Iburu 4:7 - Mono Agowe

⁷ Eya, Kotiba ka yagaga: Ibawe, otantiye. Piya, aintiba uwaena kabu wagasoganaba, Kotiba Tebiti nkawamupisa kamanapa maya uma aborantiye: Ibaba, tigeba Koti kamana abintiripa, aogima abima, tigu'amapa a-nkakunkataiyo, untiye, iye. Pipa ago urimintuwe.

Iburu 4:7 Iomraidhean Croise

Matiyu 22:43

Piya yuguna Isu maya uwaimintiye: Piya, Tebiti aeba Awamusa'ama otaogana ayaga utaratanta yagara Karaisitikaba Wa'eganeneba, omintiye. Aeba maya untine:

Maka 12:36

Piya, Tebitika Aogi Awamusa'ama nkawamuta maya untiye: Kotiba Tabe Yagaraneka: Kaeba nayatakanti ampintaga kama kinakapa kagisabi ibabuma aki penoma, untiye, Isu piya untiye.

Aruku 20:42

Piya, mono isapi Samu isapipa Tebiti aewapa mayama kaentiye: Inatisa Tabe Yagaramaba Wa'ega yagaranepa: Kaeba nayatakanti miyo omintiye, iye.

Aposoro 2:29

Piya, nao'mitaba, naeba tayabama Tebiti, aeka taga urimuwe. Aeba purogini, kaitanta aruwapa ma mpara agama abima miyune.

Aposoro 2:31

Piya pipa napimagina, Koti ataogana, utaratanta yagara Karaisitika meto kamana maya untiye: Aeba purinta kina'mi kumatiba asayapa kampa atagana umikiye. Piya, au'wapa kampa abararakiye. Aeba to kake aogama asiwakiye, untiye.

Aposoro 28:25

Piya pumagini, to kamana to kamana yuguna, Poroba ka amato puma uwaimogini a'wae puma wantawe. Pi uwaiminti kamanapa mayamawe: Aota Awamusa'ama poropete yagara Aisaya otaogana, tayabamagi aogi kamana maya uwaimima tigeka taga kamana maya untiye:

Iburu 3:15

Eya, ibasa yagaga mono isa'amaba maya iye: Ibaba, tigeba Koti kamana abintiripa, aogima abiyo, iye. Eya, Isureyo kina'miba Koti nkago kamana akayumagini, igu akunintasa piyaba a-piyo, untiye, iye.