Titu 3:3 - MAWUXÓWÉMA

³ Đó ɖ'ayǐ xóxó ɔ́, mǐ lɔmɔ̌ ɔ́, mǐ ko nyí ayixamasɔgbenánɔ, bó kó nyí tónúmasetɔ́, bó kó bú ali; jlǒ agbaza tɔn tɛnmɛ tɛnmɛ lɛ́ɛ kpó gbɛɖuɖu kpán sín kannumɔ wɛ mǐ kó nyí ɖ'ayǐ. Dǎnúwiwa kpó mɛɖěvonújlójló kpó sín gbɛ mɛ wɛ mǐ kó nɔ ɖ'ayǐ; mǐ nɔ gbɛ́ wǎn nú mɛ ɖě lɛ́ɛ, bɔ yě lɔ nɔ gbɛ́ wǎn nú mǐ lɔmɔ̌.

Titu 3:3 Iomraidhean Croise

Bǐbɛ́mɛ 38:9

Ɔɔnáni ka tunwun ɖɔ vǐ e émí ná ji n'i ɔ́ kún ná nyí vǐ émítɔn ó; énɛ́ ɔ́ wú ɔ́, nú é ɖó xó xá fofó tɔn sín asi ɔ́, é nɔ́ ná afɔ kɔn nyi kɔ́ mɛ, bónú fofó tɔn ní má ɖó vǐ ɖé donu ó.

Bǐbɛ́mɛ 39:16

Énɛ́ ɔ́, é sɔ́ Jozɛ́fu sín awu ɔ́ ɖó akpá, bó nɔ te káká bɔ asú tɔn wá xwé gbe.

Ɖɛhan 36:2

Xó ɖé ɖo xo ce mɛ bɔ un ná ɖɔ dó gǔ e mɛdídá nɔ́ fɔ́n é wú, é tunwun nǔ e é ná ɖó sísí nú Mawu dó wa ná é ǎ.

Nǔnywɛ́xó 8:5

Gɔgɔnɔ e mi, mi kplɔ́n tamɛlinkpɔ́n! Xlonɔ e mi, mi kplɔ́n nukúnnú mɔ jɛ nǔ mɛ!

Nǔnywɛ́xó 9:6

Mi gosín gɔgɔnɔ lɛ́ɛ tɛ́ntin bó ná nɔ gbɛ! Mi wá ɖi zɔnlin gbɔn nukúnnú mɔ jɛ nǔ mɛ sín ali ɔ́ jí!”

Ezayíi 44:20

Linlin yětɔn nɔ́ nɔ nǔ e nyí afín kpowun é jí. Ayi yětɔn e kó flú ɔ́ nɔ́ zɔ́n, bɔ yě nɔ́ ɖɔ gblǒ; vodún yětɔn lɛ́ɛ nɔ́ hwlɛ́n yě gán ǎ; lo ɔ́, yě ɖésúnɔ nɔ́ mɔ ɖɔ nǔ e émí zunfán ɔ́, xɛblɛ́nú kpowun wɛ ǎ.

Abudiyási 1:3

Goyíyí towe dɔn we bú ali. A yi cí sókan mɛ, bó yi jínjɔ́n só ta aga ɖéé, bó nɔ́ ɖɔ: ‘Mɛ̌ ká sixú kpíkpé mì sín fí nyi dodomɛ?’

Matíe 21:29

Vǐ ɔ́ ka gbɛ́; zaanɖé ɔ́, é húzú ayixa bó yi wa azɔ̌ ɖo gle ɔ́ mɛ.

Luki 21:8

Jezu ka yí gbe nú yě ɖɔ: “Mi hɛn ayi nú mɛɖé má wá flú mi ó. Đó mɛ gěgé ná sɔ́ nyǐkɔ ce, bó ná wá xwetɔ́n, bó ɖɔ: ‘Nyɛ wɛ nyí Klísu ɔ́;’ hwenu e gbɛ ná vɔ dó ɔ́ ko sɛ yá kɛ́nnɛ́kɛ́nnɛ́; mi ma xwedó yě ó.

