Aisea 2:2 - Vakavakadewa Makawa

² Sa na yaco e na gauna maimuri, ni na vakataudeitaki na ulu-ni-vanua ni vale i Jiova me sivia na veiulu-ni-vanua, ena vakaceceretaki ka me lolovira na veiulu-ni-koro; ka ra na drodro kina na veimatanitu kecega.

Ai Vola Tabu (Vakadewa Makawa Vakavoutaki 2021)

² Sa na yaco e na gauna mai muri, ni na vakataudeitaki na ulunivanua ni vale i Jiova me sivia na veiulunivanua, ena vakaceceretaki ka me lolovira na veiulu-ni-koro; ka ra na kui yani kina na veimatanitu kecega.

AI VOLA TABU

² Ia ena yaco e na gauna maimuri, ena vakataudeitaki na ulu-ni-vanua ni vale i Jiova me sivia na veiulu-ni-vanua, ena vueti me cecere ka lolovira na veiulu-ni-koro; a ra na drodro kina na veimatanitu kecega.

Vakavakadewa Vou kei na iVola tale eso

² Ena yaco mai na gauna, Sa na cecere duadua kina, Na ulunivanua e duri tu kina na Valenisoro. Era na lako yani kina na veimatanitu kecega, Ka ra na kaya na tamata,

Ai Vola Tabu Ena Vakavakadewa Vou

² Ena yaco mai na gauna me na cecere duadua kina na ulunivanua e duri tu kina na Valenisoro. Era na lako yani kina na veimatanitu kecega,

Aisea 2:2 Iomraidhean Croise

Vakatekivu 49:1

A sa kacivi ira na luvena tagane ko Jekope, ka kaya, Dou soqoni vata, me'u tukuna vei kemudou na ka ena yacovi kemudou e na gauna maimuri:

Jope 19:25

Ni'u sa kila sa bula tiko na noqu i Vakabula, Ena tu talega e vuravura e na siga maimuri:

NA SAME 102:23

Sa vakamalumalumutaka na noqu kaukauwa e na gaunisala; Sa vakalekalekataka na noqu siga ni bula.

NA SAME 2:8

Kerea maivei au, ka'u na solia na veimatanitu me nomu i votavota, Kei nai yalayala kei vuravura mo taukena:

NA SAME 22:27

Era na vakanananu kecega nai yalayala kei vuravura, ka saumaki vei Jiova: Era na lotu e matamuni ko ira kecega na veimataqali ni veivanua.

NA SAME 22:28

Ni sa nei Jiova na matanitu; Ia ko koya ga sa turaga vei ira na veimatanitu;

NA SAME 48:2

Sa lagilagi sara na kenai tikotiko, era marautaka na kai vuravura kece, Na ulu-ni-vanua ko Saioni, na yasana sa donuya na tokalau; Na koro nei koya na Tui levu.

NA SAME 68:17

A qiqi-vakaturaga ni Kalou sa rua na oba, ia na nona agilose sa udolu vakavuqa sara: Sa tiko na Turaga e na kedra maliwa, me vaka mai Saineai, e na tikina tabu.

NA SAME 72:8

Ena lewa talega mai na dua na wasawasa ka yacova na wasawasa ka dua, Mai na Uciwai talega, ka yacova nai yalayala kei vuravura.

NA SAME 86:9

Na veimatanitu kecega ko ni a cakava era na lako mai ka soro vei kemuni na Turaga; Ka ra na vakarokorokotaka na yacamuni.

NA SAME 87:1

A nona yavu sa tu mai na ulu-ni-vanua tabu.

NA SAME 87:2

Sa lomana vakalevu ko Jiova na matamata-ni-koro mai Saioni, Ka vakalailai nai tikotiko kecega i Jekope.

Aisea 11:10

Ia e na siga ko ya ena dua na coke kei Jese, ena tu me nodra kuila na veimataqali; era na vakasaqarai koya ko ira na veimatanitu: ia na nonai tikotiko ena vakaiukuuku.

