Aisea 7:2 - Vakavakadewa Makawa

² A sa tukuni ki na mataqali i Tevita, ka vaka, Sa to vata ko Siria kei Ifireimi. Sa qai yavala na lomana, kei na lomadra na nona tamata, me vaka sa yavala na kau ni veikau ni sa liwa na cagi.

Ai Vola Tabu (Vakadewa Makawa Vakavoutaki 2021)

² A sa tukuni ki na vale i Tevita, ka vaka, “Sa to vata ko Siria kei Ifereimi.” Sa qai yavala na lomana, kei na lomadra na nona tamata, me vaka sa yavala na kau ni veikau ni sa liwa na cagi.

AI VOLA TABU

² A sa tukuni ki na mataqali i Tevita, ka vaka, Sa to vata ko Siria kei Ifireimi. A sa yavala na lomana, kei na lomadra na nona tamata, me vaka sa yavala na kau ni veikau e na mata ni cagi.

Vakavakadewa Vou kei na iVola tale eso

² Ia ni sa tukuni vua na tui Juta ni rau sa mai tovata o Siria kei Ifereimi, sa sautaninini ena rere o koya kei ira na nona tamata me vaka na kau sa liwava na cagi kaukauwa.

Ai Vola Tabu Ena Vakavakadewa Vou

² Ia ni sa tukuni vua na tui Juta ni rau sa mai tovata o Siria kei Ifereimi, sa sautaninini ena rere o koya kei ira na nona tamata me vaka na kau sa liwava na cagi kaukauwa.

Aisea 7:2 Iomraidhean Croise

2 Samuela 7:16

Ia na nomu mataqali, kei na nomu matanitu, ena vakataudeitaki e matamu, ka sega ni oti: ena vakataudeitaki ka tawa mudu na nomu i tikotiko vakaturaga.

1 Tui 11:32

(ia ena nona ga e dua na mataqali e na vuku i Tevita na noqu tamata, ka e na vuku i Jerusalemi: na koro ka'u sa digitaka mai na veimataqali kecega ni Isireli:)

1 Tui 12:16

Ia ni ra sa raica ko ira kecega na Isireli ni sa sega ni rogoci ira ko koya na tui, era sa qai vosa vua na tui ko ira na tamata, ka kaya, Keimami sai votavota vata vakaevei kei Tevita? ka sa sega na neimami votavota vata kei koya na luve i Jese: ki na nomudou veivale, oi kemudou na Isireli: ia oqo, Tevita mo qarauna na nomu vale. A ra sa lako ki na nodra veivale ko ira na Isireli.

1 Tui 13:2

A sa kaci ko koya ki nai cabocabo-ni-soro e na vosa i Jiova, ka kaya, Nai cabocabo-ni-soro! Nai cabocabo-ni-soro! sa kaya vakaoqo ko Jiova, Raica, ena sucu e dua na gonetagane mai na mataqali i Tevita, ko Josaia na yacana; ia ena vakamatei iratou ko koya e delamu na bete ni veitikina cecere, eratou a vakama na ka boi vinaka e delamu, ka na vakamai e delamu na sui ni tamata.

2 Veigauna 25:10

Sa qai tawasei ira ko Amasaia, ka me ra lesu tale ki na nodra veivale, nai valu ka lako mai kivei koya mai Ifireimi: ka sa tubu vakalevu kina na nodra cudru kivei ira na Juta, ka ra sa lesu ki na nodra veivale ka sa ka levu na nodra cudru.

2 Veigauna 28:12

Sa qai tu cake eso vei ira sa liu vei ira na Ifireimi, ko Asaraia na luve i Joenani, ko Perekaia na luve i Meselemoce, kei Jesikaia na luve i Salumi, kei Amasa na luve i Atilai, era tu cake vei ira ka lako tale mai nai valu,

NA SAME 11:1

Au sa vakararavi vei Jiova; Dou sa kaya vakacava ki na yaloqu, Mo vuka, me vaka na manumanu vuka, ki na nomu ulu-ni-vanua:

Vosavakaibalebale 28:1

Era dro ko ira na tamata ca ni sa sega e dua sa vakasava: Ia ko ira na yalododonu era sa qaqa me vaka na laioni.

Aisea 11:13

Ena takali talega na vuvu i Ifireimi, ka ra na muduki tani na meca i Juta: ena sega ni vuvutaki Juta ko Ifireimi, ena sega talega ni vakararawataki Ifireimi ko Juta.

Aisea 22:22

Ia ka'u na tauca ki domona nai dola ni vale i Tevita; ena dolava ko koya, ka na sega e dua me sogota; ka sogota, ka na sega e dua me dolava.

Aisea 37:27

O koya era sa malumalumu kina na lewena, era sa yalolailai ka taqaya: era sa vaka na co ni vanua, kei na co bulabula sa qai rovu, na co mai na dela ni vale, kei na sila sa malai ni sa sega ni tubu cake.

Aisea 37:35

Ia ka'u na vakaruruga na koro oqo me'u vakabula e na vukuqu, e na vuku talega i Tevita na noqu i talatala.

Aisea 6:13

Ia ke sa na vo tu kina na kenai katini, a ra na lesu mai, me vakarusai tale: me vaka na paini, kei na oki, ni sa tavakabalei no sa bula tu na vuna: sa na vakakina na kawa tabu e na vuna na kena bula tu.

Aisea 7:13

Ka sa kaya ko Aisea, Dou rogoca mada na mataqali i Tevita; A ka lailai beka na nomudou vakaocataki ira na tamata, mo dou sa vakaocataki koya talega na noqu Kalou?

Aisea 7:17

Ena vakayacora vei kemuni ko Jiova vei ira talega na nomuni tamata, kei na mataqali i tamamuni, na gauna sa sega tale e vakakina, mai na siga sa lako tani kina mai Juta ko Ifireimi; io na tui Asiria.

Aisea 7:5

Ka ni ratou sa bosea na ka ca vei iko ko Siria, kei Ifireimi, kei koya na luve i Rimalaia, a ratou sa kaya,

Aisea 8:12

Dou kakua ni kaya sa dua na vere e na vuku ni ka kece era sa kaya kina na tamata oqo sa dua na vere; dou kakua talega ni rerevaka na ka era rerevaka, kakua talega ni kidroa kina.

Aisea 9:9

Era na kila kina ko ira na tamata kecega, na Ifireimi kei na kai Samaria, era sa kaya e na nodra viavialevu kei na kaukauwa ni lomadra,

Jeremaia 21:12

koi kemudou na mataqali i Tevita, sa kaya vakaoqo ko Jiova: Dou ia na lewa dodonu e na mataka, ka vakabulai koya sa vakacacani mai na liga i koya sa vakacacana, de lako yani, na noqu cudru me vaka na bukawaqa, ka sa waqa tiko, me sega e dua e bokoca, e na vuku ni kena ca na nomudou i valavala.

Osea 12:1

O ira na Ifireimi era sa kana cagi, io, era sa muria na cagi mai na tu-i-cake: e na veisiga kecega era sa kuria na vosa lasu kei na vakacaca; ka ra sa ia na veiyalayalati kei ira na kai Asiria, a waiwai talega sa kau ki Ijipita.

Maciu 2:3

Ia ni sa rogoca ko Eroti na tui, sa kidroa, kei Jerusalemi taucoko vata kaya: