Sofoníi 3:16 - MAWUXÓWÉMA

¹⁶ Gbe énɛ́ gbe ɔ́, è nǎ ɖɔ nú Jeluzalɛ́mu ɖɔ: “Sinyɔ́ɔ, ma ɖi xɛsi ó, awakanmɛ ma kú we ó.

Sofoníi 3:16 Iomraidhean Croise

Jɔ̌bu 4:3

A kplɔ́n nǔ mɛ gěgé; a dǒ wǔsyɛ́n lanmɛ nú mɛ e awakanmɛ gbɔ́jɔ́ lɛ́ɛ.

Ezayíi 25:9

Gbe énɛ́ gbe ɔ́, è nǎ ɖɔ: “Mawu Mavɔmavɔ wɛ nyí Mawu mǐtɔn, é wɛ mǐ nɔ te kpɔ́n bɔ é wá hwlɛ́n mǐ gán. Nǔgbó wɛ; Mawu Mavɔmavɔ wɛ mǐ ɖó nukún; é wɛ nyí mɛhwlɛ́ngántɔ́ mǐtɔn; énɛ́ wú ɔ́, xomɛ ní hun mǐ, mǐ ní j'awǎ.

Ezayíi 40:9

Jeluzalɛ́mu togun, xá só ɖaxó ɖokpó jí. Sinyɔ́ɔ togun, sú xó kpó hlɔ̌nhlɔ́n towe bǐ kpó. È dǒ wɛn ɖagbe ɖé we. Sú xó bó dó wɛn ɔ́; ma ɖi xɛsi ó. Đɔ nú Judáa toxo lɛ́ɛ ɖɔ: “Mi kpɔ́n Mawu mitɔn.

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 44:2

Nyɛ Mawu Mavɔmavɔ wɛ ɖó we, nyɛ wɛ bló we dó nɔ towe xomɛ; nyɛ wɛ ja alɔ gɔ́ nú we gbé; xó e ɖɔ nú we wɛ un ɖe ɔ́ ɖíe: Jakɔ́bu togun, mɛsɛntɔ́ ce, Yeculunu , nyɛ wɛ sɔ́ we, ma ɖi xɛsi ó.

Ezayíi 54:4

Ma ɖi xɛsi ó, a sɔ́ ná ɖu winnyá ɖě ǎ; ayi towe ní má gbadó ó, wi towe sɔ́ ná kɔ́n ɖě ǎ. Winnyá e a ɖu ɖo wǐnnyáwínnyá mɛ ɔ́, a nǎ wɔn; hɛ̌n e a ɖu hwenu e a ɖo asúkúkúxɔmɛ ɔ́, a sɔ́ ná flín ɖě ǎ.

Jowɛ́li 2:21

Ayǐkúngban e, ma ɖi xɛsi ó. Xomɛ ní hun we, nú a nǐ j'awǎ, ɖó Mawu Mavɔmavɔ nɔ́ wa nǔ ɖaxó ɖaxó lɛ́ɛ.

Zakalíi 8:13

Axɔ́súɖuto Judáa tɔn kpódó Izlayɛ́li tɔn kpó e mi! Togun e è dǒ nu ɔ́ sín xlɛ́ wɛ mi ko nyí ɖ'ayǐ ɖo akɔta lɛ́ɛ tɛ́ntin. Amɔ̌, din ɔ́, un hwlɛ́n mi gán. Mi ná nyí togun nyɔ̌nánɔ ɖé sín xlɛ́. Mi ma sɔ́ ɖi xɛsi ó, mi kpan akɔ́n.”

Zakalíi 8:15

Amɔ̌, din ɔ́, un jó xó dó, bó ɖɔ un ná wa ɖagbe nú Jeluzalɛ́munu lɛ́ɛ; un ná wa ɖagbe nú Judáa togun ɔ́. Mi bo ma sɔ́ ɖi xɛsi ó.

Jǎan 12:12

Ayǐhɔ́ngbe tɔn ɔ́, yě mɛ wɔ̌buwɔ́bú e wá xwe ɖu gbé ɖo Jeluzalɛ́mu lɛ́ɛ se ɖɔ Jezu ja fínɛ́;

2 Kɔlɛ́ntinu 4:1

Mawu ɔ́, ɖo xomɛnyínyɔ́ tɔn mɛ ɔ́, é sɔ́ azɔ̌ énɛ́ dó así nú mǐ; énɛ́ ɔ́ wú wɛ awakanmɛ ma kú mǐ ǎ.

Galatinu 6:9

Hǔn awakanmɛ ní má kú mǐ dó nǔ ɖagbe wiwa wú ó. Đó nú awakanmɛ ma kú mǐ ǎ, bónú hwe tɔn nu wá su ɔ́, mǐ ná mɔ ajɔ tɔn yí.

Efɛ́zinu 3:13

Énɛ́ ɔ́ wútu ɔ́, un ɖo byɔ̌byɔ́ mi wɛ ɖɔ awakanmɛ ní ma kú mi dó wǔvɛ́ e mɔ wɛ un ɖe dó ta mitɔn mɛ é wú ó; ɖagbe mitɔn wú wɛ un ɖo wǔvɛ́ énɛ́ lɛ́ɛ mɔ wɛ.

Eblée 12:12

Mi bo sɔ́ alɔ mitɔn e kúyɛ lɛ́ɛ d'aga; mi ná hlɔ̌nhlɔ́n koli mitɔn e ɖo sísɔ́sísɔ́ wɛ lɛ́ɛ é.

Nǔɖexlɛ́mɛ 2:3

A ɖǒ suúlu; a mɔ wǔvɛ́ ɖó nyɛ wútu, bɔ awakanmɛ ka kú we ǎ.