Sofoníi 2:9 - MAWUXÓWÉMA

⁹ Énɛ́ ɔ́ wútu wɛ Mawu Mavɔmavɔ Nǔbǐwúkpétɔ́ ɔ́, Mawu Izlayɛ́li tɔn ɔ́ zin alɔ dó akɔ́n bó ɖɔ: “Un ɖɔ bo tɛ afɔ jí ɖɔ Mɔwabu to ɔ́ kpó Amumɔ́ɔ to ɔ́ kpó ná gba Sodɔ́mu kpó Gomɔ́ɔ kpó ɖɔhun . To yětɔn ná húzú gbětótló káká sɔ́yi. Wunkan kpó jɛ kpó kɛ́ɖɛ́ jɛ́n è nǎ nɔ mɔ ɖo fínɛ́. Mɛ e ná kpo ɖo gbɛ ɖo togun ce mɛ lɛ́ɛ ná wá fɔ nǔ yětɔn lɛ́ɛ, bó ná yí to yětɔn.”

Sofoníi 2:9 Iomraidhean Croise

Ezayíi 11:14

Yě bǐ ná zɔn kpɔ́, bó zun dó Filisitɛ́ɛn lɛ́ɛ jí ɖo gbadahwe jí, bó ná lɛ́ zɔn kpɔ́ bó yi fɔ akɔta e ɖo gbětótló mɛ lɛ́ɛ sín nǔ ɖo zǎnzǎnhwe jí. Yě ná gbló ada nú acɛkpikpa yětɔn yi Edɔ́mu kpó Mɔwabu kpó, bɔ Amumɔ́ɔ ví lɛ́ɛ ná nɔ acɛ yětɔn mɛ.

Ezayíi 25:10

Mawu Mavɔmavɔ ná cyɔ́n alɔ Sinyɔ́ɔ só ɔ́ jí.” Lo ɔ́, Mawu Mavɔmavɔ ná gbídí Mɔwabu ɖó afɔ wú ɖo tɛndo ɖokpó mɛ, lě e è nɔ bɛ́ sɛníyɔ dó zunkɔ́ sín do mɛ, bó nɔ́ gbídí é ɖɔhun.

Ezayíi 49:18

Kpɔ́n gǔdo bó kpɔ́n nukɔn, kpɔ́n aɖisí bó kpɔ́n amyɔ: vǐ towe lɛ́ɛ bǐ ɖo yěɖée sɛ kplé wɛ bó ja gɔ̌n towe. Nyɛ Mawu Mavɔmavɔ ɖɔ: Un xwlé nyiɖée nú we: jɛ̌ wɛ vǐ towe lɛ́ɛ ná nyí ɖo kɔ nú we; sɔ́nyijí e nyɔ̌nu e xwe asúxwé yɔ̌yɔ́ é nɔ́ gbá é wɛ yě ná nyí ɖo alin nú we.

Jelemíi 46:18

Nyɛ mɛ e nyǐkɔ ce nɔ́ nyí Mawu Mavɔmavɔ Nǔbǐwúkpétɔ́ ɔ́, un xwlé gbɛ nyi ɖésúnɔ tɔn nú mi ɖɔ: lě e Tabɔ́ɔ só ɔ́ hú ga só lɛ́ɛ bǐ, lě e Kaamɛ́li só ɔ́ hú ga xu ɔ́, kɛntɔ́ e ná hú ga mi ɔ́ ja; nǔɖé ná húzú ǎ.

Jelemíi 48:1

Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ dó Mɔwabu wú é ɖíe: “Awě tɛ́ ɖíe ká xo mɛ e ɖo Nɛbo toxo ɔ́ mɛ lɛ́ɛ e! È gba toxo yětɔn bǐ. Ahwi xo Kiliyatayimu toxo ɔ́, din ɔ́, kɛntɔ́ lɔ mɛ wɛ é ɖe. Ahwi xo toxo énɛ́ e mɛ kɛntɔ́ ma nɔ́ sixú byɔ́ gbeɖé ǎ é, é ɖu winnyá, è gba to ɔ́ bǐ.

