Akeai 1:12 - Vakavakadewa Makawa

¹² Ia ko Serupapeli na luve i Sialitieli, kei Josua na luve i Jiosataki, na bete levu, kei na kena vo kece ni tamata, era sa qai muria na vosa i Jiova na nodra Kalou, kei na vosa i Akeai na parofita, me vaka na ka sa talai koya kina ko Jiova na nodra Kalou; ka ra sa rere na tamata e na mata i Jiova.

Ai Vola Tabu (Vakadewa Makawa Vakavoutaki 2021)

¹² Ia ko Serupepeli na luve i Sialitieli, kei Josua na luve i Jiosataki, na bete levu, kei na kena vo kece ni tamata, era sa qai muria na vosa i Jiova na nodra Kalou, kei na vosa i Akeai na parofita, me vaka na ka sa talai koya kina ko Jiova na nodra Kalou; ka ra sa rere na tamata e na mata i Jiova.

AI VOLA TABU

¹² Ia ko Sirupapeli na luve i Sialitieli, kei Josua na luve i Yiosataki, na bete levu, kei na kena vo kece ni tamata, era sa qai vakarorogo ki na domo i Jiova na nodra Kalou, kei na vosa i Akei na parofita, me vaka na ka sa talai koya kina ko Jiova na nodra Kalou; a ra sa rere na tamata e na mata i Jiova.

Vakavakadewa Vou kei na iVola tale eso

¹² Era sa qai vakayacora na veika sa tukuna na Kalou o Jiova me muri o Serupepeli kei Josua kei ira na vo-ni-bula, oqo o ira kece sara na tamata era sa lesu mai na tiko vakabobula mai Papilonia. Era sa rere, ka ra sa talairawarawa kina vei Akeai na parofita, na i talatala i Jiova.

Ai Vola Tabu Ena Vakavakadewa Vou

¹² Era sa qai vakayacora na veika sa tukuna na Kalou ko Jiova me muri o Serupepeli kei Josua kei ira na vo-ni-bula, oqo o ira kece sara na tamata era sa lesu mai na tiko vakabobula mai Papilonia. Era sa rere, ka ra sa talairawarawa kina vei Akeai na parofita, na i talatala i Jiova.

Akeai 1:12 Iomraidhean Croise

Vakatekivu 22:12

A sa kaya ko koya, Mo kakua ni dodoka na ligamu vua na gone, ia mo kakua ni kitaka vua e dua na ka: ni'u sa qai kila ko sa rerevaka na Kalou, ni ko sa sega ni bureitaka vei au na luvemu, na luvemu e dua bauga.

Esera 10:18

A sa kune eso maivei ira na luvedra na bete era a veiwatini kei na yalewa tani: maivei iratou na luve i Jesua na luve i Josataki kei iratou na wekana: ko Meesea, kei Eliesa, kei Jaripi, kei Kitalaia.

Esera 5:2

Sa qai tu cake ko Serupapeli na luve i Sialitieli, kei Jesua na luve i Josataki, ka vakatekivu me tara na vale ni Kalou mai Jerusalemi: a sa veivuke kei rau koi rau na parofita ni Kalou.

NA SAME 112:1

Dou vakavinavinaka vei Jiova. Sa kalougata na tamata sa rerevaki Jiova, O koya sa rekitaka vakalevu na nona vunau.

Vosavakaibalebale 1:7

Na rerevaki Jiova sa vu ni lomavuku: Ia ko ira na lialia era sa cata na vuku kei nai vakavuvuli.

Dauvunau 12:13

Tou rogoca nai tinitini ni ka kecega oqo: Mo rerevaka na Kalou, ka muria na nona vunau: ni sai koya ga oqo nai tavi taucoko ni tamata.

Aisea 1:19

Kevaka dou vakadinata ka vakarorogo, dou na kania na veta ni vuata.

Aisea 50:10

Ko cei vei kemudou sa rerevaki Jiova, ka sa vakarorogo ki na vosa ni nonai talatala, ka sa lako e na butobuto, ka sa sega vua na rarama? me vakararavi ko koya ki na yaca i Jiova, ka ravita na nona Kalou.

Akeai 1:1

E nai karua ni yabaki i Taraiase na tui, e nai kaono ni vula, e nai matai ni siga ni vula, sa yaco na vosa i Jiova vei Akeai na parofita me tukuna vei Serupapeli na luve i Sialitieli, na kovana e Juta, vei Josua talega na luve i Jiosataki, na bete levu, ka vaka,

Akeai 1:14

A sa vakauqeta ko Jiova na yalo i Serupapeli na luve i Sialitieli, na kovana e Juta, kei na yalo i Josua na luve i Jiosataki, na bete levu, kei na yalodra na tamata kecega sa vo; ka ra sa mai cakava na cakacaka e na vale i Jiova ni lewe vuqa, na nodra Kalou,

Akeai 2:2

Mo vosa mada vei Serupapeli na luve i Sialitieli, na kovana e Juta, kei Josua na luve i Jiosataki, na bete levu, kei ira na tamata sa vo tiko, ka kaya,

Cakacaka 9:31

Sa qai cegu nai soqosoqo lewe ni lotu mai Jutia taucoko kei Kalili kei Samaria, a ra sa vakatataki cake; ka sa dau nodrai valavala me ra rerevaka na Turaga, ka sa vakacegui ira na Yalo Tabu, ka ra sa tubu kina me ra lewe vuqa.

Vakarua 31:12

Mo ni vakasoqoni ira na tamata, na tagane, kei na yalewa, kei na gone lalai, kei na nomuni kai tani sa tiko e na nomuni lomanibai, me ra rogoca, ka me ra vuli kina, ka rerevaki Jiova na nomuni Kalou, ka vakabauta me ra cakava na vosa kecega ni vunau oqo:

Vakarua 31:13

ka me ra rogoca ko ira na luvedra era sa sega ni kila eliu, ka me ra vuli me ra rerevaki Jiova na nomuni Kalou, e na gauna kecega kemuni na bula kina e na vanua kemuni sa qalo-kosova kina na Joritani mo ni taukena.

Kolosa 1:6

sa yaco vei kemudou, me vaka talega ki vuravura taucoko; a sa vuataka na vuana, ka sa tubu tiko, me vaka talega kina vei kemudou, a sa vakatekivu vata kei na siga dou a rogoca kina, ka kila dina na loloma ni Kalou:

Iperiu 12:28

Ia ni da sa rawata na matanitu sa sega ni vakayavalati rawa, me da taura matua na loloma sa soli, eda sa qarava vinaka kina na Kalou e na yalomatua kei na rere: