Aisea 3:1 - Vakavakadewa Makawa

¹ Raica, na Turaga ko Jiova ni lewe vuqa, sa qai kauta tani e Jerusalemi kei Juta na ka kece sara sa bula kina, na madrai kecega sa bula kina, kei na wai kecega sa bula kina,

Ai Vola Tabu (Vakadewa Makawa Vakavoutaki 2021)

¹ Raica, na Turaga ko Jiova-ni-lewevuqa sa kauta tani mai Jerusalemi kei Juta na ka kece sara sa bula kina— na madrai kecega sa bula kina, kei na wai kecega sa bula kina—

AI VOLA TABU

¹ KAICA, a Turaga, ko Jiova ni lewe vuqa, ni sa qai kauta tani e Jerusalemi kei Juta ko koya na ka kece sara sa tokoni kina, na madrai kecega sa tokoni kina, kei na wai kecega sa tokoni kina,

Vakavakadewa Vou kei na iVola tale eso

¹ Ni raica, sa na vakarau kauta tani na Turaga o Jiova E Jerusalemi vata kei Juta, Na veika kece era vakararavi kina na tamata; Na medra wai kei na kedra kakana.

Ai Vola Tabu Ena Vakavakadewa Vou

¹ Ni raica, sa na vakarau kauta tani na Turaga ko Jiova E Jerusalemi vata kei Juta, Na veika kece era vakararavi kina na tamata; Na medra wai kei na kedra kakana.

Aisea 3:1 Iomraidhean Croise

2 Tui 25:3

E na kenai kaciwa ni siga e nai kava ni vula, sa ka levu na viakana e na koro, a sa sega na kakana vei ira na lewe ni vanua.

NA SAME 105:16

Sa lewa talega e dua na dausiga me kania na vanua: Sa muduka kecega na kakana era sa bula kina.

Aisea 1:24

O koya sa kaya kina na Turaga, ko Jiova ni lewe vuqa, ko Koya na Kaukauwa i Isireli, Io, ka'u na vakacegui au maivei ira na noqu meca, ka vakayacora na cudru vei ira era cati au:

Aisea 2:22

Dou kua ni goleva e dua na tamata, sa tiko e na qara ni ucuna na nonai cegu: ni sa yaga ki na cava ko koya?

Aisea 3:16

A sa kaya talega ko Jiova, Ni ra sa qaciqacia na goneyalewa ni Saioni, ka sa vakateqateqa na nodra i lakolako, ka sa dauvere na matadra, ka sa lako vakamamada, ka sa taqiriqiri tu na vesa ni yavadra:

Aisea 36:12

A sa kaya ko Rapisake, Sa talai au beka na noqu turaga, me'u tukuna na ka oqo vei kemudrau ga kei na nomu turaga? ka sega ni talai au vei ira talega na tamata era sa toka e na dela ni bai, me ra kania na nodra benu ka gunuva na nodra suasua koi kemudou vata ga?

Aisea 5:13

O koya oqo era sa kau vakabobula tani kina na noqu tamata, ni sa sega na nodra vuku; ia na nodra tamata rogo, era sa mate e na viakana; kei na nodra lewe vuqa, era sa mate e na viagunu.

Aisea 51:22

sa kaya vakaoqo na nomu Turaga ko Jiova, kei na nomu Kalou o koya ka totaki ira na nona tamata, Raica, ka'u sa kauta tani mai na ligamu na bilo e dauveivakamateni, io na kena soko e na bilo ni noqu cudru katakata; ko na sega ni gunuva tale;

Aisea 9:20

Ena kaliraka mai nai matau e dua, ka na viakana ga; ena kana mai nai mawi, ka na sega ni mamau: era na dui kania na lewe ni ligana:

Jeremaia 37:21

Sa qai kaya ko Setekaia na tui me ra kauti Jeremaia ki na lomanibai ni vale ni veivesu, ka solia vua e dua nai buli madrai e na veisiga mai na nodra tiki ni koro na dauvavimadrai, ka me oti sara mada na madrai e na koro. Ka sa tiko ga ko Jeremaia e na lomanibai ni vale ni veivesu.

Jeremaia 38:9

Kemuni na noqu turaga na tui, sa caka ca ko ira na tamata oqo e na ka kece era sa cakava vei Jeremaia na parofita, ko koya era sa biuta ki nai keli; ena sa mate ga maikea e na viakana: ni sa sega na madrai e na koro.

Jeremaia 52:3

Ia sa yaco kina ki Jerusalemi kei Juta na cudru i Jiova, ka sa biuti ira tani kina e matana, ka sa talaidredre tiko ko Setekaia vua na tui Papiloni.

Jeremaia 52:6

Ia e nai kava ni vula, e nai kaciwa ni siga ni vula, sa ka levu sara na viakana e na koro, a sa sega na kedra madrai na lewe ni vanua.

Lele i Jeremaia 5:4

Keimami sa volia e nai lavo na wai keimami sa gunuva; A neimami buka, sa volitaki vei keimami.

Isikeli 14:13

Ko iko na luve ni tamata, ni sai valavala ca vei au e dua na vanua ni sa talaidredre sara, ka'u na qai dodoka yani kina na ligaqu, ka muduka na ka e bula kina, io, na madrai, ka vakayacora kina na viakana, ka muduka tani maikina na tamata kei na manumanu:

Vunau ni Soro 26:26

Ni'u sa vakaotia na madrai dou sa bula kina, ena qai lewe tini na yalewa sa na vavia na kemudou madrai e na dua na lovo, a ra na vakarautaka na bibi ni kemudou madrai, ni sa bera ni vota; ia dou na kana, ka sega ni mamau.

Emosi 4:6

Ia koi au talega, ka'u a solia me savasava na batimudou, e na nomudou veikoro kecega, io, mo dou viakana mai e na nomudou veiyasana kecega: ia dou a sega ga ni lesu vei au, sa kaya ko Jiova.

Maika 4:9

A cava tale ko sa tagi vakadomoilevu kina? sa sega li na nomu tui? ko ira na nomu daubose era sa yali beka? ka ni sa tauvi iko na rarawa me vaka na yalewa sa taratara?