Jelemíi 49:1

Xó e Mawu Mavɔmavɔ ɖɔ dó Amumɔ́ɔ ví lɛ́ɛ wú ɔ́ ɖíe: “Izlayɛ́li sɔ́ ɖó vǐ e ná ɖu toxo énɛ́ lɛ́ɛ sín gǔ ɔ́ ɖě ǎ wɛ a? Étɛ́wú vodún Milukɔ́mu ka klá jɛ Gadi yíkúngban ɔ́ nu ɖo Izlayɛ́li mɔ̌? Étɛ́wú Amumɔ́ɔ ví lɛ́ɛ wá cí toxo e ɖo Gadi yíkúngban jí lɛ́ɛ mɛ?”

Jelemíi 49:18

Lě e Sodɔ́mu kpó Gomɔ́ɔ kpó, kpódó toxo e ɖo akpá yětɔn lɛ́ɛ kpó gba bó hánnyá gbɔn ɔ́ wɛ é ná cí. Mɛ ɖěbǔ sɔ́ ná nɔ to ɔ́ mɛ ǎ, mɛɖé sɔ́ ná zɛ ali gbɔn fínɛ́ ǎ.” Xó e Mawu Mavɔmavɔ ɖɔ ɔ́ nɛ́.

Jelemíi 49:33

Hasɔ́ɔ́ ná húzú adɔ̌tɛn nú avǔn gbě tɔn lɛ́ɛ; é ná húzú gbětótló, bó ná jɛ vɔ̌, lobo ná nɔ mɔ̌ káká sɔ́yi. Mɛ ɖěbǔ sɔ́ na nɔ to ɔ́ mɛ ǎ, mɛɖé sɔ́ ná zɛ ali gbɔn fínɛ́ ǎ.”

Jelemíi 50:40

Lě e Sodɔ́mu kpó Gomɔ́ɔ kpó, kpódó toxo e ɖo akpá yětɔn lɛ́ɛ kpó gba bó hánnyá gbɔn ɔ́ ɖɔhun wɛ Babilɔ́nu ná cí. Mɛ ɖěbǔ sɔ́ ná nɔ toxo ɔ́ mɛ ǎ, mɛɖé sɔ́ ná zɛ ali gbɔn fínɛ́ ǎ. Xó e nyɛ Mawu Mavɔmavɔ ɖɔ ɔ́ nɛ́.

Amɔ́si 1:13

Mawu Mavɔmavɔ ɖɔ: “Amumɔ́ɔ ví lɛ́ɛ ɔ́, nǔ e yě wa nyi do bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Đó yě jló ná gbló ada nú to yětɔn, bɔ é sín énɛ́ wú, bɔ yě zɛ nyɔ̌nu Galadinu e ɖo xo lɛ́ɛ sín adɔgo. Nǔ e wú un ma ná lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Amɔ́si 2:1

Mawu Mavɔmavɔ ɖɔ: “Mɔwabunu lɛ́ɛ ɔ́, nǔ e yě wa nyi do, bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Yě dǒ axɔ́sú Edɔ́mu tɔn ɔ́ sín xú lɛ́ɛ zo, bɔ xú lɛ́ɛ fyɔ́ bǐ gúnmígúnmí . Nǔ e wú un ma ná lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Sofoníi 2:14

Kanlin lɛ́ɛ ná wá sá xwé gbɔn Ninívu toxo ɔ́ bǐ mɛ. Kanlin tɛnmɛ tɛnmɛ lɛ́ɛ bǐ wɛ ná kplé ɖo fínɛ́. Kwlele kpódó ajijá kpó ná ɖo azakpo lɛ́ɛ jí. Xɛ ná nɔ́ ɖo finfan wɛ ɖo flɛtɛ́li lɛ́ɛ nu. È nǎ kó mɔ lě e xwé ɔ́ gba gbɔn ɔ́ sín gbɛnde mɛ. Sɛ́dlu sín xwlɛ e è dǒ ɖó acɔ́ nú xɔ lɛ́ɛ ná é bǐ nǎ sún wá yi.

