Titu 1:4 - MAWUXÓWÉMA

⁴ Títu, vǐ ce nǔgbó nǔgbó tɔn wɛ a nyǐ ɖo nǔɖiɖi ɖokpó ɔ́ e mǐ ɖó ɔ́ mɛ. Mawu Tɔ́ ɔ́ kpó Mɛhwlɛ́ngántɔ́ mǐtɔn Klísu Jezu kpó ní ná fɛ́nú kpó fífá kpó we.

Titu 1:4 Iomraidhean Croise

Luki 2:11

È ji Mɛhwlɛ́ngántɔ́ ɖokpó nú mi égbé ɖo axɔ́sú Davídi tomɛ; é wɛ nyí Klísu Aklúnɔ.

Jǎan 4:42

Yě ɖɔ nú nyɔ̌nu ɔ́ ɖɔ: “É sɔ́ nyí xó e a ɖɔ nú mǐ ɔ́ wú wɛ mǐ ɖi nǔ ǎ, lo ɔ́, é ɖɔ xó bɔ mǐ ɖésúnɔ se, bó tunwun ɖɔ é wɛ nyí Mɛhwlɛ́ngántɔ́ gbɛ ɔ́ tɔn nǔgbó.”

Hlɔ̌manu 1:12

Nǔ e ɖɔ wɛ un ɖe ɔ́ wɛ nyí ɖɔ é jló mì ɖɔ nyɛ kpó mi kpó ná nɔ kpɔ́, bó ná dó ná akɔ́nkpinkpan mǐɖée. Nyɛ ná ná akɔ́nkpinkpan mi gbɔn nǔɖiɖi ce gbla mɛ, bɔ mi lɔ ná ná akɔ́nkpinkpan mì gbɔn nǔɖiɖi mitɔn gbla mɛ.

Hlɔ̌manu 1:7

Un ɖo wěma élɔ́ wlán sɛ́ dó mi mɛ e ɖo Hlɔ̌ma lɛ́ɛ wɛ; mi mɛ e Mawu yí wǎn ná, bó ylɔ́ mi, bó ɖe mi ɖó vo, bɔ mi ná nyí togun tɔn é bǐ. Mawu Tɔ́ mǐtɔn kpódó Aklúnɔ mǐtɔn Jezu Klísu kpó ní ná fɛ́nú kpódó fífá kpó mi.

2 Kɔlɛ́ntinu 12:18

Un sa vo nú Títu ɖɔ ní wá gɔ̌n mitɔn; un sɛ́ é kpódó nɔví e mi tunwun ɔ́ kpán dó. Mi ná ɖɔ Títu ɔ́ xo émí ɖu wɛ a? Nyɛ kpó Titu kpó ɔ́, ayixa ɖokpó ɔ́ wɛ mǐ xwedó bó dó wa nǔ, bó zán gbɛ mǐtɔn gbɔn alɔkpa ɖokpó ɔ́ mɛ ǎ cé?

2 Kɔlɛ́ntinu 2:13

É ka ɖo mɔ̌ có wǔ kú mì ɖaxó tlala, ɖó un ko mɔ nɔví mǐtɔn Títu ǎ. Énɛ́ ɔ́ wú wɛ un ɖɔ nú Tlowasinu lɛ́ɛ ɖɔ é yi hweɖénu, bó ɖidó Masedwani.

2 Kɔlɛ́ntinu 4:13

Mawuxówéma ɔ́ ɖɔ: “Un ɖi nǔ, énɛ́ ɔ́ wú wɛ un ɖɔ xó.” Đo nǔɖiɖi sín ayixa ɖokpó ɔ́ mɛ ɔ́, mǐ lɔ ɖi nǔ; énɛ́ ɔ́ wú wɛ mǐ ɖo xó ɖɔ wɛ.

2 Kɔlɛ́ntinu 7:6

Lo ɔ́, Mawu e nɔ dó gbɔ nú mɛ e kanmɛ gbɔ́jɔ́ lɛ́ɛ ɔ́, dó gbɔ nú mǐ gbɔn Títu sín wǐwá gbla mɛ.

2 Kɔlɛ́ntinu 8:16

Susu nú Mawu e sɔ́ dó ayi mɛ nú Títu, bɔ é bí dó mi wú mǐ ɖɔhun é!

