Sofoníi 3:14 - MAWUXÓWÉMA

¹⁴ Sinyɔ́ɔnu lɛ́ɛ mi! Mi j'awǎ. Izlayɛ́li ví lɛ́ɛ mi! Mi sú xó bó kɛ awe. Jeluzalɛ́munu lɛ́ɛ mi! Mi hun xomɛ bo j'awǎ.

Sofoníi 3:14 Iomraidhean Croise

Nɛɛmíi 12:43

Gbe énɛ́ ɔ́ gbe ɔ́, è sá vɔ̌ nú Mawu kpɔ́ gégé, bɔ mɛ bǐ ɖo awǎ jɛ wɛ, ɖó Mawu sɔ́ awǎjijɛnú ɖaxó ɖokpó dó así nú togun tɔn. Nyɔ̌nu lɛ́ɛ kpó yɔkpɔ́vú lɛ́ɛ kpó lɔmɔ̌ ɖo awǎ jɛ wɛ, bɔ awǎ e jɛ wɛ yě ɖe ɖo Jeluzalɛ́mu, bó ɖo xó sú wɛ ɔ́, è nɔ se ɖo zɔ.

Ɖɛhan 14:7

É jló mì tawun ɖɔ hwlɛngán ní gosín Sinyɔ́ɔ wá nú Izlayɛ́li. Mawu Mavɔmavɔ ná lɛ́ fɔ́n togun tɔn sí te. É ná víví nú Jakɔ́bu ví lɛ́ɛ kpɔ́n! Izlayɛ́li ví lɛ́ɛ ná j'awǎ kpɔ́n!

Ɖɛhan 149:2

Izlayɛ́li, j'awǎ ɖó mɛ e ɖó we é wú. Sinyɔ́ɔ ví lɛ́ɛ mi, Xomɛ ní hun mi ɖó axɔ́sú mitɔn wú.

Ɖɛhan 97:8

Mawu Mavɔmavɔ, Sinyɔ́ɔ toxo ɔ́ se nǔ e a wa é, bɔ xomɛ hun i; Judáa gletoxo lɛ́ɛ ɖo awǎ jɛ wɛ, ɖó lě e a gbo hwɛ gbɔn é wú.

Ezayíi 12:6

Sinyɔ́ɔnu lɛ́ɛ mi, mi ɖe awǎjijɛ mitɔn xlɛ́! Mi sú xó kpó xomɛhunhun kpó, ɖó mɛ e ɖo gɔ̌n mitɔn ɔ́, Mawu mímɛ́ Izlayɛ́li tɔn ɔ́, nǔ ɖaxó wɛ.

Ezayíi 29:19

Mɛ e nɔ sɔ́ yěɖée hwe lɛ́ɛ ɔ́, yě ná nɔ́ ɖo awǎ jɛ dó awǎ jí wɛ ɖó Mawu Mavɔmavɔ wú. Wamamɔnɔ gǔdo gúdo tɔn lɛ́ɛ ɔ́, xomɛ ɖaxó ɖé ná nɔ́ hun yě ɖó Mɛ Mímɛ́ Izlayɛ́li tɔn ɔ́ wú.

Ezayíi 35:2

Folówa ní gbɔn to ɔ́ bǐ mɛ, bónú xomɛ ní hun to ɔ́; to ɔ́ ní sú xó kpó awǎjijɛ kpó. É ná nyɔ́ ɖɛkpɛ Libáan só lɛ́ɛ ɖɔhun; é ná nyɔ́ ɖɛkpɛ Kaamɛ́li só ɔ́ ɖɔhun; é ná nyɔ́ ɖɛkpɛ ayǐkúngban wɛnjɛ Calɔ́ni tɔn ɖɔhun. Énɛ́ ɔ́, mɛ bǐ ná mɔ susu Mawu Mavɔmavɔ tɔn, hǐnhɔ́n Mawu mǐtɔn tɔn.

Ezayíi 37:22

Xó e Mawu Mavɔmavɔ ɖɔ dó Senakelíbu wú ɔ́ ɖíe: Senakelíbu, ɖyɔ̌vǐ nyɔ̌nu ɖo alɔ jí Jeluzalɛ́mu ɖo tɛ́ hu nú we wɛ. É ɖo cícá we ko wɛ. Đyɔ̌vǐ Jeluzalɛ́mu nɔ kpɔ́n we, bó nɔ́ húnhún ta.

Ezayíi 40:1

Mawu mitɔn ɖɔ: “Mi dó wǔsyɛ́n lanmɛ nú togun ce. Mi dó wǔsyɛ́n lanmɛ n'i.

Ezayíi 40:9

Jeluzalɛ́mu togun, xá só ɖaxó ɖokpó jí. Sinyɔ́ɔ togun, sú xó kpó hlɔ̌nhlɔ́n towe bǐ kpó. È dǒ wɛn ɖagbe ɖé we. Sú xó bó dó wɛn ɔ́; ma ɖi xɛsi ó. Đɔ nú Judáa toxo lɛ́ɛ ɖɔ: “Mi kpɔ́n Mawu mitɔn.

