Sofoníi 3:11 - MAWUXÓWÉMA

¹¹ Mawu Mavɔmavɔ ɖɔ: “Togun ce, gbe énɛ́ gbe ɔ́, nǔ nyanya e a wa lɛ́ɛ, hwɛ e a hu dó mì lɛ́ɛ sɔ́ ná nyí winnyá nú we ǎ. Un ná ɖe mɛ e ɖo go yí wɛ lɛ́ɛ sín tɛ́ntin towe, bɔ a sɔ́ ná nɔ́ tɛ afɔ ayǐ ɖě ɖo só mímɛ́ ce jí ǎ.

Sofoníi 3:11 Iomraidhean Croise

Ɖɛhan 131:1

È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Mawu Mavɔmavɔ, un nɔ yí go ǎ, un nɔ mɔ nyiɖée ǎ, un nɔ dó nukún kɛn ǎ, nǔ e hú gǎn mì ɔ́ nɔ́ jló mì ǎ.

Ɖɛhan 49:5

Un nɔ ɖótó nǔ e nǔnywɛ́tɔ́ lɛ́ɛ nɔ́ kplɔ́n mɛ é; è nǎ ɖo kanhún xo wɛ, bɔ un ná tínmɛ d'é mɛ.

Ɖɛhan 59:12

Aklúnɔ, ma hu yě din tlóló ó, togun ce táá wɔn lě e a kpé nǔ wú gbɔn é. Aklúnɔ gǎglónú mǐtɔn, zě hlɔ̌nhlɔ́n towe dó dán yě bó zin yě dɛ́,

Ezayíi 11:9

È nǎ wa nǔ nyanya ɖěbǔ ǎ, è nǎ hɛn nǔ ɖěbǔ gblé ɖo só mímɛ́ tɔn jí ǎ, ɖó Mawu Mavɔmavɔ tunwuntunwun ná gɔ́ to ɔ́, lě e sin gɔ́ xuzan jí é ɖɔhun.

Ezayíi 2:12

Mawu Mavɔmavɔ Nǔbǐwúkpétɔ́ ɔ́ zé azǎn ɖokpó ɖó te, bó ná ɖó hwɛ nú mɛ e nɔ mɔ éɖée é, mɛ e nɔ yí go é, mɛ e nɔ zé éɖée su é bó ná sɔ́ ɛ hwe.

Ezayíi 45:17

Amɔ̌, Izlayɛ́li togun ɔ́, Mawu Mavɔmavɔ hwlɛ́n ɛ gán káká sɔ́yi. Mi mɛ e nyí togun tɔn ɔ́, mi sɔ́ ná ɖu winnyá gbeɖé ǎ, wi mitɔn ɖě sɔ́ ná kɔ́n gbeɖé ǎ.

Ezayíi 5:15

Énɛ́ ɔ́ wú wɛ gbɛtɔ́ lɛ́ɛ bǐ ɖó ná jɛ kpo bó dó nu do. Gbɛtɔ́ e nɔ ɖo kɔ tɛ wɛ ɔ́ ná dó kɔ do.

Ezayíi 54:4

Ma ɖi xɛsi ó, a sɔ́ ná ɖu winnyá ɖě ǎ; ayi towe ní má gbadó ó, wi towe sɔ́ ná kɔ́n ɖě ǎ. Winnyá e a ɖu ɖo wǐnnyáwínnyá mɛ ɔ́, a nǎ wɔn; hɛ̌n e a ɖu hwenu e a ɖo asúkúkúxɔmɛ ɔ́, a sɔ́ ná flín ɖě ǎ.

