Titu 1:3 - MAWUXÓWÉMA

³ Ée hwe ɔ́ nu wá su ɔ́, é ɖe gbɛ mavɔ mavɔ ɔ́ xlɛ́ gbɔn xó tɔn gbla mɛ, ɖo wɛn e é sɔ́ dó así nú mì, bɔ un ɖo jlǎjlá wɛ, lě e Mawu Mɛhwlɛ́ngántɔ́ mǐtɔn ɔ́ zɔ́n gbɔn é mɛ.

Titu 1:3 Iomraidhean Croise

Ezayíi 12:2

Mawu Mɛhwlɛ́ngántɔ́ ce ɔ́ ɖíe, un ɖeji dó wǔ tɔn, xɛsi sɔ́ ɖi mì ǎ, ɖó Mawu Mavɔmavɔ wɛ nyí hlɔ̌nhlɔ́n ce, bó nyí han ɖo nu ce; é wɛ nyí hwlɛngán ce.”

Ezayíi 45:15

Mawu Izlayɛ́li tɔn, hwi mɛ e nɔ hwlɛ́n mɛ gán ɔ́, Mawu wɛ a nyǐ bó ɖo hwlǎhwlá nǔgbó.

Ezayíi 45:21

Mi wá ɖɔ nǔ e lin wɛ mi ɖe lɛ́ɛ, bó ɖe xlɛ́ ɖɔ nǔgbó wɛ; É jló mi hǔn, mi nɔ kpɔ́ bó kplɔ́n nǔ miɖée. Nǔ e ɖo jijɛ wɛ égbé din ɔ́, mɛ̌ ká ɖɔ ɖ'ayǐ sín do? Mɛ̌ kó ɖɔ ɖ'ayǐ ɖɔ yě ná jɛ? É má nyí nyɛ Mawu Mavɔmavɔ ɔ́ wɛ a? Nyɛ mɛvo ɔ́, Mawu ɖě sɔ́ ɖe ǎ. Nyɛ wɛ nyí Mawu, nyi wɛ nɔ wa nǔ ɖó sɛ́nxwi jí, nyi wɛ nɔ hwlɛ́n mɛ gán, mɛ ɖě sɔ́ ɖe zɛ nyɛ wú ǎ.

Daniyɛ́li 11:27

Axɔ́sú Totaligbé tɔn ɔ́ kpó axɔ́sú tofɔligbé tɔn ɔ́ kpó ná kplé ɖo nǔɖuká ɖokpó ɔ́ kɔn. Amɔ̌, ée dǎkaxixo kpo ɖo ayi mɛ nú yě ɔ́, nǔvú jɛ́n yě ná ɖó nú yěɖée ɖo fínɛ́. Kplé yětɔn énɛ́ ɔ́ ná ɖó bɛ̌nu ɖé ǎ, ɖó hwenu e nǔ bǐ ná fó dó ɔ́ kó su ǎ.

Daniyɛ́li 8:23

Ée yě ná kpa acɛ yětɔn fó, bɔ mɛ lɛ́ɛ ná hu hwɛ káká bɔ é ná tlɛ́n asá ɔ́, axɔ́sú goyítɔ́ mɛblɛ́ɖutɔ́ heelú ɖokpó ná wá yí to ɔ́.

Daniyɛ́li 9:24

Mawu zé xwe tɛ́nwe tɛ́nwe donu kanɖé gban (70) ɖó te nú togun towe, kpó to mímɛ́ e mɛ a ɖe ɔ́ kpó. Hwenu tají ɖé wɛ bɔ tónúmase bǐ ná fó, bɔ nǔwanyido bǐ ná nɔ te, bɔ è nǎ zé hwɛ bǐ kɛ mɛ, lobɔ hwɛjijɔ mavɔ mavɔ ɔ́ ná bɛ́ azɔ̌, bɔ nǔmimɔ lɛ́ɛ kpó xóɖɔɖ'ayǐ lɛ́ɛ kpó ná jɛ, bɔ è nǎ lɛ́ ylɔ́ Mawu nyíkɔ dó goxɔ mímɛ́ bǐ ɔ́ jí.

