Akeai 1:6 - Vakavakadewa Makawa

⁶ Sa ka levu dou sa kaburaka, ia sa ka lailai dou sa yauta mai; dou sa kana, ka sega ni mamau kina; dou sa gunu, ka sega ni vakacegu kina; dou sa vakaisulu, ka sa sega e dua e katakata kina; ia ko koya sa saumi e na nona cakacaka sa tugana ki na taga sa cicila.

Ai Vola Tabu (Vakadewa Makawa Vakavoutaki 2021)

⁶ Sa ka levu na veika dou sa kaburaka, ia sa ka lailai ga na veika dou sa tamusuka. Dou sa kana, ka sega ni mamau kina; dou sa gunu, ka sega ni vakacegu kina; dou sa vakaisulu, ka sa sega ni dua e vakatakatari kina; ia ko koya sa saumi e na nona cakacaka sa tugana ga ki na taga sa cicila.

AI VOLA TABU

⁶ Sa ka levu dou sa kaburaka, ia sa ka lailai dou sa yauta mai; dou sa kana, ka sega ni mamau kina; dou sa gunu, ka sega ni cegu kina; dou sa vakaisulu, ka sa sega e katakata kina; ia ko koya sa vakaivoli e na nona cakacaka sa vakaivoli mai ki na taga sa cicila.

Vakavakadewa Vou kei na iVola tale eso

⁶ O ni a tea e levu sara na sila, ia na ka o ni tamusuka e lailai wale ga. E tu na kemuni kakana, ia e sega ga ni rauta mo ni mamau kina. E tu na waini mo ni gunuva, ia e sega ga ni rauta mo ni sinai kina. E tu na nomuni i sulu, ia e sega ga ni rauta me rawa kina mo ni katakata. Ia na tamata cakacaka e sega ni rawata rawa na i sau me bula kina.

Ai Vola Tabu Ena Vakavakadewa Vou

⁶ O ni a tea e levu sara na sila, ia na ka o ni tamusuka e lailai wale ga. E tu na kemuni kakana, ia e sega ga ni rauta mo ni mamau kina. E tu na waini mo ni gunuva, ia e sega ga ni rauta mo ni sinai kina. E tu na nomuni i sulu, ia e sega ga ni rauta me rawa kina mo ni katakata. Ia na tamata cakacaka e sega ni rawata rawa na i sau me bula kina.

Akeai 1:6 Iomraidhean Croise

2 Samuela 21:1

Sa qai dua na dausiga e na gauna i Tevita, ka yabaki tolu ka veitaravi: a sa masu vei Jiova ko Tevita. A sa kaya ko Jiova, E na vuku i Saula ga, kei na nona lewe-ni-vale dauveivakamatei ko ya, ni sa vakamatei ira na kai Kipioni ko koya.

1 Tui 17:12

A sa kaya ko koya, Me vaka sa bula ko Jiova na nomu Kalou, sa sega vei au e dua na keki, sa dua ga na madrai droka e na saqa sa yakuta rawa na ligaqu, ka dua na waiwai lailai e na tavaya: ka raica, ka'u sa cava e rua na buka me'u la'ki vakarautaka na keirau kei luvequ, me keirau kania, ka qai mate.

Niemaia 5:2

Ni sa so vei ira era kaya, Keimami sa lewe vuqa koi keimami, ko ira na luve i keimami, na tagane kei na yalewa: o koya keimami sa taura kina na sila, me keimami kana, ka bula.

Jope 20:22

Ni sa vutuniyau sara tiko ena dravudravua mai: Ena tarai koya na ligadra kecega nai valavala ca.

Jope 20:28

Ena lako tani nai yau sa tubu e nona vale, Ena dave yani e na siga ni nona cudru.

NA SAME 107:34

Kei na vanua bulabula me vanua dravuisiga, E na vuku ni nodra ca era tiko kina.

Vosavakaibalebale 11:24

Sa dua sa duibiubuita, ka sa tubu ga me levu; Sa dua talega sa maninitaka na ka ni sa sega ni dodonu, ka sa tubu ga kina na dravudravua.

Aisea 5:10

Io, na were-ni-vaini sa tini na eka ena dua kina na paca waini, kei na omeri sila e dua ena dua kina na efa.

