Titu 1:2 - MAWUXÓWÉMA

² bónú yě ná ɖo gbɛ mavɔ mavɔ sín nukúnɖíɖó mɛ. Mawu ko dó gbɛ mavɔ mavɔ ɔ́ sín akpá cóbɔ gbɛ ɔ́ wá tíin; é ka nɔ ɖó adingban ǎ.

Titu 1:2 Iomraidhean Croise

Ezayíi 1:20

Lo ɔ́, ényí mi gbɛ́, bó ɖo gǔ fɔ́n dó nyɛ Mawu Mavɔmavɔ jí wɛ ɔ́, ahwan wɛ ná gba mi.” Nyɛ Mawu Mavɔmavɔ wɛ kɛ nu bó ɖɔ mɔ̌.

Kɛ́nsísɔ́ 23:19

Mawu nyí gbɛtɔ́ bó ná ɖó adingban ǎ. É nyí gbɛtɔ́ví, bó ná lɛ́ kɔ sín nǔ e ná wa wɛ é ɖe ɔ́ gúdo ǎ. Nǔ e é ɖɔ ɔ́, é ná bló ɖ'é jí a cé? Xó e é ɖɔ ɔ́, é ná bló ɖ'é jí a cé?

Matíe 25:34

bɔ nyɛ axɔ́sú ɔ́ ná ɖɔ nú mɛ e ɖo ɖisí ce xwé lɛ́ɛ ɖɔ: ‘Mi wá, mi mɛ e jí Tɔ́ ce ko xo ɖɛ ɖagbe dó lɛ́ɛ. Mi wá yí axɔ́súɖuɖu Mawu tɔn sín nǔ ɖagbe e è ko sɔ́ ɖ'ayǐ nú mi sín hwenu e Mawu ko ɖó gbɛ ɔ́ ɖokpóó é.

Matíe 25:46

Mɛ nyanya énɛ́ lɛ́ɛ ɔ́, è nǎ ɖo tó dɔn nú yě wɛ ma gbokɔ, bɔ mɛ e bló jlǒ Mawu tɔn lɛ́ɛ ná yi gbɛ mavɔ mavɔ mɛ.”

Maki 10:17

Ali wɛ Jezu wlí kɛ́ɖɛ́, bó xweyǐgbe, bɔ nyaví dɔ̌nkpɛvú ɖé kán wezun wá mɔ ɛ, bó jɛ kpo ɖo nukɔn tɔn, lobo kanbyɔ́ ɛ ɖɔ: “Mɛ̌si ɖagbe, étɛ́ un ka ɖó ná wa, bɔ Mawu ná ná mì gbɛ mavɔ mavɔ?”

Jǎan 10:28

Un nɔ ná gbɛ mavɔ mavɔ yě; yě ná kú gbeɖé ǎ; mɛ ɖěbǔ ka ná yí yě sín alɔ ce mɛ ǎ.

Jǎan 17:2

Đó a nǎ ɛ acɛ ɖo gbɛtɔ́ lɛ́ɛ bǐ jí, bónú é ná ná gbɛ mavɔ mavɔ mɛ e a sɔ́ dó así n'i lɛ́ɛ bǐ sésé.

Jǎan 17:24

“Daá! Un jló ɖɔ fí e un ɖe ɔ́, mɛ e a nǎ mì lɛ́ɛ lɔ ní nɔ fínɛ́ xá mì, bónú yě ní mɔ susu e a nǎ mì ɔ́, ɖó a ko yí wǎn nú mì cóbó wá ɖó gbɛ ɔ́.

Jǎan 5:39

Mi nɔ ɖo Mawuxówéma ɔ́ kplɔ́n wɛ, ɖó mi nɔ lin ɖɔ é mɛ wɛ émí ná mɔ gbɛ mavɔ mavɔ ɖe; lo ɔ́, Mawuxó e è wlán lɛ́ɛ ɔ́, nyɛ wɛ yě ɖe kúnnu ná.

Jǎan 6:54

Mɛ e ɖu agbaza ce, bó nu hun ce ɔ́, mɛ énɛ́ mɔ gbɛ mavɔ mavɔ, bɔ un ná fɔ́n ɛ sín kú azǎn gǔdo gúdo tɔn gbe.

