Sofoníi 3:13 - MAWUXÓWÉMA

¹³ Mɛ e ná kpo ɖo gbɛ ɖo Izlayɛ́li lɛ́ɛ sɔ́ ná wa nǔ agɔ ɖě ǎ; yě sɔ́ ná ɖó adingban ɖě ǎ; yě sɔ́ ná zé ɖɛ̌ yětɔn dó blɛ́ mɛ ná ǎ. Yě ná ɖu nǔ, bó ná dɔ́ amlɔ, bɔ mɛ ɖěbǔ ná dó xɛsi nú yě ǎ.”

Sofoníi 3:13 Iomraidhean Croise

2 Tan 20:30

Énɛ́ ɔ́, axɔ́súɖuto Jozafáti tɔn ɔ́ mɔ agbɔ̌n, ɖó Mawu tɔn ná ɛ ayij'ayǐ gbɔn fí bǐ.

Jɔ̌bu 11:19

Ényí a ɖo gbigbɔjɛ́ wɛ ɔ́, mɛ ɖěbǔ ná wa dó tagba nú we ǎ; é nyɔ́ wa ɔ́, yě ná nɔ́ nyi ahwan wá gɔ̌n towe, bó ná ɖíɖɔ́ wǔ nú we.

Ɖɛhan 119:3

Mɛ énɛ́ lɛ́ɛ ɔ́, yě nɔ́ wa nǔ agɔ ǎ, ali Mawu tɔn jí wɛ yě nɔ́ gbɔn.

Ɖɛhan 120:2

“Mawu Mavɔmavɔ, xɔ mì ɖo adingbannɔ lɛ́ɛ sí, hwlɛ̌n mì ɖo mɛblɛ́tɔ́ lɛ́ɛ sí.”

Ɖɛhan 120:3

Mi mɛblɛ́tɔ́ lɛ́ɛ ɔ́, étɛ́ Mawu ka ná wa xá mi? Nɛ̌ é ká ná dɔn tó nú mi gbɔn?

Ɖɛhan 23:2

Fí e ama zɔ́n ɖe ɔ́ wɛ é nɔ́ kplá mì yi, bɔ un nɔ gbɔjɛ́; sin e fá ɔ́ kɔn wɛ é nɔ́ kplá mì yi.

Ezayíi 17:2

Toxo Alowɛ́ɛ tɔn lɛ́ɛ ɔ́, è nǎ ɖe alɔ sín yě wǔ káká sɔ́yi. Toxo énɛ́ lɛ́ɛ ná húzú kanlin lɛ́ɛ tɔn; kanlin lɛ́ɛ ná nɔ́ wá dɔ́ toxo énɛ́ lɛ́ɛ mɛ, bɔ mɛ ɖěbǔ ná dó tagba nú yě ǎ.

Ezayíi 35:8

Fí énɛ́ wɛ ali ɖaxó ɖokpó ná gbɔn, bɔ è nǎ ylɔ́ ɖɔ “Ali mímɛ́”. Mɛ blíblí ɖokpó ná sixú gbɔn ali énɛ́ jí ǎ. Hunsɛntɔ́ ɖě ká ná gbɔn fínɛ́ ǎ. Mawu sín togun ɔ́ kɛ́ɖɛ́ tɔn wɛ é ná nyí, bɔ é nǎ nɔ́ gbɔn jí.

Ezayíi 54:14

A nǎ nɔ́ xwedó hwɛjijɔ dó wa nǔ; mɛ ɖěbǔ sɔ́ ná dó tagba nú we ǎ; a sɔ́ ná ɖi xɛsi nú nǔɖé ǎ; mɛ ɖěbǔ sɔ́ ná nɔ́ dó adohuhu nú we ǎ; ado sɔ́ ná hu we ǎ.

