Titu 2:3 - MAWUXÓWÉMA

³ Mɔ̌ ɖokpó ɔ́, ɖɔ nú nyɔ̌nu e sín xwe ko sɛ yi lɛ́ɛ ɖɔ yě ní zán gbɛ yětɔn mɛ e nɔ zán gbɛ mímɛ́ lɛ́ɛ ɖɔhun. Yě ná nɔ́ ɖɔ mɛ nu ǎ; yě ná nyí ahannumúnɔ ǎ; yě ɖó ná nɔ́ kplɔ́n nǔ ɖagbe mɛ,

Titu 2:3 Iomraidhean Croise

Hlɔ̌manu 1:29

Nǔmasɔgbe tɛnmɛ tɛnmɛ wiwa bǐ kpó nǔ nyanya wiwa tɛnmɛ tɛnmɛ bǐ kpó wɛ gɔ́ ayi yětɔn mɛ; mɛnújlójló tɛnmɛ tɛnmɛ bǐ kpó adǎnúwiwa tɛnmɛ tɛnmɛ bǐ kpó wɛ gɔ́ ayi yětɔn mɛ. Wǔhwinhwan kpó mɛhuhu kpó, kpódó jlɛɖiɖɔ kpán wɛ gɔ́ ayi yětɔn mɛ; sísɛ́ kpódó bǐbí kpó wɛ gɔ́ ayi yětɔn mɛ; yě nɔ́ ɖo xó ɖɔ kpé wɛ,

Hlɔ̌manu 16:2

bónú mi na yí i ganjí ɖo Aklúnɔ sín nyǐkɔ mɛ, lě e mɛ e ɖo mɛɖeɖóvo Mawu tɔn mɛ lɛ́ɛ ná bló gbɔn ɖo yěɖée tɛ́ntin é; mi d'alɔ ɛ ɖo nǔ e kɔn nǔ mitɔn ná hudó e ɖe lɛ́ɛ é bǐ mɛ. É lɔmɔ̌ d'alɔ mɛ gěgé, ɖo tají ɔ́, é d'alɔ nyɛ lɔmɔ̌.

Efɛ́zinu 5:3

È ma se agalilɛ xó, nǔblíblíwiwa, abǐ nukúnkɛndídó sín xó vɔ́vɔ́ ɖo tɛ́ntin mitɔn ó; ɖó mɛɖeɖóvo Mawu tɔn wɛ mi nyí.

1 Timɔtée 3:11

Asi yětɔn lɛ́ɛ lɔ ɖó ná nyí mɛ ɖagbe; yě ɖó ná nɔ ɖɔ mɛ nú ǎ; yě ná nɔ wa nǔ bǐ dó jlɛ̌ jí, bó ná nɔ gbejí ɖo nǔ bǐ mɛ.

1 Timɔtée 3:8

Mɛ e nɔ kpé nukún dó agunví lɛ́ɛ wú ɔ́ lɔmɔ̌ ɖó ná nyí gbɛtɔ́ ɖagbe, nǔgbóɖɔtɔ́; yě ɖó ná nɔ nu ahan dín ǎ; yě ka ɖó ná nɔ zé ayi hízíhízí dó ba akwɛ́ ná ǎ.

1 Timɔtée 5:23

Đó xomɛzɔn e a nɔ jɛ hwɛhwɛ ɔ́ wú ɔ́, ma sɔ́ nɔ nu sin kɛ́ɖɛ́ ó; nɔ nu vɛ̌ɛn kpɛɖé kpɛɖé, ɖó xomɛzɔn towe wú, ɖó a nɔ jɛ azɔn hwɛhwɛ.

Titu 1:7

Nǔgbó ɔ́, azɔ̌ e nyí agunnukɔntɔ́ tɔn ɔ́ wɛ nyí ɖɔ é ná nɔ kpé nukún dó nǔ e nyí Mawu tɔn lɛ́ɛ wú; énɛ́ ɔ́ wú ɔ́, è ɖǒ ná mɔ nǔjɛdo ɖěbǔ ɖɔ dó wǔ tɔn ǎ, é ɖó ná nyí gangannagansú ǎ; é ɖó ná nyí xomɛsinnɔ ǎ, é ɖó ná nyí ahannumúnɔ ǎ, é ɖó ná nɔ́ sí hun te ǎ, é ɖó ná nyí mɛxoɖutɔ́ ǎ.

Titu 2:4

bó ná dó sixú kplɔ́n nyɔ̌nu e ma ko nyí mɛxó ǎ lɛ́ɛ ɖɔ yě ní yí wǎn nú asú yětɔn kpó vǐ yětɔn lɛ́ɛ kpó.

Eblée 5:12

Mi mɛ e ná kó nyí mɛ̌si sín tɛgbɛ ɔ́, é lɛ́ byɔ́ ɖɔ è ní kplɔ́n nǔ nukɔn nukɔntɔn e ɖo Mawuxó ɔ́ mɛ lɛ́ɛ mi. Mi mɛ e ɖó ná ko ɖo nǔɖuɖu syɛ́nsyɛ́n ɖu wɛ ɔ́, é lɛ́ byɔ́ ɖɔ anɔ̌sin wɛ mi ná nu.

Nǔɖexlɛ́mɛ 2:20

Lo ɔ́, nǔ towe e vɛ́ wǔ ce ɔ́ ɖíe: nyɔ̌nu e nɔ nyí Jezabɛ́li bó nɔ ylɔ́ éɖée ɖɔ gbeyíɖɔ Mawu tɔn ɔ́, a nɔ jó e dó bɔ é nɔ kplɔ́n nǔ mɛsɛntɔ́ ce lɛ́ɛ ɖɔ yě ní nɔ́ lɛ aga; yě ní nɔ́ ɖu kanlin e è xwlé vodún lɛ́ɛ sín lan; é nɔ́ kplɔ́n nǔ énɛ́ lɛ́ɛ yě dó flú yě.