Xabakúku 2:3

Đó nǔɖexlɛ́mɛ wɛ é nyí, bɔ è ko ɖó hwenu e é ná jɛ dó é. Hwe ɔ́ nu kó ɖo susu wɛ, bɔ é ká ná gblá ǎ. Nú hwe ɔ́ nu ná bo ɖo lǐnlín wɛ hǔn, nɔ te kpɔ́n, ɖó nǔ e un ɖɔ ɔ́ ná jɛ jɛ́n wɛ.

Maki 1:15

bó nɔ́ ɖɔ: “Hwe ɔ́ nu ɖíe su e. Axɔ́súɖuɖu Mawu tɔn kó sɛ yá. Mi lɛ́ kɔ sín hwɛ mitɔn lɛ́ɛ gúdo, bó ɖi nǔ nú Wɛn Ɖagbe Mawu tɔn.”

Maki 13:10

Đó è ɖǒ ná jlá Wɛn Ɖagbe Mawu tɔn ɔ́ akɔta lɛ́ɛ bǐ hwɛ̌.

Maki 16:15

É ka ɖɔ nú yě ɖɔ: “Mi gbɔn gbɛ ɔ́ bǐ mɛ, bo jlá Wɛn Ɖagbe Mawu tɔn ɔ́ gbɛtɔ́ lɛ́ɛ bǐ.

Luki 1:47

bɔ xomɛ hun mì tlala dó Mawu Mɛhwlɛ́ngántɔ́ ce wu;

Mɛsɛ́dó 10:36

Mi tunwun xó e Mawu ɖɔ sɛ́ dó Izlayɛ́li ví lɛ́ɛ, bó dó Wɛn Ɖagbe e nɔ ná fífá mɛ ɔ́ yě gbɔn Jezu Klísu e nyí mɛ bǐ sín Aklúnɔ ɔ́ jí é.

Mɛsɛ́dó 17:26

Gbɛtɔ́ ɖokpó géé jí wɛ é ɖó togun lɛ́ɛ bǐ gbɔn, bó ma yě kpé ayǐkúngban ɔ́ bǐ sésé jí; é ɖó hwenu lɛ́ɛ, bó ka ɖó dogbó nú nɔtɛn togun lɛ́ɛ tɔn ɖokpó ɖokpó.

Hlɔ̌manu 15:19

gbɔn nǔjíjlɛ́ lɛ́ɛ kpódó nǔdábaɖa lɛ́ɛ kpó sín hlɔ̌nhlɔ́n mɛ; gbɔn Yɛsinsɛn sín hlɔ̌nhlɔ́n mɛ. Lě e un gbɔn fí bǐ bɛ́ sín Jeluzalɛ́mu káká yi Ililíi gbé jí, bó jlá Wɛn Ɖagbe e ɖɔ xó dó Klísu wú ɔ́ kpíkpé tɔn gbɔn é nɛ́.

Hlɔ̌manu 16:25

Mi nú mǐ ná kpa Mawu! É ɖó acɛ bó ná bló bɔ mǐ ná ɖó hlɔ̌nhlɔ́n ɖo nǔɖiɖi mɛ, lě e Wɛn Ɖagbe e jlá wɛ un ɖe ɔ́ ɖɔ gbɔn é, ɖi lě e wɛn e kunkplá Jezu Klísu bɔ un ɖo dǐdó wɛ ɔ́, kpo nǔtunwuntunwun e mǐ mɔ yí ɖo nǔbúdo Mawu tɔn mɛ ɔ́ kpán ɖɔ gbɔn é. Nǔbúdo énɛ́ ko ɖo hwlǎhwlá sín xóxó hwenu ɖokpóó.

Hlɔ̌manu 16:26

Amɔ̌, din ɔ́, wěma e gbeyíɖɔ Mawu tɔn lɛ́ɛ wlán lɛ́ɛ ɖe nǔbúdo énɛ́ nyi wěxo. Đi lě e Mawu Mavɔmavɔ ɔ́ ná gbe tɔn gbɔn ɔ́, è ɖe nǔbúdo énɛ́ ɔ́ xlɛ́ akɔta lɛ́ɛ bǐ, bónú yě ná ɖi nǔ, bó ná se tónú.