Jǎan 6:68

Sinmɔ́ɔ Piyɛ́ɛ ka yí gbe n'i ɖɔ: “Aklúnɔ! Mɛ̌ gɔ́n mǐ ka ná lɛ́ yi? É má nyí nu towe wɛ è nɔ se xó e nɔ ná gbɛ mavɔ mavɔ mɛ ɔ́ ɖe ǎ cé?

Mɛsɛ́dó 15:18

Nǔ e Aklúnɔ e ko sɔ́ nǔ énɛ́ lɛ́ɛ xlɛ́ sín xóxó hwenu ɔ́ ɖɔ é nɛ́.”

Hlɔ̌manu 1:2

Wɛn Ɖagbe énɛ́ ɔ́, Mawu ko dó akpá tɔn gbɔn gbeyíɖɔ tɔn lɛ́ɛ jí din ɔ́, é ko lín, bɔ yě wlán dó Mawuxówéma ɔ́ mɛ.

Hlɔ̌manu 16:25

Mi nú mǐ ná kpa Mawu! É ɖó acɛ bó ná bló bɔ mǐ ná ɖó hlɔ̌nhlɔ́n ɖo nǔɖiɖi mɛ, lě e Wɛn Ɖagbe e jlá wɛ un ɖe ɔ́ ɖɔ gbɔn é, ɖi lě e wɛn e kunkplá Jezu Klísu bɔ un ɖo dǐdó wɛ ɔ́, kpo nǔtunwuntunwun e mǐ mɔ yí ɖo nǔbúdo Mawu tɔn mɛ ɔ́ kpán ɖɔ gbɔn é. Nǔbúdo énɛ́ ko ɖo hwlǎhwlá sín xóxó hwenu ɖokpóó.

Hlɔ̌manu 2:7

É ná ná gbɛ mavɔ mavɔ mɛ e nɔ ɖó kan dó nǔ ɖagbe wiwa wú, bó nɔ́ ɖo susu kpó yɛ̌yi kpó, kpódó jɔmakú kpó ba ɖo gɔ̌n tɔn gbɔn mɔ̌ wɛ lɛ́ɛ.

Hlɔ̌manu 5:2

Nǔɖiɖi mǐtɔn zɔ́n bɔ mǐ kpé wú, bó mɔ fɛ́nú e Mawu ná mǐ ɔ́ yí gbɔn Jezu jí; fɛ́nú énɛ́ wɛ zɔ́n bɔ mǐ lí dǒ din. Nǔ e nɔ dó xomɛhunhun nú mǐ ɔ́ wɛ nyí nukún e ɖó wɛ mǐ ɖe ɖɔ mǐ ná ɖó mǐmá ɖo susu Mawu tɔn mɛ é.

Hlɔ̌manu 5:21

Hǔn énɛ́ ɔ́ wú wɛ lě e hwɛhuhu ko ɖu axɔ́sú gbɔn kú jí ɔ́, mɔ̌ ɖokpó ɔ́ jɛ́n fɛ́nú Mawu tɔn ɖo axɔ́sú ɖu wɛ gbɔn hwɛjijɔ jí, bó ná kplá mǐ yi gbɛ mavɔ mavɔ mɛ gbɔn Jezu Klísu Aklúnɔ mǐtɔn jí.

Hlɔ̌manu 5:4

bɔ suúluɖíɖó nɔ́ ná bɔ è nɔ dɛ ɖo tɛ́nkpɔ́n nu, bɔ didɛ ɔ́ nɔ́ ná bɔ è nɔ ɖó nukúnɖíɖó.

Hlɔ̌manu 6:23

Đó axɔ́ e hwɛhuhu nɔ sú mɛ ɔ́ wɛ nyí kú; amɔ̌ nǔ e Mawu nɔ ná mɛ vɔ̌nu ɔ́ wɛ nyí gbɛ mavɔ mavɔ e mǐ ɖó ɖo bǔ e mǐ ɖe xá Klísu Jezu Aklúnɔ mǐtɔn mɛ é.