Ezayíi 56:7

un ná kplá yě bǐ wá só mímɛ́ ce jí; un ná ná awǎjijɛ ɖaxó ɖé yě ɖo xwé ce gbe, fí e è nɔ xo ɖɛ ɖe é. Un ná yí vɔ̌ e yě ná sá nú mì ɖo vɔ̌sákpe ce jí lɛ́ɛ, kpódó nǔ e yě ná ná mì lɛ́ɛ kpó. Đó xwé ce ɔ́, è nǎ ylɔ́ ɖɔ: ‘Đɛxwé togun lɛ́ɛ bǐ tɔn.’ ”

Ezayíi 61:7

Mawu ɖɔ: “É sɔ́ ná nyí winnyá wɛ mi ná ɖu ǎ, susu ɖě ɖo ɖě jí wɛ mi ná xɔ; é sɔ́ ná nyí hɛ̌n wɛ mi ná ɖu ǎ, mi ná nɔ́ ɖo xó sú wɛ kpó awǎjijɛ kpó, ɖó kanta e ná nyí mitɔn é wú; énɛ́ ɔ́, ɖo to mitɔn mɛ ɔ́, nǔ e ɖó ná nyí mitɔn ɔ́ mɔ̌hunkɔ donu we wɛ è nǎ ná mi; awǎjijɛ mavɔ mavɔ wɛ ná nyí mitɔn.

Jelemíi 13:9

Xó e é ɖɔ ɔ́ ɖíe: “Lě e gǒjíblánú ɔ́ gblé gbɔn ɔ́, mɔ̌ wɛ un ná kɔ́n wi sín ta nú Judáa bɔ é ná gblé; un ná kɔ́n wi ɖaxó e ɖo ta nú Jeluzalɛ́mu ɔ́ síin.

Jelemíi 7:4

Mɛblɛ́blɛ́ sín xó e sú wɛ è nɔ ɖe, bo nɔ ɖɔ: ‘Xwé e gbe Mawu Mavɔmavɔ nɔ nɔ ɔ́ ɖíe ɖo fí e, Mawu Mavɔmavɔ xwé ɔ́ ɖíe, fí e Mawu Mavɔmavɔ xwé ɔ́ ɖe ɔ́ jɛ́n ɖíe’ é ɔ́, mi ma gán jɛ wú ó.

Ezekiyɛ́li 20:40

Ɖó só mímɛ́ ce jí, só ɖaxó e ɖo Izlayɛ́li e jí wɛ Izlayɛ́li to ɔ́ bǐ ná wá sɛn mì ɖe; fínɛ́ wɛ mi mɛ e ná ɖo Izlayɛ́li lɛ́ɛ ná wá sɛn mì ɖe. Xó e nyɛ Aklúnɔ Mavɔmavɔ ɖɔ é nɛ́. Un ná yí mi kpó xomɛ kpó ɖo fínɛ́. Un ná ɖo te kpɔ́n ɖɔ mi ná hɛn nǔ e nyɔ́ hú nǔ bǐ ɖo nǔ e ɖo mi sí lɛ́ɛ mɛ lɛ́ɛ wá nú mì ɖo fínɛ́, bó ná ɖo te kpɔ́n nǔ e mi ná hɛn dó wá sá vɔ̌ nú mì lɛ́ɛ bǐ ɖo fínɛ́. Un ná yí nǔníná mitɔn lɛ́ɛ, kpó nǔ e nyɔ́ hú nǔ bǐ ɖo nǔ e mi wá xwlé mì lɛ́ɛ mɛ lɛ́ɛ kpó.

Ezekiyɛ́li 24:21

Izlayɛ́li ví lɛ́ɛ é ɖíe: ‘Nyɛ Aklúnɔ Mavɔmavɔ ɔ́, xwé ce e mi yí wǎn ná ganjí ɔ́, un ná jó dó bɔ è nǎ ɖu su ná; xwé énɛ́ wú wɛ mi ka nɔ ɖo gǔgó wɛ; mi mɔ xwé énɛ́ ɔ́, é nɔ́ víví nú mi; é wɛ nyí nǔ e mi ɖó nukún é. Vǐ mitɔn súnnu kpó nyɔ̌nu kpó e mi jó dó nyi Jeluzalɛ́mu lɛ́ɛ ɔ́, è nǎ hu bǐ.

Daniyɛ́li 9:16

Aklúnɔ, lɛ̌ jɛ ɖagbe towe lɛ́ɛ wa nú mǐ jí. Ma sɔ́ xomɛsin ɖaxó énɛ́ dó kpɔ́n Jeluzalɛ́mu, toxo towe, só mímɛ́ towe ná ó. Agɔ e mǐ jɛ lɛ́ɛ kpó hwɛ e tɔgbó mǐtɔn lɛ́ɛ hu lɛ́ɛ kpó zɔ́n bɔ akɔta e lɛ́ dó mǐ lɛ́ɛ ɖo zun ɖe ɖo Jeluzalɛ́mu kpó togun towe kpó wú wɛ.

