Sofoníi 3:5 - MAWUXÓWÉMA

⁵ Nǔ ɖo mɔ̌ có, Mawu Mavɔmavɔ ɖo toxo ɔ́ mɛ; é nɔ́ wa nǔ jlɔ́jlɔ́; é nɔ́ wa nǔ nyanya ǎ. Mawu nɔ́ ɖɔ hwɛ xá mɛ ayǐhɔ́ngbe ayǐhɔ́ngbe dó jlɔ̌jlɔ́ jí. É gblá gbeɖé ǎ. É ɖo mɔ̌ bló wɛ có winnyá hú dǎnúwatɔ́ lɛ́ɛ ǎ, yě kpo ɖo dǎka yětɔn xo wɛ.

Sofoníi 3:5 Iomraidhean Croise

Bǐbɛ́mɛ 18:25

A nǎ hu mɛ ɖagbe kpó mɛ nyanya kpó. A nǎ bló mɔ̌ bɔ é ná nyí ɖɔ nǔ ɖokpó ɔ́ wɛ ɖo te kpɔ́n mɛ ɖagbe kpó mɛ nyanya kpó wɛ a? Ma wa nǔ gbɔn mɔ̌ ó; hwi mɛ e nyí hwɛɖɔtɔ́ gbɛ ɔ́ bǐ tɔn ɔ́ ná gɔn hwɛjijɔ xwedó dó wa nǔ wɛ a?”

Jɔ̌bu 34:10

Hǔn, gbɛtɔ́ ayisɔgbenánɔ e mi, mi ɖótó mì: Mawu nɔ wa nǔ nyanya gbeɖé ǎ. Nǔbǐwúkpétɔ́ ɔ́ nɔ dó hwɛ agɔ gbeɖé ǎ.

Jɔ̌bu 7:18

Étɛ́wú a ka nɔ wá ba do nú gbɛtɔ́ zǎnzǎn tɛgbɛ? A nǎ nɔ́ wá tɛ́n ɛ kpɔ́n hwebǐnu wú wɛ a?

Jɔ̌bu 8:3

Mawu nɔ kpé ta do nú hwɛjijɔ wɛ a vɛdó a? Nǔbǐwúkpétɔ́ ɔ́ nɔ kpé ta do nú nǔ jlɔ́jlɔ́ wɛ a vɛdó a?

Ɖɛhan 145:17

È nɔ mɔ gbejíninɔ Mawu Mavɔmavɔ tɔn ɖo nǔ e é nɔ́ wa lɛ́ɛ bǐ mɛ. È nɔ mɔ lě e é nyɔ́ xomɛ gbɔn é gbɔn nǔ e é nɔ́ wa lɛ́ɛ bǐ mɛ.

Ɖɛhan 37:6

É ná ɖe hwɛjijɔ towe xlɛ́ hwe tɔ́n ɖɔhun; é ná ɖe nǔjlɔ́jlɔ́wiwa towe xlɛ́, bɔ mɛ bǐ ná mɔ hwe ɖo hwǎn ɖɔhun.

Ɖɛhan 92:15

É ná bó kó kpo ɔ́, é nɔ́ lɛ́ sɛ́n. Gbɛ nɔ kpo ɖo wǔ tɔn, ama tɔn lɛ́ɛ nɔ́ ɖo mǔ tɛgbɛ.

Ezayíi 12:6

Sinyɔ́ɔnu lɛ́ɛ mi, mi ɖe awǎjijɛ mitɔn xlɛ́! Mi sú xó kpó xomɛhunhun kpó, ɖó mɛ e ɖo gɔ̌n mitɔn ɔ́, Mawu mímɛ́ Izlayɛ́li tɔn ɔ́, nǔ ɖaxó wɛ.

Ezayíi 28:19

Nǔ baɖabaɖa ɔ́ dín hweɖěbǔnu, bónú mɛ lɛ́ɛ mɔ nǔ jɛ nǔ e ɖe xlɛ́ wɛ é ɖe ɔ́ mɛ ɔ́, ahwi ná xo yě; é sixú nyí zǎnzǎn, é sixú nyí kéze, é ka sixú nyí zǎn mɛ; è ɖɔ xó tɔn bɔ è se yǎyá ɔ́, hǔn mɛtɔn ná nɔ́ zɛ.

Ezayíi 33:2

Mawu Mavɔmavɔ, kú nǔbláwǔ mǐtɔn. Mǐ ɖo nukún ɖó we wɛ. Nyǐ hlɔ̌nhlɔ́n mǐtɔn zǎnzǎn tɛgbɛ, bó nyí mɛhwlɛ́ngántɔ́ mǐtɔn adǎngbomɛ hwenu.