2 Kɔlɛ́ntinu 8:23

Títu ɔ́, azɔ̌gbɛ́ ce wɛ éyɛ́ nyí, bó nɔ́ wa azɔ̌ xá mì, bó ná dó dó alɔ mi. Nɔví ɖě lɛ́ɛ e xwedó e lɛ́ɛ ɔ́, mɛsɛ́dó agun lɛ́ɛ tɔn wɛ yě nyí, bó ɖo azɔ̌ wa wɛ nú susu Klísu tɔn.

2 Kɔlɛ́ntinu 8:6

Énɛ́ ɔ́ wú wɛ mǐ sa vo nú Títu ɖɔ ní wá mi gɔ́n, bó ná dlɛ́n azɔ̌ ɔ́ d'é nu lě e é kó jɛ wú gbɔn ɖ'ayǐ é, bó ná dó dɔn mi nú mi ná wa wǎn-yíyízɔ́ énɛ́ yi fó.

Galatinu 2:3

Títu e kpódó nyɛ kpó zɔn ɔ́, Glɛ̌sinu wɛ; è ka ɖɔ ada jɛ́n é ná gbo dandan ǎ.

Galatinu 3:26

ɖó mi bǐ nyí Mawu ví, ɖo Klísu Jezu mɛ, gbɔn nǔɖiɖi gbla mɛ.

Galatinu 3:28

Hǔn din ɔ́, Jwifu sɔ́ ɖo vo nú mɛ e ma nyí Jwifu ǎ é ǎ; kannumɔ sɔ́ ɖo vo nú mɛ e ma nyí kannumɔ ǎ é ǎ; súnnu sɔ́ ɖo vo nú nyɔ̌nu ǎ; ɖó mi mɛ bǐ wɛ nyí ɖokpó ɔ́ ɖo Klísu Jezu mɛ.

Efɛ́zinu 1:2

Mawu Tɔ́ mǐtɔn kpódó Aklúnɔ mǐtɔn Jezu Klísu kpó ní ná fɛ́nú kpódó fífá kpó mi.

Kolósinu 1:2

Mǐ wɛ sɛ́ dó nɔví mǐtɔn gbejínɔtɔ́ ɖo Klísu mɛ e nyí mɛɖeɖóvo Mawu tɔn bó ɖo Kolósi lɛ́ɛ. Mawu Tɔ́ mǐtɔn ní ná fɛ́nú kpó fífá kpó mi.

1 Timɔtée 1:12

Un dó kú nú Aklúnɔ mǐtɔn Klísu Jezu e ná hlɔ̌nhlɔ́n mì, nú ma dó wa azɔ̌ ce ná é. Un dó kú n'i, ɖó é mɔ ɖɔ un nyí mɛ bɔ è nǎ ɖeji dó wǔ ce, un dó kú n'i, ɖó é sɔ́ mì bónú ma wa azɔ̌ n'i.

2 Timɔtée 1:1

Nyɛ Pɔ́lu e nyí mɛsɛ́dó Klísu Jezu tɔn ɖo jlǒ Mawu tɔn mɛ, bó ná jlá gbɛ e sín akpá è dǒ nú mǐ ɖo bǔ e mǐ ɖe xá Klísu Jezu ɔ́ mɛ ɔ́

2 Timɔtée 1:2

wɛ ɖo wěma élɔ́ sɛ́ dó we wɛ, vǐ ce vívɛ́ná Timɔtée. Mawu Tɔ́ ɔ́ kpódó Aklúnɔ mǐtɔn Klísu Jezu kpó ní ná fɛ́nú we, bó kú nǔbláwǔ nú we, bó ná fífá we.

2 Timɔtée 4:10

Đó Demási jó mì dó, bó yi Tɛsaloniki, ɖó é yí wǎn nú gbɛ din tɔn ɔ́ dín. Klɛsáan yi Galati, bɔ Títu ka yi Dalumati.

