Aisea 1:1 - Vakavakadewa Makawa

¹ A raivotu i Aisea na luve i Emosi, ka raica ko koya ka sa baleti Juta kei Jerusalemi e na gauna i Usaia, kei Jocame, kei Easi, kei Esekaia, ko iratou na tui Juta.

Ai Vola Tabu (Vakadewa Makawa Vakavoutaki 2021)

¹ A raivotu i Aisea na luve i Emosi, ka raica ko koya ka sa baleti Juta kei Jerusalemi e na gauna i Usaia, kei Jocame, kei Easi, kei Esekaia, ko iratou na tui Juta.

AI VOLA TABU

¹ A RAIVOTU i Isaia na luve i Amosi, a ya ka raica e na vuku ni Juta kei Jerusalemi e na nodratou gauna ko Usiya, kei Yocami, kei Aasi, kei Isikiya, na tui Juta.

Vakavakadewa Vou kei na iVola tale eso

¹ Na i vola oqo sa koto kina na i tukutuku baleti Juta kei Jerusalemi e a vakaraitaka na Kalou vei Aisea na luve i Emosi ena gauna e ratou a tui kina e Juta o Usaia, o Jocame, o Easi kei Esekaia.

Ai Vola Tabu Ena Vakavakadewa Vou

¹ Na i vola oqo sa koto kina na i tukutuku baleti Juta kei Jerusalemi e a vakaraitaka na Kalou vei Aisea na luve i Emosi ena gauna e ratou a tui kina e Juta o Usaia, o Jocame, o Easi kei Esekaia.

Aisea 1:1 Iomraidhean Croise

2 Tui 15:1

E na kenai karuasagavulu ka vitu ni yabaki i Jeropoami na tui Isireli, sa tekivu me lewa ko Asaraia, na luve i Amasaia na tui Juta.

2 Tui 15:13

Sa tekivu me lewa ko Salumi na luve i Jepesi e na kenai katolusagavulu ka ciwa ni yabaki i Usaia na tui Juta; a sa lewa mai Samaria e dua dina na vula.

2 Tui 15:32

E na kenai karua ni yabaki i Peka na tui Isireli, na luve i Rimalaia, sa tekivu me lewa ko Jocame na luve i Usaia na tui Juta.

2 Tui 15:7

A sa moce vata kei ira na nona qase ko Asaraia; a ra sa buluti koya vata kei ira na nona qase e na koro i Tevita: a sa buli me tui ko Jocame na luvena, me kenai sosomi.

2 Tui 18:1

Ia e na kenai katolu ni yabaki i Osea na tui Isireli, na luve i Ela, sa tekivu me lewa ko Esekaia na luve i Easi na tui Juta.

2 Tui 19:2

A sa talai Elaiakimi, o koya ka lewa na vale, kei Sepina na vunivola, kei ira era qase vei ira na bete ni ra sa vakaisulu e nai sulu taga, kivei Aisea na parofita na luve i Emosi.

2 Veigauna 26:1

A ra sa kauti Usaia ko ira kecega na Juta, ni sa tinikaono na nona yabaki, a ra sa buli koya me tui, mei sosomi kei Amasaia na tamana.

2 Veigauna 26:22

Ia na kena vo ni cakacaka i Usaia, a kenai vakatekivu, kei na kenai otioti, sa vola ko Aisea na parofita, na luve i Emosi.

2 Veigauna 27:1

Sa ruasagavulu ka lima na yabaki i Jocame ni sa buli me tui, ka sa lewa mai Jerusalemi ka yabaki tinikaono. Na yaca i tinana talega ko Jirusa, na luve i Setoki.

2 Veigauna 28:1

Sa yabaki ruasagavulu ko Easi ni sa buli me tui, a sa lewa mai Jerusalemi ka yabaki tinikaono: ia sa sega ni caka dodonu e na mata i Jiova, me vakataki Tevita na tamana:

2 Veigauna 29:33

Ia na ka sa vakatabui, sa ono na drau na pulumokau, ka tolu na udolu na sipi.

NA SAME 89:19

O ni a qai vosa e na raivotu vua na nomuni parofita yalododonu, Ka kaya, Au sa solia na kaukauwa vua sa qaqa; Au sa vakaceceretaka e dua sa digitaki maivei ira na tamata.

Aisea 13:1

Na vosa ni parofisai bibi kei Papiloni, oqori ka raica ko Aisea na luve i Emosi.

Aisea 2:1

Na ka ka vakatakilai vei Aisea na luve i Emosi e na vuku i Juta kei Jerusalemi.

Aisea 20:2

io e na gauna ko ya sa vosa ko Jiova vei Aisea na luve i Emosi, ka kaya, Mo la'ki sereka tani nai sulu taga mai na tolomu, ka luvata tani nai vava mai na yavamu. A sa kitaka vakakina ko koya, ka sa lako luvawale voli ka sega ni vakaivava.

Aisea 21:2

A raivotu rarawa sa vakavotui mai vei au; sa butako na daubutako, ka sa vakacaca na dauvakacaca. Ko iko Ilama, mo lako cake, Ko iko Mitia Mo la'ki kaba; a nona dauveivakararawataki kecega ka'u sa muduka.

Aisea 37:2

Ka sa talai Elaiakimi, ko koya sa lewa na vale levu, kei Sepina na vunivola, kei iratou sa qase vei ira na bete, ka ratou sa vakaisulu e nai sulu taga kivei Aisea na parofita na luve i Emosi.

