Aisea 4:2 - Vakavakadewa Makawa

² E na gauna ko ya ena rairai vinaka ka rogo na coke i Jiova, ia na vuata ni vanua ena ka talei ka matavinaka me kedra na Isireli era sa dro bula.

Ai Vola Tabu (Vakadewa Makawa Vakavoutaki 2021)

² E na gauna ko ya ena rairai vinaka ka rogo na coke i Jiova, ia na vuata ni vanua ena ka talei ka matavinaka me kedra na Isireli era sa dro bula.

AI VOLA TABU

² E na gauna ko ya ena rairai vinaka ka rogo na Coke i Jiova, ia na Vuana na vanua ena ka talei ka matavinaka vei ira na Isireli era sa dro bula.

Vakavakadewa Vou kei na iVola tale eso

² Ena yaco mai na gauna ena vakatubura tale kina o Jiova na kau sa teivaki kei na vuanikau me ra lelevu ka rairai vinaka. O ira kece era vo tu e Jerusalemi era na marautaka ka cibitaka na kena vua ni qele.

Ai Vola Tabu Ena Vakavakadewa Vou

² Ena yaco mai na gauna ena vakatubura tale kina ko Jiova na kau sa teivaki kei na vuanikau me ra lelevu ka rairai vinaka. O ira kece era vo tu e Jerusalemi era na marautaka ka cibitaka na kena vua ni qele.

Aisea 4:2 Iomraidhean Croise

NA SAME 67:6

Ena qai vuataka na vuana ko vuravura; Ena qai vakalougatataki keda na Kalou, io, na noda Kalou.

NA SAME 72:16

Ena sautu e vuravura e na dela ni veiulu-ni-vanua na sila e qumi rawarawa ga; Ena kurekure na vuana me vakataki Lepanoni: Era na tubu vinaka talega na lewe ni koro me vaka na co ni vanua.

Lako Yani 28:2

Ia mo cakava eso nai sulu tabu me nei Eroni na tuakamu, me vakaiukuuku ka me rairai vinaka.

Aisea 11:4

Ena lewai ira vakadodonu ga na dravudravua, ka lewa vakadodonu e na vukudra na yalomalumalumu e vuravura: ena yaviti vuravura e nai titoko ni gusuna, ia e nai cegu ni tebenigusuna ena vakamatei ira nai valavala ca.

Aisea 26:1

E na siga ko ya ena seretaki na sere oqo e na vanua ko Juta; Sa dua na noda koro kaukauwa; ena lesia ko Koya na veivakabulai me bai kei na bai ni valu.

Aisea 27:6

E na gauna maimuri ena tei sobu ko Jekope; ena se ka beta ko Isireli, ia era na robota na dela i vuravura e na vuadra.

Aisea 30:23

Ena qai solia ko koya na uca ki na nomu sore ni kau, ko sa kaburaka ki na qele; ia na sila madrai, na vu ni qele, ena vakauro ka vakalewe; a nomu manumanu ena kana e na siga ko ya e na vanua veico levu.

Aisea 45:8

Dou vakatauca mai cake, na lomalagi; ia me sovaraka na cakacaka dodonu na o: me gunuva ko vuravura, ka vakatubura mai na bula kei na cakacaka dodonu, me sa tubu vata ga. Koi au ko Jiova ka'u sa cakava.

Aisea 53:2

Ni sa tubu cake ko koya me vaka na coke e matana, ka vaka na waka ni kau mai na qele mamaca: sa sega ni vinaka na matana ka sa sega ni vatukai vinaka na yagona; ia ni da sa raici koya, sa sega ni matavinaka ko koya me da qoroi koya kina.

Aisea 60:15

Ia, ni ko a biu ka cati, ka sega e veilakovi kei iko, ka'u na qai qisi iko kina mo lagilagi ka sega ni mudu, mo vu ni marau vei ira na veitabatamata kecega.

Aisea 60:21

Ko ira na nomu tamata, era na yalododonu kecega: era na taukena na vanua ka sega ni mudu, na sulina ka'u a tea, na cakacaka ni ligaqu, me'u vakarokorokotaki kina.

Aisea 61:11

Me vaka na qele sa tubura na kena buroro, ka vaka na were sa tubura na ka e tei kina; ena vakatubura vakakina ko koya na Turaga ko Jiova, nai valavala dodonu kei na vakavinavinaka, e na matadra na veimatanitu kecega.

Jeremaia 23:5

Raica, sa kaya ko Jiova, ena yaco na gauna, ka'u na vakatubura kina vei Tevita e dua na Coke yalododonu, ia ena lewa e dua na Tui ka cakacaka yaco, ena ia ko koya na lewa kei na cakacaka dodonu e vuravura:

Jeremaia 33:15

E na veisiga ko ya, kei na gauna ko ya, ka'u na vakatubura kina vei Tevita na Coke yalododonu; ia ena cakava ko koya na lewa dodonu kei na cakacaka dodonu e na vanua.