Kolósinu 1:27

Đó Mawu jló ná ɖe tito tɔn e ɖo wi mɛ ɔ́ xlɛ́ yě; tito énɛ́ e nyí é ɖésúnɔ tɔn, bɔ dɔkun ɖ'é mɛ sɔ mɔ̌, bó nyí tito ɖagbe ɖagbe ɔ́, é sɔ́ ɖ'ayǐ nú nyɔ̌ná togun lɛ́ɛ bǐ tɔn. Nǔbúdo ɔ́ ɖíe: Klísu ɖo mi mɛ, bó nɔ́ ná gǎnjɛwú mi ɖɔ mi ná ɖó mǐmá ɖo susu Mawu tɔn mɛ.

1 Tɛsalonikinu 2:15

Jwifu lɛ́ɛ wɛ hu Aklúnɔ Jezu, lobo hu gbeyíɖɔ Mawu tɔn lɛ́ɛ, bó nya mǐ. Yě dó xomɛsin nú Mawu, bó nyí kɛntɔ́ gbɛtɔ́ lɛ́ɛ bǐ tɔn.

1 Tɛsalonikinu 5:8

Amɔ̌, mǐdɛɛ lɛ́ɛ ɔ́, kéze tɔn wɛ mǐ nyí, bɔ ayi mǐtɔn ɖó ná nɔ te. Nǔɖiɖi kpó wǎn yíyí kpó ní nyí ganwu, bónú mǐ ní sɔ́ dó; hwlɛngán e ɖó nukún wɛ mǐ ɖe ɔ́ ní nyí gangbákún bónú mǐ ní sɔ́ xwe.

1 Timɔtée 6:12

Fun nǔɖiɖi hwan ɖagbe ɔ́. Hɛn gbɛ mavɔ mavɔ ɔ́ wú syɛ́nsyɛ́n, gbɛ mavɔ mavɔ e Mawu ylɔ́ we ná é. Gbɛ mavɔ mavɔ énɛ́ wɛ a ɖe kúnnu ɖagbe ná ɖo gbɛtɔ́ gěgé nukɔn.

1 Timɔtée 6:19

Ényí yě ɖo mɔ̌ wa wɛ ɔ́, dɔkun ɖagbe, dɔkun e wú è hɛn ɔ́, è nǎ gán jɛ ɔ́ kplé ɖ'ayǐ nú yěɖée wɛ yě ɖe nú sɔ yí e ná wá hɔ́n é, bó ná dó mɔ gbɛ jɔ gbɛ ɔ́ yí.

2 Timɔtée 1:1

Nyɛ Pɔ́lu e nyí mɛsɛ́dó Klísu Jezu tɔn ɖo jlǒ Mawu tɔn mɛ, bó ná jlá gbɛ e sín akpá è dǒ nú mǐ ɖo bǔ e mǐ ɖe xá Klísu Jezu ɔ́ mɛ ɔ́

2 Timɔtée 1:9

É wɛ hwlɛ́n mǐ gán, bó ylɔ́ mǐ nú mǐ ná nyí mɛɖeɖóvo tɔn; é ká nyí nǔ e mǐ nɔ wa lɛ́ɛ wútu wɛ é ylɔ́ mǐ ǎ; lo ɔ́, tito é ɖésúnɔ tɔn kpódó fɛ́nú tɔn kpó wú wɛ é ylɔ́ mǐ. É ko ná fɛ́nú énɛ́ mǐ ɖo bǔ e mǐ ɖe ɖo Klísu Jezu mɛ cóbɔ gbɛ ɔ́ wá tíin é mɛ.

2 Timɔtée 2:10

Énɛ́ wú wɛ un nɔ dɛ ɖo nǔ bǐ nu, ɖó mɛ e Mawu cyán lɛ́ɛ wú, bónú yě lɔ ná sixú mɔ hwlɛngán e ɖo Klísu Jezu mɛ ɔ́ kpódó susu maɖókpodó kpó yí.

2 Timɔtée 2:13

Ényí mǐ ma nɔ gbejí ǎ ɔ́, éyɛ́ ɖo gbejí tɛgbɛ; ɖó é sixú gbɛ́ ɖɔ émí kún nyí nǔ e émí nyí ɔ́ ó ǎ.”

2 Timɔtée 2:15

Dǒ gǎn bó sɔ́ hwiɖée jó nú Mawu, bó ná nyí mɛ e é jɛ xá ɖɔ Mawu ná sixú ɖe gbě ná é, bó ná nyí azɔ̌watɔ́ e winnyá ma ná hu dó azɔ̌ e é wa lɛ́ɛ wú ǎ é; azɔ̌watɔ́ e nɔ jlá nǔgbó wɛn ɔ́ ganjí é.

