Sofoníi 3:3 - MAWUXÓWÉMA

³ Gǎn e ɖo toxo ɔ́ mɛ lɛ́ɛ cí kinnikínní e ɖo adǎn jí é ɖɔhun. Hwɛɖɔtɔ́ e ɖo toxo ɔ́ mɛ lɛ́ɛ cí hla e xovɛ́ sin, bɔ é yi zǎngbé, bɔ adɔ ma lɔn nǔ n'i nú é ɖu nǔɖé kpo nú zǎnzǎn ǎ é ɖɔhun.

Sofoníi 3:3 Iomraidhean Croise

Nǔnywɛ́xó 28:15

Acɛgannaganna-kpanúmɛtɔ́ ɖu gǎn ɖo wamamɔnɔ lɛ́ɛ nu ɔ́, kinnikínní ɖɔhun wɛ é nɔ́ dó gbe dó ta nú yě, bó nɔ́ kplɔ́ dó yě lɔnmɔ e xovɛ́ sin é ɖɔhun.

Ezayíi 1:23

Gǎn towe lɛ́ɛ ɔ́, gǔfɔ́ntɔ́ wɛ nú yě, yě nɔ́ nɔ awo mɛ nú ajotɔ́ lɛ́ɛ. Nǔwlóɖutɔ́ wɛ nú yě, nǔ ɖu ɖo nǔ mɛ ba wɛ jɛ́n yě nɔ́ ɖe. Yě nɔ́ táfú tɔ́cyɔvǐ lɛ́ɛ, yě nɔ́ ɖótó hwɛ e jɛ nú yě wɛ asúkúsi ɖe é ǎ.

Ezayíi 5:29

Yě nɔ́ dó gbe kinnikínní ɖɔhun, yě nɔ́ dó gbe kinnikínníví lɛ́ɛ ɖɔhun, yě nɔ́ ɖo adǎn jí; yě zɔn kanlin e ná ɖu wɛ yě ɖe ɔ́ jí, bó zé yi bɔ mɛ ɖěbǔ sixú yí sín yě sí ǎ.

Jelemíi 22:17

Amɔ̌, hwɛ ɔ́, nǔ e ná wa ɖagbe nú hwi ɖokpó ɔ́ jɛ́n nɔ myá nukún nú we. Lě e a na wa gbɔn bó hu xomɛvɔ́nɔ ɔ́ jɛ́n nɔ ɖo ayi mɛ nú we; lě e a nǎ xo dǎka, lobo táfú mɛ gbɔn ɔ́ te jɛ́n a nɔ ɖe.”

Jelemíi 23:11

Mawu Mavɔmavɔ ɖɔ: “Gbeyíɖɔ kpó vɔ̌sánú-xwlémawutɔ́ kpó bǐ wɛ ɖu kpa. Un mɔ dǎka e yě nɔ́ xo ɔ́; yě nɔ́ xo dǎka káká bó nɔ lɛ́ wá xo ɖo xwé ce gbe.

Jelemíi 34:19

Un ná wa nǔ xá gǎn hɔn-yitɔ́ Judáa tɔn lɛ́ɛ, Jeluzalɛ́mu tɔn lɛ́ɛ, gǎn e nɔ wa azɔ̌ ɖo axɔ́sú ɔ́ xwé lɛ́ɛ, vɔ̌sánú-xwlémawutɔ́ lɛ́ɛ kpó mɛ e ɖo togun ɔ́ mɛ, bó gbɔn nyibúví e è mǎ ɖó we é tɛ́ntin bó dín é bǐ kpó.

Jelemíi 5:6

Énɛ́ ɔ́ wú wɛ kinnikínní zungbó mɛ tɔn wlí yě ɖu. Hla já yě. Kpɔ ɖo wudo mɛ ɖo toxo yětɔn lɛ́ɛ sín hɔntogbó lɛ́ɛ jí. Mɛ e tɔ́n sín toxo lɛ́ɛ mɛ é bǐ wɛ kpɔ vúnvún, ɖó hwɛ yětɔn lɛ́ɛ sukpɔ́ dín, nǔwanyido yětɔn nɔ́ ɖo jijɛ jí wɛ.”

Ezekiyɛ́li 22:6

“Izlayɛ́li, mɛ e nyí gǎn ɖo ayǐkúngban towe jí lɛ́ɛ ɔ́, yě nɔ́ mɔ ɖɔ émí wɛ ɖó acɛ bó nɔ́ hu mɛ.

Ezekiyɛ́li 33:26

Ahwanlyánnú mitɔn lɛ́ɛ wú wɛ mi nɔ gán jɛ, mi nɔ dó nǔ baɖabaɖa lɛ́ɛ sin; mi bǐ wɛ nɔ ba nɔzo mitɔn lɛ́ɛ sín asi. Nɛ̌ to ɔ́ ná nyí mitɔn gbɔn?

Xabakúku 1:8

Sɔ́ tɔn lɛ́ɛ yá afɔ hú kpɔ. Yě bí hú hla e ɖo gbadagbé nya wɛ é. Sɔ́xátɔ́ tɔn lɛ́ɛ jǎwe kpódó goyíyí kpó, yě jǎwe sín zɔ. Yě kpɔ́ ja gangan ɖo nǔ ná sá wɛ ɖɔhun.