Sofoníi 3:19 - MAWUXÓWÉMA

¹⁹ Hwenu e un ná dɔn tó nú mɛ e táfú mi lɛ́ɛ dó ɔ́ ɖíe su e. Un ná klɔ́ akpa nú mɛ mitɔn e gblé wǔ lɛ́ɛ. Un ná kplá mɛ e ɖo kannumɔgbénu lɛ́ɛ wá xwé. Un ná bló bɔ mi ná xɔ susu, bɔ nyǐkɔ mitɔn ná yi jǐ gbɔn fí e mi ɖu winnyá gbɔn ɖo ayǐkúngban jí lɛ́ɛ bǐ.

Sofoníi 3:19 Iomraidhean Croise

Ezayíi 26:11

Mawu Mavɔmavɔ, alɔ towe ɖo adǎn jí, yě ká mɔ ǎ. Yě ná mɔ lě e a nɔ jɛ hun dó togun towe jí kpó wǎn yíyí kpó gbɔn é, bɔ winnyá ná hu yě; zo e a zě ɖó te nú kɛntɔ́ towe lɛ́ɛ ní fyɔ́ yě.

Ezayíi 33:1

Heelú we, hwi mɛ e nɔ hɛn nǔ bǐ gblé, bɔ mɛ ɖé má ka nɔ hɛn hwɛ gblé ǎ é. Heelú we, hwi mɛ e nɔ flú mɛ, bɔ mɛ ɖé ma ka nɔ́ flú hwɛ ǎ é. Ényí a ko hɛn nǔ gblé fó ɔ́, è nǎ wá hɛn hwi lɔ gblé. A ko flú mɛ fó ɔ́, è nǎ wá flú hwi lɔmɔ̌.

Ezayíi 60:14

Mɛ e dó ya nú we ɖ'ayǐ lɛ́ɛ ɔ́, vǐ yětɔn lɛ́ɛ ná wá dó kɔ do ɖo gɔ̌n towe; mɛ e hu tɛ́ nú we ɖ'ayǐ lɛ́ɛ bǐ ná wá jɛ kpo ɖo akɔ́n towe mɛ, bó ná nɔ́ ylɔ́ we ɖɔ: ‘Toxo Mawu Mavɔmavɔ tɔn’, ‘Sinyɔ́ɔ mɛ mímɛ́ Izlayɛ́li tɔn ɔ́ tɔn.’

Ezayíi 60:18

È sɔ́ ná se dǎka xó ɖě ɖo to towe mɛ gbeɖé ǎ. È ka sɔ́ ná se nǔhɛngblé kpó nǔ nyanya dó sin kpó xó ɖě ɖo dogbó towe jí gbeɖé ǎ. A nǎ nɔ́ ylɔ́ ahohó towe lɛ́ɛ ɖɔ ‘Hwlɛngán’, bó ná nɔ́ ylɔ́ hɔntogbó towe lɛ́ɛ ɖɔ ‘Susu nú Mawu’.

Ezayíi 61:7

Mawu ɖɔ: “É sɔ́ ná nyí winnyá wɛ mi ná ɖu ǎ, susu ɖě ɖo ɖě jí wɛ mi ná xɔ; é sɔ́ ná nyí hɛ̌n wɛ mi ná ɖu ǎ, mi ná nɔ́ ɖo xó sú wɛ kpó awǎjijɛ kpó, ɖó kanta e ná nyí mitɔn é wú; énɛ́ ɔ́, ɖo to mitɔn mɛ ɔ́, nǔ e ɖó ná nyí mitɔn ɔ́ mɔ̌hunkɔ donu we wɛ è nǎ ná mi; awǎjijɛ mavɔ mavɔ wɛ ná nyí mitɔn.

Ezayíi 62:7

Mi ma ná gbɔjɛ́ Mawu Mavɔmavɔ ó; mi ma ná ɛ gbɔjɛ́ káká jɛ hwenu e é ná sɔ́ Jeluzalɛ́mu sí te bǐ dó é ó; mi ma ná ɛ gbɔjɛ́ káká jɛ hwenu e é ná sɔ́ Jeluzalɛ́mu dó bló mɛ e è nǎ nɔ́ kpa susu ná ɖo ayǐkúngban ɔ́ bǐ jí dó é ó.”

