Sofoníi 3:18 - MAWUXÓWÉMA

¹⁸ È nǎ ɖɔ xwe ɖu wɛ é ɖe.” Mawu Mavɔmavɔ ɖɔ: “Un sɔ́ ná sɛ́ nǔ nyanya dó mi ǎ. Un ná ɖe wunkpɛn nú mi.

Sofoníi 3:18 Iomraidhean Croise

Ɖɛhan 43:3

Sɛ́ wěziza towe kpódó gbejíninɔ towe kpó dó, bónú yě ná xlɛ́ ali mì, bó ná kplá mì yi só e a sɔ́ ɖó vo nú hwiɖée ɔ́ jí, bó kplá mì byɔ́ nɔtɛn towe.

Ɖɛhan 79:4

A sɔ́ mǐ dó húzú zuntín nú mɛ e ɖo akpá mǐtɔn lɛ́ɛ; mǐ húzú slǎmɛ ɖɔ nú, mǐ húzú nǔkiko nú mɛ e lɛ́ lɛ̌ dó mǐ lɛ́ɛ.

Jelemíi 23:3

“Lɛ̌ngbɔ́ ce e kpo lɛ́ɛ ɔ́, nyɛ ɖésú ná yi xo yě kplé gbɔn to e mɛ un fúnfún yě gbɔn lɛ́ɛ mɛ. Un na kplá yě wá kpó yětɔn mɛ, bɔ yě ná ji, bó ná gba kún.

Gbɛvíhan 1:4

Ali e è nɔ gbɔn yi Sinyɔ́ɔ lɛ́ɛ ɖo aluwɛ mɛ, mɛɖé sɔ́ nɔ́ yi ɖu xwe ɖo Sinyɔ́ɔ ǎ. È sɔ́ nɔ́ mɔ mɛɖé ɖo tokplétɛn lɛ́ɛ ǎ. Vɔ̌sánú-xwlémawutɔ́ Sinyɔ́ɔ tɔn lɛ́ɛ ɖo gbɛvo sa wɛ. Đyɔ̌vǐ Sinyɔ́ɔ tɔn lɛ́ɛ ɖo lele mɛ. Sinyɔ́ɔ ɖésú ɖo akpɔ mɔ wɛ.

Gbɛvíhan 1:7

Jeluzalɛ́mu ɔ́, hwenu e adǎn ɖo gbigbo e wɛ ɔ́, é tunwun fí e é ná yi é ǎ. Énɛ́ ɔ́, é wá flín nǔ ɖagbe ɖagbe e é ɖó ɖ'ayǐ xóxó lɛ́ɛ bǐ. Hwenu e togun tɔn jɛ kɛntɔ́ lɛ́ɛ lɔmɛ ɔ́, mɛ ɖěbǔ wá gɔ́ alɔ n'i ǎ. Kɛntɔ́ tɔn lɛ́ɛ nɔ́ kpɔ́n ɛ bó nɔ́ ko e, ɖó é gba.

Ezekiyɛ́li 34:13

Un ná yi kplá yě sín togun e mɛ yě ɖe lɛ́ɛ, un ná kplé yě sín to tɛnmɛ tɛnmɛ e mɛ yě ɖe lɛ́ɛ mɛ, bó kplá yě wá to yětɔn mɛ. Un ná kplá yě wá, bɔ yě ná nɔ ɖu ama gbɔn Izlayɛ́li só lɛ́ɛ jí, yě ná nɔ́ ɖu ama gbɔn tɔkpá tɔkpá, yě ná nɔ́ ɖu gbɔn fí e gbɛtɔ́ nɔ́ nɔ ɖo to ɔ́ mɛ lɛ́ɛ bǐ.

Ezekiyɛ́li 36:24

“Un ná ɖe mi sín akɔta ɖě lɛ́ɛ mɛ, un ná ɖe mi sín to ɖěvo ɖěvo e mɛ mi gba kpé gbɔn lɛ́ɛ mɛ, bó ná kplá mi wá to mitɔn mɛ.

Ezekiyɛ́li 9:4

bó ɖɔ n'i ɖɔ: “Gbɔn Jeluzalɛ́mu toxo ɔ́ bǐ mɛ, bó ɖó wuntun nukɔn nú mɛ e ɖo alě ná wɛ, bó ɖo wǔvɛ́ mɔ wɛ, ɖó nǔ baɖabaɖa e dó sin wɛ è ɖe ɖo toxo ɔ́ mɛ lɛ́ɛ wú lɛ́ɛ.”

Ozée 9:5

Ani wɛ mi ná bló ɖo kplézán ɖaxó ɔ́ gbe? Xwezán Mawu Mavɔmavɔ tɔn ɔ́ gbe ɔ́, ani wɛ mi ná bló?

Sofoníi 3:20

Hwenɛ́nu ɔ́, un ná kplá mi wá xwé, bó ná kplé mi ɖó kpɔ́. Mi ná mɔ lě e un ná húzú gbɛ mitɔn gbɔn é. Un ná ná susu mi, bɔ è nǎ nɔ mlá mi ɖo togun e ɖo ayǐkúngban jí fí lɛ́ɛ bǐ mɛ.” Mawu Mavɔmavɔ wɛ ɖɔ mɔ̌.