Ezayíi 6:13

Ényí mɛ e ɖo to ɔ́ mɛ lɛ́ɛ vlɔ̌ɖówǒ kpo ɖo to ɔ́ mɛ ɔ́, mɛ énɛ́ lɛ́ɛ ná ji zo. Amɔ̌, lě e è nɔ gbo telebɛ́ntitín abǐ cɛ́nitín, bɔ ta tɔn nɔ kpo ɖo do mɛ ɔ́, mɛ ywɛywɛ e ná kpo ɖo togun ɔ́ mɛ ɔ́ ná dó kún mímɛ́.

Ezayíi 60:21

Mɛ e ɖo togun towe mɛ lɛ́ɛ bǐ ná nɔ́ se tónú nú mì. To élɔ́ ná nyí yětɔn káká sɔ́yi; nyi wɛ sɔ́ alɔ ce dó bló yě bónú yě ná ɖe susu ce xlɛ́; yě cí atín e nyi ɖésúnɔ tun é ɖɔhun.

Ezayíi 63:8

Mawu ɖɔ dó Izlayɛ́li ví lɛ́ɛ wú ɖɔ: “Togun ce wɛ yě nyí. Vǐ e má ná flú mì ǎ lɛ́ɛ wɛ yě nyǐ.” Ée é ɖɔ mɔ̌ ɔ́, é hwlɛ́n yě.

Ezayíi 65:10

Ayǐkúngban wɛnjɛ Calɔ́ni tɔn ná húzú amagbo nú gbɔ̌ lɛ́ɛ, bɔ tɔdo Akɔ́ɔ tɔn ná húzú fí e nyibú togun ce tɔn lɛ́ɛ ná nɔ́ nɔ é, nyibú togun ce e ná lɛ́ kɔ wá gɔ̌n ce lɛ́ɛ tɔn ná nɔ é.

Jelemíi 23:4

Un na fɔ lɛ̌ngbɔ́nyitɔ́ ɖagbe ɖó lɛ̌ngbɔ́ ce lɛ́ɛ nu, bɔ yě ná nɔ kplá yě yi amagbo mɛ, yě sɔ́ ná ɖi xɛsi nú nǔɖé ǎ; awě ɖě sɔ́ ná xo yě ǎ, yě ɖěbǔ ná hwe ǎ. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 30:10

Mawu Mavɔmavɔ ɖɔ: “Togun ce Izlayɛ́li, ado ma hu we o! Mi togun ce, mi Jakɔ́bu ví lɛ́ɛ, mi ma ɖi xɛsi ó. Đó, un ná hwlɛ́n mi gán sín to ma yá to énɛ́ mɛ, un ná hwlɛ́n vǐ mitɔn lɛ́ɛ gán sín to e mɛ ahwan wlí yě yi é. Jakɔ́bu ví lɛ́ɛ ná lɛ́ kɔ wá, bó ná gbɔjɛ́, bó ná vo; mɛ ɖěbǔ ná dó tagba nú yě ǎ.

Jelemíi 31:33

Mawu Mavɔmavɔ ɖɔ: “Azǎn énɛ́ lɛ́ɛ gúdo ɔ́, akɔ e un ná jɛ xá Izlayɛ́li togun ɔ́ ɖíe: Un ná wlán sɛ́n ce dó taglo yětɔn mɛ, un ná wlán dó ayi yětɔn mɛ. Un ná nyí Mawu yětɔn, bɔ yě ná nyí togun ce.

Ezekiyɛ́li 39:26

Énɛ́ ɔ́, yě ná wɔn winnyá e mɛ hwɛ e yě hu dó mì ɔ́ dɔn yě dó é; yě ná lɛ́ wá nɔ to yětɔn mɛ, bó ná vo, yě sɔ́ ná ɖi xɛsi nú mɛɖé ǎ.

Levíi ví 26:6

Un ná bló bɔ ayi ná j'ayǐ nú mi ɖo to ɔ́ mɛ. Nú mi dɔ́ amlɔ zǎn mɛ ɔ́, mɛ ɖěbǔ ná wá dó tagba nú mi ǎ. Un ná bló bɔ adǎnkanlin lɛ́ɛ bǐ ná gosín to ɔ́ mɛ. È nǎ wá fun ahwan xá mi ɖo to mitɔn mɛ ǎ.