Jelemíi 30:16

Amɔ̌, mɛ e nɔ wá bɛ́ dɔkun mitɔn lɛ́ɛ bǐ ɖu lɛ́ɛ ɔ́, è nǎ bɛ́ dɔkun yětɔn lɛ́ɛ bǐ ɖu. Kɛntɔ́ towe lɛ́ɛ ɔ́, ahwan na wlí yě bǐ yi. Mɛ e nɔ fin nǔ towe lɛ́ɛ ɔ́, è nǎ fin nǔ yětɔn lɛ́ɛ. Mɛ e nɔ hɛn nǔ towe gblé lɛ́ɛ ɔ́, è nǎ hɛn nǔ yě lɔmɔ̌ tɔn gblé.

Jelemíi 30:19

Yě ná nɔ́ ji han dó dó kú, yě ná nɔ́ sú xó kpó awǎjijɛ kpó. Un ná bló bɔ yě ná gba kún, kún yětɔn ná ɖe kpo ǎ. Un ná sɔ́ yě su, mɛɖé sɔ́ ná gbɛ́ wán nú yě ǎ.

Jelemíi 31:8

É ɖíe un ná kplá yě sín to ɖé mɛ ɖo Taligbé wá. Un ná cyán yě gbɔn ayǐkúngban ɔ́ bǐ jí, bó kplé yě. Nukúntíntɔ́nnɔ kpó afɔkponɔ kpó ɖo yě mɛ; nyɔ̌nu xoxónɔ kpó nyɔ̌nu e vǐ tɔ́n é kpó ɖo yě mɛ. Togun ce ɔ́ bǐ wɛ ná lɛ́ kɔ wá fí.

Jelemíi 33:9

Hwenɛ́nu lo ɔ́, un ylɔ́ Jeluzalɛ́mu sín nyǐkɔ ɔ́, é ná nɔ́ víví nú mì. É wɛ un ná nɔ́ dó ba acɔ́ ná ɖo akɔta e ɖo ayǐkúngban ɔ́ jí lɛ́ɛ bǐ nukɔn. Hwenu e akɔta lɛ́ɛ na se ɖagbe e wa nú Jeluzalɛ́mu gbé un ja ɔ́, xɛsi ná ɖi yě, bɔ yě ná sísɔ́. Nú yě mɔ nyɔ̌ná e un ná Jeluzalɛ́mu ɔ́, kpó lě e nǔ tɔn lɛ́ɛ ɖo nukɔn yi gbɔn wɛ ɔ́ kpó ɔ́, ado ná hu yě.”

Jelemíi 46:28

Mɛsɛntɔ́ ce Izlayɛ́li, ma sɔ́ ɖi xɛsi ɖě ó, ɖó un ɖo kpɔ́ xá we. Togun e mɛ un gba mi dó gbɔn lɛ́ɛ ɔ́, un ná sú bǐ kún dó. Amɔ̌, hwɛ ɔ́, un ná sú kún towe dó ǎ, lo ɔ́, un dɔn tó nú we lě e é jɛ xá gbɔn é. Un sixú jó we dó xomɛvɔ́ wɛ a ɖe ɖɔhun ǎ.”

Ezekiyɛ́li 16:27

Énɛ́ ɔ́, un ɖe xomɛsin ce xlɛ́ we: un tɛ nǔɖuɖu we; un jó we nú kɛntɔ́ towe lɛ́ɛ, un jó we nú toxo Filisitɛ́ɛn lɛ́ɛ tɔn, ɖó Filisitɛ́ɛn lɛ́ɛ ɖésú ɔ́, nǔ blíblí e wa wɛ a ɖe ɔ́ nyɔ́ yě nukún mɛ ǎ.

Ezekiyɛ́li 16:57

a ko bló mɔ̌ cóbɔ è wǎ mɔ nǔ jɛ nǔ e dó sin wɛ a ɖe lɛ́ɛ wú. Din ɔ́, hwi wɛ Silíi toxo lɛ́ɛ kpó gletoxo yětɔn lɛ́ɛ kpó ná hu tɛ́ ná; Filisitɛ́ɛn lɛ́ɛ lɔ ná hu tɛ́ nú we; Filisitɛ́ɛn e lɛ́ lɛ̌ dó we bó nɔ́ ɖe xlɛ́ ɖɔ émí gbɛ́ wǎn nú we lɛ́ɛ ná hu tɛ́ nú we.

Ezekiyɛ́li 34:16

Lɛ̌ngbɔ́ ɖé bú ɔ́, un ná yi ba; un ná kplá éé zɛ ali é wá; un ná blá akpa nú lɛ̌ngbɔ́ e gblé wǔ é, bó ná ná hlɔ̌nhlɔ́n éé ɖo azɔn jɛ wɛ é. Amɔ̌, lɛ̌ngbɔ́ e kló dín, abǐ éé dó jǒ dín lɛ́ɛ ɔ́, un ná hu yě. Un ná kpé nukún dó lɛ̌ngbɔ́ ce lɛ́ɛ wú lě e sɛ́n zɔ́n gbɔn é.”