Ezayíi 45:21

Mi wá ɖɔ nǔ e lin wɛ mi ɖe lɛ́ɛ, bó ɖe xlɛ́ ɖɔ nǔgbó wɛ; É jló mi hǔn, mi nɔ kpɔ́ bó kplɔ́n nǔ miɖée. Nǔ e ɖo jijɛ wɛ égbé din ɔ́, mɛ̌ ká ɖɔ ɖ'ayǐ sín do? Mɛ̌ kó ɖɔ ɖ'ayǐ ɖɔ yě ná jɛ? É má nyí nyɛ Mawu Mavɔmavɔ ɔ́ wɛ a? Nyɛ mɛvo ɔ́, Mawu ɖě sɔ́ ɖe ǎ. Nyɛ wɛ nyí Mawu, nyi wɛ nɔ wa nǔ ɖó sɛ́nxwi jí, nyi wɛ nɔ hwlɛ́n mɛ gán, mɛ ɖě sɔ́ ɖe zɛ nyɛ wú ǎ.

Ezayíi 50:4

Aklúnɔ Mavɔmavɔ nɔ ɖɔ xó e un ná ɖɔ ɔ́ nú mì, é nɔ́ ɖɔ xó e un ná ɖɔ dó dó wǔsyɛ́n lanmɛ nú mɛ e ma sɔ́ ɖó hlɔ̌nhlɔ́n ǎ é nú mì. É su zǎnzǎn ɔ́, é nɔ́ fɔ́n mì, bónú má ɖótó e, ahwanvú ɖɔhun.

Jelemíi 21:12

Axɔ́sú Davídi ví e mi! Ayǐ hɔ́n lě tlóló hǔn, mi nɔ jɛ hwɛjijɔ dó jí. Mi hwlɛ́n mɛ e dó ya ná wɛ è ɖe é gán ɖo mɛ e ɖo ya dó n'i wɛ é lɔ mɛ. É má nyí mɔ̌ ǎ ɔ́, xomɛsin ce ná xɔ myɔ ɖɔhun, bɔ cící tɔn ná gló, ɖó nǔ e dó sin wɛ mi ɖe lɛ́ɛ wútu.

Jelemíi 3:3

É sín énɛ́ ɔ́ wú bɔ jǐ gbɛ́ jija, xwejí ja ǎ. Lo ɔ́, a ɖǒ wunhínhɔ́n ná agalɛtɔ́ ɖɔhun; a jlǒ ná yí gbe ɖɔ émí wa nǔ nyi do ǎ.

Jelemíi 6:15

winnyá wɛ ɖó ná hu yě, ɖó nǔ baɖabaɖa e yě dó sin lɛ́ɛ wú. Winnyá ká hu yě lɔ vɔ́vɔ́ ǎ. Énɛ́ wú wɛ yě ná j'ayǐ kpó mɛ e ɖo ayǐ jɛ wɛ lɛ́ɛ kpó. Hwenu e un ná wa nǔ xá yě ɔ́, yě ná mɔ yěɖée ɖo kɔ́ mɛ. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 8:12

Winnyá wɛ ɖó ná hu yě ɖó nǔ baɖabaɖa e yě dó sin lɛ́ɛ wú. Winnyá ká hu yě lɔ vɔ́vɔ́ ǎ. Énɛ́ wú wɛ yě ná j'ayǐ kpó mɛ e ɖo ayǐ jɛ wɛ lɛ́ɛ kpó. Hwenu e un ná wa nǔ xá yě ɔ́, yě ná mɔ yěɖée ɖo kɔ́ mɛ. Nyɛ Mawu Mavɔmavɔ ɔ́ wɛ ɖɔ mɔ̌.” Mawu mɔ nǔ e ba wɛ é ɖe ɖo togun ɔ́ sí ɔ́ ɖo así tɔn ǎ

Gbɛvíhan 3:23

Zǎnzǎn tɛgbɛ ɔ́, xomɛnyínyɔ́ tɔn nɔ́ húzú yɔ̌yɔ́. Mawu, gbejíninɔ towe d'agba mɛ nya!

Ezekiyɛ́li 18:25

Mi nɔ ɖɔ: ‘Aklúnɔ nɔ dó atɔ́ɔ́nnu nǔ jí.’ Izlayɛ́li togun e mi, mi ɖótó mì ganjí: nyɛ wɛ ɖo atɔ́ɔ́nnu dó nǔ jí wɛ a, abǐ mi wɛ ma ɖo nǔ wa ɖó nǔ gan jí wɛ ǎ?