Daniyɛ́li 9:20

“Un kpo ɖo ɖɛ xo wɛ, bó kpo ɖo hwɛ ce lɛ́ɛ kpódó ée togun ce Izlayɛ́li hu ɔ́ kpó ɖɔ nú Mawu Mavɔmavɔ, Mawu ce wɛ. Un sa vo n'i dó só mímɛ́ tɔn tamɛ.

Micée 3:11

Hwɛɖɔtɔ́ lɛ́ɛ ɔ́, mɛ e dó nǔ nu nú yě ɔ́ sín hwɛ wɛ nɔ jɔ. Vɔ̌sánú-xwlémawutɔ́ lɛ́ɛ nɔ yí akwɛ́ ɖo mɛ sí, cóbó nɔ kplɔ́n Mawusɛ́n lɛ́ɛ mɛ. Gbeyíɖɔ Mawu tɔn lɛ́ɛ nɔ yí akwɛ́ ɖo mɛ sí cóbó nɔ dó Mawu sín wɛn mɛ. Nǔ ɖo mɔ̌ bɔ yě bǐ ká nɔ glá bó nɔ ɖɔ Mawu Mavɔmavɔ tɔn wɛ émí nyí, ɖɔ Mawu Mavɔmavɔ ɖo kpɔ́ xá émí, ɖɔ nǔ nyanya ɖěbǔ kún ná wa émí ó.

Kɛ́nsísɔ́ 16:3

Yě kplé lɛ́ lɛ̌ dó Mɔyízi kpó Aalɔ́ɔn kpó, bó ɖɔ nú yě ɖɔ: “É kpé mɔ̌ lo! Đó mǐ mɛ e ɖo Izlayɛ́li sín togun ɔ́ mɛ lɛ́ɛ bǐ wɛ nyí Mawu Mavɔmavɔ tɔn, bɔ Mawu Mavɔmavɔ ɖo mǐ bǐ tɛ́ntin. Aniwú wɛ mi nɔ mɔ ɖɔ émí hú gǎn mɛ e ɖo togun Mawu Mavɔmavɔ tɔn mɛ lɛ́ɛ bǐ?”

Matíe 3:9

Mi ma vɛdó ɖɔ ée émí ko nyí Ablaxámu ví kpowun ɔ́, é ko kpé wɛ sín ó. Ɖó, ma ɖɔ nú mi, awǐnnya e mɔ wɛ mi ɖe nɛ́ lɛ́ɛ ɔ́, Mawu hɛn ɔ́, é ná sɔ́ yě dó húzú vǐ nú Ablaxámu.

Hlɔ̌manu 2:17

Amɔ̌, hwɛ ɔ́, a ɖɔ émí nyí Jwifu; a gǎn jɛ sɛ́n lɛ́ɛ wú, bó nɔ xɔ susu ɖó Mawu towe wú.

Hlɔ̌manu 9:33

Awǐnnya énɛ́ xó wɛ Mawuxówéma ɔ́ ɖɔ bó ɖɔ: “Éɖíe! Un dó awǐnnya e wú è nɔ klɛ́n afɔ dó, bó nɔ fún sa é ɖokpó do nyi Sinyɔ́ɔ; awǐnnya ɖé wɛ bó nɔ́ zin mɛ dɛ́; amɔ̌ mɛ e ɖi nǔ n'i ɔ́ ná ɖu winnyá ǎ.”

1 Piyɛ́ɛ 2:6

Đó nǔ e Mawuxówéma ɔ́ ɖɔ ɔ́ ɖíe: “Un sɔ́ awǐnnya xɔ akwɛ́ ɖokpó, bó ɖo do dó wɛ din ɖo Sinyɔ́ɔ, bɔ é nyí awǐnnya e ɖo zwe jí é, bɔ mɛ e ɖi nǔ n'i ɔ́ ná ɖu winnyá ǎ.”