Sofoníi 2:7

Ayǐkúngban énɛ́ ɔ́ ná húzú Judáa ví e kpo ɖo gbɛ lɛ́ɛ tɔn, bɔ kanlin yětɔn lɛ́ɛ ná nɔ́ wá ɖu ama ɖo fínɛ́, bɔ gbadanu su ɔ́, yě ná nɔ́ yi dɔ́ xwé gbe, ɖo Acikelɔ́ni. Đó Mawu Mavɔmavɔ, Mawu yětɔn ná jɛ hun dó yě jí, bó ná zé nǔ e ɖo yě gbo wɛ é dó húzú ɖagbe nú yě.

Sofoníi 3:13

Mɛ e ná kpo ɖo gbɛ ɖo Izlayɛ́li lɛ́ɛ sɔ́ ná wa nǔ agɔ ɖě ǎ; yě sɔ́ ná ɖó adingban ɖě ǎ; yě sɔ́ ná zé ɖɛ̌ yětɔn dó blɛ́ mɛ ná ǎ. Yě ná ɖu nǔ, bó ná dɔ́ amlɔ, bɔ mɛ ɖěbǔ ná dó xɛsi nú yě ǎ.”

Zakalíi 2:13

Alɔ ce ná jɛ akɔta énɛ́ lɛ́ɛ wú, bɔ yě ná jɛ mɛ e kó nyí kannumɔ yětɔn ɖ'ayǐ lɛ́ɛ sín alɔ mɛ.” Hwe énɛ́ ɔ́ nu ɔ́, mi ná tunwun ɖɔ Mawu Mavɔmavɔ Nǔbǐwúkpétɔ́ ɔ́ wɛ sɛ́ mì dó nǔgbó.

Kɛ́nsísɔ́ 14:21

Amɔ̌, nyɛ Mawu Mavɔmavɔ ɔ́, un ɖo gbɛ, bɔ susu ce kpé ayǐkúngban ɔ́ bǐ jǐ.

Hlɔ̌manu 14:11

Đó Mawuxówéma ɔ́ ɖɔ: “Nyɛ Aklúnɔ gbɛɖe ɔ́, un tɛ ɖɛ̌ jí ɖɔ: gbɛtɔ́ lɛ́ɛ bǐ ná jɛ kpo ɖo nukɔn ce, bɔ mɛ ɖokpó ɖokpó ná zé gbe yi jǐ, bó ɖɔ nyɛ Aklúnɔ ɔ́ wɛ nyí Mawu.”

Sɛ́nflínmɛ 29:22

“Ayǐkúngban e ɖo to ɔ́ mɛ ɔ́ hwemí kpó jɛ kpó hɛn bǐ gblé. È sixú dó nǔɖé ɖo to ɔ́ mɛ ǎ; atín ɖo to ɔ́ mɛ ǎ, ama ɖěbǔ ɖo to ɔ́ mɛ ǎ, bɔ é cí Sodɔ́mu kpó Gomɔ́ɔ kpó ɖɔhun, bó cí Adima kpó Sevoyímu kpó ɖɔhun. Toxo énɛ́ lɛ́ɛ ɔ́, xomɛ ɖaxó ɖé wɛ Mawu Mavɔmavɔ sin bó gba bǐ.”

Sɛ́nflínmɛ 29:23

Mɛ e ɖo akɔta ɖě lɛ́ɛ mɛ lɛ́ɛ bǐ ná sú xó, bó ɖɔ: “Étɛ́wú Mawu Mavɔmavɔ ka wa to élɔ́ nú gbɔn lě. Étɛ́wú xomɛ ɖaxó énɛ́ ká sin i.”