Ezekiyɛ́li 48:35

Dǒ e lɛ́ lɛ̌ dó toxo ɔ́, ga tɔn bǐ nyí nǔjlɛ́kpo yětɔn děgba ɛnɛ afɔwó (18.000). “Sín gbe énɛ́ gbe ɔ́, è nǎ nɔ ylɔ́ toxo ɔ́ ɖɔ: ‘Mawu Mavɔmavɔ ɖo fí.’ ”

Ozée 14:9

Ani wɛ Eflayímunu lɛ́ɛ kpó vodún lɛ́ɛ kpó kpé dó? Nyɛ wɛ nɔ yí gbe nú ɖɛ e xo wɛ yě ɖe ɔ́, bó ná cyɔ́n alɔ yě jí. Nyɛ ɔ́, siplɛ́tín ɖɔhun wɛ un cí, bó nɔ ɖo mǔ hwebǐnu . Nyɛ wɛ nɔ zɔ́n bɔ yě nɔ́ mɔ jinukún.”

Ozée 6:5

Énɛ́ ɔ́ wú wɛ un zé xó e un ɖɔ gbɔn gbeyíɖɔ ce lɛ́ɛ jí ɔ́ dó dɔn tó nú yě. Un zé xó e nɔ́ tɔ́n sín nu ce mɛ lɛ́ɛ dó hu yě. Hwɛ e un ɖó nú yě lɛ́ɛ gba kpé wěziza ɖɔhun.

Micée 3:11

Hwɛɖɔtɔ́ lɛ́ɛ ɔ́, mɛ e dó nǔ nu nú yě ɔ́ sín hwɛ wɛ nɔ jɔ. Vɔ̌sánú-xwlémawutɔ́ lɛ́ɛ nɔ yí akwɛ́ ɖo mɛ sí, cóbó nɔ kplɔ́n Mawusɛ́n lɛ́ɛ mɛ. Gbeyíɖɔ Mawu tɔn lɛ́ɛ nɔ yí akwɛ́ ɖo mɛ sí cóbó nɔ dó Mawu sín wɛn mɛ. Nǔ ɖo mɔ̌ bɔ yě bǐ ká nɔ glá bó nɔ ɖɔ Mawu Mavɔmavɔ tɔn wɛ émí nyí, ɖɔ Mawu Mavɔmavɔ ɖo kpɔ́ xá émí, ɖɔ nǔ nyanya ɖěbǔ kún ná wa émí ó.

Micée 7:9

Đó un hu hwɛ dó Mawu Mavɔmavɔ wútu ɔ́, un ná ɖo didɛ wɛ ɖo xomɛsin tɔn nu káká, bɔ é ná mɔ hwɛjijɔ nú mì. É ná lɛ́ kplá mì wá wěziza nu, bó ná kɔn nyɔ̌ná tɔn lɛ́ɛ dó jǐ ce.

Xabakúku 1:3

Étɛ́wú a ka gbɔ bɔ nukún ce ɖo nǔ nyanya mɔ wɛ sɔ mɔ̌? Nɛ̌ awě ná ɖo mɛ xo wɛ mɔ̌, bɔ é ká ná nɔ nyɔ́ kpɔ́n nú we gbɔn? Nɛ̌ ká gbɔn bɔ è nɔ ɖo mɛ táfú wɛ, bó nɔ ɖo dǎka xo lɛ́ lɛ̌ dó mì wɛ mɔ̌? Jlɛ nɔ jɛ ayǐ, bɔ kɛn nɔ wá.

Sofoníi 2:1

Akɔta e ma ɖó winnyá lɛ́ɛ mi, mi nɔ tɛ́nkpɔ́n bó nɔ́ lin tamɛ kpɛɖé vɔ́vɔ́, mi byɔ́ miɖée mɛ.

Sofoníi 3:13

Mɛ e ná kpo ɖo gbɛ ɖo Izlayɛ́li lɛ́ɛ sɔ́ ná wa nǔ agɔ ɖě ǎ; yě sɔ́ ná ɖó adingban ɖě ǎ; yě sɔ́ ná zé ɖɛ̌ yětɔn dó blɛ́ mɛ ná ǎ. Yě ná ɖu nǔ, bó ná dɔ́ amlɔ, bɔ mɛ ɖěbǔ ná dó xɛsi nú yě ǎ.”

Sofoníi 3:15

Mawu Mavɔmavɔ ɖe hwɛ e è ɖǒ nú mi é síin. É nya kɛntɔ́ mitɔn lɛ́ɛ dó gbě. Mawu Mavɔmavɔ Izlayɛ́li xɔ́sú ɔ́ ɖo kpɔ́ xá mi, nǔ nyanya sɔ́ ná ɖó adohu nú mi ǎ.

