Sofoníi 2:8 - MAWUXÓWÉMA

⁸ Mawu Mavɔmavɔ ɖɔ: “Un se Mɔwabu ví lɛ́ɛ kpó Amumɔ́ɔ ví lɛ́ɛ kpó ɖo togun ce ko wɛ, bó ɖo slǎmɛ ɖɔ wǔ tɔn wɛ. Yě zun togun ce, yě kán ayǐkúngban tɔn dó yětɔn jí.”

Sofoníi 2:8 Iomraidhean Croise

Bǐbɛ́mɛ 19:37

Mɛxó ɔ́ ja vǐ ji gbé bó ji vǐ súnnu ɖokpó, bó sun nyǐ i ɖɔ Mɔwabu. É wɛ nyí Mɔwabunu lɛ́ɛ sín tɔ́gbó. Togun yětɔn kpo ɖo te káká wá jɛ égbé.

Bǐbɛ́mɛ 19:38

Mɛ kpɛví ɔ́ lɔmɔ̌ ja vǐ ji gbé bó ji vǐ súnnu ɖokpó, bó sun nyǐ i ɖɔ Bɛni-Amíi; é wɛ nyí Amumɔ́ɔ ví lɛ́ɛ sín tɔ́gbó . Togun yětɔn kpo ɖo te káká wá jɛ égbé.

Ezayíi 15:1

Xó e Mawu ɖɔ dó Mɔwabu jí é ɖíe: È sɔ́ zǎn ɖokpó ɖó te bó gba Aa-Mɔwabu, zǎn ɖokpó mɛ kpowun ɔ́, è ba ɛ kpo. È sɔ́ zǎn ɖokpó ɖó te bó gba Kíi-Mɔwabu, zǎn ɖokpó mɛ kpowun ɔ́, è ba ɛ kpo.

Ezayíi 16:6

Mǐ se lě do Mɔwabu nɔ yí go sɔ é, lě do é nɔ́ tɛ afɔ ayǐ sɔ é, lě do é nɔ́ ɖɔ mɛjɔmɛ sɔ é, lě do é nɔ́ dó nukúnkɛn sɔ é, lě do é nɔ́ flé nu sɔ é.

Jelemíi 12:14

Xó e Mawu Mavɔmavɔ ɖɔ dó togun dídá e lɛ́ lɛ̌ dó Izlayɛ́li to ɔ́ wú lɛ́ɛ ɖíe: “Yě klá jɛ nǔ e nyí ce ɔ́ nu, yě klá jɛ ayǐkúngban e un ná Izlayɛ́li togun ce ɔ́ nu. Éɖíe, un ná ɖe togun dídá énɛ́ lɛ́ɛ tɔ́n sín to yětɔn mɛ. Un ná ɖe Judáa sín fɛn yětɔn mɛ.

Jelemíi 48:1

Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ dó Mɔwabu wú é ɖíe: “Awě tɛ́ ɖíe ká xo mɛ e ɖo Nɛbo toxo ɔ́ mɛ lɛ́ɛ e! È gba toxo yětɔn bǐ. Ahwi xo Kiliyatayimu toxo ɔ́, din ɔ́, kɛntɔ́ lɔ mɛ wɛ é ɖe. Ahwi xo toxo énɛ́ e mɛ kɛntɔ́ ma nɔ́ sixú byɔ́ gbeɖé ǎ é, é ɖu winnyá, è gba to ɔ́ bǐ.

Jelemíi 49:1

Xó e Mawu Mavɔmavɔ ɖɔ dó Amumɔ́ɔ ví lɛ́ɛ wú ɔ́ ɖíe: “Izlayɛ́li sɔ́ ɖó vǐ e ná ɖu toxo énɛ́ lɛ́ɛ sín gǔ ɔ́ ɖě ǎ wɛ a? Étɛ́wú vodún Milukɔ́mu ka klá jɛ Gadi yíkúngban ɔ́ nu ɖo Izlayɛ́li mɔ̌? Étɛ́wú Amumɔ́ɔ ví lɛ́ɛ wá cí toxo e ɖo Gadi yíkúngban jí lɛ́ɛ mɛ?”