Ezekiyɛ́li 39:13

Mɛ e ɖo to ɔ́ mɛ lɛ́ɛ bǐ wɛ ná wa azɔ̌ énɛ́ ɔ́, bó ná xɔ susu ɖ'é mɛ gbe e gbe un ná ɖe susu ce xlɛ́ é; xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 39:26

Énɛ́ ɔ́, yě ná wɔn winnyá e mɛ hwɛ e yě hu dó mì ɔ́ dɔn yě dó é; yě ná lɛ́ wá nɔ to yětɔn mɛ, bó ná vo, yě sɔ́ ná ɖi xɛsi nú mɛɖé ǎ.

Micée 7:10

Kɛntɔ́ ce lɛ́ɛ ná mɔ nǔ e jɛ nɛ́ ɔ́, bɔ winnyá ná hu yě. Yě mɛ e nɔ kanbyɔ́ mì ɖ'ayǐ ɖɔ: “Fítɛ́ Mawu Mavɔmavɔ, Mawu towe ká ɖe” a jí lɛ́ɛ ɔ́, è nǎ gbídí yě ɖó afɔ wú lě e è nɔ ɖo zɔnlin ɖi wɛ bó nɔ́ gbídí babá ɖó afɔ wú é ɖɔhun, bɔ un ná mɔ kpó nukún ce lɛ́ɛ kpó, bó ná j'awǎ.

Sofoníi 3:15

Mawu Mavɔmavɔ ɖe hwɛ e è ɖǒ nú mi é síin. É nya kɛntɔ́ mitɔn lɛ́ɛ dó gbě. Mawu Mavɔmavɔ Izlayɛ́li xɔ́sú ɔ́ ɖo kpɔ́ xá mi, nǔ nyanya sɔ́ ná ɖó adohu nú mi ǎ.

Zakalíi 8:23

Hwenɛ́nu ɔ́, jǒnɔ wǒ ná tíin, bɔ yě mɛ ɖokpó ɖokpó ná dó gbe vovo: yě ná hɛn Jwifu ɖokpó sín awu ɖaxó sín tó majómájó bó dó hɛn ɛ ɖó te bó ná ɖɔ n'i ɖɔ: ‘Mǐ jló ná xwedó mi, ɖó mǐ se ɖɔ Mawu ɖo kpɔ́ xá mi.’ ”

Sɛ́nflínmɛ 26:19

Énɛ́ ɔ́, é ná bló bɔ mi ná hú gǎn togun e é kó bló lɛ́ɛ bǐ ɖo susu mɛ, ɖo ɖɛkpɛ mɛ; nyǐkɔ mitɔn ná nɔ aga nú yě bǐ, bɔ mi ná nyí togun e Mawu Mavɔmavɔ, Mawu mitɔn sɔ́ ɖó vo lě e é kó dó akpá tɔn nú mi gbɔn é.”

Eblée 12:13

Mi ɖe ali jlɔ́jlɔ́ bó gbɔn jí, bónú afɔ e ɖó blɔ̌ ɔ́ ní ma lílɛ́ ó; lo ɔ́, afɔ énɛ́ ní jɛ afɔ tɛnmɛ.

Nǔɖexlɛ́mɛ 20:9

Yě ɖíe gba kpé ayǐkúngban ɔ́ bǐ jí jǎwe e; yě xá mɛɖeɖóvo Mawu tɔn lɛ́ɛ sín ahwankpá ɔ́ bó xá toxo e Mawu yí wǎn ná é. Lo ɔ́ myɔ jɛ te sín jǐnukúnsin bó fyɔ́ yě.

Hwɛɖɔtɔ́ 1:7

Énɛ́ ɔ́, Adoni-Bɛzeki ɖɔ: “Nú un ɖo nǔ ɖu wɛ ɔ́, axɔ́sú e è sɛ́n alɔsú kpó afɔsú kpó ná lɛ́ɛ kanɖé gban (70) wɛ nɔ cyán nǔɖuɖu e nɔ hlɛ́n kɔn nyi ayǐ lɛ́ɛ ɖu. Nǔ e un nɔ wa ɔ́ sín axɔ́ wɛ Mawu sú mì.” È kplá Adoni-Bɛzeki yi Jeluzalɛ́mu, bɔ é kú ɖo fínɛ́.