Micée 4:4

Mɛ ɖokpó ɖokpó ná vo ɖo vǐwuntín tɔn kpó fígitín tɔn kpó sá, bɔ mɛ ɖěbǔ sɔ́ ná ɖe bó ná gba ayi dó nú yě ǎ. Xó e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.

Micée 4:7

Un ná kplé afɔkponɔ lɛ́ɛ, bónú togun ɔ́ ná lɛ́ fɔ́n. Un ná zé yě mɛ e ɖo gbejí lɛ́ɛ dó bló togun syɛ́nsyɛ́n ɖé, bɔ nyɛ Mawu Mavɔmavɔ ɔ́ ná ɖu axɔ́sú ɖo yě nu, ɖo Sinyɔ́ɔ só ɔ́ jí, sín hwenɛ́nu káká sɔ́yi.

Micée 7:14

Mawu Mavɔmavɔ, zě lɛ̌ngbɔ́nyitɔ́ kpogɛ towe dó kplá togun towe ná, ɖó é ɖo zɔ ɖo ayǐkúngban e jí nǔɖé má nɔ nyɔ́ ɖe ǎ é, có ayǐkúngban ɖagbe kɛ́ɖɛ́ wɛ ka lɛ́ lɛ̌ dó e, kplá ɛ yi ayǐkúngban ɖagbe ɖagbe Basáni tɔn kpó Galadi tɔn kpó jí, lě e a ko nɔ wa gbɔn ɖ'ayǐ é.

Sofoníi 2:7

Ayǐkúngban énɛ́ ɔ́ ná húzú Judáa ví e kpo ɖo gbɛ lɛ́ɛ tɔn, bɔ kanlin yětɔn lɛ́ɛ ná nɔ́ wá ɖu ama ɖo fínɛ́, bɔ gbadanu su ɔ́, yě ná nɔ́ yi dɔ́ xwé gbe, ɖo Acikelɔ́ni. Đó Mawu Mavɔmavɔ, Mawu yětɔn ná jɛ hun dó yě jí, bó ná zé nǔ e ɖo yě gbo wɛ é dó húzú ɖagbe nú yě.

Sofoníi 3:5

Nǔ ɖo mɔ̌ có, Mawu Mavɔmavɔ ɖo toxo ɔ́ mɛ; é nɔ́ wa nǔ jlɔ́jlɔ́; é nɔ́ wa nǔ nyanya ǎ. Mawu nɔ́ ɖɔ hwɛ xá mɛ ayǐhɔ́ngbe ayǐhɔ́ngbe dó jlɔ̌jlɔ́ jí. É gblá gbeɖé ǎ. É ɖo mɔ̌ bló wɛ có winnyá hú dǎnúwatɔ́ lɛ́ɛ ǎ, yě kpo ɖo dǎka yětɔn xo wɛ.

Zakalíi 8:12

Un ná kɔn fífá nyi ayǐkúngban ɔ́ jí. Vǐwuntín lɛ́ɛ ná nɔ́ sɛ́n, ayǐkúngban ná ná jinukún. Jǐ ná ja ɖésú. Un ná ná nyɔ̌ná énɛ́ lɛ́ɛ bǐ mɛ e kpo ɖo gbɛ ɖo togun ce mɛ lɛ́ɛ.

Zakalíi 8:16

Lě e mi ɖó ná wa nǔ gbɔn ɔ́ ɖíe: Mɛ ɖokpó ɖokpó ní nɔ́ ɖɔ nǔgbó nú nɔzo tɔn. Hwɛɖɔxɔsá mitɔn lɛ́ɛ ní nɔ́ ɖɔ hwɛ jlɔ́jlɔ́, bó vɔ́ fífá ɖó ayǐ.