Aisea 25:6

Ia e na ulu-ni-vanua oqo ena cakava ko Jiova ni lewe vuqa vei ira na veimatanitu kecega, e dua na magiti e na ka e uro, na magiti ni waini makawa, e na ka e uro ka vakautona, e na waini makawa ka makare sara.

Aisea 27:13

Ia ena yaco e na siga ko ya, ena uvu na davui levu, ka ra na lako mai na vanua ko Asiria ko ira era voleka ni rusa, kei ira era tiko se mai na vanua ko Ijipita, a ra na mai cuva vei Jiova e na ulu-ni-vanua tabu mai Jerusalemi.

Aisea 30:29

Ena qai dua na nomudou sere, me vaka e na bogi sa ia kina na so levu tabu; kei na reki vakayalo me vaka e dua sa uvu bitu ni sa lako tiko mai ki na ulu-ni-vanua i Jiova, kivei koya na Uluvatu ni Isireli.

Aisea 49:6

Ia sa kaya ko koya, Sa ka lailai mo noqu i talatala mo vueta cake na veimataqali i Jekope, ka vakalesui ira mai na Isireli era maroroi tiko: Ka'u sa soli iko talega mo nodra rarama na veimatanitu, mo yaco talega mo vu ni bula e na vukuqu ki nai yalayala kei vuravura.

Aisea 56:5

ka'u na solia me nodra e na noqu vale kei na noqu lomanibai na tikina kei na yaca e vinaka ka ca me so na luvedra tagane kei na luvedra yalewa; ka'u na solia vei ira na yaca rogo ka sega ni mudu, ena sega ni takali.

Aisea 56:7

ka'u na kauti ira mai ki na noqu ulu-ni-vanua tabu, ka vakamarautaki ira e na noqu vale ni masu; a nodra i soro kama kei na nodra i madrali ena vakadonui e na noqu i cabocabo-ni-soro; ni na vakatokai na noqu vale me nodra vale ni masu na tamata kecega.

Aisea 60:3

ia na veimatanitu tani era na lako voli e na nomu rarama; kei ira na tui, e na serau ni kemui cadracadra.

Aisea 65:11

Ia koi kemudou, sa biuti Jiova, ka guilecava na noqu ulu-ni-vanua tabu, ka tau kakana ki na tepeli vei Kata, ka tu yaqona nai sevu mei Meni,

Aisea 66:20

A ra na kauti ira kece na wekamudou mai na veivanua, mei cabocabo vei Jiova, e na ose, kei na qiqi-ni-tamata, kei na tavata, kei na meule, kei na kameli, ki na noqu ulu-ni-vanua tabu ko Jerusalemi, sa kaya ko Jiova, me vakataki ira na Isireli era kauta mai nai cabocabo e na bilo savasava ki na vale i Jiova.

Aisea 66:23

Ia mai na vula e dua ka yacova na vula kadua, ka mai na siga tabu e dua ka yacova na siga tabu kadua, era na lako mai na tamata kecega me ra mai cuva e mataqu, sa kaya ko Jiova.

Jeremaia 16:19

Kemuni Jiova, na noqu kaukauwa, kei na noqu koro ni valu, kei na noqu i vakaruru e na siga ni rarawa, era na lako mai kivei kemuni ko ira na veimatanitu mai na veiyalayala kei vuravura, ka ra na kaya, E dina, era sa taukena ko ira na neimami qase na ka lasu, kei na ka wale, kei na ka sa sega ni yaga.

Jeremaia 23:20

ena sega ni malumu na cudru i Jiova, ena cakava mada ga, ka vakayacora na nanuma ni lomana: e na gauna maimuri dou na kila deivaka sara ga kina.