Jeremaia 44:14

me kakua e dua me dro tani rawa se vo tiko vei ira na kena vo ni Juta, era sa lako ki na vanua ko Ijipita me tiko vulagi mada kina, ka qai lesu mai ki na vanua ko Juta, era sa gadreva me ra lesu ka tiko tale kina: ni na sega so ena lesu tale mai, ko ira ga era sa dro bula.

Jeremaia 44:28

Ia ko ira era bula mai nai seleiwau, era na lesu mai na vanua ko Ijipita ki na vanua ko Juta, ka lewe vica ga; ia ko ira kece na kena vo ni Juta, era sa yaco ki na vanua ko Ijipita me tiko vulagi kina, era na kila se na vosa i cei ena yaco, se na noqu, se na nodra.

Isikeli 34:29

Ia ka'u na vakatubura e dua na nodra coke sa na rogo, ka ra na sega ni takali tani tale e na vuku ni sa dausiga na vanua, se vakamaduataki tale vei ira na veimatanitu.

Isikeli 36:8

Ia koi kemudou, na veiulu-ni-vanua ni Isireli, dou na tubura na nomudou taba ni kau, ka dou na vuataka na nomudou vua ni kau vei ira na noqu tamata na Isireli; ni ra sa voleka ni lako mai.

Isikeli 7:16

A ra na dro ko ira sa dro bula, a ra na tiko e na veiulu-ni-vanua me vaka na ruve ni veibuca, ka dui tagi yadua e na vuku ni nonai valavala ca.

Joeli 2:32

Ia ena yaco, ko koya yadua sa na masuta na yaca i Jiova, ena bula: io, ena ia na veivakabulai mai na ulu-ni-vanua ko Saioni, kei Jerusalemi, me vaka sa kaya ko Jiova, ka vei ira talega na kena vo sa na kacivi ira ko Jiova.

Joeli 3:18

Ia e na siga ko ya, ena vakatauca na waini vou na veiulu-ni-vanua, a veiulu-ni-koro talega ena vakadavea na wai-ni-sucu, ena drodro talega na wai e na dreke ni wai kece ni Juta, ia e dua na mata-ni-wai ena tovure mai na vale i Jiova, ka vakasuasuataka na buca ko Sitimi.

Opetaia 1:17

Ia e na ulu-ni-vanua ko Saioni ena tiko na kena vo era dro bula, ena yalosavasava talega; ia na mataqali i Jekope ena taukena na nodra vanua.

Sakaraia 3:8

Mo rogoca mada, Josua na bete levu, o iko, kei ira na nomu i tokani era tiko e matamu; (ni ra sai vakatakarakara ko ira oqo) ni sai au, raica, ka'u na kauti koya mai na noqu tamata na COKE.

Sakaraia 6:12

ka kaya vua, Sa kaya vakaoqo ko Jiova ni lewe vuqa, Raica na tamata, na yacana na COKE; ia ena tubu mai ko koya mai na nona yasana, ena tara na vale i Jiova ko koya:

Sakaraia 9:17

Ia na kena levu ni nona loloma! kei na kena levu ni nona vinaka! era na bula na cauravou e na sila, kei ira na goneyalewa, e na waini vou.

Malakai 3:17

A sa kaya ko Jiova ni lewe vuqa era na noqu ga, e na siga ka'u na kumuna kina na noqu i yau talei; ia ka'u na lomani ira, me vaka na tamata sa lomani koya na luvena sa qaravi koya.

Maciu 24:22

Ia kevaka ena sega ni vakalekalekataki na gauna ko ya, ena sega na tamata me bula rawa: ia e na vukudra na digitaki ena vakalekalekataki na gauna ko ya.

Luke 21:36

O koya mo dou qai vakatawa, ka daumasu tikoga, mo dou vakabau kina mo dou yaga me bula mai na ka kecega oqo ena yaco mai, ka tu e na mata ni Luve ni tamata.

Joni 1:14

A sa yaco me tamata ko koya na Vosa, ka tiko vata kei keda, (ia keitou a raica na nonai ukuuku, ni sa vaka nai ukuuku ni Le dua bauga sa vakatuburi maivei Tamana,) sa sinai e na loloma kei na dina.

2 Korinica 4:6

Ni sai koya na Kalou, o koya sa kaya eliu me cila mai na butobuto na rarama, sa cila mai ki na loma i keitou, me cila yani kina na serau ni Kalou, o koya sa vakatakilai rawa e na mata i Jisu Karisito.

2 Pita 1:16

Ni keitou a sega ni muria nai tukuni sa caka vakavuku, ni keitou a tukuna vei kemudou na nona kaukauwa kei na nona lako mai na noda Turaga ko Jisu Karisito, ia keitou a raica dina ga na nonai valavala vakaturaga.