Jǎan 8:34

Jezu ka ɖɔ nú yě ɖɔ: “Má ɖɔ nǔgbó nú mi: mɛ e nɔ hu hwɛ é ɖěbǔ ɔ́, hwɛ sín kannumɔ wɛ é nyí;

Hlɔ̌manu 11:30

Đ'ayǐ ɔ́, mi vɛ́ tóli nú Mawu; amɔ̌ din ɔ́, mi tunwun nǔbláwǔkúnúmɛ Mawu tɔn, ɖó Jwifu lɛ́ɛ vɛ́ tóli nú Mawu wútu.

Hlɔ̌manu 6:12

Hǔn, hwɛhuhu ní ma ɖu axɔ́sú ɖo agbaza mitɔn e ná kú ɔ́ nu ó; mi ma se tónú nú jló agbaza tɔn lɛ́ɛ ó.

Hlɔ̌manu 6:17

Lo ɔ́, è ní kpa susu nú Mawu! Mi mɛ e ko nyí kannumɔ nú hwɛhuhu ɖ'ayǐ ɔ́, din ɔ́, mi se tónú kpódó ayixa mitɔn bǐ sésé kpo nú kpɔ́ndéwú e ɖo kplɔ́n e mi yí ɔ́ mɛ é.

Hlɔ̌manu 6:22

Amɔ̌, din ɔ́, è ɖe mi sín hwɛhuhu sín acɛ mɛ, bɔ mi ɖo azɔ̌ wa nú Mawu wɛ. Nǔ e mi ná mɔ ɖ'é mɛ ɔ́ wɛ nyí ɖɔ mi na zán gbɛ mímɛ́, bɔ vivɔnu ɔ́, mi ná mɔ gbɛ mavɔ mavɔ.

Hlɔ̌manu 6:6

Mǐ tunwun ganjí ɖɔ gbɛtɔ́ e mǐ ko nyí ɖ'ayǐ ɔ́, ká wɛ è ko ká gbɛtɔ́ énɛ́ kpódó Klísu kpó nyi aklúzu jí, bó ná sú kún dó nú hwɛhuhu sín ninɔmɛ e mǐ ɖó ɖ'ayǐ é, bónú mǐ ma sɔ́ nyí kannumɔ nú hwɛhuhu ɖě ó.

2 Kɔlɛ́ntinu 12:20

Un ɖo xɛsi ɖi wɛ ɖɔ hwenu e un ná wá gɔ̌n mitɔn ɔ́, un ná wá mɔ mi ɖo lě e un ma jló gbɔn ǎ é, bɔ mi lɔmɔ̌ ná mɔ mì ɖo lě e mi ma jló gbɔn ǎ é. Un ɖo xɛsi ɖi wɛ ɖɔ un wá ɔ́, jlɛ kpó wǔhwinhwan kpó ná ɖo tɛ́ntin mitɔn; xomɛsin kpó agbahwlɛ́nxámɛ kpó ná ɖo tɛ́ntin mitɔn; mɛzunzun kpó xó ma sɔgbe kpó, goyíyí kpó nǔ hannyahannya wiwa kpó ná ɖo tɛ́ntin mitɔn.

Galatinu 6:3

Mɛ e nɔ mɔ éɖée dó mɔ nǔgɛ́n, bó má ka nyí nǔɖé ǎ ɔ́, éɖée blɛ́ wɛ é ɖe, ɖó é nyí nǔtí ǎ.

Kolósinu 1:21

Đ'ayǐ ɔ́, mi lɔmɔ̌ mi lín dó Mawu; kɛntɔ́ tɔn wɛ mi nyí ɖ'ayǐ, ɖó nǔ nyanya e mi nɔ lin, bó nɔ wa lɛ́ɛ bǐ wú.

Kolósinu 3:7

Hwenu e gbɛ mitɔn ɖo hwɛ énɛ́ lɛ́ɛ sín acɛ mɛ ɖ'ayǐ ɔ́, lě e mi nɔ zán gbɛ gbɔn é nɛ́.

2 Timɔtée 3:13

Amɔ̌ gbɛtɔ́ dídá awoxotɔ́ lɛ́ɛ fɔ́n tɛgbɛ ɔ́, yě na ɖo nǔ nyanya wa d'é jí wɛ; yě ná flú mɛ ɖě lɛ́ɛ, bɔ è nǎ flú yě ɖésú.

