Sofoníi 3:12 - MAWUXÓWÉMA

¹² Mɛ e ɖo togun towe mɛ, bó má ɖó nǔɖé ǎ, bó nɔ́ zé yěɖée hwe, bó nɔ́ byɔ́ mì ɖɔ nyi ní nya xɛ ɖo émí jí lɛ́ɛ ɔ́, un ná jó yě dó nyi togun ɔ́ mɛ.

Sofoníi 3:12 Iomraidhean Croise

Ɛsidlási 9:8

Amɔ̌, din ɔ́, Mawu Mavɔmavɔ, Mawu mǐtɔn, a blǒ bɔ mǐ mɛ e kpo ɖo gbɛ ɖo togun mǐtɔn mɛ lɛ́ɛ ɖě lɛ́ kɔ wá nɔ ayǐkúngban towe mímɛ́ ɔ́ jí nú hwenu kpɛɖé. A blǒ mɔ̌ bó dó ɖe nyɔ̌ná towe xlɛ́ mǐ. Énɛ́ ɔ́, hwɛ Mawu mǐtɔn ɔ́, a blǒ bɔ nukún mɛ mǐtɔn lɛ́ jɛ ayǐ. A lɛ́ ná gbɛ kpɛɖé mǐ ɖo fí e mǐ ɖe ɖo kannumɔgbénu é.

Ɖɛhan 37:40

Mawu Mavɔmavɔ nɔ gɔ́ alɔ nú yě, bó nɔ́ hwlɛ́n yě; é nɔ́ yí yě sín mɛdídá lɛ́ɛ sí, bó nɔ́ hwlɛ́n yě gán, ɖó é wɛ yě nɔ́ hɔn yi su.

Ezayíi 14:30

Énɛ́ ɔ́, mɛ e nyí wamamɔnɔ gǔdo tɔn ɔ́ ná mɔ nǔ ɖu kanlin e ɖo amagbo mɛ é ɖɔhun. Mɛ e ma ɖó mɛɖé ǎ lɛ́ɛ sín ayi ná jɛ ayǐ bɔ yě ná vo. Amɔ̌, mi Filisitɛ́ɛn lɛ́ɛ ɔ́, un ná sɔ́ adɔ dó vɔ donu mitɔn bǐ, mɛ mitɔn e ná kpo ɖo gbɛ lɛ́ɛ ɔ́, un ná hu yě bǐ.

Ezayíi 14:32

Xó tɛ́ mǐ ká ná ɖɔ nú mɛsɛ́dó Filisitíi tɔn lɛ́ɛ? Mǐ nǎ ɖɔ sɛ́ dó yě ɖɔ: “Mawu Mavɔmavɔ ɖésú wɛ ɖó Sinyɔ́ɔ toxo ɔ́ ayǐ, fínɛ́ wɛ wamamɔnɔ e ɖo togun tɔn mɛ lɛ́ɛ ná mɔ gǎnjɛwú syɛ́nsyɛ́n ɔ́ ɖe.”

Ezayíi 29:19

Mɛ e nɔ sɔ́ yěɖée hwe lɛ́ɛ ɔ́, yě ná nɔ́ ɖo awǎ jɛ dó awǎ jí wɛ ɖó Mawu Mavɔmavɔ wú. Wamamɔnɔ gǔdo gúdo tɔn lɛ́ɛ ɔ́, xomɛ ɖaxó ɖé ná nɔ́ hun yě ɖó Mɛ Mímɛ́ Izlayɛ́li tɔn ɔ́ wú.

Ezayíi 50:10

Ényí mɛɖé ɖo mi mɛ, bó nɔ́ ɖó sísí nú Mawu Mavɔmavɔ hǔn, mɛ ɔ́ ní nɔ́ ɖótó mɛsɛntɔ́ tɔn. Ényí mɛ ɖé ɖo zɔnlin ɖi wɛ ɖo ablu mɛ, bó má mɔ nukúnnú ɖěbǔ ǎ hǔn, mɛ ɔ́ ní sɔ́ éɖée jó nú Mawu Mavɔmavɔ, é ní gán jɛ Mawu tɔn wú.

Ezayíi 6:13

Ényí mɛ e ɖo to ɔ́ mɛ lɛ́ɛ vlɔ̌ɖówǒ kpo ɖo to ɔ́ mɛ ɔ́, mɛ énɛ́ lɛ́ɛ ná ji zo. Amɔ̌, lě e è nɔ gbo telebɛ́ntitín abǐ cɛ́nitín, bɔ ta tɔn nɔ kpo ɖo do mɛ ɔ́, mɛ ywɛywɛ e ná kpo ɖo togun ɔ́ mɛ ɔ́ ná dó kún mímɛ́.

Jelemíi 17:7

Nǔ nyɔ́ nú mɛ e ɖeji dó nyɛ Mawu Mavɔmavɔ wú é, mɛ e gán jɛ nyɛ Mawu Mavɔmavɔ wú ɔ́, nǔ tɔn nyɔ́.