Aisea 38:1

E na gauna ko ya sa tauvi mate ko Esekaia ka sa vakarau ciba. Ka sa lako mai vua ko Aisea na parofita na luve i Emosi, ka sa kaya vua, Sa vosa vakaoqo ko Jiova, Mo tatau mada vei ira na nomu lewe-ni-vale; ni ko na mate ga, ka sega ni bula.

Aisea 40:9

Mo cabeta na ulu-ni-vanua cecere, ko iko Saioni, ka kauta mai nai rogorogo vinaka, mo tabalaka vakaukauwa na domomu, ko iko Jerusalemi, ka kauta mai nai rogorogo vinaka; mo tabalaka, kakua ni ko rere; kaya ki na veikoro e Juta, Raica na nomudou Kalou!

Aisea 6:1

E na yabaki sa mate kina ko Usaia na tui ka'u a raica na Turaga ni sa tiko e nai tikotiko vakaturaga, sa cecere ka toka sara ki cake, a sa robota na vale ni soro na nonai tini yara.

Aisea 7:1

A sa yaco e na gauna i Easi, na luve i Jocame, na luve i Usaia, na tui Juta, ni rau sa qai lako cake ki Jerusalemi, ko Risina na tui Siria, kei Peka na luve i Rimalaia, na tui Isireli, me rau kaba, a rau sa sega ni rawata.

Jeremaia 23:16

Sa kaya vakaoqo ko Jiova ni lewe vuqa, Dou kakua ni vakarorogo ki na nodra vosa na parofita era sa ia na parofisai vei kemudou; era sa vakalialiai kemudou ga: era sa cavuta na raivotu wale e vu mai na lomadra ga, ka sa segai mai na gusu i Jiova.

Isikeli 1:1

E nai katolusagavulu ni yabaki, e nai kava ni vula, e nai kalima ni siga ni vula, ni'u sa tiko vata kei ira na bobula mai na uciwai ko Kipa, sa qai wase rua na lomalagi, ia ka'u sa raica na raivotu ni Kalou.

Osea 1:1

A vosa i Jiova sa yaco vei Osea na luve i Pieri, e na gauna i Usaia, kei Jocame, kei Easi, kei Esekaia, ko iratou na tui Juta, kei na gauna i Jeropoami na luve i Joasi, na tui Isireli.

Emosi 1:1

A vosa i Emosi, e dua vei ira nai vakatawa ni sipi mai Tikoa, na ka sa raica ka sa baleti ira na Isireli, e na gauna i Usaia na tui Juta, kei na gauna i Jeropoami na luve i Joasi na tui Isireli, ni sa vo e rua na yabaki ka qai tavuki na vanua.

Emosi 4:5

dou vakacabora talega nai madrali ni vakavinavinaka sa vakalevenitaki, ia dou kacivaka ka tukuna nai madrali sa vakacabori wale: ni dou sa vinakata me vakaoqo, na Isireli, sa kaya na Turaga ko Jiova.

Maika 1:1

A vosa i Jiova sa yaco vei Maika na kai Moreseci e na gauna i Jocame, kei Easi, kei Esekaia, eratou tui Juta, ka sa raica ko koya ka baleti Samaria kei Jerusalemi.

Neumi 1:1

Na vosa ni parofisai bibi ka baleti Ninive. Oqo nai vola ni raivotu i Neumi na kai Elikosi.

Apakuki 2:2

A sa kaya vei au ko Jiova, Mo vola na raivotu, me macala e na papa ni volavola, me wili drodro sara ko koya sa wilika.

Tiko mai na Lekutu 12:6

A sa kaya ko koya, Drau rogoca mada na noqu vosa: Kevaka sa tiko kei kemudou e dua na parofita, oi au ko Jiova, au na vakatakilai au vua e na raivotu, au na vosa vua e na tadra:

Tiko mai na Lekutu 24:16

Sa kaya ko koya sa rogoca na vosa ni Kalou, Ka kila nai vakavuvuli i Koya na Cecere, Ko koya sa raica na raivotu i Koya na Kaukauwa, Sa bibi mai, a sa yadra ga na matana:

Tiko mai na Lekutu 24:4

Sa kaya ko koya sa rogoca na vosa ni Kalou, Ko koya sa raica na raivotu i Koya na Kaukauwa, Sa bibi mai, ia sa yadra ga na matana:

Maciu 17:9

Ia ni ratou sa lako sobu tiko mai na ulu-ni-vanua, sa vakarota vei iratou ko Jisu, ka kaya, Kakua ni tukuna vua e dua na veika sa rairai, ka malua me tu cake tale mai na mate na Luve ni tamata.

Cakacaka 10:17

Ia ni sa taqaya tiko na loma i Pita, se cava nai balebale ni raivotu, raica, sa taroga na vale i Saimoni ko iratou na tamata sa tala ko Konilio, a ratou sa tu e na matamata-ni-koro;

Cakacaka 26:19

Ia ni sa oti oqo, i Akaripa na tui, au sa sega ni talaidredre ki na raivotu vakalomalagi:

2 Korinica 12:1

E dina ga meu vakalevulevui au ia sa sega beka ni yaga: ia kau na cavuta na veiraivotu kei na veivakarairai ni Turaga.

2 Pita 1:21

ni sa sega ni vu na parofisai e na gauna eliu e na lewa ni tamata: sa vosa ga na tamata yalosavasava ni Kalou me vaka sa vakauti ira na Yalo Tabu.