Titu 1:1 - MAWUXÓWÉMA

¹ Nyɛ Pɔ́lu, mɛsɛntɔ́ Mawu tɔn, mɛsɛ́dó Aklúnɔ Jezu Klísu tɔn wɛ wlán wěma élɔ́. Mawu zɔ́n mì ɖɔ ma ɖɔ xó nú mɛ e émí cyán lɛ́ɛ, bónú yě ní ɖi nǔ nú Aklúnɔ Jezu Klísu, lobo ka ɖe nǔgbó e ɖo sinsɛn mǐtɔn li jí ɔ́ xlɛ́ yě,

Titu 1:1 Iomraidhean Croise

1 Tan 6:49

Izlayɛ́li ví lɛ́ɛ ná toxo énɛ́ lɛ́ɛ kpó ayǐkúngban e lɛ́ dó yě lɛ́ɛ kpó Levíi ví lɛ́ɛ.

Luki 18:7

Ényí nǔ ɖo mɔ̌ ɔ́, nɛ̌ wɛ Mawu má ká ná yá wǔ gbo hwɛ nú yě mɛ e nyí étɔn, bó nɔ́ ɖo xó sú ylɔ́ ɛ wɛ zǎn kéze lɛ́ɛ ǎ gbɔn? É ná lín cóbó ná dó alɔ yě wɛ a?

Mɛsɛ́dó 13:48

Ée mɛ e ma nyí Jwifu ǎ lɛ́ɛ se mɔ̌ ɔ́, xomɛ hun yě, bɔ yě jɛ susu kpa nú Aklúnɔxó ɔ́ jí; mɛ e è ko sɔ́ ɖ'ayǐ nú gbɛ mavɔ mavɔ lɛ́ɛ bǐ ɖi nǔ nú Jezu.

Hlɔ̌manu 1:1

Nyɛ Pɔ́lu mɛsɛntɔ́ Klísu Jezu tɔn e Mawu ylɔ́ bónú ma nyí mɛsɛ́dó ɔ́ wɛ ɖo wěma élɔ́ sɛ́ dó mi wɛ, bó ɖo gbe dó mi wɛ; Mawu wɛ ɖe mì ɖó vo bónú ma jlá Wɛn Ɖagbe tɔn.

2 Kɔlɛ́ntinu 1:1

Nyɛ Pɔ́lu e nyí mɛsɛ́dó Klísu Jezu tɔn gbɔn jlǒ Mawu tɔn gbla mɛ ɔ́, kpódó nɔví mǐtɔn Timɔtée kpán wɛ ɖo wěma élɔ́ wlán sɛ́ dó agun Mawu tɔn e ɖo Kɔlɛ́nti é, kpódó mɛɖeɖóvo Mawu tɔn e ɖo tokpɔn Akáyi tɔn mɛ lɛ́ɛ bǐ kpán wɛ.

Efɛ́zinu 2:8

Đó xomɛnyínyɔ́ Mawu tɔn mɛ wɛ mi mɔ hwlɛngán ɖe, gbɔn nǔ e mi ɖi é gbla mɛ. É nyí mi ɖésúnɔ wɛ hwlɛ́n miɖée gán ǎ; nǔnámɛ Mawu tɔn wɛ.

Filípunu 1:1

Mǐ mɛsɛntɔ́ Klísu Jezu tɔn Pɔ́lu kpódó Timɔtée kpán wɛ sɛ́ wěma élɔ́ dó mɛɖeɖóvo Mawu tɔn e ɖi nǔ nú Klísu Jezu bó ɖo Filípu lɛ́ɛ; mǐ sɛ́ dó yě kpó agunnukɔntɔ́ lɛ́ɛ kpó , kpódó yě mɛ e nɔ kpé nukún dó agunví lɛ́ɛ wú é kpán.

Kolósinu 2:2

Un ɖo ahwan fun wɛ, bónú yě ní ɖó akɔ́nkpinkpan nǔjɔnǔ tɔn, bónú yě ní nyí ɖokpó ɖo wǎn yíyí mɛ, bónú gǎnjɛwú e nǔnywɛ́ titewungbe ɔ́ nɔ ná mɛ ɔ́ ní gɔ́ ayi mɛ nú yě ganjí; énɛ́ ɔ́, yě ná sixú tunwun nǔbúdo Mawu tɔn; Klísu ɖésú wɛ nyí nǔbúdo énɛ́.