2 Timɔtée 3:6

Mɛ ɖé lɛ́ɛ ɖo yě mɛ, bó nɔ lun byɔ́ xwé lɛ́ɛ gbe, lobo nɔ ɖɔ xó dó blɛ́ nyɔ̌nu e ma ɖó gǎn ɖě ǎ, bɔ hwɛgban ɖo kɔ ná lɛ́ɛ, káká bó nɔ́ xwe yě dó acɛ yětɔn mɛ.

Titu 1:16

Yě tunwun Mawu bó ɖɔ; lo ɔ́, nǔwiwa yětɔn ɖe xlɛ́ ɖɔ yě kún tunwun Mawu ó. Mɛ e è nǎ gbɛ́ wǎn ná wɛ nú yě; yě nyí gǔfɔ́ntɔ́, bó nyí mɛ e ma sixú kpé nǔ ɖagbe ɖěbǔ wú bó wa ǎ lɛ́ɛ é.

Titu 2:12

Fɛ́nú énɛ́ ɔ́ kplɔ́n mǐ ɖɔ mǐ ní jó gbɛ nyanya zínzán kpó jlǒ gbɛmɛ fí tɔn lɛ́ɛ kpó dó, bó ná nɔ́ wa nǔ e sɔgbe é, bó ná nɔ́ zán gbɛ jlɔ́jlɔ́, lobo ná nɔ́ gbejí nú Mawu.

Jaki 1:26

Ényí mɛɖé mɔ ɖɔ émí nyí sinsɛnnɔ, bó ma ka nɔ hɛn nu tɔn ǎ ɔ́, éɖée blɛ́ wɛ é ɖe; sinsɛn tɔn nyí nǔɖéwanú ǎ.

1 Piyɛ́ɛ 1:14

Mi se tónú nú Mawu, vǐ e se tónú ɔ́ ɖɔhun, bónú nǔwiwa mitɔn lɛ́ɛ ní ma sɔgbe xá jlǒ e mi nɔ ɖó ɖ'ayǐ hwenu e mi lɛ́ kpo ɖo manywɛ́ mɛ ɔ́ lɛ́ɛ ó.

Nǔɖexlɛ́mɛ 12:9

È zě Dlagɔ́ɔn ɖaxó ɔ́ nyi dó ayǐkúngban jí; é wɛ nyí dan xóxó e è nɔ ylɔ́ ɖɔ awǒvi abǐ Satáan é; é wɛ flú gbɛ ɔ́ bǐ. È zě e nyi dó ayǐkúngban jí, é kpódó wɛnsagun tɔn lɛ́ɛ kpó.

Nǔɖexlɛ́mɛ 13:14

É nɔ zé nǔ e è nǎ gbe e ɖɔ é ní jlɛ́ ɖo kanlin nukɔntɔn ɔ́ nukɔn ɔ́ dó flú gbɛtɔ́ e ɖo ayǐkúngban jí lɛ́ɛ ná. É ɖo ɖiɖɔ nú gbɛtɔ́ e ɖo ayǐkúngban jí lɛ́ɛ wɛ ɖɔ yě ní kpa susu nú kanlin e è sɔ́ hwǐ dó gblé wǔ ná, cóbɔ é ka lɛ́ kpo ɖo gbɛ ɔ́ sín akpajlɛ́, bó dó sɔ́ ɛ su.

Nǔɖexlɛ́mɛ 18:2

Wɛnsagun ɔ́ sú xó tlílí bó ɖɔ: “É jɛ ayǐ lóóo, Babilɔ́nu toxo ɖaxó ɔ́ jɛ ayǐ lóóo! Awǒvi lɛ́ɛ sín nɔtɛn wɛ é nyí din, bó nyí bibɛtɛn nú yɛ nyanya alɔkpa alɔkpa lɛ́ɛ bǐ; xɛ blíblí, xɛ gbɛ́ hɛn tɛnmɛ tɛnmɛ lɛ́ɛ bǐ nɔ́ nɔ fínɛ́.