Titu 2:13

Lě e mǐ ɖó ná nɔ te kpɔ́n azǎn ɖagbe e ɖó nukún wɛ mǐ ɖe ɔ́ gbɔn ɔ́ nɛ́; azǎn énɛ́ gbe wɛ Mawu ɖaxó, Mɛhwlɛ́ngántɔ́ Klísu Jezu ná ɖe susu tɔn xlɛ́.

Titu 2:7

Hwi ɖésúnɔ ɔ́, a ɖǒ ná nɔ́ wa nǔ ɖagbe ɖo nǔ bǐ mɛ, bó ná nyí kpɔ́n d'é wú nú yě; a nǎ sɔ́ nǔ e kplɔ́n mɛ wɛ a ɖe lɛ́ɛ dó ɖó nǔjɔnǔ, lobo kpé nukún d'é wú.

Titu 3:7

bónú gbɔn fɛ́nú Yɛsinsɛn ɔ́ tɔn mɛ ɔ́, mǐ ná sixú húzú hwɛjijɔnɔ ɖo Mawu nukɔn, bó ná sixú mɔ gbɛ mavɔ mavɔ e ɖó nukún wɛ mǐ ɖe ɔ́ yí.

1 Jǎan 2:25

Nǔ e sín akpá Klísu ka dó nú mǐ ɔ́ wɛ nyí gbɛ mavɔ mavɔ.

1 Jǎan 5:20

Mǐ tunwun ɖɔ Mawu ví ɔ́ wá, bó ná nǔnywɛ́ mǐ, nú mǐ ná dó tunwun Mawu nǔgbó ɔ́, bɔ mǐ ɖo bǔ xá Mawu nǔgbó ɔ́ gbɔn vǐ tɔn Jezu Klísu jí; é wɛ nyí Mawu nǔgbó ɔ́, bó nyí gbɛ mavɔ mavɔ.

Judi 1:21

ée mi ɖo te nú Aklúnɔ mǐtɔn Jezu Klísu ná ná gbɛ mavɔ mavɔ mi ɖo xomɛnyínyɔ́ tɔn mɛ ɔ́, mi hɛn miɖée ɖo wǎn yíyí Mawu tɔn mɛ.

Nǔɖexlɛ́mɛ 13:8

Mɛ e ɖo ayǐkúngban jí lɛ́ɛ bǐ ná nɔ sɛn ɛ: yě mɛ e sín nyǐkɔ è ma wlán dó Lɛ̌ngbɔ́ví e è hu ɔ́ sín wěma mɛ ǎ lɛ́ɛ ná sɛn ɛ. Wěma énɛ́ ɔ́, mɛ e ɖo gbɛ lɛ́ɛ tɔn wɛ, bɔ è ko wlán nyǐkɔ yětɔn lɛ́ɛ d'é mɛ sín bǐbɛ́mɛ gbɛ ɔ́ tɔn.

Nǔɖexlɛ́mɛ 17:8

Kanlin e a mɔ ɔ́ nɔ gbɛ ɖ'ayǐ; é ka sɔ́ ɖo gbɛ din ǎ; é ɖó ná tɔ́n sín do gɔngɔn ɔ́ mɛ, bó ka ná yi dɔn. Mɛ e ɖo ayǐkúngban jí bɔ è ma wlán nyǐkɔ yětɔn dó gbɛwéma ɔ́ mɛ sín bǐbɛ́mɛ gbɛ ɔ́ tɔn ǎ lɛ́ɛ wá mɔ kanlin ɔ́, é ná kpácá yě: nǔgbó ɔ́, kanlin ɔ́ ɖo gbɛ ɖ'ayǐ; é ka sɔ́ ɖo gbɛ din ǎ, é ná lɛ́ vɔ́ ɖe éɖée xlɛ́.

1 Samuwɛ́li 15:29

Mawu Mavɔmavɔ e nyí susu Izlayɛ́li tɔn ɔ́ nɔ ɖó adingban ǎ; nǔ e é ká ɖɔ ɔ́, é nɔ lɛ́ vɔ́ wá jí ǎ. Đó é nyí gbɛtɔ́, bó ná ɖɔ xó bó lɛ́ húzú ǎ.”