Hlɔ̌manu 5:6

Đó hwenu e mǐ ma kó ɖó gǎn ɖé ǎ ɔ́, Klísu kú dó mǐ mɛ e ma nɔ sí Mawu ǎ lɛ́ɛ tamɛ, ɖo hwenu e Mawu ɖó dó é.

1 Kɔlɛ́ntinu 9:17

Ényí nyɛ ɖésú wɛ zé azɔ̌ énɛ́ ɔ́, bó ɖo wiwa wɛ ɔ́, un sixú ɖó nukún ɖɔ un ná mɔ le tɔn. Lo ɔ́, ɖěe é nyí ɖɔ azɔ̌ wɛ é nyí, bɔ è ɖɔ un ɖó ná wa ɔ́, azɔ̌ e è zɔ́n mì ɔ́ wa wɛ un ɖe kpowun.

Galatinu 4:4

Lo ɔ́, ée hwe tɔn nu wá su ɔ́, é sɛ́ vǐ tɔn dó gbɔn nyɔ̌nu ɖé jí, bɔ vǐ énɛ́ lɔ nɔ sɛ́n ɔ́ glɔ́,

Efɛ́zinu 1:10

Tito énɛ́ e Mawu bló fó ɖo hwe tɔn nu ɔ́ wɛ nyí ɖɔ nǔ e ɖo jǐnukúnsin lɛ́ɛ, kpó ée ɖo ayǐkúngban jí lɛ́ɛ bǐ kpó ná kplé ɖo gǎn ɖokpó géé glɔ́; Gǎn énɛ́ wɛ nyí Klísu.

Efɛ́zinu 2:17

Klísu wá jlá Wɛn Ɖagbe fífá tɔn ɔ́ mi mɛ e ma nyí Jwifu ǎ, bó ɖo zɔ nú Mawu ɖ'ayǐ lɛ́ɛ, bó lɛ́ jlá mǐ mɛ e nyí Jwifu, bó kó sɛkpɔ́ ɛ lɛ́ɛ.

Filípunu 1:13

Nǔ énɛ́ wɛ zɔ́n, bɔ sɔ́ja hɔnmɛcɔ́tɔ́ lɛ́ɛ bǐ kpó mɛ ɖě lɛ́ɛ bǐ kpó tunwun ɖɔ Klísu e un nɔ sɛn ɔ́ wútu wɛ un ɖo gankpá mɛ.

Kolósinu 1:23

É ɖo mɔ̌ có, mi ka ɖó ná nɔ nǔɖiɖi mɛ, bó ná syɛ́nlǐn ɖo dodó syɛ́nsyɛ́n jí; mi ma jó miɖée dó bónú mɛɖé ní sɛ tɛn nú mi sín nǔ e ɖó nukún wɛ mi ɖe sín hwenu e mi ko se Wɛn Ɖagbe ɔ́ dó ɔ́ kɔn ó. Wɛn Ɖagbe énɛ́ wɛ è dǒ nǔ e Mawu bló ɖo gbɛ ɔ́ mɛ lɛ́ɛ é; é wɛ nyí ɖěe nyɛ Pɔ́lu, un húzú mɛsɛntɔ́ ná é.

Kolósinu 1:6

Wɛn Ɖagbe ɔ́ ɖo gbigba kpé wɛ, bó ɖo azɔ̌ wa ɖo klísusɛntɔ́ lɛ́ɛ sín gbɛzán mɛ wɛ gbɔn gbɛ ɔ́ bǐ mɛ, lě e é bló gbɔn ɖo tɛ́ntin mitɔn sín gbe e gbe mi se fɛ́nú Mawu tɔn ɔ́ sín xó azɔn nukɔn tɔn, lobo kplɔ́n nǔ e é nyí tawun ɔ́, bó tunwun é.

