Sofoníi 3:6 - MAWUXÓWÉMA

⁶ Mawu Mavɔmavɔ ɖɔ: “Un sú akɔta gěgé sín kún, un gba mɛcɔ́tɔ́xɔ lɛ́ɛ. Ali e gbɔn toxo yětɔn lɛ́ɛ mɛ lɛ́ɛ bǐ jɛ vɔ̌. Un gba toxo yětɔn lɛ́ɛ bǐ; gbɛtɔ́ ɖěbǔ sɔ́ nɔ gbɔn toxo lɛ́ɛ mɛ dín ǎ; mɛ ɖěbǔ sɔ́ ɖo toxo lɛ́ɛ mɛ ǎ.

Sofoníi 3:6 Iomraidhean Croise

Ezayíi 14:26

Nǔ e Mawu ɖɔ émí ná wa gbɔn ayǐkúngban ɔ́ bǐ jí é nɛ́; alɔ e é sɔ́ dó jǐ bó ná wa nǔ xá akɔta lɛ́ɛ bǐ é nɛ́.

Ezayíi 37:36

Wɛnsagun Mawu Mavɔmavɔ tɔn ɖokpó tɔ́n, bó hu gbɛtɔ́ adɔ̌kpo tɛ́nnɛ děgba ɖě afatɔ́n (185.000), ɖo Asilíinu lɛ́ɛ sín ahwankpá mɛ. Ée ayǐ hɔ́n zǎnzǎn ɔ́, mɛ e kpo lɛ́ɛ ná mɔ nǔɖé kpowun ɔ́, cyɔ yětɔn jɛ́n yě mɔ.

Ezayíi 6:11

Ée Aklúnɔ ɖɔ mɔ̌ ɔ́, un kanbyɔ́ ɛ ɖɔ: “Aklúnɔ, hwetɛ́nu é ná fó dó?” Bɔ é yí gbe nú mì ɖɔ: “Nǔ ná nɔ mɔ̌ káká jɛ hwenu e toxo lɛ́ɛ bǐ ná gba bó jɛ vɔ̌, bɔ xwé lɛ́ɛ bǐ ná jɛ vɔ̌, lobɔ to ɔ́ bǐ ná húzú gbětótló é.”

Jelemíi 9:12

Énɛ́ ɔ́, Mawu Mavɔmavɔ yí gbe ɖɔ: “Sɛ́n ce e un ná yě ɔ́ wɛ yě jǒ dó wú wɛ nǔ cí mɔ̌. Yě ɖótó gbe ce ǎ. Yě xwedó xó ce ǎ.

Levíi ví 26:31

Un ná bló bɔ toxo mitɔn lɛ́ɛ ná jɛ vɔ̌. Un ná gba vodúnxɔ mitɔn lɛ́ɛ hánnyá, bó sɔ́ ná se vɔ̌ wǎnɖagbenɔ mitɔn lɛ́ɛ ɖě sín wǎn ǎ.

Sofoníi 2:5

Heelú mi mɛ e gosín Kafutɔ́ɔ bó wá cí xutó lɛ́ɛ. Mawu Mavɔmavɔ ɖó hwɛ nú mi bo ɖɔ: “Kanáa, to Filisitɛ́ɛn lɛ́ɛ tɔn, un ná vívá kún nú we; a sɔ́ ná ɖó toví ɖěbǔ ǎ.

Zakalíi 7:14

Un gba yě kpé akɔta tɛnmɛ tɛnmɛ lɛ́ɛ mɛ, yě tunwun akɔta énɛ́ lɛ́ɛ kpɔ́n gbeɖé ǎ. Yě jǒ to yětɔn dó nyi vɔ̌. Mɛ ɖé sɔ́ nɔ yi to ɔ́ mɛ ǎ, mɛ ɖé ká sɔ́ nɔ́ tɔ́n sín mɛ ǎ. To e mɛ yě nɔ́ ɖu gbɛ ɖe ɖ'ayǐ ɔ́, yě zé dó húzú gbětótló.”

Matíe 23:38

Din ɔ́, è nǎ ɖe alɔ sín sinsɛnxɔ mitɔn wú nú mi, bɔ é ná jɛ vɔ̌.

1 Kɔlɛ́ntinu 10:11

Nǔ nyanya énɛ́ lɛ́ɛ jɛ dó yě jǐ, bó ná dó nyí kpɔ́ndéwú nú mɛɖěvo lɛ́ɛ; è wlǎn nǔ énɛ́ lɛ́ɛ e jɛ lɛ́ɛ, bó ná dó kplɔ́n nǔ mǐ ná; ɖó hwenu e mǐ ɖe din ɔ́, hwenu lɛ́ɛ sín vivɔ ko sɛ yá.

1 Kɔlɛ́ntinu 10:6

Kpɔ́ndéwú wɛ nǔ énɛ́ lɛ́ɛ e jɛ lɛ́ɛ nyí nú mǐ, bónú mǐ ní ma wá ɖó jlǒ nyanya yě ɖɔhun ó.

Jozuwée 23:4

Mi kpɔ́n, ayǐkúngban e un ko yí ɔ́ kpó éé kpo bɔ un ma ko yí ǎ é kpó ɔ́, un ko nyi akɔ dó bó ko má nú akɔta mitɔn lɛ́ɛ bɛ́ sín Judɛ́ɛn tɔ ɔ́ tó ɖo zǎnzǎnhwe jí káká yi Mɛditɛlanɛ́ɛ xu ɔ́ tó ɖo gbadahwe jí.