Jeremaia 26:18

Ko Maika na kai Moreseci, sa ia na parofisai e na gauna i Esekaia na tui Juta, ka sa vosa vei ira kece na Juta, ka kaya, Sa vosa vakaoqo ko Jiova ni lewe vuqa; Ko Saioni, ena cukiti me vaka na were; kei Jerusalemi ena yaco me bukebuke walega; kei na ulu-ni-vanua ni vale tabu, ena vaka na veitikina cecere ni veikau.

Jeremaia 3:17

E na gauna ko ya era na vakatokai Jerusalemi mei tikotiko vakaturaga i Jiova; ka ra na soqoni vata kina na lewe ni veimatanitu kecega ki na yaca i Jiova ki Jerusalemi: ka ra na sega ni muria tale na kaukauwa ni lomadra ca.

Jeremaia 30:24

Ena sega ni malumu na cudru katakata i Jiova, ena cakava mada ga, ka vakayacora dina na ka sa nakita ko koya: ena kena gauna maimuri, dou na qai vakananuma kina.

Jeremaia 31:12

O koya oqo era na lako mai kina ka meke e na dela-ni-koro ko Saioni, ka drodro vata mai ki na loloma i Jiova, e na vuku ni witi, kei na waini, kei na waiwai, kei na luve ni sipi kei na pulumokau: ia na yalodra, ena vaka na were sa levu na kena wai; a ra na sega sara ni rarawa tale.

Jeremaia 48:47

Ia e na gauna maimuri ka'u na kauti ira tale mai na Moapi era vakabobulataki, sa kaya ko Jiova. Sa qai tini na lewa vei Moapi.

Jeremaia 49:39

Ia e na gauna maimuri, ka'u na kauti ira tale mai na Ilama era vakabobulataki, sa kaya ko Jiova.

Jeremaia 51:44

Ia ka'u na cudruvi Peli mai Papiloni, ka kauta tani tale mai na gusuna na ka sa tiloma: ka ra na sega ni drodro vata tale vei koya na lewe ni veivanua: io na bai kei Papiloni ena bale.

Isikeli 38:16

ia ko na cabe vakaivalu cake mai ki vei ira na noqu tamata na Isireli, me vaka na o me ubia na vanua; ena yaco e na gauna maimuri, ka'u na qai kauti iko mai ki na noqu vanua, me ra kilai au na veimatanitu tani, ni'u sa vakarokorokotaki vei iko, Koki, e matadra.

Isikeli 40:2

E na raivotu ni Kalou sa kauti au mai ki na nodra vanua na Isireli, ka vakatikori au ki na dua na dela ni ulu-ni-vanua cecere sara, ka sa vaka e tu maikina e dua na koro sa tara rawa tu ki na mata ni ceva.

Taniela 10:14

Au sa qai lako mai me'u vakatakila vei iko na ka ena yacovi ira na kai nomu e na gauna maimuri: ni na bogi vuqa mada na raivotu.

Taniela 2:28

ia sa dua na Kalou mai lomalagi sa vakaraitaka na ka vuni, ka sa vakatakila rawa vei kemuni na tui ko Nepukanesa na ka ena yaco e na gauna maimuri. A nomuni tadra kei na raivotu ko ni a raica e na nomuni mocemoce, sa vakaoqo:

Taniela 2:35

Sa qai vorolaki vata na aironi, na tete, na parasa, na siliva, kei na koula, ka sa yaco me tautauvata kei na qa ni sila e na rara ni sila e na vula i matua; ka sa dui cagina tani yani, me sega ni kune tale: ia na vatu ka lauta na matakau, sa tubu me ulu-ni-vanua levu, ka roboti vuravura taucoko.

Taniela 2:45

Ia ni kemuni a raica na vatu ni sa kavida mai na ulu-ni-vanua ka sega ni ta e na ligana e dua, ka sa vurumemeataka na aironi, na parasa, na tete, na siliva, kei na koula: sa vakatakila kina vua na tui ko koya na Kalou levu na ka ena yaco maimuri: ni sa ka dina na tadra, ka macala na kenai balebale.