1 Tɛsalonikinu 2:4

É nyɔ́ wa ɔ́, lě e Mawu jló gbɔn ɔ́ wɛ mǐ nɔ ɖɔ xó gbɔn hwebǐnu, ɖó é mɔ ɖɔ mǐ hɛn ɔ́, mǐ ná jlá Wɛn Ɖagbe ɔ́, bó sɔ́ dó así nú mǐ; gbɛtɔ́ lɛ́ɛ sí ba ná nyɔ́ ɖe wɛ mǐ ɖe, bó ɖo Wɛn Ɖagbe ɔ́ jlá wɛ ǎ; lo ɔ́, Mawu e nɔ gbéjé linlin e ɖo ayi mǐtɔn mɛ ɔ́ kpɔ́n ɔ́ sí ba ná nyɔ́ ɖe wɛ mǐ ɖe.

1 Timɔtée 1:1

Nyɛ Pɔ́lu e Mawu Mɛhwlɛ́ngántɔ́ mǐtɔn, kpódó Klísu Jezu e nyí nukúnɖíɖó mǐtɔn ɔ́ kpán ɖe gbe, bɔ un nyí mɛsɛ́dó Klísu Jezu tɔn ɔ́

1 Timɔtée 1:11

Wɛn Ɖagbe e è sɔ́ dó así nú mǐ, bɔ é ɖɔ xó dó Mawu nyɔ̌nábǐnɔ ɔ́ sín susu wú ɔ́ mɛ wɛ è nɔ mɔ nǔkplɔ́nmɛ énɛ́ ɖe.

1 Timɔtée 2:3

Đó nǔ e nyí nǔ ɖagbe, bó nyɔ́ ɖo Mawu Mɛhwlɛ́ngántɔ́ mǐtɔn nukún mɛ ɔ́ nɛ́.

1 Timɔtée 4:10

Nǔ énɛ́ wú wɛ mǐ ɖo azɔ̌ wa wɛ, bó ɖo gǎn dó wɛ, ɖó mǐ ɖo Mawu gbɛɖe e nyí Mɛhwlɛ́ngántɔ́ gbɛtɔ́ lɛ́ɛ bǐ tɔn ɔ́ ɖó nukún wɛ, ɖo tají ɔ́, Mawu gbɛɖe e nyí Mɛhwlɛ́ngántɔ́ gbɛtɔ́ e ɖi nǔ nú Klísu lɛ́ɛ tɔn ɔ́ ɖó nukún wɛ.

2 Timɔtée 4:17

Aklúnɔ ka nɔ gǔdo ce, bó ná hlɔ̌nhlɔ́n mì, bɔ un jlá wɛn Mawu tɔn ɔ́ ganjí, bónú mɛ e ma nyí Jwifu ǎ lɛ́ɛ bǐ ná se. Aklúnɔ hwlɛ́n mì sín kinnikínní nu mɛ.

Titu 2:10

Yě ɖó ná nɔ́ hízí gǎn yětɔn sín nǔ ɖěbǔ ǎ; é nyɔ́ wa ɔ́, yě ná nɔ́ ɖe xlɛ́ hwebǐnu ɖɔ émí nyí mɛ ɖagbe; émí ɖo gbejí, bónú mɛ lɛ́ɛ ná dó sixú ɖó sísí nú nǔkplɔ́nmɛ e ɖɔ xó dó Mawu Mɛhwlɛ́ngántɔ́ mǐtɔn wú ɔ́ ɖo nǔ bǐ mɛ.

Titu 2:13

Lě e mǐ ɖó ná nɔ te kpɔ́n azǎn ɖagbe e ɖó nukún wɛ mǐ ɖe ɔ́ gbɔn ɔ́ nɛ́; azǎn énɛ́ gbe wɛ Mawu ɖaxó, Mɛhwlɛ́ngántɔ́ Klísu Jezu ná ɖe susu tɔn xlɛ́.

Nǔɖexlɛ́mɛ 14:16

Bɔ mɛ e ɖo ayǐjínjɔ́n ɖo akpɔ́kpɔ́ ɔ́ jí ɔ́ zé nǔkún-yanú tɔn dó kplɔ́ nǔkún lɛ́ɛ ná ɖo ayǐkúngban ɔ́ jí; bɔ nǔkún e ɖo ayǐkúngban jí lɛ́ɛ bǐ nyí yiya.