Zakalíi 8:3

Énɛ́ ɔ́ wú wɛ un ɖo ɖiɖɔ wɛ ɖɔ un lɛ́ kɔ wá Jeluzalɛ́mu. Un lɛ́ wá jɛ Sinyɔ́ɔ. È nǎ nɔ ylɔ́ Jeluzalɛ́mu ɖɔ ‘Toxo e ɖo gbejí ɔ́’, bó ná nɔ́ ylɔ́ Sinyɔ́ɔ, só ce ɖɔ ‘Só mímɛ́’.

Matíe 13:41

Nyɛ Gbɛtɔ́ví ɔ́ ná sɛ́ wɛnsagun ce lɛ́ɛ dó, bɔ yě ná wá bɛ́ hwɛmɛdɔnmɛdótɔ́ lɛ́ɛ bǐ kpódó nǔnyanyawatɔ́ lɛ́ɛ kpó sín axɔ́súɖuto Mawu tɔn mɛ,

Jǎan 1:47

Đěe Jezu mɔ Natanayɛ́li jǎwe ɔ́, é ɖɔ dó wútu tɔn ɖɔ: “Mi kpɔ́n! Izlayɛ́li ví titewungbe ɖokpó ɖíe; é nɔ hízí nǔ ǎ.”

Kolósinu 3:9

Mi ma nɔ ɖó nǔvú nú miɖée ó, ɖó mi ko ɖe gbɛtɔ́ xóxó e mi nyí ɖ'ayǐ ɔ́ kpódó walɔ tɔn lɛ́ɛ bǐ kpán nyi ayǐ;

1 Piyɛ́ɛ 3:14

Ényí é ná bó byɔ́ ɖɔ mi ná ji ya ɖó mi ɖo nǔ jlɔ́jlɔ́ wa wɛ wú hǔn, nǔ nyɔ́ nú mi. Mi ma ɖi xɛsi ɖěbǔ nú gbɛtɔ́ lɛ́ɛ ó; mi ma ka jó miɖée dó nú è gba ayi dó nú mi ó.

1 Jǎan 5:18

Mǐ tunwun ɖɔ mɛ e nyí Mawu tɔn ɔ́ ɖěbǔ kún sɔ́ nɔ kpo ɖo hwɛ hu wɛ ó, ɖó Mawu ví ɔ́ cyɔ́n alɔ jǐ tɔn, bɔ Mɛnyanya ɔ́ sɔ́ nɔ kpé nǔ ɖěbǔ wú bó nɔ wa n'i ǎ.

Nǔɖexlɛ́mɛ 14:5

È se yě ɖó adingban kpɔ́n gbeɖé ǎ; blɔ̌ ɖěbǔ ɖo yě wú ǎ.

Nǔɖexlɛ́mɛ 21:27

Amɔ̌ nǔblíblí ɖěbǔ ná byɔ́ toxo énɛ́ mɛ ǎ; mɛ e nɔ jó éɖée dó nú suɖunú kpó adingban kpó ɔ́, ɖě ná byɔ́ toxo énɛ́ mɛ ǎ. Mɛ e sín nyǐkɔ e è nǎ wlán dó gbɛwéma e nyí Lɛ̌ngbɔ́ví ɔ́ tɔn ɔ́ mɛ lɛ́ɛ kɛ́ɖɛ́ wɛ ná byɔ́ toxo ɔ́ mɛ.

Nǔɖexlɛ́mɛ 21:8

Amɔ̌ nǔvɔ́nɔ lɛ́ɛ ɔ́, nǔmaɖitɔ́ lɛ́ɛ ɔ́, suɖutɔ́ lɛ́ɛ ɔ́, mɛhutɔ́ lɛ́ɛ ɔ́, agalɛtɔ́ lɛ́ɛ ɔ́, majíkiblótɔ́ lɛ́ɛ ɔ́, vodúnsɛntɔ́ lɛ́ɛ kpódó adingbannɔ lɛ́ɛ bǐ kpán ɔ́, tɛn yětɔn ná nɔ myɔ togotogo e mɛ hwemí ɖo jiji ɖe wɛ é mɛ; é wɛ nyí kú wegɔ́ ɔ́.”