Sofoníi 3:17

Mawu Mavɔmavɔ, Mawu towe ɖo kpɔ́ xá we. É dó hlɔ̌nhlɔ́n, bó ná jiɖiɖe we, ɖɔ a nǎ ɖu ɖ'é jí. É ɖo awǎ jɛ wɛ ɖó hwi wútu. Wǎn yíyí tɔn ná gbɛ yɔ̌yɔ́ we. É ɖo xomɛhunhun mɛ ɖó hwi wútu.

Zakalíi 2:5

Nǔ ɖěvo e un mɔ ɔ́ ɖíe: Un mɔ nya ɖé, bɔ é hɛn nǔjlɛ́kan alɔnu.

Zakalíi 9:9

Sinyɔ́ɔnu lɛ́ɛ mi, mi j'awǎ! Jeluzalɛ́munu lɛ́ɛ mi, mi j'awǎ kpó awǒbóbó kpó. Axɔ́sú mitɔn ɖíe ja gɔ̌n mitɔn e. Nǔjlɔ́jlɔ́watɔ́ ɖé wɛ, é ɖu ɖ'é jí. É sɔ́ éɖée hwe, é jínjɔ́n tócí ɖé jí, tócí ví ɖé jí.

Luki 12:2

Nǔɖé ɖo nǔglɔ́, bó ná gɔn wěxo ma jɛ ǎ; nǔɖé ka ɖo wi mɛ bɔ è nǎ gɔn nukúnnú ma mɔ jɛ wú ǎ.

Hlɔ̌manu 2:5

A ka tlí tó; a ɖo gbesisɔ mɛ bó ná lɛ́ kɔ sín hwɛ towe lɛ́ɛ gúdo ǎ; énɛ́ wútu wɛ a ɖo tó dɔn nú mɛ ɖaxó ɖé sín nǔ sɔ́ ɖ'ayǐ nú hwiɖée wɛ nú gbe e gbe Mawu ná ɖe xomɛsin tɔn kpó hwɛjlɔ́jlɔ́ ɖiɖɔ tɔn kpó xlɛ́ é.

Hlɔ̌manu 3:26

Amɔ̌, din ɔ́, é ɖe lě e é nɔ́ sɔ́ gbɛtɔ́ lɛ́ɛ dó húzú hwɛjijɔnɔ ɖo nukún tɔn mɛ gbɔn ɔ́ xlɛ́, ɖó é nyí hwɛjijɔnɔ, bó ná lɛ́ sɔ́ mɛ e ɖi nǔ nú Jezu lɛ́ɛ lɔmɔ̌ dó húzú hwɛjijɔnɔ.

1 Kɔlɛ́ntinu 4:5

Énɛ́ ɔ́ wú ɔ́, mi ma ɖɔ hwɛ dó mɛ ɖěbǔ cóbónú hwenu e Mawu ɖó ɔ́ ná su ó; mi nɔ te nú Aklúnɔ ní wá: é ná ɖe nǔ e ɖo hwlǎhwlá ɖo zǐnflú mɛ ɔ́ nyi wěxo, bɔ linlin e ɖo ayixa mɛ nú gbɛtɔ́, bɔ è ma mɔ nukúnnú jɛ wú ǎ lɛ́ɛ ɔ́, é ná ɖe xlɛ́; énɛ́ ɔ́, Mawu ná kpa mɛ ɖokpó ɖokpó lě e é jɛ xá gbɔn é.

Sɛ́nflínmɛ 23:14

Mɛ ɖokpó ɖokpó ná ɖó nǔɖé, bɔ nú é sɛ yi zɔ ɔ́, é ná nɔ́ dó kun do, bɔ nú é yi afɔ jí ɔ́ kpé ɔ́, é ná zé dó dɔn kɔ́ d'é jí.

Sɛ́nflínmɛ 32:4

É wɛ nyí só ɔ́; nǔwiwa tɔn lɛ́ɛ nyɔ́ bɔ nǔ vɔ ɖ'é wú. Đó ali tɔn lɛ́ɛ bǐ jlɔ́. Mawu gbejínɔtɔ́ wɛ. É nɔ́ wa nǔblíblí ǎ. É jlɔ́ bó ɖo xwi jí.

1 Piyɛ́ɛ 1:17

Mi ɖo ɖɛ xo wɛ ɔ́, Mawu e nɔ ɖɔ hwɛ xá gbɛtɔ́ lɛ́ɛ bǐ gbɔn alɔkpa ɖokpó ɔ́ mɛ, lě e mɛ ɖokpó ɖokpó wa nǔ gbɔn ɔ́, mi nɔ ylɔ́ ɛ ɖɔ Tɔ́, hǔn mi bo ɖe sísí e mi ɖó n'i ɔ́ xlɛ́ gbɔn nǔwiwa mitɔn lɛ́ɛ mɛ, ɖo hwenu e kpo bɔ mi ná nɔ ayǐkúngban jí fí ná ɔ́ mɛ.