Jeremaia 12:13

Era sa kaburaka na witi, ia era na tamusuka na wa-vakavotona: era sa dauvakaocataki ira, ka na sega ga ni yaga: ia era na maduataka na nomudou vuata e na vuku ni cudru katakata i Jiova.

Jeremaia 14:4

ni sa kakaca na qele, ni sa sega na uca e na vanua, era madua nai vakatau-ni-were, era sa puloutaka na uludra.

Jeremaia 44:18

ia ni keimami sa kua ni vakama nai madrali boi vinaka vua na ranadi ni lomalagi, ka sega ni sova vua nai sevu, keimami sa qai dravudravua e na ka kecega, ia keimami sa vakaoti ga e nai seleiwau kei na viakana:

Osea 4:10

Ni ra na kana, ka sega ni mamau; era na ia na veibutakoci, ka sega ni tubu: ni ra sa mudu ni qaravi Jiova.

Osea 8:7

Ni ra sa kaburaka na cagi, ka ra na tamusuka na covulaca: sa sega na tolona: ena sega ni vuataka na madrai droka: ke vuataka mai, era na tiloma ko ira ga na kai tani.

Vunau ni Soro 26:20

ia dou na oca walega: ni na sega ni vakalewe na nomudou vanua, ka sega ni vuataka na vuana na kau ni vanua.

Vunau ni Soro 26:26

Ni'u sa vakaotia na madrai dou sa bula kina, ena qai lewe tini na yalewa sa na vavia na kemudou madrai e na dua na lovo, a ra na vakarautaka na bibi ni kemudou madrai, ni sa bera ni vota; ia dou na kana, ka sega ni mamau.

Akeai 1:10

O koya oqo sa bureitaka kina na tegu ko lomalagi e cake, ko vuravura talega sa bureitaka na vuana.

Akeai 1:5

Ia oqo, sa kaya kina ko Jiova ni lewe vuqa; Dou vakananuma mada ki na nomudou i valavala.

Akeai 1:7

Sa kaya vakaoqo ko Jiova ni lewe vuqa; Dou vakananuma mada ki na nomudou i valavala.

Akeai 1:9

Dou a nuitaka na ka levu, ka raica, sa ka lailai ga; ia ni dou sa kauta mai ki vale, ka'u sa uvuca. E na vuku ni cava? sa kaya ko Jiova ni lewe vuqa. E na vuku ni noqu vale sa rusa koto, ia koi kemudou, dou sa dui cici yadua ki nona vale.

Akeai 2:16

mai na veigauna ko ya, ni sa lako mai e dua ki nai binibini vau sila e ruasagavulu, ia ka sa qai tini ga: ni sa lako mai ki nai keli-waini me takiva e limasagavulu mai nai keli, sa qai ruasagavulu walega.

Akeai 2:17

Au a yaviti kemudou e na cagi todra, kei na bokata, kei na uca-cevata, e na cakacaka kece ni ligamudou; ia dou a sega ga ni lesu vei au, sa kaya ko Jiova.

Sakaraia 5:4

Au na vakayacora yani, sa kaya ko Jiova ni lewe vuqa, ka na curuma na vale ni daubutako, kei na nona vale sa bubului vakailasu e na yacaqu; ena tiko talega e nona loma ni vale, ka vakayavuna vata kei na kena kau kei na kena veivatu.

Sakaraia 8:10

Ia eliu, ni sa bera ni yaco na gauna ko ya, sa sega na kenai voli na tamata, se na kenai voli na manumanu; ia sa sega ga na vakacegu vua sa curu yani se vua sa curu mai e na vuku ni meca: ni'u a vakavuna na nodra dui veimecaki kece na tamata yadua.

Malakai 2:2

Kevaka dou sa bese ni vakarogoca, ia kevaka dou sa bese ni vakasara ki na lomamudou, mo dou vakarokorokotaka na yacaqu, sa kaya ko Jiova ni lewe vuqa, ka'u na vakayacora sara na cudru ko ya kivei kemudou, ka vakacataka na ka dou sa vakalougatataki kina: io, ka'u sa vakacataka oti na ka oqo, ni dou sa sega ni vakasara ki na lomamudou.

Vakarua 28:17

O ni na cudruvi e na nomuni sova kei na nomuni lololo.