1 Timɔtée 2:4

É wɛ jló ɖɔ gbɛtɔ́ lɛ́ɛ bǐ ní mɔ hwlɛngán, bó ná tunwun nǔgbó ɔ́ bǐ dégbédégbé.

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

1 Timɔtée 6:3

Ényí mɛɖé kplɔ́n nǔ ɖěvo mɛ, bó ma yí gbe nú xó nǔgbó Aklúnɔ mǐtɔn Jezu Klísu tɔn lɛ́ɛ kpódó nǔkplɔ́nmɛ e sɔgbe xá sinsɛn mǐtɔn ɔ́ kpó ǎ hǔn,

2 Timɔtée 2:10

Énɛ́ wú wɛ un nɔ dɛ ɖo nǔ bǐ nu, ɖó mɛ e Mawu cyán lɛ́ɛ wú, bónú yě lɔ ná sixú mɔ hwlɛngán e ɖo Klísu Jezu mɛ ɔ́ kpódó susu maɖókpodó kpó yí.

2 Timɔtée 2:23

Nɔ zɔ nú nǔdindɔn e nyí taɖunɔ xó, bó nyí xlonɔ xó lɛ́ɛ; bo tunwun ɖɔ nǔdindɔn énɛ́ lɛ́ɛ ɔ́, jlɛ wɛ yě nɔ dɔn wá.

2 Timɔtée 2:25

É ɖó ná nɔ sɔ́ xomɛ fífá dó kplɔ́n nǔ mɛ e ma ɖo xó ɖokpó ɔ́ ɖɔ xá ɛ wɛ ǎ lɛ́ɛ; afɔ nyɔ́ ɔ́, Mawu ná bló bɔ yě ná lɛ́ kɔ sín hwɛ yětɔn lɛ́ɛ gúdo, bó ná mɔ nukúnnú jɛ nǔgbó ɔ́ wú.

Jaki 1:1

Nyɛ Jaki e nyí azɔ̌watɔ́ Mawu tɔn, bó nyí azɔ̌watɔ́ Aklúnɔ Jezu Klísu tɔn ɔ́ wɛ wlán wěma élɔ́ sɛ́ dó Jwifu klísusɛntɔ́ e gba kpé gbɛ ɔ́ bǐ mɛ lɛ́ɛ é, bó ɖo gbe dó sɛ́ dó yě wɛ.

2 Piyɛ́ɛ 1:3

Hlɔ̌nhlɔ́n Mawu tɔn e Aklúnɔ ɖó ɔ́ ná nǔ e ɖo tají bɔ mǐ ná dó ɖó sísí nú Mawu ɖo gbɛzán mǐtɔn mɛ ɔ́ bǐ mǐ; é wɛ nyí ɖɔ: é bló bɔ mǐ tunwun Mawu e ylɔ́ mǐ bónú mǐ ná ɖó mǐmá ɖo susu é ɖésúnɔ tɔn kpó xomɛnyínyɔ́ tɔn kpó mɛ é.

2 Piyɛ́ɛ 3:11

Ée é nyí ɖɔ nǔ énɛ́ lɛ́ɛ bǐ ná vɔ gbɔn mɔ̌ ɔ́, mi mɔ nukúnnú jɛ ninɔmɛ e mi ɖó ná ɖó ɔ́ wú ganjí. Mi ɖó ná nɔ zán gbɛ mímɛ́, bó ná nɔ ɖó sísí nú Mawu,

1 Jǎan 2:23

Nǔgbó ɔ́, mɛ e gbɛ́ Vǐ ɔ́ é ɔ́ gbɛ́ Tɔ́ ɔ́. Mɛ e ka yí gbe ɖɔ Jezu nyí Mawu ví é ɔ́, mɛ énɛ́ ɖo kɔnɖókpɔ́ mɛ xá Mawu Tɔ́ ɔ́ lɔmɔ̌.

Nǔɖexlɛ́mɛ 1:1

Nǔ e ɖo hwlǎhwlá, bɔ Jezu Klísu ɖe xlɛ́ céɖécéɖé lɛ́ɛ wɛ ɖo wěma élɔ́ mɛ. Mawu ɖe nǔ énɛ́ lɛ́ɛ xlɛ́ ɛ, bónú é ná xlɛ́ nǔ e ná jɛ ɖo malín málín mɛ lɛ́ɛ mɛsɛntɔ́ tɔn lɛ́ɛ. Jezu Klísu sɛ́ wɛnsagun tɔn dó mɛsɛntɔ́ tɔn Jǎan, bó ɖe nǔ lɛ́ɛ xlɛ́ ɛ.