Sofoníi 3:7 - MAWUXÓWÉMA

⁷ Un ɖɔ dó ayi mɛ ɖɔ: ‘Jeluzalɛ́mu, é nyí a ɖǒ sísí nú mì ɔ́, é nyí a sɔ́ kplɔ́n e un ná we lɛ́ɛ ylɔ́ nǔ ɔ́, un ná gba nɔtɛn towe hánnyá ǎ. Un ná kplɔ́n we gbɔn alɔ bǐ mɛ có, nǔ baɖabaɖa wiwa jɛ́n a nɔ hwlɛ́n dó.’ ”

Sofoníi 3:7 Iomraidhean Croise

Bǐbɛ́mɛ 6:12

É kpɔ́n ayǐkúngban ɔ́ jí bó mɔ ɖɔ gbɛtɔ́ lɛ́ɛ bǐ wɛ nyí nǔ baɖabaɖa; yě bǐ wɛ.

2 Tan 33:11

Énɛ́ ɔ́, Mawu Mavɔmavɔ sɛ́ ahwangán Asilíi xɔ́sú ɔ́ tɔn lɛ́ɛ dó Manasée kpó togun tɔn kpó, bɔ yě wlí Manasée bo dó klɔcée aglan n'i. Yě zě ganvɔ wlɔ dó dó gɛdɛ ɛ, bó sɔ́ ɛ yi Babilɔ́nu.

Jɔ̌bu 36:10

É nɔ ɖó afɔ afɔ jí nú yě, bónú yě ná tunwun nǔ; é ɖɔ nú yě ɖɔ yě ní lɛ́ kɔ sín nǔ nyanya e wa wɛ yě ɖe lɛ́ɛ gúdo.

Ɖɛhan 32:8

Mawu Mavɔmavɔ ɖɔ: un ná ná nukúnnú mɔ jɛ nǔ mɛ we, un ná xlɛ́ ali e a ɖǒ ná gbɔn ɔ́ we; un ná kplɔ́n nǔ we; nukún ce ná ɖo jǐ towe:

Nǔnywɛ́xó 19:20

Nɔ ɖótó kplɔ́n; è kplɔ́n nǔ we hǔn nɔ se; énɛ́ ɔ́, a nǎ húzú nǔnywɛ́tɔ́.

Ezayíi 5:4

Étɛ́ ká kpo bɔ un ɖó ná bló nú vǐwungle ce bó má kó bló ǎ? Étɛ́wú wɛ hwenu e un ɖó nukún ɖɔ é ná ná sínsɛ́n ɖagbe ɔ́, é sɛ́n sínsɛ́n gblégblé ɖé lɛ́ɛ? Étɛ́wú ká wɛ?

Ezayíi 63:8

Mawu ɖɔ dó Izlayɛ́li ví lɛ́ɛ wú ɖɔ: “Togun ce wɛ yě nyí. Vǐ e má ná flú mì ǎ lɛ́ɛ wɛ yě nyǐ.” Ée é ɖɔ mɔ̌ ɔ́, é hwlɛ́n yě.

Jelemíi 17:23

Un ɖɔ mɔ̌ nú yě, yě ká ɖótó mì ǎ, yě dǒ tókúse mɛ; yě ci tamɛ, ɖó yě jló ná se ǎ, yě jló ná yí kplɔ́n ǎ.’

Jelemíi 25:5

Mawu Mavɔmavɔ ɖɔ nú mi ɖɔ: ‘Ali nyanya e mi wlí ɔ́, mi lɛ́ kɔ sín jí, mi jó dǎka dó, bó jó nǔ baɖabaɖa e mi nɔ bló lɛ́ɛ dó; énɛ́ ɔ́, mi ná nɔ to e un ná tɔ́gbó mitɔn lɛ́ɛ kpó mi kpó é mɛ káká sɔ́yi.

Jelemíi 36:3

Bóyá Judáa ví lɛ́ɛ se nǔ nyanya e un jló ná wa xá yě lɛ́ɛ ɔ́, yě sixú jó gbɛ nyanya e zán wɛ yě ɖe ɔ́ dó, bɔ un ná zé hwɛ e yě hu lɛ́ɛ kpó nǔ e yě wa nyi do lɛ́ɛ kpó kɛ yě.”

