Sofoníi 3:9 - MAWUXÓWÉMA

⁹ “Énɛ́ ɔ́ gúdo ɔ́, un ná húzú togun lɛ́ɛ; un ná lɛ nu yětɔn wé: Yě ná xo mlá nyɛ Mawu Mavɔmavɔ ɔ́ sín nyǐkɔ; yě ná ɖó gbe kpɔ́ bó ná sɛn mì.

Sofoníi 3:9 Iomraidhean Croise

Bǐbɛ́mɛ 11:1

Xóxó hwenu ɔ́, gbe ɖokpó ɔ́ wɛ gbɛtɔ́ lɛ́ɛ bǐ nɔ́ dó, bó nɔ́ zán xógbe ɖokpó lɛ́ɛ.

Bǐbɛ́mɛ 4:26

Sɛ́ti lɔ ji vǐ ɖokpó, bó sun nyǐ i ɖɔ Enɔci. Sín hwenɛ́nu wɛ è nɔ xomlá Mawu bó nɔ́ ylɔ́ ɛ ɖɔ Mawu Mavɔmavɔ.

Ɖɛhan 113:3

È nǐ kpa susu nú Mawu Mavɔmavɔ sín zǎnzǎnhwe jí káká yi gbadahwe jí.

Ɖɛhan 22:27

Mɛ e nɔ zé yěɖée hwe lɛ́ɛ, ná ɖu nǔ gɔ́ xo. Mɛ e jó yěɖée nú Mawu Mavɔmavɔ lɛ́ɛ ná kpa susu n'i. Yě ná dɔ́ ji!

Ezayíi 19:18

Ayǐ ɖokpó ná wá hɔ́n, bɔ è nǎ mɔ toxo e mɛ è nɔ dó Ebléegbe ɖe ɔ́ atɔ́ɔ́n ɖo Ejípu, bɔ toxo énɛ́ lɛ́ɛ bǐ ná zin alɔ dó akɔ́n ɖɔ émí nyí Mawu Mavɔmavɔ Nǔbǐwúkpétɔ́ ɔ́ tɔn. È nǎ ylɔ́ toxo énɛ́ lɛ́ɛ ɖokpó ɖɔ Hwesivɔ́-Toxo.

Ezayíi 57:19

Un ná sɔ́ awǎjijɛ han dó nu nú yě.” Mawu Mavɔmavɔ ɖɔ: “Fífá ní tíin nú mɛ e ɖo zɔ nú mì lɛ́ɛ, fífá ní tíin nú mɛ e sɛkpɔ́ mì lɛ́ɛ. Nǔgbó wɛ, un ná gbɔ azɔn nú togun ce.”

Ezayíi 6:7

É sɔ́ myɔkán ɔ́ sɔ́ nu ce bó ɖɔ: “Ée myɔkán élɔ́ jɛ nu towe wú din ɔ́, Mawu ɖe nǔ nyanya e a wa lɛ́ɛ sín kɔ nú we, bó súnsún hwɛ towe lɛ́ɛ sín kɔ nú we.”

Jelemíi 16:19

Mawu Mavɔmavɔ wɛ nyí gǎnjɛwú ce, é wɛ nyí sósyɛ́n ce. Adǎngbomɛ hwenu ɔ́, é wɛ nɔ́ nyí bibɛtɛn ce. Akɔta akɔta lɛ́ɛ ná gosín wɛ̌kɛ́zo ɛnɛ lɛ́ɛ bǐ jí wá mɔ we, bó ná ɖɔ nú we ɖɔ: “Nǔ e tɔ́gbó mǐtɔn lɛ́ɛ nɔ́ sɛn lɛ́ɛ bǐ wɛ nyí awo, nǔ yǎyá wɛ, yě kpé nǔɖé wú ǎ.

Ezekiyɛ́li 37:17

A nǎ fɔ kpo we lɛ́ɛ, bó ná sɔ́ ɖě kpé ɖě nu, bɔ yě ná húzú ɖokpó ɖo alɔ towe mɛ.

Xabakúku 2:14

Mɛ e ná tunwun susu Mawu Mavɔmavɔ tɔn ɖo ayǐkúngban jí lɛ́ɛ ná sukpɔ́ sin e ɖo xu mɛ é ɖɔhun.

Sofoníi 2:11

Mawu Mavɔmavɔ ná ɖó adohu nú yě, ɖó é ná sɔ́ vodún e ɖo ayǐkúngban jí lɛ́ɛ bǐ dó húzú nǔ yǎyá. Énɛ́ ɔ́, akɔta e ɖo fí má yá fí lɛ́ɛ bǐ ná nɔ sɛn ɛ. Akɔta lɛ́ɛ ɖokpó ɖokpó ná nɔ sɛn ɛ ɖo ayǐkúngban yětɔn yětɔn jí.

Zakalíi 14:9

Hwenɛ́nu ɔ́, Mawu Mavɔmavɔ ná nyí ayǐkúngban ɔ́ bǐ sín axɔ́sú. Mawu Mavɔmavɔ ɖokpónɔ géé wɛ è nǎ nɔ́ sɛn, nyǐkɔ tɔn ɖokpónɔ géé wɛ gbɛtɔ́ lɛ́ɛ bǐ ná nɔ́ ylɔ́.

Zakalíi 2:11

Jeluzalɛ́munu e ɖo kannumɔgbénu ɖo Babilɔ́nu lɛ́ɛ é mi, mi yá wǔ hɔn.”

Matíe 12:35

Mɛ ɖagbe ɔ́, nǔ ɖagbe e ɖo ayi tɔn mɛ ɔ́ wɛ é nɔ ɖe tɔ́n, bɔ mɛ nyanya ka nɔ ɖe nǔ nyanya e ɖo ayi tɔn mɛ ɔ́ tɔ́n.

Efɛ́zinu 4:29

Xó nyanya ɖěbǔ má nɔ tɔ́n sín nu mitɔn mɛ ó. Xó ɖagbe e ná dó alɔ mɛ nǔgbomɛ hwenu é, xó e ná wa ɖagbe nú mɛ e ɖo tó ɖó mi wɛ lɛ́ɛ kɛ́ɖɛ́ wɛ ná nɔ́ tɔ́n sín nu mitɔn mɛ.

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”