Osea 3:5

ka oti, era na qai lesu mai na Isireli, ka qaravi Jiova na nodra Kalou, kei Tevita na nodra tui; ka ra na rerevaki Jiova kei na nona loloma e na gauna maimuri.

Sakaraia 14:10

Ena vuki na vanua kecega me tautauvata kei na buca mai Kipa ka yacovi Rimoni e na yasayasa ki na ceva mai Jerusalemi: ia ena cecere, ka tawa e na kenai tikotiko, mai na matamata-ni-koro i Penijamini ka yaco ki na matamata-ni-koro makawa, ka yacova sara na matamata-ni-koro e na tutu ni koro; mai na vale-cecere talega i Ananeli ka yaco ki na nonai keli-waini na tui.

Sakaraia 14:9

Ia ena kilai ko Jiova ni sa tui ni vuravura kecega: e na siga ko ya ena sai Jiova duaduaga, kei na yacana duaduaga.

Sakaraia 8:22

Io, ena lako mai na veimataqali e vuqa kei na veimatanitu kaukauwa, me mai qaravi Jiova ni lewe vuqa e Jerusalemi, ka me kere loloma vei Jiova.

Sakaraia 8:3

Sa kaya vakaoqo ko Jiova; Au sa qai lesu mai ki Saioni, ia ka'u na tiko ga e na loma i Jerusalemi: ena vakatokai talega ko Jerusalemi, me koro daudina; kei na ulu-ni-vanua i Jiova ni lewe vuqa, me ulu-ni-vanua tabu.

Malakai 3:12

A ra na vosavakalougatataki kemudou na lewe ni veivanua kecega: ni dou na vanua e daurekitaki, sa kaya ko Jiova ni lewe vuqa.

Tiko mai na Lekutu 24:14

Ia oqo, raica, ka'u sa lako vei ira na kai noqu: me'u na vakatakila mada vei iko na ka era na cakava e na gauna maimuri na tamata oqo kivei ira na nomu tamata.

Cakacaka 2:17

Sa kaya na Kalou, Ena yaco e na gauna maimuri, Ka’u na sovaraka na Yaloqu kivei ira na tamata kecega: A ra na parofisai kina ko ira na nomudou gonetagane kei ira na nomudou goneyalewa, Ia ena raica na raivotu eso ko ira na nomudou cauravou, Ia ena tadrataka na tadra eso ko ira na nomudou qase:

2 Timoci 3:1

Mo kila talega na ka oqo, ni na yaco eso na gauna ni veivakararawataki e na veisiga maimuri:

Iperiu 1:2

ia sai koya na Luvena sa vosa kina vei keda ko koya, e na gauna mai ki muri oqo; o koya sa lesia ko koya mei taukei ni ka kecega, o koya sa bulia talega kina na vuravura kecega;

2 Pita 3:3

ni dou sa kila mada oqo, ni na lako mai e na gauna emuri sara eso na dauveivakasewasewani, era na dauvakadamurimuria na nodra gagadre ca,

Vakatakila 11:15

SA qai uvu davui nai kavitu ni agilose; a sa muri eso na vosa sa domo levu mai lomalagi, sa kaya, Na matanitu kei vuravura oqo sa qai yaco me nona na noda Turaga, a nei koya na nona Karisito; ia ena lewa ko koya ka sega ni mudu.

Vakatakila 20:4

Ia ka'u a raica eso nai tikotiko-vakaturaga, ka ra tiko kina eso, a sa soli vei ira me ia na veilewai: au a raica na yalodra talega e tamusuki na uludra ni ra sa vakatusai Jisu, e na vuku talega ni vosa ni Kalou, o ira era sa sega ni vakarokoroko vua na manumanu, se vua na nona matakau, a sa sega talega ni volai nai vakatakilakila e na yadredra, se na ligadra: a ra sa bula ka lewa vata kei Karisito ka dua na udolu na yabaki.