Apakuki 2:10 - Vakavakadewa Makawa

¹⁰ Ko sa bosea na ka ena madua kina na nomu mataqali, ni ko sa muduka tani na veimataqali e vuqa, ka sai valavala ca me ca kina na yalomu.

Ai Vola Tabu (Vakadewa Makawa Vakavoutaki 2021)

¹⁰ Ko sa bosea na ka ena madua kina na nomu vale, ni ko sa muduka tani na veimataqali e vuqa, ka sai valavala ca me ca kina na yalomu.

AI VOLA TABU

¹⁰ O sa bosea na ka ena madua kina na nomu mataqali, ni ko sa muduka tani na veimataqali e vuqa, ka sai valavala ca ki na yalomu dina.

Vakavakadewa Vou kei na iVola tale eso

¹⁰ Na veika o a nakita ka vakayacora sa kauta ga mai na madua ki na nomu vuvale. Ena vuku ni nomu vakarusa e vuqa na veivanua, o sa kauta talega mai vei iko na rusa.

Ai Vola Tabu Ena Vakavakadewa Vou

¹⁰ Na veika o a nakita ka vakayacora sa kauta ga mai na madua ki na nomu vuvale. Ena vuku ni nomu vakarusa e vuqa na veivanua, o sa kauta talega mai vei iko na rusa.

Apakuki 2:10 Iomraidhean Croise

Neumi 1:14

Sa vakarota e na vukumu ko Jiova, me kakua sara ni tubu tale e dua na nomu kawa: ka'u na muduka tani mai na nomu bure kalou na matakau ceuceu kei na matakau e vakawaicalataki; ka'u na cakava na nomu i bulubulu; ni ko sa velavela.

2 Tui 9:26

ni sa kaya ko Jiova, Au a kunea vakaidina e na noa na dra i Nepoci, kei na kedratou dra na luvena; ia ka'u na sauma vei iko e na tikina oqo, sa kaya ko Jiova. Ia oqo, mo laveta cake, ka mo biuti koya ki na tikina ko ya me vaka na vosa i Jiova.

Maciu 27:25

A ra sa qai vosa kece na tamata, ka kaya Me baleti keimami kei ira talega na luveimami, na nona mate.

Apakuki 2:16

O sa vakamamautaki e na madua ka segai e na lagilagi; mo gunu talega ko iko me votu mai na nomu sega ni cilivi; ena vagolei sara vei iko na bilo e na liga i matau i Jiova, ia na veivakamaduataki velavela ena tabonaka na nomu lagilagi.

Jeremaia 36:31

Ia ka'u na sauma vua vei ira talega na nona kawa kei ira na nona tamata na nodra i valavala ca; ia ka'u na vakayacora vei ira, kei ira na lewe i Jerusalemi, kei ira na Juta, na ca kecega ka'u sa cavuta vei ira; ia era sa sega ni vakarorogo.

Jeremaia 26:19

Sa ra vakamatei koya li ko Esekaia na tui Juta kei ira na Juta kecega? sa sega ni rerevaki Jiova beka ga ko koya, ka masuti Jiova, ka sa veivutuni mai ko Jiova e na vuku ni ca sa kaya ena caka vei ira? Ia de sa da vakayacora kina vei keda na ca levu.

Jeremaia 22:30

Sa kaya vakaoqo ko Jiova, Dou vola na tamata oqo me kua na luvena, me tamata sa sega ni yaco e na nona gauna: ni na sega ni yaco e dua na tamata e na nona kawa, me tiko e nai tikotiko i Tevita, ka lewa tale mai Juta.

Aisea 33:11

Dou na kunekunetaka na qa ni sila, dou na vakasucuma na vu-ni-sila: a nomudou i cegu, me vaka na bukawaqa, ena kati kemudou.

Vosavakaibalebale 8:36

Ia ko koya sa cala vei au sa vakacacana na yalona Ko ira kecega era cati au, era sa vinakata na mate.

Vosavakaibalebale 1:18

Ia eratou sa lawakitaki iratou vakai iratou ga me ra vakadave dra, Eratou sa koto lo me ra mate kina ko iratou.

2 Tui 10:7

Ia ni sa yaco vei ira nai vola, era sa tauri ira na luvena na tui, era lewe vitusagavulu ka mokuti ira, ka tugana na uludra ki na sova, ka vakauta vua ki Jesirieli.

1 Tui 2:23

A sa bubului ko Solomoni na tui e na yaca i Jiova, ka kaya, Me cakacaka vakakina vei au na Kalou, ka vakaikuritaka, kevaka sa sega ni mate ko Atonaija, ni sa qai vosataka na vosa oqo:

Tiko mai na Lekutu 16:38

a nodra miqa ni ka boi vinaka na tamata oqo sa vakacataka na yalodra, me caka kina eso nai botani mei ubi ni cabocabo-ni-soro: ni ra sa vakacabora na miqa oqo vei Jiova, a sa tabu kina: ka me sai vakatakilakila tiko vei ira na Isireli.

Vosavakaibalebale 20:2

Sa vaka na tagi ni laioni na cudru ni tui: Ko koya sa vakacudrui koya sa caka ca ki na yalona dina.

Jeremaia 44:7

O koya oqo sa qai kaya kina ko Jiova, na Kalou ni lewe vuqa, na Kalou ni Isireli; A cava dou sa cakava kina na ca levu oqo ki na yalomudou, me muduka tani kina vei kemudou na tagane kei na yalewa, na gone lalai kei ira sa sucu tiko, mai Juta, ka me kakua e vo vei kemudou;