Gbɛvíhan 3:61

Mawu Mavɔmavɔ, a se zun e zun mì wɛ yě ɖe lɛ́ɛ; a se gbě ce e blá wɛ yě ɖe lɛ́ɛ.

Ezekiyɛ́li 21:28

Jeluzalɛ́munu lɛ́ɛ mɔ ɖɔ nǔ énɛ́ e è kan bɔ é sɔ́ toxo émítɔn ɔ́, xó énɛ́ ɔ́, xó yǎyá wɛ, ɖó è dǒ akpá nú yě ɖɔ émí ná nya xɛ ɖo yě jí, bɔ yě ɖeji d'é wú. Lo ɔ́, Babilɔ́nu xɔ́sú ɔ́ flín yě ɖɔ yě kún nɔ gbejí ó, bó ɖɔ nú yě ɖɔ émí ná wlí kannumɔ yětɔn.

Ezekiyɛ́li 25:1

Mawu Mavɔmavɔ ɖɔ nú mì ɖɔ:

Ezekiyɛ́li 35:12

Énɛ́ ɔ́, a nǎ tunwun ɖɔ nyɛ Mawu Mavɔmavɔ ɔ́, un se lě e a zun Izlayɛ́li só lɛ́ɛ gbɔn é; ɖó a ɖɔ: ‘È ko gba Izlayɛ́li só lɛ́ɛ bǐ; din ɔ́, è jǒ yě nú mǐ bɔ mǐ nǎ yí yě bǐ.’

Ezekiyɛ́li 36:2

Xó e Aklúnɔ Mavɔmavɔ ɖɔ ɔ́ ɖíe: Kɛntɔ́ mitɔn lɛ́ɛ ko nǔ hahaha bó ɖɔ: ‘Izlayɛ́li só jɔwámɔ lɛ́ɛ ɔ́, mǐtɔn wɛ yě húzú din.’

Amɔ́si 1:13

Mawu Mavɔmavɔ ɖɔ: “Amumɔ́ɔ ví lɛ́ɛ ɔ́, nǔ e yě wa nyi do bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Đó yě jló ná gbló ada nú to yětɔn, bɔ é sín énɛ́ wú, bɔ yě zɛ nyɔ̌nu Galadinu e ɖo xo lɛ́ɛ sín adɔgo. Nǔ e wú un ma ná lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Amɔ́si 2:1

Mawu Mavɔmavɔ ɖɔ: “Mɔwabunu lɛ́ɛ ɔ́, nǔ e yě wa nyi do, bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Yě dǒ axɔ́sú Edɔ́mu tɔn ɔ́ sín xú lɛ́ɛ zo, bɔ xú lɛ́ɛ fyɔ́ bǐ gúnmígúnmí . Nǔ e wú un ma ná lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Sofoníi 2:10

Lě e Mawu Mavɔmavɔ ná dɔn tó nú yě ɖó jimakplɔ́n gbe yětɔn wú gbɔn ɔ́ nɛ́: yě zun Mawu Mavɔmavɔ Nǔbǐwúkpétɔ́ ɔ́ sín togun bo lɛ́ yí ayǐkúngban tɔn dó yětɔn jí.

Jozuwée 5:9

Énɛ́ ɔ́ gúdo ɔ́, Mawu Mavɔmavɔ ɖɔ nú Jozuwée ɖɔ: “Égbé ɔ́, un ɖe winnyá e mɛ mi nɔ, ɖo Ejípu ɔ́ nú mi.” Énɛ́ ɔ́ wú wɛ è nǎ nɔ́ ylɔ́ fí élɔ́ ɖɔ Gilugalu. Fí énɛ́ ɔ́ kpo ɖo mɔ̌ nyí wɛ káká jɛ égbé.