Titu 1:3

Ée hwe ɔ́ nu wá su ɔ́, é ɖe gbɛ mavɔ mavɔ ɔ́ xlɛ́ gbɔn xó tɔn gbla mɛ, ɖo wɛn e é sɔ́ dó así nú mì, bɔ un ɖo jlǎjlá wɛ, lě e Mawu Mɛhwlɛ́ngántɔ́ mǐtɔn ɔ́ zɔ́n gbɔn é mɛ.

Titu 2:13

Lě e mǐ ɖó ná nɔ te kpɔ́n azǎn ɖagbe e ɖó nukún wɛ mǐ ɖe ɔ́ gbɔn ɔ́ nɛ́; azǎn énɛ́ gbe wɛ Mawu ɖaxó, Mɛhwlɛ́ngántɔ́ Klísu Jezu ná ɖe susu tɔn xlɛ́.

2 Piyɛ́ɛ 1:1

Nyɛ Sinmɔ́ɔ Piyɛ́ɛ e nyí mɛsɛntɔ́ Jezu Klísu tɔn, bó nyí mɛsɛ́dó tɔn ɔ́ wɛ wlán wěma élɔ́; mɛ e è nǎ nǔɖiɖi xɔ akwɛ́ mǐtɔn ɖɔhun gbɔn azɔ̌ jlɔ́jlɔ́ e Mawu mǐtɔn Mɛhwlɛ́ngántɔ́ Jezu Klísu wa é gbla mɛ lɛ́ɛ wɛ un wlán sɛ́ dó, bó dó gbe yě.

2 Piyɛ́ɛ 1:11

Lě e Mawu ná ná acɛ ɖaxó mi, bɔ mi ná dó byɔ́ Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ sín axɔ́súɖuɖu mavɔ mavɔ ɔ́ mɛ gbɔn é nɛ́.

2 Piyɛ́ɛ 2:20

Nǔgbó ɔ́, ényí yě mɛ e tunwun Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn, bó ma ka ko hɔn sín nǔblíblíwiwa gbɛmɛ fí tɔn lɛ́ɛ mɛ zinzin ǎ lɛ́ɛ lɛ́ jó yěɖée dó nú nǔblíblíwiwa énɛ́ lɛ́ɛ, bɔ yě ɖu ɖo yě jí ɔ́, ninɔmɛ e yě nɔ wá ɖó ɖo vivɔnu ɔ́ nɔ lɛ́ nylá hú ée yě ko ɖó ɖo bǐbɛ́mɛ é.

2 Piyɛ́ɛ 3:18

Lo ɔ́, mi ní ɖo Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ tunwun d'é jí wɛ, bó ɖo fɛ́nú tɔn tunwun d'é jí wɛ. Susu n'i sín din káká sɔ́yi mavɔ mavɔ. Amǐ.

2 Piyɛ́ɛ 3:2

Un jló ɖɔ mi ná nɔ flín xó e gbeyíɖɔ mímɛ́ Mawu tɔn lɛ́ɛ ɖɔ ɖ'ayǐ xóxó lɛ́ɛ kpódó nǔ e Aklúnɔ Mɛhwlɛ́ngántɔ́ zɔ́n ɖɔ mi ní wa, bɔ mɛsɛ́dó mitɔn lɛ́ɛ kplɔ́n mi ɔ́ kpán.

1 Jǎan 5:14

Mǐ ɖǒ gǎnjɛwú kpíkpé ɖo Mawu nukɔn ɖɔ mǐ byɔ́ nǔ ɖěbǔ nú é sɔgbe xá jlǒ tɔn ɔ́, é nɔ ɖótó mǐ.

Judi 1:3

Mɛvívɛ́ná ce lɛ́ɛ mi, un ko ɖo lě e un ná wa gbɔn, bó ná wlán wěma sɛ́ dó mi dó hwlɛngán ɖokpó ɔ́ e mǐ ɖó ɔ́ wú ɔ́ ba wɛ syɛ́nsyɛ́n; énɛ́ ɔ́ lin wɛ un ɖe bó wá mɔ ɖɔ é ɖo dandan mɛ nú mì ɖɔ ma wlán sɛ́ dó mi, bó ná dó ná akɔ́nkpinkpan mi, bónú mi ná fun ahwan nú nǔɖiɖi e Mawu ná mɛɖeɖóvo tɔn lɛ́ɛ bǐ azɔn ɖokpó géé bɔ xó fó é.