Sofoníi 3:10 - MAWUXÓWÉMA

¹⁰ Mɛ e nɔ sɛn mì lɛ́ɛ, yě mɛ e un gba dó lɛ́ɛ ɔ́, yě ná hɛn nǔ wá ná mì. Yě sixú gosín tɔsisa Etiopíi tɔn lɛ́ɛ gúdo.”

Sofoníi 3:10 Iomraidhean Croise

Ɖɛhan 68:31

Gbɛ̌ nǔ nú Ejípu, Ejípu gběkanlin e nɔ́ nɔ fɛ́n kan mɛ é. Gbɛ̌ nǔ nú akɔta lɛ́ɛ; yě nyibúsú e dó ahwan gbě, yě kpó nyibúví yětɔn lɛ́ɛ kpó é; gbɛ̌ nǔ nú yě káká bónú yě bǐ wá jɛ kpo ɖo nukɔn towe kpó kpatágan yětɔn lɛ́ɛ kpó. Gba togun e yí wǎn nú ahwanfunfun lɛ́ɛ dó.

Ezayíi 11:11

Gbe énɛ́ gbe ɔ́, Aklúnɔ ná lɛ́ vɔ́ zán hlɔ̌nhlɔ́n tɔn, bó ná xɔ gbɛ nú mɛ e kpo ɖo gbɛ ɖo togun tɔn mɛ lɛ́ɛ: é ná xɔ gbɛ nú mɛ e kpo ɖo gbɛ ɖo Asilíi lɛ́ɛ, mɛ e kpo ɖo gbɛ ɖo Ejípu lɛ́ɛ, mɛ e kpo ɖo gbɛ ɖo Patlɔ́si lɛ́ɛ, mɛ e kpo ɖo gbɛ ɖo Nubíi lɛ́ɛ, mɛ e kpo ɖo gbɛ ɖo Elámu lɛ́ɛ, mɛ e kpo ɖo gbɛ ɖo Babilɔ́nu lɛ́ɛ, mɛ e kpo ɖo gbɛ ɖo Hamáti lɛ́ɛ, kpó mɛ e kpo ɖo gbɛ ɖo tɔtɛ́ntinto mɛ lɛ́ɛ kpó.

Ezayíi 11:12

É ná zé asyá ɖokpó dó jǐ, bó ná xlɛ́ akɔta énɛ́ lɛ́ɛ ɖɔ émí ná kplé Izlayɛ́li ví e ahwan wlí yi toɖěvo mɛ lɛ́ɛ, kpó Judáanu e gba kpé wɛ̌kɛ́zo ɛnɛ lɛ́ɛ mɛ lɛ́ɛ kpó.

Ezayíi 18:1

Heelú to e mɛ nǔvínúví awanɔ gɔ́ é! To ɔ́ gbɔn Etiopíi tɔ lɛ́ɛ tó káká yi.

Ezayíi 18:7

É jɛ hwenɛ́nu lo ɔ́, è nǎ hɛn nǔ, bó wá ná Mawu Mavɔmavɔ Nǔbǐwúkpétɔ́ ɔ́ dó togun énɛ́ tamɛ: togun e mɛ gbɛtɔ́ sakasaka wǔtu ɖíɖíɖíɖí lɛ́ɛ ɖe ɔ́, togun énɛ́ e nɔ́ dó adohu nú gbɛtɔ́ e ɖo gbɛ ɔ́ mɛ lɛ́ɛ bǐ é, togun syɛ́nsyɛ́n énɛ́ e nɔ ɖo kɛntɔ́ tɔn lɛ́ɛ nyínyɛ́ wɛ é, togun énɛ́ e tɔ ɖo to yětɔn má wɛ é. È nǎ hɛn nǔ énɛ́ lɛ́ɛ wá fí e Mawu Mavɔmavɔ Nǔbǐwúkpétɔ́ ɔ́ nɔ́ nɔ ɖo Sinyɔ́ɔ só ta é.

Malacíi 1:11

Sín zǎnzǎnhwe jí káká wá yi gbadahwe jí ɔ́, gbɛtɔ́ e ɖo ayǐkúngban ɔ́ jí lɛ́ɛ bǐ wɛ tunwun susu ce. Fí bǐ wɛ è nɔ dó zǎlínkpɔ́n zo ɖe dó ta ce mɛ, bó nɔ́ hɛn vɔ̌sánú e jɛ xá mì lɛ́ɛ wá nú mì ɖe. Nǔgbó wɛ, akɔta lɛ́ɛ tunwun susu ce.

Jǎan 7:35

Bɔ vɔ̌sánú-xwlémawutɔ́gán lɛ́ɛ jɛ ɖiɖɔ jí ɖo yěɖée tɛ́ntin ɖɔ: “Fítɛ́ nya élɔ́ ka jló ná yi, bɔ mǐ ma sɔ́ ná mɔ ɛ ǎ? É jló ná yi gɔ́ nú Jwifu e gba kpé Glɛ̌sinu lɛ́ɛ mɛ lɛ́ɛ, bó ná kplɔ́n nǔ Glɛ̌sinu lɛ́ɛ wɛ a?

Mɛsɛ́dó 24:17

“Hwenu e un yi xɔ xwe mɔ̌kpán ɖo gbějí, bó lɛ́ kɔ wá Jeluzalɛ́mu ɔ́, un hɛn akwɛ́ bó ná dó dó alɔ mɛ ce lɛ́ɛ, bó ná lɛ́ xwlé vɔ̌sánú Mawu.

Mɛsɛ́dó 8:27

Filípu ka sí te, bó ɖidó. Nya agooɖojǐe Etiopíinu ɖé ka yi sɛn Mawu ɖo Jeluzalɛ́mu, bó lɛ́ kɔ wá xwe xwé. Nya énɛ́ ɔ́, axɔ́súzɔ́watɔ́ ɖaxó wɛ, bó nɔ́ kpɔ́n axɔ́sú nyɔ̌nu Etiopíi tɔn sín dɔkun lɛ́ɛ bǐ jǐ; é ɖo ayǐjínjɔ́n ɖo kɛkɛ́ví tɔn mɛ, bó ɖo nǔ xa wɛ, ɖo gbeyíɖɔ Mawu tɔn Ezayíi sín wěma mɛ.

Hlɔ̌manu 15:16

bɔ un nyí mɛsɛntɔ́ Klísu Jezu tɔn ɖo togun e ma nyí Jwifu ǎ lɛ́ɛ tɛ́ntin ɔ́ wútu. Wɛn Ɖagbe Mawu tɔn e jlá wɛ un ɖe ɔ́, vɔ̌sánú-xwlémawutɔ́zɔ́ dó wa ná wɛ un ɖe, bó ɖo wiwa wɛ, bónú togun e ma nyí Jwifu ǎ lɛ́ɛ ná húzú vɔ̌sánú e nɔ́ nyɔ́ Mawu nukún mɛ, bɔ Yɛsinsɛn sɔ́ ɖó vo nú Mawu é.

1 Piyɛ́ɛ 1:1

Nyɛ mɛsɛ́dó Jezu Klísu tɔn Piyɛ́ɛ wɛ wlán wěma élɔ́ sɛ́ dó mi mɛcyáncyán Mawu tɔn e nyí jǒnɔ ɖo ayǐkúngban jí, bó gba kpé Pɔ́ɔn kpó Galati kpó, Kapadɔ́si kpó Azíi kpó, kpódó Bitiníi kpán sín tokpɔn mɛ lɛ́ɛ é.