Akeai 2:6 - Vakavakadewa Makawa

⁶ Ni sa kaya vakaoqo ko Jiova ni lewe vuqa; Sa vakadua tale, sa vo e lailai, ka'u na qai vakayavalataki lomalagi, kei vuravura, kei na waitui, kei na vanua mamaca;

Ai Vola Tabu (Vakadewa Makawa Vakavoutaki 2021)

⁶ Ni sa kaya vakaoqo ko Jiova-ni-lewevuqa: Sa vakadua tale, sa vo vakalailai, ka'u na qai vakayavalati lomalagi kei vuravura, kei na waitui, kei na vanua mamaca.

AI VOLA TABU

⁶ Ni sa vosa vakaoqo ko Jiova ni lewe vuqa; Sa vakadua tale, sa vo e lailai, kaʼu na qai vakayavalataki lomalagi, kei vuravura, kei na waitui, kei na vanua mamaca;

Vakavakadewa Vou kei na iVola tale eso

⁶ Ena sega ni dede au sa na vakayavalata na lomalagi kei na vuravura, na vanua mamaca kei na wasawasa.

Ai Vola Tabu Ena Vakavakadewa Vou

⁶ Ena sega ni dede au sa na vakayavalata na lomalagi kei na vuravura, na vanua mamaca kei na wasawasa.

Akeai 2:6 Iomraidhean Croise

Jope 9:6

Ko koya sa yavalati vuravura tani mai na kena yasana, A sa yavala na kena duru:

NA SAME 18:7

Sa qai yavala ko vuravura, ka sa sautaninini Sa yavavala talega na yavu ni veiulu-ni-vanua, Sa yavala ni sa cudru ko koya.

NA SAME 37:10

Malua mada vakalailai, ena qai takali na tamata ca; Io, ko na vakananuma na nona yasana, ia sa na yali kina ko koya.

Aisea 10:25

Ka sa vo e lailai sara ga ena qai tini na cudru waqawaqa, kei na noqu cudru e na nodra rusa.

Aisea 13:13

Ia ka'u na vakayavalataki lomalagi, ko vuravura talega ena tavuki tani mai na kena yasana, e na cudru levu i Jiova ni lewe vuqa, kei na siga ni nona cudru waqawaqa.

Aisea 2:19

A ra na curu na tamata ki na qara vatu, kei na qara qele, e na vuku ni ka rerevaki i Jiova, kei nai ukuuku ni nona ka vakaturaga, ni sa qai tu cake ko koya me vakayavalati vuravura vakalevu.

Aisea 29:17

Sa vo e lailai, se sega, me qai vuki ko Lepanoni me were bulabula, kei na were bulabula me okati me veikau?

Aisea 34:4

Ena waicala yani na kalokalo kecega ni lomalagi, ka na vivigi vata na lomalagi me vaka nai vola balavu sa vivigi tu: ena lutu mai na kalokalo kecega, me vaka sa mira mai na drau ni vaini, ka vaka sa qeqera mai na vua ni lolo.

Jeremaia 33:14

Raica, ena yaco na gauna, sa kaya ko Jiova, ka'u na vakayacora kina na ka vinaka ko ya ka'u sa yalataka ki na mataqali i Isireli, kei na mataqali i Juta.

Jeremaia 51:33

Ni sa kaya vakaoqo ko Jiova ni lewe vuqa, na Kalou ni Isireli; Ko koya na goneyalewa ni Papiloni sa tautauvata kei na rara ni sila, sa kena gauna oqo me buturaki koya kina; sa vo e lailai, ena qai yaco mai na kena vula i matua.

Isikeli 38:19

Ia e na noqu vuvu, kei na noqu cudru waqawaqa, ka'u sa kaya, E dina, e na siga ko ya ena dua kina na yavavala levu e na vanua ko Isireli;

Isikeli 38:20

ia ena yavavala e mataqu na ika ni waitui, kei manumanu vuka, kei na manumanu ni vanua, kei na ka kecega sa qasi voli e na qele, kei na tamata kecega sa tiko e dela i vuravura, ena talaraki sobu talega na veiulu-ni-vanua, ka lutu mai na uluvatu, ia na bai kecega ena bale ki na soso.

Joeli 3:16

Ia ko Jiova ena kurukuru mai Saioni, ka na tabalaka na domona mai Jerusalemi; ena yavavala talega na lomalagi kei vuravura: ia ko Jiova ena nodra i drodro na nona tamata, kei na nodra koro kaukauwa na Isireli.

Cakacaka 2:19

Ia ka’u na vakatakila na ka e veivakidacalataki eso mai lomalagi ecake, Kei nai vakatakilakila eso e vuravura era; A dra, kei na bukawaqa, kei na o kubou:

Iperiu 10:37

Ni na dede vakalailai, Ena qai lako mai ko Koya e lako mai, ka na sega ni dede sara.

Vakatakila 11:9

Ia ko ira na veimatanitu kei na veimataqali kei na duivosavosa kei na veivanua, era na raica na yagodrau sa mate ka tolu na siga kei na veimama ni dua tale na siga, a ra na sega ni laiva me buluti na yagodrau e nai bulubulu.