Ezayíi 51:11

Mawu Mavɔmavɔ ná hwlɛ́n mɛ e nyí étɔn lɛ́ɛ gán, bɔ yě ná lɛ́ kɔ wá Jeluzalɛ́mu, yě ná byɔ́ toxo ɔ́ mɛ kpó awǒbóbó kpó, yě ná ɖo awǎjijɛ mɛ tɛgbɛ, yě ná ɖo xomɛhunhun kpó awǎjijɛ kpó mɛ hwebǐnu, bɔ azɔnwinwɛn kpó nǔ linlin kpó ná gosín gbɛzán yětɔn mɛ.

Ezayíi 52:9

Dǒglin Jeluzalɛ́mu tɔn lɛ́ɛ mi, mi sú xó bó j'awǎ, ɖó Mawu Mavɔmavɔ ɖo wǔsyɛ́n dó lanmɛ nú togun tɔn wɛ. É ɖe Jeluzalɛ́mu sín mɛ kannu.

Ezayíi 54:1

Jeluzalɛ́mu, hwi mɛ e nyí wɛnsinɔ ɔ́, hwi mɛ e ma ji vǐ kpɔ́n ǎ ɔ́, hwi mɛ e ma mɔ wǔvɛ́ ɖo ajidonu kpɔ́n ǎ ɔ́, sú xó bó j'awǎ. Đó Mawu Mavɔmavɔ ɖo ɖiɖɔ nú we wɛ ɖɔ: “Hwi mɛ e asú towe gbɛ́ we ɔ́, a nǎ ɖó vǐ hú nyɔ̌nu e ɖo asúxwé é.”

Jelemíi 30:19

Yě ná nɔ́ ji han dó dó kú, yě ná nɔ́ sú xó kpó awǎjijɛ kpó. Un ná bló bɔ yě ná gba kún, kún yětɔn ná ɖe kpo ǎ. Un ná sɔ́ yě su, mɛɖé sɔ́ ná gbɛ́ wán nú yě ǎ.

Jelemíi 31:13

“Énɛ́ ɔ́, xomɛ ná hun ɖyɔ̌vǐ lɛ́ɛ bɔ yě ná ɖú we; xomɛ ná hun dɔ̌nkpɛvú lɛ́ɛ kpó mɛxó lɛ́ɛ lɔmɔ̌ kpó. Un ná sɔ́ aluwɛ yětɔn dó húzú awǎjijɛ; un ná súnsún ɖasin nú yě ɖo wǔvɛ́ yětɔn lɛ́ɛ mɛ, yě ká mɔ wǔvɛ́ fó ɔ́, un ná ná awǎjijɛ ɖaxó yě.

Jelemíi 33:11

Amɔ̌, din ɔ́, è nǎ lɛ̌ se bɔ è nǎ ɖo xwe ɖu wɛ bó ɖo awǎ jɛ wɛ, bó ná lɛ́ se mɛ e wlí alɔ yɔ̌yɔ́ lɛ́ɛ ɖo han ji wɛ. È nǎ lɛ́ se bɔ mɛ lɛ́ɛ ná ɖo han ji wɛ ɖɔ: ‘Mi kpa Mawu Mavɔmavɔ, Nǔbǐwúkpétɔ́ ɔ́, ɖó é nyɔ́. Wǎn yíyí tɔn ɖó dogbó ǎ.’ È nǎ lɛ́ se mɛ lɛ́ɛ ɖo han ji wɛ xwe vɔ̌ sá gbé ɖo Mawu Mavɔmavɔ xwé. Đó nyɛ Mawu Mavɔmavɔ ná lɛ́ sɔ́ to élɔ́ ɖó lě e é kó ɖe ɖ'ayǐ é.” Mawu Mavɔmavɔ wɛ ɖɔ mɔ̌.

Jowɛ́li 2:23

Sinyɔ́ɔnu lɛ́ɛ mi, mi hun xomɛ bo j'awǎ ɖo Mawu Mavɔmavɔ, Mawu mitɔn mɛ, ɖó é su jǐ hwenu ɔ́, é ná sɛ́ jǐ dó mi. É ná sɛ́ xwejí dó mi, bó ná sɛ́ zǒjí dó mi, lě e é ko nɔ bló gbɔn ɖ'ayǐ xóxó é.

Micée 4:8

Bɔ hwi Jeluzalɛ́mu ɔ́, hwi só e ɖo toxo ɔ́ cɔ́ wɛ mɛ ɖo tocɔ́kpe jí ɖɔhun ɔ́, a nǎ lɛ́ wá mɔ acɛkpikpa towe xóxó ɔ́ yí zaanɖé din; a nǎ lɛ́ húzú axɔ́súɖuto Mawu tɔn sín tota.”

Matíe 21:9

Mɛ e ɖo nukɔn nú Jezu lɛ́ɛ kpódó mɛ e ɖo gǔdo n'i lɛ́ɛ kpán nɔ́ ɖo xó sú wɛ, bó nɔ́ ɖɔ: “Ozána nú Davídi ví! Susu nú mɛ e jǎwe ɖo Aklúnɔ nyǐkɔ mɛ é! Ozána! Susu nú Mawu Ajalɔ̌nlɔn ɖo jǐxwé!”