Apakuki 1:4 - Vakavakadewa Makawa

⁴ O koya oqo sa malumalumu kina na vunau, ka sa sega sara ni vakayacori rawa na lewa dodonu: ia na tamata ca sa lawakicataki koya sa yalododonu; ka sa yaco kina na lewa vakatani.

Ai Vola Tabu (Vakadewa Makawa Vakavoutaki 2021)

⁴ O koya oqo sa malumalumu kina nai vunau, ka sa sega ni vakayacori rawa na lewa dodonu. Ni ra sa wavoliti ira na yalododonu ko ira na tamata ca; ka sa yaco kina na lewa vakatani.

AI VOLA TABU

⁴ 0 koya o qo sa malumalumu kina na vunau, a sa sega sara ni yaco rawa yani na lewa dodonu: ia na tamata ca sa lawakicataki koya sa yalododonu; a sa yaco yani kina na lewa vakatani.

Vakavakadewa Vou kei na iVola tale eso

⁴ Sa malumalumu na lawa ka sa sega na betena. Sa sega ni vakayacori na lewa dodonu. Sa vakavevei na dodonu, ka ra sa vakamalumalumutaki ira na tamata vinaka o ira na tamata ca.

Ai Vola Tabu Ena Vakavakadewa Vou

⁴ Sa malumalumu na lawa ka sa sega na betena. Sa sega ni vakayacori na lewa dodonu. Sa vakavevei na dodonu, ka ra sa vakamalumalumutaki ira na tamata vinaka o ira na tamata ca.

Apakuki 1:4 Iomraidhean Croise

1 Tui 21:13

A sa curu kina e le rua na tamata, erau luve ni vu-ni-ca, a rau sa tiko e matana: ia erau sa beitaki Nepoci koi rau na tamata ca, e na matadra na tamata, ka rau kaya, Sa vosavakacacataka na Kalou kei na tui ko Nepoci. Erau sa qai kauti koya ki nai bili ni koro, ka vakavirika e na vatu, a sa mate kina ko koya.

Jope 21:7

A cava era sa bula tiko kina nai valavala ca, Ka yaco me ra qase, io, ka ra vutuniyau mai?

NA SAME 11:3

Ia ni sa talaraki sara na yavu, A cava sa na kitaka rawa na tamata yalododonu?

NA SAME 119:126

Sa kena gauna oqo, Jiova, e dodonu mo ni cakacaka kina: Ni ra sa vakacataka na nomuni vunau.

NA SAME 22:12

Sa ka levu na pulumokau tagane era sa vakavolivoliti au; Sa tu vakavolivoliti au na pulumokau tagane kaukauwa ni Pasani.

NA SAME 22:16

Ni sa vakavolivoliti au ko ira na koli; Era sa vakavolivoliti au nai soqosoqo ni tamata lomaca: Era sa coka na ligaqu kei na yavaqu.

NA SAME 59:2

Vakabulai au maivei ira na daucaka cala, Ka vakabulai au mai na tamata dauveivakamatei.

NA SAME 59:4

Era sa cici ka vakarautaki ira, ka segai e na vuku ni noqu caka cala: Mo ni yadra mo ni vukei au, ka vakaraica.

NA SAME 94:3

A cava na kena dede, Kemuni Jiova, ni ra reki tiko nai valavala ca? Ia ka cava na kena dede ni ra reki tiko nai valavala ca?

Lako Yani 23:2

Mo dou kakua ni muri ira na lewe vuqa me caka ca; mo dou kakua talega ni vosa vata kei ira na lewe vuqa e na ka e lewai tiko, me vakatanitaki na lewa.

Lako Yani 23:6

Mo dou kakua ni kauta vakatani na lewa vua na nomu dravudravua, e na nona veileti.

Aisea 5:20

Era na ca ko ira era vakatoka na ca me vinaka, kei na vinaka me ca; era kaya sa rarama na butobuto, ka butobuto na rarama; era kaya sa kamikamica na ka gaga, ka gaga na ka sa kamikamica!

Aisea 59:12

Ni sa levu cake e matamuni na neimami talaidredre, ia na neimami valavala ca sa tukuni keimami: ni sa tiko kei keimami na neimami talaidredre, ia na neimami caka cala, keimami sa kila ga:

Jeremaia 12:1

Sa yalododonu koi kemuni, Jiova, ni daru sa veilewai kei kemuni: ia me'u vosa mada vei kemuni e na vuku ni nomuni lewa: A cava era sa dauyaco kina ko ira na tamata ca, ka sa tiko vinaka ko ira kecega era ia vakalevu na veivakaisini?

Jeremaia 12:6

Ko ira talega na wekamu, kei na mataqali i tamamu, era sa ia na veivakaisini vei iko; era sa kacimuri iko vakadomoilevu talega: ni ra sa vosa vinaka vei iko, kakua ni ko vakadinati ira.

Jeremaia 26:8

Ia ni sa tinia ko Jeremaia na vosa kece ka vakarota ko Jiova me tukuna vei ira na tamata kecega, era sa qai tauri koya ko ira na bete, kei ira na parofita, kei ira na tamata kece, ka kaya, Ko na mate vakaidina.

Jeremaia 8:7

Io, na belo ka vuka voli e cake sa kila na kena vula; kei na ruve, kei na belo loa, kei na kakabace, eratou sa nanuma na kedratou gauna me lako mai kina; ia na noqu tamata era sa sega ni kila na lewa i Jiova.

Isikeli 9:9

Sa qai kaya vei au ko koya, A nodra caka cala na mataqali i Isireli kei Juta sa ka levu vakaidina sara, ka sa robota na vanua na dra, ia na koro sa sinai tu e na veivakaucacataki: ni ra sa kaya, Sa biuti vuravura ko Jiova, ia sa sega ni raica ko Jiova.

Osea 10:4

Era sa cavuta na vosa wale, ni ra bubului vakailasu ni ra ia na veiyalayalati: a sa tubu kina na lewa me vaka na co gaga e na tova ni were.

Emosi 5:12

Ni'u sa kila na nomudou dautalaidredre, kei na nomudou i valavala ca e kaukauwa: ia era sa vakararawataka na yalododonu, ka tara na tautauri, ka sa vakatala tani na dravudravua mai na matamata-ni-koro.

Emosi 5:7

Oi kemudou sa vakatanitaka na lewa dodonu me ka gaga, ia nai valavala dodonu dou sa biuta no ga ki na qele,

Marika 7:9

A sa kaya vei ira ko koya, Sa dina sara ni dou biuta na vunau ni Kalou, mo dou vakabauta na nomudoui vakavuvuli.

Cakacaka 7:52

Ko cei vei ira na parofita sa ra sega ni vakacacana ko ira na nomudou qase? a ra sa vakamatei ira era a tukuna eliu ni na lako mai ko koya na Yalododonu; ko koya dou sa qai solia yani ka vakamatea:

Cakacaka 7:59

A ra sa vakaviriki Sitiveni e na vatu, ni sa masu tiko, ka kaya, Kemuni na Turaga Jisu, taura na yaloqu.

Roma 3:31

Keitou sa qai vakatawayagataka na vunau e na vakabauta, se segai? E segai sara: keitou sa vakataudeitaka ga na vunau.

Vakarua 16:19

Mo ni kakua ni kauta vakatani na lewa; mo ni kakua ni vinakata na mata ni tamata, se taura nai solisoli: ni sa vakamatabokotaka na matana na vuku nai solisoli, ka kauta vakatani na nodra vosa na dodonu.