Jelemíi 38:17

Jelemíi ɖɔ nú Sedesíyasi ɖɔ: “Mawu Mavɔmavɔ, Mawu Nǔbǐwúkpétɔ́, Mawu Izlayɛ́li tɔn ɔ́ ɖɔ: ‘Ényí a sɔ́ hwiɖée yi jó nú Babilɔ́nu xɔ́sú ɔ́ sín gǎn lɛ́ɛ ɔ́, a nǎ gán, bɔ è sɔ́ ná dó toxo élɔ́ zo ǎ, bɔ hwi kpó mɛ towe lɛ́ɛ kpó ná gán.

Jelemíi 6:8

Jeluzalɛ́mu, yǐ kplɔ́n ɖo nǔ e ɖo gbigbo we wɛ lɛ́ɛ mɛ, é má nyí mɔ̌ ǎ ɔ́, un táá wá sɛ yi zɔ nú we, bó ná wá sɔ́ we dó húzú gbětótló, ayǐkúngban e jí mɛɖé má ɖe ǎ é.”

Jelemíi 7:7

un ná jó mi dó, bɔ mi na nɔ to mɛ fí, to élɔ́ e un ná tɔ́gbó mitɔn lɛ́ɛ sín do bɔ è ná nyí yětɔn káká sɔ́yi ɔ́ mɛ.

Jelemíi 8:6

Un ɖo tó ɖó xó e ɖɔ wɛ yě ɖe ɔ́ ganjí: xó yětɔn xwe ali ǎ. Yě ɖěbǔ ba ná jó nǔ nyanya e wa wɛ yě ɖe ɔ́ dó ǎ. Mɛ ɖé ká ɖɔ: ‘Étɛ́ un ka wa nɛ́’ ǎ. Yě bǐ lɛ́ bɔ wezun nyi do, sɔ́ ɖo ahwangbénu ɖɔhun.

Ozée 9:9

Yě kpo nú nǔ kwíji kwíji wiwa kɛ́ɖɛ́ lě e yě bló gbɔn ɖo Giveya ɖ'ayǐ xóxó ɔ́ ɖɔhun. Mawu Mavɔmavɔ ná flín nǔ e yě wa nyi do ɔ́. É ná dɔn hwɛ e yě hu ɔ́ sín tó nú yě.

Sofoníi 3:2

É ɖótó Mawu Mavɔmavɔ sín xó lɛ́ɛ ǎ, é ké ya nú kplɔ́n e é ná ɛ lɛ́ɛ é ǎ. É ɖeji dó Mawu Mavɔmavɔ wú ǎ. É nɔ́ hɔn yi su Mawu tɔn ǎ.

Sɛ́nflínmɛ 4:16

hǔn mi ma lí vodún ó; mi ma bló nǔ ɖěbǔ sín akpajlɛ́ bó sɛn ó; mi bló mɔ̌ ɔ́, mi ná hu hwɛ, mi ma bló súnnu abǐ nyɔ̌nu sín akpajlɛ́ ɖé ó.

1 Timɔtée 1:5

Nǔ e wú un ɖɔ mɔ̌ ɔ́ wɛ nyí ɖɔ nǔkplɔ́nmɛ mǐtɔn lɛ́ɛ ɖó ná d'alɔ mi, bɔ mi ná ɖó wǎn yíyí e nɔ tɔ́n sín ayi mímɛ́ mɛ é; wǎn yíyí e nɔ tɔ́n sín linlin ɖagbe mɛ é, wǎn yíyí e nɔ tɔ́n sín nǔɖiɖi jɔ nǔɖiɖi mɛ é.

2 Piyɛ́ɛ 3:9

Aklúnɔ nɔ lín có bó nɔ ɖe akpá e é dó lɛ́ɛ, lě e mɛɖé lɛ́ɛ nɔ vɛdó ɔ́ ǎ. Lo ɔ́, é nɔ ɖó suúlu dó mi wú; ɖó é jló ɖɔ mɛ ɖěbǔ ní dɔn ǎ; é nyɔ́ wa ɔ́, é jló ɖɔ mɛ bǐ ní mɔ ali, bó lɛ́ kɔ sín nǔ nyanya wiwa gúdo.