ka dou sa sega ni mamau kina? dou vakarorogo sara vei au, ka kania na ka sa yaga, ia na yalomudou ena qai marautaka na ka sa uro.

Jeremaia 17:11

Me vaka na toa ni veikau sa saulaka na yaloka sa sega ni vakalutuma; sa vakakina ko koya sa kumuna nai yau, ka segai e nai valavala dodonu, ena laiva ga ko koya e na veimama ni nona bula, ia e na kenai otioti ena tamata lialia ga.

Jeremaia 29:22

ia ko ira kece na Juta era vakabobulataki mai Papiloni, era na vatonaki rau, ka vaka, Me cakavi iko ko Jiova mo tautauvata kei Setekaia ka tautauvata kei Eapi, sa vakamai rau ko tui Papiloni e na bukawaqa;

Jeremaia 50:13

E na vuku ni cudru i Jiova ena sega kina ni tawa, ena lala sara ga ko koya: ko ira kece era lako siviti Papiloni, era na kidacala ga ka vakasiusiu e na vuku ni kena ca levu kecega.

Isikeli 32:21

Sa na vosa vua ko ira na nodra qaqa na kaukauwa mai loma i bulu kei ira na nonai to: sa ra lako sobu ga, sa ra koto vata kei ira era sega ni cilivi, era vakamatei e nai seleiwau.

Maika 2:4

E na siga ko ya ena taurivaki na kemudoui bole, ka lelevaki kemudou e na lele vakaloloma, ka vaka, Eda sa vakacacani vakaidina: a nodra i votavota na kai noqu sa volitaka ko koya: sa kauta tani vei au ko koya! sa vota kina ko koya na noda veiwere vua na dauvuki.

Apakuki 1:15

Sa siwati ira kece sara ga ki cake e na nona siwa, ka vakalawataki ira e na nona lawa, io, sa vakasoqona e na nona lawa ni yavi: o koya oqo sa marau kina ko koya ka sa reki.

Apakuki 2:12

Ena ca ko koya sa vakatauyavutaka na koro e na dra, ka vakataudeitaka na koro e na caka cala!

Apakuki 2:13

Raica, sa sega li ni vu vei Jiova ni lewe vuqa ni ra sa oca na veimataqali me kena na bukawaqa, ka ni ra na veivakaocataki vakataki ira na veimatanitu e na vuku ni ka wale sara?

Tiko mai na Lekutu 23:18

A sa lagata na nona vosa vakaibalebale, ka kaya, I Pelaki, mo tu cake ka vakarorogo; Mo rogoci au, na luve i Sipori:

Tiko mai na Lekutu 23:7

A sa lagata na nona vosa vakaibalebale, ka vaka, Sa kauti au mai Erami ko Pelaki Na tui Moapi mai na veiulu-ni-vanua mai na tu-i-cake, Mo lako mai, mo vatonaki ira na Jekope e na vukuqu; Ia mo lako mai, mo lesavi ira na Isireli.

Luke 12:20

Ia sa kaya vei koya na Kalou, Ko iko na lialia! e na bogi ga oqo ena tarogi tale vei iko na yalomu: ena qai nei cei na veika ko sa vakarautaka?

1 Pita 4:7

Ia ka sa voleka nai vakataotioti ni ka kecega: dou yalomatua kina, ka dauyadrava na masumasu.