Jelemíi 50:20

Nyɛ Mawu Mavɔmavɔ ɖɔ: azǎn énɛ́ lɛ́ɛ mɛ ɔ́, è na ba nǔ e Izlayɛ́li wa nyi do ɔ́ kpo. È nǎ mɔ hwɛ e Judáa hu ɔ́ ǎ, ɖó un ná zé hwɛ kɛ mɛ e un ná jó dó nyi gbɛ lɛ́ɛ. Xó e nyɛ Mawu Mavɔmavɔ ɖɔ ɔ́ nɛ́.

Ezekiyɛ́li 6:8

Amɔ̌, un ná bló bɔ mi mɛɖé lɛ́ɛ ná gán ɖo ahwan ɔ́ mɛ, bɔ yě mɛ énɛ́ lɛ́ɛ e má cí ahwan ǎ lɛ́ɛ ná gba kpé to ɖěvo ɖěvo lɛ́ɛ mɛ.

Micée 5:6

Izlayɛ́li ví e kpo ɖo gbɛ ɖo kannumɔgbénu lɛ́ɛ ná ɖo to gěgé tɛ́ntin, bó ná cí ahǔn e Mawu Mavɔmavɔ nɔ sɛ́ dó bɔ é nɔ wa ɖagbe nú gbɛtɔ́ lɛ́ɛ ɔ́ ɖɔhun. É nɔ ɖó nukún gbɛtɔ́ ǎ, é ká ná ɖo gbɛtɔ́ sín acɛ mɛ ǎ.

Naxúmu 1:7

Mawu Mavɔmavɔ nyɔ́, bibɛtɛn wɛ é nyí ɖo adǎngbomɛ hwenu. É tunwun mɛ e nɔ sɔ́ yěɖée dó así n'i lɛ́ɛ.

Zakalíi 11:11

Gbe énɛ́ ɔ́ gbe wɛ un gba akɔ e un jɛ xá yě ɔ́, bɔ lɛ̌ngbɔ́satɔ́ e ɖo kpínkpɔ́n mì wɛ lɛ́ɛ mɔ ɖɔ Mawu Mavɔmavɔ wɛ ɖo xó ɖɔ wɛ gbɔn nǔ e wa wɛ un ɖe lɛ́ɛ mɛ.

Zakalíi 11:7

Ée Mawu Mavɔmavɔ ɖɔ mɔ̌ nú mì ɔ́, un jɛ nukún kpé dó lɛ̌ngbɔ́ e lɛ̌ngbɔ́satɔ́ lɛ́ɛ sɔ́ ɖo te bɔ è nǎ wá kplá yi lanhutɛn lɛ́ɛ wú jí. Lɛ̌ngbɔ́ énɛ́ lɛ́ɛ sín gbɛ blá wǔ hú ɖě lɛ́ɛ bǐ tɔn. Un zé lɛ̌ngbɔ́nyitɔ́kpogɛ we: un sun nyǐ kpogɛ ɔ́ ɖokpó ɖɔ “Fɛ́nú”, bó sun nyǐ wegɔ́ ɔ́ ɖɔ “Bǔninɔ”, bó jɛ nukún kpé dó lɛ̌ngbɔ́ lɛ́ɛ wú jí.

Matíe 11:5

Nukúntíntɔ́nnɔ lɛ́ɛ ɖo nukúnnú mɔ wɛ; sékúnɔ lɛ́ɛ ɖo zɔnlin ɖi wɛ; gudunɔ lɛ́ɛ sín wǔtu ɖo te jɛ wɛ; tókúnɔ lɛ́ɛ ɖo nǔ se wɛ; è ɖo mɛkúkú lɛ́ɛ fɔ́n wá gbɛ wɛ, bó ɖo Wɛn Ɖagbe ɔ́ jlá wamamɔnɔ lɛ́ɛ wɛ.

Matíe 12:21

Bɔ akɔta lɛ́ɛ bǐ na ɖó nukún i.”

Matíe 5:3

Nǔ nyɔ́ nú mɛ e nyí wamamɔnɔ ɖo ayi mɛ lɛ́ɛ, ɖó yětɔn wɛ nyí axɔ́súɖuto sɛ́xwé tɔn.

Hlɔ̌manu 15:12

Ezayíi lɔ ɖɔ: “Mɛ ɖé ná tɔ́n sín Jɛsée kún mɛ, bó ná wá; é ná sí te, bó ná ɖu axɔ́sú ɖo akɔta e ma nyí Jwifu ǎ lɛ́ɛ bǐ nu; é wɛ ná nyí nukúnɖíɖó akɔta e ma nyí Jwifu ǎ lɛ́ɛ bǐ tɔn.”

Jaki 2:5

Nɔví ce vívɛ́ná lɛ́ɛ mi, mi ɖótó: Mawu cyán wamamɔnɔ gbɛ élɔ́ mɛ tɔn lɛ́ɛ, bónú yě ná nyí dɔkunnɔ ɖo nǔɖiɖi mɛ, bó ná nyí axɔ́súɖuto e sín akpá e é dó nú mɛ e yí wǎn n'i lɛ́ɛ ɔ́ sín vǐ.

1 Piyɛ́ɛ 1:21

É jí wɛ mi gbɔn bó ɖi nǔ nú Mawu e fɔ́n ɛ sín kú, bó sɔ́ ɛ su é; énɛ́ ɔ́, nǔɖiɖi mitɔn kpó nukúnɖíɖó mitɔn kpó ɖo Mawu jǐ.